ابن العميد
05 / 09 / 2004, 09 : 02 PM
أخوتي واحبتي الأكارم ..
السلام عليكم ورحمة الله وبركاته..
استسمحكم .. عذرا ان اضع هذه القصيدة التي اعجبتني ..
لما تحمله في ثناياها من صدق التعبير والوصف ..
ودقة وجزالة اللفظ ..
وهي للشاعر / فهيد بن شرعان بن فاران الرمالي ..
وقد رواها البعض لغيره ..
الا ان القرائن تؤكد انها له من خلال الأماكن التي استشهد بها وانها من بيئته ..
واشكر من قام بتوثيققها وتزويدي بها كاملة ..
وهو الأستاذ الأديب / فيصل بن نجيفان ..
وقصتها باختصار ان الشاعر تزوج بنت عمه والتي احبها حبا عظيما..
وذات يوم كانت مع بعض النساء للري ,,
وكل وحدة منهن معها القربة..
وجاهم هاك البواق الدنيء ( اعزكم الله) ..
وطلب ان يقبلهن واللي ما توافق على طلبه يشق القربه اللي معها ..
وافقن مكرهات..
الا هالمرة اللي هي زوجة الشاعر..
فقام الدنيء بشق القربة..
فكرن خوياتها ..
قالن يمكن ننفضح !
فألصقن التهمة ان الدنيء حاول التمكن منها وانه شق القربة اثناء العراك..
ولما شاع الخبر .. ضربها وطلقها طلقة .. مرجعة..
فعلم الرجل البايق ..
فاعترف .. وانها لم تتجاوب معه مطلقا ..
ندم الشاعر وطلبها من عمه ان ترجع .. فرفض عمه..
فقال القصيدة..
واليكم القصيدة التي آمل ان تعجبكم ..
ياراكب ثنتين يشدن الاقواس =من دار ريضان الحجر حركني
مافوقهن كود الدويرع وجلاس =وسفايف بين اربع يلعبني
تحركن من عندنا حين الامراس =ومضى سواد الليل مابركني
حكـّن علم (عذفا) يسارن من الرأس =والظهر مع ورد (الحفر) يشربني
وحطو لهم مع هقلة الحضر بلاس = للحضر واللي بالخلا يسرحني
وليا لفيتوا عند مدقوق الالعاس =الجادل اللي بالمحبه محني
قولوا على حبل الرجا نطوي الياس =والبيض غيره كلهن يحرمني
ولو يندوي جرحي دويته بزفواس =ولأبني رفاف البيت منكم ومني
والله يعلم بالخفايا والآجاس =في ما مضى من صغر سنك وسني
وياعم ياللي طعت بي هرج الانجاس =طاوعت هرج الناس واخلفت ظني
طاوعت بي ياعم دايس ودرباس =وعوارض صدّقتها وابعدني
ومن لااخذ من درس الاسلاف نبراس =تمضي حياته بالرجا والتمني
واقفيت ادير بضامري كل هوجاس =على وليف بالحشا غاب عني
تكبي خواطرهم ليا جيت عساس =ولاتقل انا منهم ولاهمب مني
ومريت دار ماتقل جنة اوناس =وونيت ودموع العيون ذرفني
جيت المراح اللي به العشب محتاس =العشب في مضرب وسادة معني
محذا شبة الناس ومشتاقة الراس =وثلاث لايبكن ولا ينبكني
لي بنت عم ماوطت درب الادناس =ولادنـّست يوم النساء يدنسني
ضربتها وانا احسب الضرب نوماس =وطلقتها يوم افخت العقل مني
ياناس كيف العين تبكي على ناس =وكيف العيون بلا رمد يسهرني
لو ينشكي حبه على ذيب الاخماس =يسرح مع الطليان مايجفلني
ولو ينشكي حبه على طير قرناس =اضحى الضحى بمويكره مستكني
ولو ينشكي حبيه على قب الافراس =عيـّن نهار الكون لايفزعني
ولو ينشكي حبه على الميت ماناس =يثور من بين النصايب يوني
ولو البيوت مشددينه بالامراس =عين مع الخفرات لاينبنني
وحتى النجوم اللي مع الليل غلاس =لو ينشكي حبه لهن وقفني
ولو ان (غوطة) (ام سلمان ) واضراس =يدرن بماقلبي لقلبه يكني
تلقى سهل( جبة) هضاب ومنحاس =وحتى الجبل بالقاع صار متثني
اشرفت (رأس ضراس) من فوق الاطعاس = ولالوم طراد الهوى لو يجني
هليت دمع العين واوميت بالراس =ورافقت كور العيس ياما ابعدني
ورفعت نفسي عن شبا كل وسواس =البعد ..احلى من حياة التمني
انا زبون الحرد للخيل مدباس =ياكلشن شهب الشوارب نخني
نفسي تشوم عن التدلبح مع الساس =ولاعاش من هو عن رفيقه يكني
من شيدوا (زينة ) على غيد واغراس =ليا نسيت رسومهم ذكرني
ياعم انا لي طلبة الراس بالراس =ياعم شوف رسومهم ماانمحني
ولو صرت ان القلاع ماشلت الاضراس =والموس مايقطع بليا مسني
لا صار ماربعن على الرائ جلاس =وجنحان طير السعد يلفحني
نصير دوم للصقاقير مدواس =مثل الذي يسمع صفير المغني
والله يلولا بكرة يبو ونـّاس =حبه سكن باقصى الضماير محني
والله .. لو هي ماتبيني فلا باس =لاشك خبثان النفوس طردني
وانا احمد اللي خالق كل الانفاس =وجعل وساع القاع مافيه مني
دار بدار ولامناخات الانجاس =لا صار مايمناك عنـّك تزني
في بلدة الغراف من جملة الناس =ولا نيب من يرجي الخلايق تحني
دار به الاكرام والطيب به ساس =دايم تذكرني ليال مضني تحياتي لكم
دمتم بخير وعافية
السلام عليكم ورحمة الله وبركاته..
استسمحكم .. عذرا ان اضع هذه القصيدة التي اعجبتني ..
لما تحمله في ثناياها من صدق التعبير والوصف ..
ودقة وجزالة اللفظ ..
وهي للشاعر / فهيد بن شرعان بن فاران الرمالي ..
وقد رواها البعض لغيره ..
الا ان القرائن تؤكد انها له من خلال الأماكن التي استشهد بها وانها من بيئته ..
واشكر من قام بتوثيققها وتزويدي بها كاملة ..
وهو الأستاذ الأديب / فيصل بن نجيفان ..
وقصتها باختصار ان الشاعر تزوج بنت عمه والتي احبها حبا عظيما..
وذات يوم كانت مع بعض النساء للري ,,
وكل وحدة منهن معها القربة..
وجاهم هاك البواق الدنيء ( اعزكم الله) ..
وطلب ان يقبلهن واللي ما توافق على طلبه يشق القربه اللي معها ..
وافقن مكرهات..
الا هالمرة اللي هي زوجة الشاعر..
فقام الدنيء بشق القربة..
فكرن خوياتها ..
قالن يمكن ننفضح !
فألصقن التهمة ان الدنيء حاول التمكن منها وانه شق القربة اثناء العراك..
ولما شاع الخبر .. ضربها وطلقها طلقة .. مرجعة..
فعلم الرجل البايق ..
فاعترف .. وانها لم تتجاوب معه مطلقا ..
ندم الشاعر وطلبها من عمه ان ترجع .. فرفض عمه..
فقال القصيدة..
واليكم القصيدة التي آمل ان تعجبكم ..
ياراكب ثنتين يشدن الاقواس =من دار ريضان الحجر حركني
مافوقهن كود الدويرع وجلاس =وسفايف بين اربع يلعبني
تحركن من عندنا حين الامراس =ومضى سواد الليل مابركني
حكـّن علم (عذفا) يسارن من الرأس =والظهر مع ورد (الحفر) يشربني
وحطو لهم مع هقلة الحضر بلاس = للحضر واللي بالخلا يسرحني
وليا لفيتوا عند مدقوق الالعاس =الجادل اللي بالمحبه محني
قولوا على حبل الرجا نطوي الياس =والبيض غيره كلهن يحرمني
ولو يندوي جرحي دويته بزفواس =ولأبني رفاف البيت منكم ومني
والله يعلم بالخفايا والآجاس =في ما مضى من صغر سنك وسني
وياعم ياللي طعت بي هرج الانجاس =طاوعت هرج الناس واخلفت ظني
طاوعت بي ياعم دايس ودرباس =وعوارض صدّقتها وابعدني
ومن لااخذ من درس الاسلاف نبراس =تمضي حياته بالرجا والتمني
واقفيت ادير بضامري كل هوجاس =على وليف بالحشا غاب عني
تكبي خواطرهم ليا جيت عساس =ولاتقل انا منهم ولاهمب مني
ومريت دار ماتقل جنة اوناس =وونيت ودموع العيون ذرفني
جيت المراح اللي به العشب محتاس =العشب في مضرب وسادة معني
محذا شبة الناس ومشتاقة الراس =وثلاث لايبكن ولا ينبكني
لي بنت عم ماوطت درب الادناس =ولادنـّست يوم النساء يدنسني
ضربتها وانا احسب الضرب نوماس =وطلقتها يوم افخت العقل مني
ياناس كيف العين تبكي على ناس =وكيف العيون بلا رمد يسهرني
لو ينشكي حبه على ذيب الاخماس =يسرح مع الطليان مايجفلني
ولو ينشكي حبه على طير قرناس =اضحى الضحى بمويكره مستكني
ولو ينشكي حبيه على قب الافراس =عيـّن نهار الكون لايفزعني
ولو ينشكي حبه على الميت ماناس =يثور من بين النصايب يوني
ولو البيوت مشددينه بالامراس =عين مع الخفرات لاينبنني
وحتى النجوم اللي مع الليل غلاس =لو ينشكي حبه لهن وقفني
ولو ان (غوطة) (ام سلمان ) واضراس =يدرن بماقلبي لقلبه يكني
تلقى سهل( جبة) هضاب ومنحاس =وحتى الجبل بالقاع صار متثني
اشرفت (رأس ضراس) من فوق الاطعاس = ولالوم طراد الهوى لو يجني
هليت دمع العين واوميت بالراس =ورافقت كور العيس ياما ابعدني
ورفعت نفسي عن شبا كل وسواس =البعد ..احلى من حياة التمني
انا زبون الحرد للخيل مدباس =ياكلشن شهب الشوارب نخني
نفسي تشوم عن التدلبح مع الساس =ولاعاش من هو عن رفيقه يكني
من شيدوا (زينة ) على غيد واغراس =ليا نسيت رسومهم ذكرني
ياعم انا لي طلبة الراس بالراس =ياعم شوف رسومهم ماانمحني
ولو صرت ان القلاع ماشلت الاضراس =والموس مايقطع بليا مسني
لا صار ماربعن على الرائ جلاس =وجنحان طير السعد يلفحني
نصير دوم للصقاقير مدواس =مثل الذي يسمع صفير المغني
والله يلولا بكرة يبو ونـّاس =حبه سكن باقصى الضماير محني
والله .. لو هي ماتبيني فلا باس =لاشك خبثان النفوس طردني
وانا احمد اللي خالق كل الانفاس =وجعل وساع القاع مافيه مني
دار بدار ولامناخات الانجاس =لا صار مايمناك عنـّك تزني
في بلدة الغراف من جملة الناس =ولا نيب من يرجي الخلايق تحني
دار به الاكرام والطيب به ساس =دايم تذكرني ليال مضني تحياتي لكم
دمتم بخير وعافية