الغيور
31 / 08 / 2004, 01 : 03 AM
بسم الله العظيم الاعظم
هذي قصتي عند الانظمام اليكم غصب من ورى خشمي >> بدي يخور والشكر كل الشكر للعضوة المتميزة التى لا تألو جهداً في خدمة هذا الصرح العملاق التي دعتني وعرفتني بمنتداكم الرائع >> يقالك يتمصلح لا يشوتونه .
اقول العربية تزنط شوي اسمحو احوس امين التشخيص و افك الغالوقة والكبك وامدد الرجلين واطلع السيقان واخذ راحتي والله يعينكم على خلطه من المصاله و ثقل الدم و البثارة والدندره .
شولونكم شوكيف حالكم يقالك يرطن لبناني هذا موضوعي عساه يجوز لكم ادري اني داخل عرض بس العذر والسموحة اخوكم عجاز مره ولا يهونون الزوله ودندره ولا يهونون الهنود اذا انطلقو بالهذر ( دندره لغير الناطقين باللغة الدندريه يعني هذره يقالك وضحت الحين ) .
المفروض اجامل واكسب صداقات وشعبية حشى داخل انتخابات بس الله يخلف من جنبها ما هنا ذرابه يعني دفش .
كني بكم ودكم ترجفوني واللي يقول لا يكثر اخلص علينا وش عندك بس ارجع واقول اموت على الدندره والوسيلة تبرر الغاية مدري الغاية تبرر الوسيلة يمديكم على اللغة .
طيب لا تعصبون السالفة وما فيها وحده شعلة من النشاط هي اللي دعتني للمنتدى وجزاها يوم تدعيني بعلمكم بسالفتها
هي كاملة الاوصاف ما شاء الله تقول للشين وخر وتجلس مكانه والعربجه متأذيه منها وطوالة اللسان تسكت الرادو وهي ما تسكت هذي تعريف الله يسلمكم اللي هي بطلت قصتنا حشى صار مسلسل :-
يوم من الايام كنت رايح للكلية بجيب اختى وافرح اذا تاخرت على ما اقول شي بس ياويلها اذا تأخرت الصبح اذا جينا نطلع من البيت انواع شينة النفس وعفط الخشة بس اذا جينا راجعين للبيت انواع التمصلح والتليوق وتسحيب الاخبار ليش مدري لا تسئلوني .
وقت مستقطع محدثكم يكتب الموضوع وجاه واحد سولف معه وذكره ان الدراسة بقي عليها حول اسبوعين وتبدا الدراسة يعني بعد اسبوعين يبدأ الترزز عن الكلية >>> ياكثر دندرته .
المهم نرجع لموضوعنا ايه السالفة الله يسلمكم كنت مرتز عن الكلية انتظر اختي تطلع وانا ادعي بلقبي جعلها تتأخر استانس اذا تأخرت لا تفهموني غلط مهوب قصدي اني ابحلق بخلق الله ولا شي لا ما ابي اختي الريشا المطفوقة تستعجل والا تنسى كتاب اوتنسى تودع صديقاتها ايه هين احلف @
وانا جالس بالسيارة ومنشد اتابع اللي انا اشوف قدامي تراه واحد مسيكين كبير بالسن يبي يقطع الشارع ايه يقولونه @ ما انتبهت الا باب السيارة الخلفي ينفتح وهلت معه روايح العطورات اللي بغى يغمى على من ريحتها يوم صفقت بخشمي استغربت الباب الخلفي وعطورات و اختى بالعاده تركب قدام وما تحط هالعطورات لو يطلع جدي من القبر حدها عطر ابو طير بخمستريل ودرزنه بخمسين ترا فيه منه نسائي وناوين هالسنة نتهور ونشتري درزن وان تطورت اختي وقطعت قلبها والعيد على الابواب راحت لوشيقر وشرت عطر غالي بخمستعش ريال وقعد عندها للعيد الجاي هذا كانها مسرفه او فيه مناسبات عروس بالصيف والا العادة كل سنتين تروح لوشيقر تقضى .
المهم يوم انصك باب السيارة البدت يعني تسمرت و نطلت اذني وراى وصديت بوجهي يسار بشوف هي اختي تهورت وخلت وحده من صديقاتها تعطرها من عطرها كان ما يردني الا حي السفارات اطلع لختي تاشيرة تدرس برا يعني تطورت .
المهم وسمع اللي تهوش وتهزأ فيي تهزيئ يحبه قلبكم ليش اتأخر مع العلم اني ماتأخرت مرتكز من حدعش ونصف عند باب الكلية المهم تاكد ان اللي ركبت مهيب اختي قلت اكيد هالبنية عندها موعد مهم قصدي عندهم عزيمة وتاخر عليها سواقها عاد ما ودي اقولكم ان بوهتي وسحنتي ما من بعد عن السواويق بس على بثارة شوي ولا يجي عندي اطلق بنقالي شي .
ايه وهوش وتهزيئ وانا قالط باذاني يوم قزيتها بالمرايه بنصف عين الا البنية راميه الشايله او الغطوه والشعر منثور ولاهيه بعمرها وتهوش وهي ما لقت لي بال حاقرتني يوم طولت ما شغلت السيارة وتنزرني هاك النزره اللي بغت تطيريني من القزاز القدامي ( وجع ليش ما تشغل السيارة ياغبي ما تسمع الباب تسكر ).
هي قالت غبي !! انا فزيت لا يروح مخكم بعيد تحسبوني بهاوشها لا اللي حيرني وش دراها اني غبي اكيد ساحره .
وانا ساكت وما رديت مهوب لكاعة فيني الا روعة .
عاد تشجعت و التفت عليها بطلتي المعهوده والله يالبنقالي ما يجي عندي شي اذا صار توه قايم من النوم وشوشته منتفشه @ يوم شافت وجهي الله ياهي فشلت فشيله اول مرة القى وحده تفشل مني بالعاده كلهم دايسين مهابتي >> من زين شكلك والله .
المهم يوم شافت شكلي ضفضفت اغراضها بسرعة و نزلت من السيارة حتى الشيله ما لبستها مدري هو طيحت وجه او حياء او روعة .
بس اللي محيرني للحين وما لقيت له تفسير وشلون ما استنكرت ريحت سيارتي اللي من ريحتها الشركات الفرنسية لتصنيع العطور للحين يتنافسون على شراء حقوق برائة الاختراع .
وترا كله هرج يعني خذو وخلو يا ضريف الطول عين الحسود فيها عود .
العذر والسموحة منكم المرة الجاية نقولكم منهي ووشلون دلتني على المنتدى الراااائع بمشرفيه واعضائة
ولو اني علمت منهي بالموضوع الاول
ولكم تحياتي
هذي قصتي عند الانظمام اليكم غصب من ورى خشمي >> بدي يخور والشكر كل الشكر للعضوة المتميزة التى لا تألو جهداً في خدمة هذا الصرح العملاق التي دعتني وعرفتني بمنتداكم الرائع >> يقالك يتمصلح لا يشوتونه .
اقول العربية تزنط شوي اسمحو احوس امين التشخيص و افك الغالوقة والكبك وامدد الرجلين واطلع السيقان واخذ راحتي والله يعينكم على خلطه من المصاله و ثقل الدم و البثارة والدندره .
شولونكم شوكيف حالكم يقالك يرطن لبناني هذا موضوعي عساه يجوز لكم ادري اني داخل عرض بس العذر والسموحة اخوكم عجاز مره ولا يهونون الزوله ودندره ولا يهونون الهنود اذا انطلقو بالهذر ( دندره لغير الناطقين باللغة الدندريه يعني هذره يقالك وضحت الحين ) .
المفروض اجامل واكسب صداقات وشعبية حشى داخل انتخابات بس الله يخلف من جنبها ما هنا ذرابه يعني دفش .
كني بكم ودكم ترجفوني واللي يقول لا يكثر اخلص علينا وش عندك بس ارجع واقول اموت على الدندره والوسيلة تبرر الغاية مدري الغاية تبرر الوسيلة يمديكم على اللغة .
طيب لا تعصبون السالفة وما فيها وحده شعلة من النشاط هي اللي دعتني للمنتدى وجزاها يوم تدعيني بعلمكم بسالفتها
هي كاملة الاوصاف ما شاء الله تقول للشين وخر وتجلس مكانه والعربجه متأذيه منها وطوالة اللسان تسكت الرادو وهي ما تسكت هذي تعريف الله يسلمكم اللي هي بطلت قصتنا حشى صار مسلسل :-
يوم من الايام كنت رايح للكلية بجيب اختى وافرح اذا تاخرت على ما اقول شي بس ياويلها اذا تأخرت الصبح اذا جينا نطلع من البيت انواع شينة النفس وعفط الخشة بس اذا جينا راجعين للبيت انواع التمصلح والتليوق وتسحيب الاخبار ليش مدري لا تسئلوني .
وقت مستقطع محدثكم يكتب الموضوع وجاه واحد سولف معه وذكره ان الدراسة بقي عليها حول اسبوعين وتبدا الدراسة يعني بعد اسبوعين يبدأ الترزز عن الكلية >>> ياكثر دندرته .
المهم نرجع لموضوعنا ايه السالفة الله يسلمكم كنت مرتز عن الكلية انتظر اختي تطلع وانا ادعي بلقبي جعلها تتأخر استانس اذا تأخرت لا تفهموني غلط مهوب قصدي اني ابحلق بخلق الله ولا شي لا ما ابي اختي الريشا المطفوقة تستعجل والا تنسى كتاب اوتنسى تودع صديقاتها ايه هين احلف @
وانا جالس بالسيارة ومنشد اتابع اللي انا اشوف قدامي تراه واحد مسيكين كبير بالسن يبي يقطع الشارع ايه يقولونه @ ما انتبهت الا باب السيارة الخلفي ينفتح وهلت معه روايح العطورات اللي بغى يغمى على من ريحتها يوم صفقت بخشمي استغربت الباب الخلفي وعطورات و اختى بالعاده تركب قدام وما تحط هالعطورات لو يطلع جدي من القبر حدها عطر ابو طير بخمستريل ودرزنه بخمسين ترا فيه منه نسائي وناوين هالسنة نتهور ونشتري درزن وان تطورت اختي وقطعت قلبها والعيد على الابواب راحت لوشيقر وشرت عطر غالي بخمستعش ريال وقعد عندها للعيد الجاي هذا كانها مسرفه او فيه مناسبات عروس بالصيف والا العادة كل سنتين تروح لوشيقر تقضى .
المهم يوم انصك باب السيارة البدت يعني تسمرت و نطلت اذني وراى وصديت بوجهي يسار بشوف هي اختي تهورت وخلت وحده من صديقاتها تعطرها من عطرها كان ما يردني الا حي السفارات اطلع لختي تاشيرة تدرس برا يعني تطورت .
المهم وسمع اللي تهوش وتهزأ فيي تهزيئ يحبه قلبكم ليش اتأخر مع العلم اني ماتأخرت مرتكز من حدعش ونصف عند باب الكلية المهم تاكد ان اللي ركبت مهيب اختي قلت اكيد هالبنية عندها موعد مهم قصدي عندهم عزيمة وتاخر عليها سواقها عاد ما ودي اقولكم ان بوهتي وسحنتي ما من بعد عن السواويق بس على بثارة شوي ولا يجي عندي اطلق بنقالي شي .
ايه وهوش وتهزيئ وانا قالط باذاني يوم قزيتها بالمرايه بنصف عين الا البنية راميه الشايله او الغطوه والشعر منثور ولاهيه بعمرها وتهوش وهي ما لقت لي بال حاقرتني يوم طولت ما شغلت السيارة وتنزرني هاك النزره اللي بغت تطيريني من القزاز القدامي ( وجع ليش ما تشغل السيارة ياغبي ما تسمع الباب تسكر ).
هي قالت غبي !! انا فزيت لا يروح مخكم بعيد تحسبوني بهاوشها لا اللي حيرني وش دراها اني غبي اكيد ساحره .
وانا ساكت وما رديت مهوب لكاعة فيني الا روعة .
عاد تشجعت و التفت عليها بطلتي المعهوده والله يالبنقالي ما يجي عندي شي اذا صار توه قايم من النوم وشوشته منتفشه @ يوم شافت وجهي الله ياهي فشلت فشيله اول مرة القى وحده تفشل مني بالعاده كلهم دايسين مهابتي >> من زين شكلك والله .
المهم يوم شافت شكلي ضفضفت اغراضها بسرعة و نزلت من السيارة حتى الشيله ما لبستها مدري هو طيحت وجه او حياء او روعة .
بس اللي محيرني للحين وما لقيت له تفسير وشلون ما استنكرت ريحت سيارتي اللي من ريحتها الشركات الفرنسية لتصنيع العطور للحين يتنافسون على شراء حقوق برائة الاختراع .
وترا كله هرج يعني خذو وخلو يا ضريف الطول عين الحسود فيها عود .
العذر والسموحة منكم المرة الجاية نقولكم منهي ووشلون دلتني على المنتدى الراااائع بمشرفيه واعضائة
ولو اني علمت منهي بالموضوع الاول
ولكم تحياتي