جاكم بياع الخبل عباته

[أبـوحـمـد]

بسم الله الرحمن الرحيم



السلام عليكم ورحمة الله وبركاته


يحل( بياع الخبل عباته) ضيفا علينا من بدايه يوم الجمعه والسبت 2-3/3/1430هـ. فمرحبا به لاننا في اشتياق للنسمات البارده. ايام الجمعة والسبت والاحد تنخفض فيها درجات الحرارة باذن الله تعالى الى 11 درجه مئوية واخشى من تأثير ذلك على اسعار الحطب والبيجامات وادوية الزكام...!!!!
فمن خزن الملابس الشتوية عليه تجهيزها.

على طاري بياع الخبل عباته اليكم لماذا سمي بذالك




كان فيه رجال عنده عباة , ويوم انه تحول الجو
من البرد الى الحر مثل هالاوقات اللي تمر علينا
وما صدق على الله إنه يحس بالحر وهو يروح إلى السوق ويصوت .....
مين يشتري هالعباة يعني الفروة مين يشتريها مين يشتريها
وهو يجيه هاك الواحد قال بكم قال بكذاااااا
وباااع العباة
صار ايام بعد بيع العباة وهي تهب هاك الشمالية اللي تقص الضلوووووع
وهو يقعد يصيح من البرد ابي عباتي ابي عباتي
فقدوا يقولون له يالخبل
وسمي بذلك الاسم إلى يومنا هذا (( بياع الخبل عباته ))
ويتغير في اليوم الواحد الجو بصورة سريعه ويزداد الرياح فيها
ويتغير معدل درجات الحرارة إما بالإرتفاع وإما
بالإنخفاض بسرعه كبيرة
تكثر الأمراض في هذا الوقت
انتبهوا من الأمراض
وقانا الله وإياكم




وللعلم ما ازال احتفظ بعباتي لكي لا يقال عني اني ( خبل )!!!! هههههههههه



وهذا والله اعلم.



تحياتي للجميع..

[M!ss KSA]

ههههههههههههه مشكور ابوحمد على القصه ........

انا ماصدقت وجاء الحر جمعت كل هدوم الشتاء وطلعت حقات الصيف .........

وبسم الله تهب علينا هالرياح البارده وطيران للشنطه اطلع خلاقيني .............خخخخخخ

[أبـوحـمـد]

ههههههههههههه مشكور ابوحمد على القصه ........

انا ماصدقت وجاء الحر جمعت كل هدوم الشتاء وطلعت حقات الصيف .........

وبسم الله تهب علينا هالرياح البارده وطيران للشنطه اطلع خلاقيني .............خخخخخخ


هههههههههه لا صدقي وترها واقعيه وتحصل كثير معنا طلعي هدومك من الشنط حتى اشعار اخر يا ميس:35:

الله يعينا على الزكام ونهايه الشتاء على خير ان شاء الله

تحياتي لك اختي ..

[النجدي]

أنا الخبل الثاني وزيت فروتي ولبست ملابس الصيف وكلتها علقة هاليومين زكام وكحيح ...

لكن عندي دواه هالبرد ... إليا قالوا بدوا يصرمون النخل لبست ملابس الصيف

مشكور يا ابو حمد على المعلومة والقصة واحذر تبيع عباتك ترى البرد وجهه وجه ذيب ما يسرع ما يدخلك ...

[أبـوحـمـد]

أنا الخبل الثاني وزيت فروتي ولبست ملابس الصيف وكلتها علقة هاليومين زكام وكحيح ...

لكن عندي دواه هالبرد ... إليا قالوا بدوا يصرمون النخل لبست ملابس الصيف

مشكور يا ابو حمد على المعلومة والقصة واحذر تبيع عباتك ترى البرد وجهه وجه ذيب ما يسرع ما يدخلك ...


الله يعينا وياك يا النجدي لا توزي شي هاليومين كلها امراض وزكام والله يعينا على خير

ادبل دبل وما جاك مني:106:

تصدق اخر واحد يفصخ ثياب الشتاء انا اسياره مساير

الين يروح

تحياتي لك

على فكره المقطع الصوتي الي خبري خبرك ما اشتغل معي مدري ليش
حاولت لكن ما باليد حيله..
مشكور والله لا يهينك

[دموع انسانه]

لي اسبوووووووووووعين مدخله الملابس الشتويه السنه هاذي ماف برد

[مخاوي تمير]

بارك الله فيك يا ابو حمد على ايضاح هذا المثل الدارج في هذا الوقت

ففعلاً استعجلنا في لباس الثياب البيض وتخزين البجايم للسنة الجاية

عاد تصدق ابو حمد امس كنت بالرياض وكنت مشغل المكيف على البارد

واليوم سبحان الله ملبدين ومتلحفين الفروة كله من هذا البرد شفت وشلون

هذا التغير السريع ...

[أبـوحـمـد]

لي اسبوووووووووووعين مدخله الملابس الشتويه السنه هاذي ماف برد

اجل الله يعينك على تطليعهن من جديد:72:

تحياتي لك..

[سُلاَفْ القَصِيدْ]

صدقت اخوي الوقت هذا الجو متقلب ، مره حر ومره برد
مومشكله بس ياليت مايجي معه غبار اتعبنا
يارب يجيب الخير ويغسل الغبار
تسلم اخوي ولا هنت

[أبـوحـمـد]

بارك الله فيك يا ابو حمد على ايضاح هذا المثل الدارج في هذا الوقت

ففعلاً استعجلنا في لباس الثياب البيض وتخزين البجايم للسنة الجاية

عاد تصدق ابو حمد امس كنت بالرياض وكنت مشغل المكيف على البارد

واليوم سبحان الله ملبدين ومتلحفين الفروة كله من هذا البرد شفت وشلون

هذا التغير السريع ...







خذها قاعده لا تدخل ملابسك الين ينتهون في لقاح اخرنخله
ذاك الوقت سفط كشك وما جاك مني

اليوم كنت في الرياض وبرده اليوم غير امس وهذا مما يسبب الزكام وكثره الامراض

وتشغيله المكيف والله ما اايدها وخاصه هالوقت هذا انتبه لعمرك يا مخاوي

تراك في نجد وتقلبات اجوائها http://www.reaah.com/vb/images/smilies/147.gifhttp://www.reaah.com/vb/images/smilies/36_1_63.gif

تحياتي لك..

[أبـوحـمـد]

صدقت اخوي الوقت هذا الجو متقلب ، مره حر ومره برد
مومشكله بس ياليت مايجي معه غبار اتعبنا
يارب يجيب الخير ويغسل الغبار
تسلم اخوي ولا هنت


معليش الى خلاكم تتحملون الايام الي راحت تحملوالايام هذي كلها كم من يوم

وابشري بروايح الصيف والخير الى راح تغسل الغبار ان شاء الله

تحياتي لك يالراقيه..

[نسيم]

الخبل هذا يذكرني يابوحمد باللي يبي ينظم النشرة الجوية ونسيم موجود .
نسيم مهبول وطق بعصا هههههههههههههههههههههه
مشكور يابوحمد على القصة الرائعة ولاتنسى دام البرفي البر لاتامن البرد او ماهيب هي .

نسسسسسسسسسسسيم

[قلب الاسد]

حنا لقينا أحد يشتريها عشان نبيعها ...
ههههههههههههههههههههههه
الله يكفينا شرتقلبات الجو ... !!
ماأدري أنا ألبس كمامات والا ألبس فروه ...!!!

[أبوكدش]

السلام عليكم ورحمة الله وبركاته
صدقت اخوي الوقت هذا الجو متقلب ، مره حر ومره برد
مومشكله بس ياليت مايجي معه غبار اتعبنا
يارب يجيب الخير ويغسل الغبار
تسلم اخوي ولا هنت

[نسيم]

، مره حر ومره برد
مومشكله بس ياليت مايجي معه غبار اتعبنا

سمعت يابوحمد وش يقول ولد العثمان مايبي غبار .
تحياتي نسسسسسسسسسسيم

[أبـوحـمـد]

الخبل هذا يذكرني يابوحمد باللي يبي ينظم النشرة الجوية ونسيم موجود .
نسيم مهبول وطق بعصا هههههههههههههههههههههه
مشكور يابوحمد على القصة الرائعة ولاتنسى دام البرفي البر لاتامن البرد او ماهيب هي .

نسسسسسسسسسسسيم


اكيد انك تقصد واحد قريب ههههههhttp://www.reaah.com/vb/images/smilies/016.gif

انت ابخص منا في الامثله هذي يا نسيم

ويقولون اكبرمنك بيوم اعلم منك بسنهhttp://www.reaah.com/vb/images/smilies/e1(6).gif

تحياتي لك

[أبـوحـمـد]

حنا لقينا أحد يشتريها عشان نبيعها ...
ههههههههههههههههههههههه
الله يكفينا شرتقلبات الجو ... !!
ماأدري أنا ألبس كمامات والا ألبس فروه ...!!!

انت اصمل وراح تلقى من يشريها واسأل مجرب بس لا تتوهق وتبيع..

وفي هالوقت اللبس الاثنين كلهن يالله انهن يزينن شيhttp://www.reaah.com/vb/images/smilies/36_22_8.gif

تحياتي لك..

[أبـوحـمـد]

السلام عليكم ورحمة الله وبركاته
صدقت اخوي الوقت هذا الجو متقلب ، مره حر ومره برد
مومشكله بس ياليت مايجي معه غبار اتعبنا
يارب يجيب الخير ويغسل الغبار
تسلم اخوي ولا هنت

ههههههههههه البس كمامات

ان شاء الله يزين الجو ويجي الخير

ولازم تتعود على اجوائنا هذي :81:

[أبـوحـمـد]

، مره حر ومره برد
مومشكله بس ياليت مايجي معه غبار اتعبنا

سمعت يابوحمد وش يقول ولد العثمان مايبي غبار .
تحياتي نسسسسسسسسسسيم


اجل تحسبه مثلك ما شاء الله عليك
شابا شاهيك في العجاج..
حتى اللطمه ذابها وما يضرك شي
هههههههههه

[GLosS]

ايوالله مسوي بيلعب علينا هالبرد يوم صريم ويوم مهنآش وموت حرر

أجل شغلتوا المكيفآت انا شغلت المروحه ( نظآم قديم احس اخر من قآل مروحه مآت :S خخخخ) المهم يوم شغلته و تنزقني امي تقول هذا وقت الصخآين والزكمات وليتني سلمت زكمت لا وفي وقت الأختبارات أهئ أهئ

<< لايكثر خخخخخخخ

المهم الله يعدي هالأيآم علىآ خير ويكآفينا شر الامراض و الله يرزقنا الخير والمطر ان شاء الله

مشكور ابو حمد علىآ المعلومات ،،~

[أبـوحـمـد]

ايوالله مسوي بيلعب علينا هالبرد يوم صريم ويوم مهنآش وموت حرر

أجل شغلتوا المكيفآت انا شغلت المروحه ( نظآم قديم احس اخر من قآل مروحه مآت :S خخخخ) المهم يوم شغلته و تنزقني امي تقول هذا وقت الصخآين والزكمات وليتني سلمت زكمت لا وفي وقت الأختبارات أهئ أهئ

<< لايكثر خخخخخخخ

المهم الله يعدي هالأيآم علىآ خير ويكآفينا شر الامراض و الله يرزقنا الخير والمطر ان شاء الله

مشكور ابو حمد علىآ المعلومات ،،~

ههههههههههههههه تدرين وش المشكله انا الحين ان شغلت المروحه برد ان طفيناها حر

وان فتحنا الباب جت الذبان
وان سكرنا البيبان كلنا الباعووووووووووض

الحل الوحيد تلبسين ثياب الشتاء وتحمدين ربك عشان ما تصخنك وتصابين بالزكام والكحكحه

ثمين يشيلونك في http://www.reaah.com/vb/images/smilies/154.gif وترى هذا علاج الصخاين http://www.reaah.com/vb/images/smilies/36_1_40.gif


الله لا يوريك مكروووووه

تحياتي لك...

[نسيم]

طيب ابوحمد والبرد هذا وش اسمه .والله الظاهر البرد توه والخبل توه اللي باع عباته.
تحياتي لك نسيم

[أبـوحـمـد]

طيب ابوحمد والبرد هذا وش اسمه .والله الظاهر البرد توه والخبل توه اللي باع عباته.
تحياتي لك نسيم


الان لنا اكثر من اسبوع وحنا في بياع الخبل عباته يا نسيم وشكله هالسنه مطول

والله تغيرات وتقلبات جتنا فجئه..

الله يلطف بنا ان شاء الله..

تحياتي لك..