أهمال من بلدية تمير نرجو تعليق وشكرا

[طيخ من تحت شجره]

http://www.tumaer.com/vb/images/icons/icon42.gif
http://up.joreyat.org/24Jan2009/aa95ae6bab382eba6a97233d1b683ed6.jpg

الإهمال يا بلدية تمير

وهل ننتظر أن يأتي شخص ويطير هالماصورة مثل أختها (http://up.joreyat.org/24Jan2009/aa95ae6bab382eba6a97233d1b683ed6.jpg):؟؟؟؟؟؟؟؟؟؟؟؟ ؟؟؟؟؟

[M!ss KSA]

؟؟؟ ..........

الماصوره بين شارعين وين المشكله .......؟؟

[L O R D]

مأشوف انها خطرهـ

ولاتدققون واجد

الله يعين

ههههههههههههه

[أبن عقيل]

مشكله للي بيديور فقط والباقي مافيه مشكله خله يولي
الله يعطيك العافيه على هذه الملاحظه

[المهند]

القضية في مجيئها بين شارعين ... وخصوصاً في الملف والمديور ...

مثل هذه الشكليات كثيرة .. ولعل تنظيمها يعاد بعد الانتهاء من المشروع الكبير لتحسين مدينة تمير

[ابو الوليد]

القضية في مجيئها بين شارعين ... وخصوصاً في الملف والمديور ...




اخي المهند بالبداهه ياحبيبي انه كان رصيف ثم شالو الرصيف وان شاء الله بيشولونها بس فيكم قل صبر والدليل انه مازفلت الى ألحين
ومااشوف ان الموضوع مزعج لهادرجة وشكرا لكم

[الطيف الأزرق]

بلدية تمير قصة تحكي إخفاقات من فيها من يمثل دور البطل

[قابوس تمير]

مشكورر طيخ..... لكن هذي تهون عند الدوار الي حاطينة آخر تمير دمر الناس وصدمو فيه وآخرها يوم الخميس في الليل مدري وش يحترون عشان ينورونه وتنتبه الناس له :109:..... الله لايوفق من حطة

[شوق القصيم]

والله انكم ناااس فاضيه مافيه اي اشكال في الصوره الله يهديكم

[قائدالأسود]

مشكورر طيخ..... لكن هذي تهون عند الدوار الي حاطينة آخر تمير دمر الناس وصدمو فيه وآخرها يوم الخميس في الليل مدري وش يحترون عشان ينورونه وتنتبه الناس له :109:..... الله لايوفق من حطة




عادي اخوي هم يحترون احد يموت فيه عشان يقشونه مره وحده
او يحترون احد من ابنائهم يصطدم به حتي يقلعونه من جذره
اتمنى ان يصطدم به المسؤل عن الدواراو احد من ابناء المسؤلين عن الدوار
عشان يعرفون قيمته صح

[القلب الجريح]

لو مافيه بلديه كان شوارع تمير في احسن مايكون
بلديه دمار دمار ؟؟؟؟؟؟؟

[مرحبا1000]

بلديه تمير لها اجتهادته ولاكن لانعذرهم

[MyLoVeLy]

اخي المهند بالبداهه ياحبيبي انه كان رصيف ثم شالو الرصيف وان شاء الله بيشولونها بس فيكم قل صبر والدليل انه مازفلت الى ألحين
ومااشوف ان الموضوع مزعج لهادرجة وشكرا لكم

فعلا الموضوع ما هو مزعج لها الدرجه عادي اشوفك داخل وسطها مادريت في الليل وكل شي جايز .......

[ساكن المجبب]

الديره كلها شارعين بالطول وشارعين بالعرض .... تتوقع عندهم شغل الدنيا يعني !!!

بالعكس الشغله ماتستاهل انها تتأخر كل هالوقت ... وش ضرهم لو كان التنسيق مع الكهرب او الشركة اللي تسوي الشارع احسن شوي من كذا .... وشالوه
واللي نقد وانتقد لانه يحب ديرته تصير احسن ويدري انها ممكن تصير

تحياتي للجميع

[الدواسر كواسر]

مشكورر طيخ..... لكن هذي تهون عند الدوار الي حاطينة آخر تمير دمر الناس وصدمو فيه وآخرها يوم الخميس في الليل مدري وش يحترون عشان ينورونه وتنتبه الناس له :109:..... الله لايوفق من حطة


يارجل مو بس في مدينتا الحبيبه تمير تتشكون حتى في الرياض نتشكى
وهذا الدوار يمر فيه تقريبا ً ما يقارب من 50 الى 100 شخص يوميا ً مو مثل اللي في الرياض (( اللي عندنا )) وهذه السالفه //
من راى فيكم الرصيف الذي وضع قبل فتره امام جامعه الملك سعود الذي جاء بالغلط على طريق الملك خالد وانت متجه شمالا ً

وضعوه خلال اسبوع واحد فقط وتعدى الاحصائيات المتوقعه في الحوادث كل يوم امر امامه واشهد حادث شنيع ياما داخل تحت قلابي او مطير فيه واحد وفي الاخير شالوه كان ما صر شي يوم كثرت فيه الوفايات وسبب للناس الحدوث والمشقه وضيق الشارع مما سبب الازدحام ...... الخ

طايحين فينا تجارب ما عندهم تفكير ما الوم تمير يوم انهم صاكين دوار في اخر الدنيا والله ما الومهم

وابشركم اللحين شالوه والحمد لله
بالعربي شغلنا في السعوديه همج في همج على قولتنا عايشين على البركه

وهذ مما اشاهده

لاحياه لمن تنادي هذا ما نقوله

وووالسلام

[المهند]

اخي المهند بالبداهه ياحبيبي انه كان رصيف ثم شالو الرصيف وان شاء الله بيشولونها بس فيكم قل صبر والدليل انه مازفلت الى ألحين
ومااشوف ان الموضوع مزعج لهادرجة وشكرا لكم

التأخرات الحاصلة في الزفلتة والرصف كلها بسبب دراسات مهندسين .. وكما ذكرت أن شكليات هذه كثيرة منها ماهو في حارتنا .. حيث أن الماصورة في وسط الطريق ... ولازالت ..

مشكلتنا أننا لانعدل أي غلط .. إلا بعد أن نكتشف أنه خطر بتجربته على أحد المواطنين ..

في آخر الاسبوع الماضي وقع حادث في دوار البراميل .. فتم التعديل ورفع البراميل بعد أن كانت داخل الدوار إلى خارجه ...
أخطاء بلديتنا ومتابعة شرطتنا .... لانراها إلا بعد أن يقع الفأس على الرأس !!!

[عدنان $$$]

الكل مشكور
العتب الوحد سواء في هذا الموضوع أو غيره هو تجاوز بعض الأعضاء والدعاء على أخيه المسلم أو على أحد أقاربه والدعاء على أخيك المسلم لا يجوز
شوي من الركاده

[دلوعه تمير]

والله حرام عليهم لو يجي شايب با اليل ومايشوفها ما يخافون ربهم موقعها غلط بغلط

[قلب الاسد]

يمكن ودهم يحطونه دوار والماسوره في وسطها بس مستحين ...!!!

[MyLoVeLy]

يمكن ودهم يحطونه دوار والماسوره في وسطها بس مستحين ...!!!

ههههههههههههههههههههههههههههههه

حلوه ياقلب الاسد بس التطووووووووووور مشكله في تمير وخاصه حقين الشهادات الليلي

تحياااااااااااااااااااتي

[المهند]

الرسالة وصلت ...

والشكر للجميع على المداخلات .... وتبادل وجهات النظر ...