تجديد في مجال الكشتات (شعيب الغلغل)

[فارس تميم]

السلام عليكم ورحمة الله وبركاته

حيا الله الشباب كلهم والشابات ...

وبداية الفكرة ناوين التوجه إلى الصمان ولكن اثر العج الماضي وسوء الأجواء

قررنا تحويل الاتجاه خصوصا أن أبومحمد السبيعي يعلم بتلك المنطقة ..

توجهنا إلى حوطة بني تميم ومن ثم مدخل شركة ارامكوا بعد حوطة بني تميم

بقرابة الـ90 كم الى 100 كم ثم فرقنا مع اول شعيب شطاب وامرحنا فيه ليلة الخميس

الموافق 16 ربيع الأول 1430 هـ وبعد الفجر اتجهنا مع الردمية ودخلنا الى شعيب الغلغل

http://up111.arabsh.com/s/48hs3z8n01.jpg (http://up111.arabsh.com/)

وبعد مسافة توقنا في احدى الأشجار الكبيرة ..

وتقهوينا وعينا خير ..

http://up111.arabsh.com/s/jazsw9qkk6.jpg (http://up111.arabsh.com/)

من موقع أبعد ...

http://up111.arabsh.com/s/4i41c2kdrq.jpg (http://up111.arabsh.com/)

ثم انتقال الى داخل الشعيب وإلى آخر حد تصله السيارة ..
فرشنا الفرش وشبينا ع القهوة وتقهوينا ..

http://up111.arabsh.com/s/wcpyvf92qe.jpg (http://up111.arabsh.com/)

ثم شبينا غدانا أو عشانا بالأصح ... قبل المغرب

http://up111.arabsh.com/s/zpq27nx9pt.jpg (http://up111.arabsh.com/)

وبعدها رقدنا الى الفجر ...

على طلعة النور.. القهوة والحليب

http://up111.arabsh.com/s/p5gs8o0687.jpg (http://up111.arabsh.com/)

هذه طريقة أبومحمد وكانت رائعة جدا..

طريقة تشغيل السيارة عند عطل البطارية او السلف (ويشترط ان تكون عايدي)

وهي انك ترفع السيارة بالعفريته ثم تربط الواير وتلفه ع الكفر الخلفي وتلقمه الرابع

وتسحبه بأقوى ما تملك وبإذن الله تشتغل السيارة .. وجربناها وفعلا كانت ناجحة

http://up111.arabsh.com/s/op46gd4s0f.jpg (http://up111.arabsh.com/)


بعد الأفطار .. قررنا المشي داخل الشعيب بالأقدام..

http://up111.arabsh.com/s/2sxgrix7eo.jpg (http://up111.arabsh.com/)

http://up111.arabsh.com/s/coecd9aaiz.jpg (http://up111.arabsh.com/)

صورة بعد دخولنا قرابة الـ 3 كم وكان المشي في هالشعبان متعب حقيقة

http://up111.arabsh.com/s/ebxrr3g02h.jpg (http://up111.arabsh.com/)


بعدها وجدنا هذه القلته المليئة بالماء ...

صورة من الأعلى - من أول وهلة شفناها ..

http://up111.arabsh.com/s/k9vai19efv.jpg (http://up111.arabsh.com/)

أنا تحت الشلال لو فيه سيل - الله يجيب السيل -

http://up111.arabsh.com/s/t5ox79ngmp.jpg (http://up111.arabsh.com/)

أنا امام شجرة التين .. رائعة في هذا الشعيب ..

http://up111.arabsh.com/s/7v0hynachz.jpg (http://up111.arabsh.com/)

بعد وصولنا الى موقعنا وطيلة السير المتواصل .. أكثر من ثلاث ساعات ..

شبة الضو وتضبيط القهوة ..

http://up111.arabsh.com/s/obsvyqtq81.jpg (http://up111.arabsh.com/)


تقهوينا وشبينا غدائنا ... قرابة الساعة 4 عصر الجمعة ...

http://up111.arabsh.com/s/f5wainmjq2.jpg (http://up111.arabsh.com/)

وشرب الشاهي الى الساعة 7 ثم خرجنا من الشعيب وكنا قد دخلنا فوق الـ60 كم

انتهت الرحلة بسلام .....

تقبلوا تحياتي : أخوكم أبوفارس وإلى تقرير قادم بإذن الله ..

[سُلاَفْ القَصِيدْ]

تسلم اخوي فارس تميم على التقرير والصور الرائعه
صراحه الشعيب هذا شكله يخوف واول مره اسمع عنه
وتسلم يمينك وماقصرت وعساك على القوه

[الموادع]

تقرير وتغطيهـ رااائعهـ الله يعافيكـ اخوي فارس تميم ×××
مكاااااااااااااان خيااااااااااااااااااالي وممتع تسلم يمينكـ يالغالي ((((
دمت بخير وتقبل مروري ؛؛

[المهند]

تقرير رائع وجولة ممتعة ... ما شاء الله عليكم ناوين الصمان وتوجهتوا يمة الحوطة ...

أخوي أبوفارس لايفوتك وادي لجب إن كنت ممن يهوى الدخول في الشعبان والتمتع برؤية المياه وسماع هديرها ...

الله يعطيك العافية ولاهنت !!

[طير شلوى]

ماشاء الله تبارك الله

تقرير رائع كعادتكـ يالذيب

وطالع كنكـ ماوكلي مدري وش اسمه في هالشعيب هههههه مع هالحطبه

وكل تقرير لكـ يقول انا اروع واجمل من الآخر ...

واصل تألقك والى تقرير قادم بحول الله وقوته

[مخاوي سدير]

تقرير رائع سلمت يداك ودمت مبدع

مخاوي سدير ..

[المتحـ2007ـد]

لا جديد معك يا ابو فارس فأنت الابداع والمبدع دوماً

كشته راااائعه يا ابو فارس

كل الشكر لك والله يعطيك العافيه

[ماجدونا]

شـكــ وبارك الله فيك ـــرا لك ... لك مني أجمل تحية .

[فارس تميم]

تسلم اخوي فارس تميم على التقرير والصور الرائعه
صراحه الشعيب هذا شكله يخوف واول مره اسمع عنه
وتسلم يمينك وماقصرت وعساك على القوه



يا هلا بك اختي ...

ابد والله الشعيب وش زينه .. ونيس بالحييل . . يا هلا وشرفتي ..

[فارس تميم]

تقرير وتغطيهـ رااائعهـ الله يعافيكـ اخوي فارس تميم ×××
مكاااااااااااااان خيااااااااااااااااااالي وممتع تسلم يمينكـ يالغالي ((((
دمت بخير وتقبل مروري ؛؛

لاهنت يا أبو عبدالملك ...

سلمت والله يعافيك .. وشاكر مرورك //

[فارس تميم]

تقرير رائع وجولة ممتعة ... ما شاء الله عليكم ناوين الصمان وتوجهتوا يمة الحوطة ...

أخوي أبوفارس لايفوتك وادي لجب إن كنت ممن يهوى الدخول في الشعبان والتمتع برؤية المياه وسماع هديرها ...

الله يعطيك العافية ولاهنت !!

يا هلا بك يا المهند ...

الشكوى ع الله .. والتغيير مطلووب ..

وادي لجب - الله يسلمك - رحت له يجي خمس او ست مرات ..

الله يعافيك ... ونورت الصفحة بوجودك يا ذيب ..

[فارس تميم]

ماشاء الله تبارك الله

تقرير رائع كعادتكـ يالذيب

وطالع كنكـ ماوكلي مدري وش اسمه في هالشعيب هههههه مع هالحطبه

وكل تقرير لكـ يقول انا اروع واجمل من الآخر ...

واصل تألقك والى تقرير قادم بحول الله وقوته

أنت الأروع بمرورك يا أبو علي..

هذاي سمرة ياابسة يبناخي ...

بإذن الله تبارك وتعالى..

[فارس تميم]

لا جديد معك يا ابو فارس فأنت الابداع والمبدع دوماً

كشته راااائعه يا ابو فارس

كل الشكر لك والله يعطيك العافيه


سلمت يا المتحد ..

مرورك اسعدني..

لاهنت ...