المساعد الشخصي الرقمي

مشاهدة النسخة كاملة : قصيدة الجن !

ابن العميد
07 / 09 / 2004, 54 : 05 PM
بسم الله الرحمن الرحيم
قصيدة الجن ) )
أو هكذا سميت ..

بسم الله الرحمن الرحيم !..
بسم الله الرحمن الرحيم !..
بسم الله الرحمن الرحيم !..

ذكر صاحبا ( الفنون الشعبية في الجزيرة العربية ) مايلي : ( حكى علي السناني من أهل المجمعة أنه نام في كهف في شعيب المشقر الذي تقع عليه المجمعة فسمع من الجن هذه الأبيات .. ورويت في كتاب
( لباب الأفكار) للشاعر .. محمد ابن لعبون :



يا قارع بالطار .. سم وأقرعه =وأعطيك عذقين ليالي الصرام
سقوى سقى الله وادي المجمعة =من بارق يوضي بجنح الظلام
الزرع مايسقم لمن ضيعه =والطرش مايسني بليا طعام
ياذا الحمام اللي لهنْ لعله =فوق الجرايد والخلايق نيام
بالله عليك .. الصوت لا ترفعه = تِقْعد غرير سابح بالمنام
توه .. صغير.. ما لقى مرضعه =مستنكر عقب الرضاع الفطام
الا سرى فا سري على مربعه =ثم أرجعي من عقبها للمنام
الموت جاني ما قويت أمنعه=وأثّـر بحالي .. واهني الفدام
خلخال سيدي وإن مشى تسمعه= قرع الجرس للي تقود الجهام
الصاحب اللي عشرته مسمعه =عليه مني كل يوم سلام
والصاحب اللي كزّ لي مردعه =عليه منى كل يوم سلام
شوفي بعيني مخطرة يذرعه= يسري تويلي الليل يم الهدام
وارجو ان تسموا .. قبل النوم ..
وتغطون.. زين !
وسامحونا
12/3 /1425 ابن العميد (6)
هبوب الشمال
07 / 09 / 2004, 41 : 11 PM
تسلم اخوى على النقل


ولك تحياتى وتسلم
هادي
08 / 09 / 2004, 24 : 07 AM
وش بلاك نويت تخوفنا

القصيده والقصه واقعه حقيقيه

ومشكوور على سردها لنا

وهذا خبري فيك ما تجيب الا الزين

سلام
reema2004
18 / 09 / 2004, 19 : 08 PM
حرام عليك مالقيت الاهاذي القصيدة انا قعدت طول الليل مانمت اتخيل الجن والاصوات ولما نمت حلمت بكوابيس 0000000لا تتعودلها.
ابن العميد
21 / 09 / 2004, 29 : 07 PM
الأخ هبوب الشمال
لك خالص الشكر والتقدير على مرورك

دمت وسلمت
ابن العميد
21 / 09 / 2004, 33 : 07 PM
الأخ هادي

يا اخي انت تخوف بلد ما شاء الله عليك


وما عاش اللي يخوفك



تحياتي لك
ابن العميد
21 / 09 / 2004, 37 : 07 PM
الأخت ريما 2004

وش يخوفك؟

اقرأي وردك وتغطي قبل تنامين
واسم الله عليك

وان ما فاد
نشوف لك من يقرأ عليك


تحياتي لك

دمت وسلمت