عشان كذا الصرافات زحمه ...!!!

[قلب الاسد]

يوم 25 من الشهر ...
موعد استلام الرواتب ...
وطبيعي في هاليوم تلقى الصرافات غاصه من هالأوادم وصفة هالسيارات ...
ودايم في هاليوم تتعطل الصرافات .. وحظ اللي يلقى له صرافه صاحيه ..حتى لوها زحمه ...
مالك الاتمسك سرا مع هالناس ..!!
مربط الفرس من هالمقدمه ..
حصل موقف وحبيت انكم تشاركوني فيه...
وتقولون لي وش موقفكم لو شفتوا اللي شفته ..؟؟؟
يوم الخميس 25 ناقصني فلوس قلت خلني أروح أدور لي صرافه نصرف منها ..
قلت مالي الا بنك الراجحي خابر فيه صرافتين في نفس البنك وصرافه للسيارت ..
يعني ماراح يطول السحب .. وأنا نازل من سيارتي لاحظت صرافة السيارات متعطله ..
وأشوف الزحمه عند الصرافتين ..وللأسف طلعت وحده منهن عطلانه ..
وأمسك سرا مع هالعالم .. الشكوى لله .. كلها خمس دقائق ونخلص ..
والا هاللي ناشب في هالصرافه قاعد يسدد فاتوره >> يعني حبكت تسددها في هاليوم ...!!!!
وياما مدخل هالبطاقه وياما مطلعها ولايعرف كيف طريقة التسديد وكل شوي يعيد العمليه
تقريبا أكثر من خمس دقايق وهو متوهق المهم في الأخير أستعان بأقرب واحد عنده
>> ليتك من زمان مستعين به .. مسوي نفسك فاهم الدعسه..!!!
ماقصر اللي فزع معه ضبط له كلش دخل له رقم حساب الفاتوره وطلع له على الجهاز
قيمه الفاتوره 600 ريال مابقى على خوينا ابوالعريف الا بس يضغط على الموافقه من عدمها ..
شاف السعر وأوجعه بطنه وتردد .. الا واحد من هالملاقيف اللي ماسكين سرا يقول
تأكد منها ..هو قالها ذا الملقوف والاماقالها الاخوينا يقول لا والله ماني متأكد منها ..
وهواللي يلغي العمليه ... ويركب سيارته ولا حتى قال للي لاطعهم معليش ..!!!
اللحين زارعنا كل هالوقت وفي الأخير تقول ماني متأكد منها >>> ياوجه أستح .. !!
عاد وش رأيكم أكيد هذه عينه من عينات مايحنط تسدد فواتيرها
الا في اليوم اللي تنزل فيه الرواتب .. !!
وعشان كذا الصرافات زحمه ..!!!

[GLosS]

يعني حبكت تسددها في هاليوم ...!!!!

الله يقطع شيطآنك ههههههههههههههههإي



هههههههههههههههههههههههههههههههههأإي

تصدق عآد إني رحمتهـ <= بتسطر شكلي،،، لأني ماجربت ههههه

بس شكله شآيبـ ولا....؟!

ترىآ الوآحد لامنه كآن مستعجل وورآهـ نآس وعالم تقوله عجل وتخرشهـ قسم بالله ينسىآ وش يبي وينسىآ وش الدبره <= أسآل مجرب

يعني مآلومه تسآنه قآم يخبص ومرتآع يمكن << تقل محآمي غآديه لهـ .

أتوقع أن فآتورت البيت يمكن الكهرب ولا جوآله وهيك يعني طآفي فمآصدق طلعت الفآتوره الأ خويك ذا رآيح يسدد ..

يمكن علىآ دربهـ مر قآل مرتن وحده نسحب و نسدد .......

ولو هو متآسف للي ورآهـ تسآن قلت مسيكين صدز بس شكلهـ خربت أخلآقه يوم شآف الفآتورهـ ستميه و رآحت بهـ الآفكآر يمين ويسآر ونسآ يتسآمح منكمـ .
~..............~
مشكور أخـ/ـوي علىآ الموضوع ونشوف الأعضآء الثآنين وش رآيهم ........~

[المرهف]

ماأعرفه أخي العزيز" قلب الأسد" أن مكائن الصرف الآلي في بنك الراجحي في يوم نزول الرواتب ويوم أو يومين بعده لاتقبل تسديد الفواتير, أما هذه النوعية من الناس فحدث ولاحرج ولكن ماعليك إلا الصبرفالمجتمع يحتاج للوعي نعم الوعي الذي ينقص الكثيرين في هذا الزمن فتجدبعض الناس لايراعي مشاعرالآخرين ويبخل بكلمة اعتذارأو ثناءأو شكر
لك مني فائق التقدير

[النجدي]

بعض الناس ما في وجهه دم

أنا إذا شفت وراي واحد ينتظر أكنسل العملية لبعدين

وبعدين سو سواتي إذا جاء يوم 25 رح للصرافة من فجر تقول وين اللي يبون دراهم

مشكور يا قلب الأسد على الموضوع والأسلوب السنع

[شواق]

انت على الاقل بوسط الديره ويعني مايعوق لو انتظرت شوي

انا مره من المرات بمطار الملك خالد بالرياض وعندي رحله قلت بدل ماصرف من هنا بصرف من المطار وبعدين بحول العمله من الفرع اللي بالمطار واجيك بامان الله ولابقى على رحلتي شي يعني يالله يالله الا الأخ اللي معه ملف وش كبره .. قلت ماعليه يمكن فاتوره ولا شي ( وولده جنبه ) .. وانتظر وانتظر وانتظر .. الرجال ماخلص وكل ماينهي عمليه يفتح هالدفتر ويشطب والايصالات مع الولد يحطها بظرف معه ..

يوم السالفه مصخت وبدل مانا اللي انتظر بلحالي صار وراي سرا طويل كاننا عند كونتر الخطوط ..
بالاخير طلع الرجال (معقـــــب ) وعنده الظاهر يجي 50 عامل مابين تجديد اقامه واصدار اقامه ومخلي صرافات الرياض كلها وجايك عند صراف الراجحي اللي بالمطار والساعه 1 بالليل المشكله ( يعني بها الوقت بالذات كل صرافات الديره فاضيه ) .. يوم مصخها الرجال وانا اللي اجيه اقوله وش رايك بعد ماودك تاخذ الصرافه لبيتكم وتخمخ عليها احسن .. هو اللي يرد علي يقول ياخي ماطلبنا منك شي نسدد من فلوسنا

قلت يامسلم واحدن قايل انك تسرق .. هالصراف محطوط بالمطار يعني لخدمه المسافرين وللناس اللي مستعجله واللي وراه رحله واللي توه جاي من رحله ومحتاج يصرف .. وانت مخلي كل صرافات الرياض وجاي تناشب خلق الله على هالصراف .. والناس اللي وراي بعد يعطونه شوي <<<< بس وش عقبه قد خلص من تسديد كل اللي معه

الا على طاري الصرافات اللي بتمير ( شغلوا صراف الرياض والعربي ولا للحين ؟ )

[M!ss KSA]

lمدري العربي شالوها تحسفو ........هههههههههههههههههههههه

[شواق]

وانتي الصادقه شكلهم قروا الموضوع اللي انكتب عن موقع الصرافه وشافوا النار شابه قالوا هذا وحنا ماشغلناها شلون لو تشتغل .. قالوا نشيلها احسن

[ابو الوليد]

والله ياقلب الأسد مشكله هالصرافات وخصوصا بعضهم يجلس يمخمخ على الصرافة تقول جالس على اللابتوب حقه
بس تدري وش اللي يوسع الصدر وخاصه في تمير ان فيه ناس ماعندها يعني تتكلم تقول خلصنا او عجل علينا
وبيني وبينك المفروض البنك يخزن معلومات صاحب الصرافه في صرافته يعني اذا دخلت صرافتي اشوف كل شي مخزن رقم جوالي اوجوال الاهل وكل الفواتير المتعلقه فيني عشان يسهل العمليه اكثر

ومشكور ياقلب الاسد

[المتميزة 26]

مشكلة بعض الناس أنه لا يستخدم الوسائل الآخرى المتاحة للتسديد أو التحويل

مثل الهاتف المصرفي أو عن طريق الانترنت


ومشلكة الصرفات في تمير مشكلة !!

وخاصة إذا وحده ( بنت ) ماسكة سرا وتبغى تدخل فجأة يجي

واحد ملقوف لايحترم النظام وعشانها بنت وما راح تقوله شيء

يدخل وهي واقفة تتفرج >> صار معي هالموقف في تمير <<

من بعدها إذا فيه رجال داخل الصرافة اسكر الباب عليه وامسكه

من برى >> وابن أمه يدخل قبلي << إذا الدعوى مافيها احترام ..

[ابو الوليد]

مشكلة بعض الناس أنه لا يستخدم الوسائل الآخرى المتاحة للتسديد أو التحويل

مثل الهاتف المصرفي أو عن طريق الانترنت


ومشلكة الصرفات في تمير مشكلة !!

وخاصة إذا وحده ( بنت ) ماسكة سرا وتبغى تدخل فجأة يجي

واحد ملقوف لايحترم النظام وعشانها بنت وما راح تقوله شيء

يدخل وهي واقفة تتفرج >> صار معي هالموقف في تمير <<

من بعدها إذا فيه رجال داخل الصرافة اسكر الباب عليه وامسكه

من برى >> وابن أمه يدخل قبلي << إذا الدعوى مافيها احترام ..



اسمحي لي يالمتميزة وليعذرني صاحب الموضوع
اهل تمير اذا شافوا بنت صدقيني مايدخلون بالعكس وهذا واضح وجلي وماصار معك حاله شاذه
للتنبيه فقط وهي في نفس الوقت وجهة نظر
وعلى طاري وجهة نظر اراك قاطعه هالمنتدى هاليومين وعوده حميدة ياكاتبتنا المتميزة

[المتميزة 26]

أبو الوليد حياك الله .. وانا متواجدة باستمرار ولكن متابعة فقط

وبالنسبة للتصرف إذا هو من شخص واحد أو أثنين أو عشرطعش فعلاً هو حالة شاذة

سواء داخل تمير أو خارجها أتمنى زوالها لأن فيها قلة إحترام

أبو الوليد تحياتي لك..

[نسيم]

الا واحد من هالملاقيف اللي ماسكين سرا يقول
تأكد منها .
هههههههههههههههههههههههههههههههههههه

هذا نموذج المواطن المعطل لحركة النمو والتقدم في البلد.
اكيد عمره من 55سنة لذا نصبر خمسة عشر عام حتى يتم القضاء عليها وتبداء حركة النمو ان شاء الله.
ابدري وشلون تأكد منها يبي ياكلونك يامتخلف .
تصدق ان راسي شيب من الاشكال هذي في الدوام تشوف عبر وكلام مال امها داعي .اجل واحد من هاللي اعمارهم 55سنة مايسدد الا والفاتورة مختوم عليها من البنك مثل النظام الاول يخاف ياكلونه وحاط ملف من عام الفيل يجمع الفواتير فيه !
المشكلة اللي عندنا من المواطنين هم سبب المشاكل في كل شىء ياناس مايقبلون شىء اسمه تقنيه .ياخي سدد في بيتك وانت مرتاح انترنت. ولاتعطل غيرك .
مشكور اخوي قلب الاسد على الموضوع الجميل
تحياتي نسسسسسسسسيم

[قلب الاسد]

الله يقطع شيطآنك ههههههههههههههههإي



هههههههههههههههههههههههههههههههههأإي

تصدق عآد إني رحمتهـ <= بتسطر شكلي،،، لأني ماجربت ههههه

بس شكله شآيبـ ولا....؟!

ترىآ الوآحد لامنه كآن مستعجل وورآهـ نآس وعالم تقوله عجل وتخرشهـ قسم بالله ينسىآ وش يبي وينسىآ وش الدبره <= أسآل مجرب

يعني مآلومه تسآنه قآم يخبص ومرتآع يمكن << تقل محآمي غآديه لهـ .

أتوقع أن فآتورت البيت يمكن الكهرب ولا جوآله وهيك يعني طآفي فمآصدق طلعت الفآتوره الأ خويك ذا رآيح يسدد ..

يمكن علىآ دربهـ مر قآل مرتن وحده نسحب و نسدد .......

ولو هو متآسف للي ورآهـ تسآن قلت مسيكين صدز بس شكلهـ خربت أخلآقه يوم شآف الفآتورهـ ستميه و رآحت بهـ الآفكآر يمين ويسآر ونسآ يتسآمح منكمـ .
~..............~
مشكور أخـ/ـوي علىآ الموضوع ونشوف الأعضآء الثآنين وش رآيهم ........~

لو انه شايب كان عذرناه والا طفل كان قلنا توه صغير .. لكنه بين هذا وهذا ومخه مقفل ومايبي يواكب التطور ويتعلم وهالنوعيه
دائما ماتكابر وتسوي نفسها فاهمه بس في الأخير إذا أيس وشاف الناس تأكله بقشوره رضخ للأمر الواقع وأستعان بأقرب واحد .. !!
وما أعتقد واحد حافظ رقم حساب فاتورته وفي الأخير يقول ماني متأكد منها ..
المشكله معه ورقه مكتوب فيها رقم حساب الفاتوره .. بس الظاهر ان المبلغ مصع قلبه وغير رأيه ..!!!
أشكرك GLOSS على مشاركتك الجميله وتفاعلك المميز.. لاهنت .!!

[قلب الاسد]

ماأعرفه أخي العزيز" قلب الأسد" أن مكائن الصرف الآلي في بنك الراجحي في يوم نزول الرواتب ويوم أو يومين بعده لاتقبل تسديد الفواتير, أما هذه النوعية من الناس فحدث ولاحرج ولكن ماعليك إلا الصبرفالمجتمع يحتاج للوعي نعم الوعي الذي ينقص الكثيرين في هذا الزمن فتجدبعض الناس لايراعي مشاعرالآخرين ويبخل بكلمة اعتذارأو ثناءأو شكر
لك مني فائق التقدير
بعض الصرافات تفعل فيها تسديد الفواتير والا المفروض على كلامك ان في هاليوم بالذات مافيه تسديد فواتير .. وزي ماقلت الوعي وإختيارالوقت المناسب هو ماينقص هؤلاء القوم.. وإحترام الأخرين ومراعاة مشاعرهم أمر ضروري ولها أثرها ..
أشكرك أخي المرهف على تعقيبك الرائع .. لك مني كل الود والإحترام لاعدمناك ..!!

[قلب الاسد]

بعض الناس ما في وجهه دم

أنا إذا شفت وراي واحد ينتظر أكنسل العملية لبعدين

وبعدين سو سواتي إذا جاء يوم 25 رح للصرافة من فجر تقول وين اللي يبون دراهم

مشكور يا قلب الأسد على الموضوع والأسلوب السنع

هذا اللي يعرفون السنع مثلك وشرواك هم اللي يفسحون المجال لغيرهم ولايعطل الخلق اللي وراه...
بس فيه ناس تموت في شئ أسمه زحمه ويحبون ينشبون أعمارهم .. حتى لو انهم مايعرفون يتعاملون مع الصراف الألي .. !!

حتى وقت الفجر في25 تلقى زحمه .. يمكن في تميرغير أنا معك ..!!
أخوي النجدي سرني تواجدك وتعليقك ..لاحرمك الله الأجر .. !!

[قلب الاسد]

انت على الاقل بوسط الديره ويعني مايعوق لو انتظرت شوي

انا مره من المرات بمطار الملك خالد بالرياض وعندي رحله قلت بدل ماصرف من هنا بصرف من المطار وبعدين بحول العمله من الفرع اللي بالمطار واجيك بامان الله ولابقى على رحلتي شي يعني يالله يالله الا الأخ اللي معه ملف وش كبره .. قلت ماعليه يمكن فاتوره ولا شي ( وولده جنبه ) .. وانتظر وانتظر وانتظر .. الرجال ماخلص وكل ماينهي عمليه يفتح هالدفتر ويشطب والايصالات مع الولد يحطها بظرف معه ..

يوم السالفه مصخت وبدل مانا اللي انتظر بلحالي صار وراي سرا طويل كاننا عند كونتر الخطوط ..
بالاخير طلع الرجال (معقـــــب ) وعنده الظاهر يجي 50 عامل مابين تجديد اقامه واصدار اقامه ومخلي صرافات الرياض كلها وجايك عند صراف الراجحي اللي بالمطار والساعه 1 بالليل المشكله ( يعني بها الوقت بالذات كل صرافات الديره فاضيه ) .. يوم مصخها الرجال وانا اللي اجيه اقوله وش رايك بعد ماودك تاخذ الصرافه لبيتكم وتخمخ عليها احسن .. هو اللي يرد علي يقول ياخي ماطلبنا منك شي نسدد من فلوسنا

قلت يامسلم واحدن قايل انك تسرق .. هالصراف محطوط بالمطار يعني لخدمه المسافرين وللناس اللي مستعجله واللي وراه رحله واللي توه جاي من رحله ومحتاج يصرف .. وانت مخلي كل صرافات الرياض وجاي تناشب خلق الله على هالصراف .. والناس اللي وراي بعد يعطونه شوي <<<< بس وش عقبه قد خلص من تسديد كل اللي معه

الا على طاري الصرافات اللي بتمير ( شغلوا صراف الرياض والعربي ولا للحين ؟ )

لاحول ولاقوة الابالله هذا وش تسوي فيه .. هذا لو قدامي تليته هو وملفه .. خربانه خربانه ..!!
وتبون الصرافات ماتخرب .. زين انها مكينه ..!!
مانلوم الصرافين اللي في البنوك لاشافوا واحد بيسدد فاتوره قالوا له رح للصراف ..
أثرهم شايفين الغثا ..!!
تبي الصراحه ياحليل خويي عند خويك اللي ماسلمت من لسانه من زود البجاحه .. أجل ملف هههههه..!!!
أخوي شواق في المره الجايه لاتعتمد على صراف المطار وتذكر راعي الملف..
نسيت أقول لك الموقف اللي صار لي في الرياض .. !!
وأشكرك على مداخلتك وإثراءك للموضوع بهذا الموقف الغريب والعجيب ..
سلمت لنا من كل مكروه أخي شواق .. !!

[قلب الاسد]

lمدري العربي شالوها تحسفو ........هههههههههههههههههههههه


يقولون ودوها للرياض:80: يعبونها فلوس وبيرجعونها هههههههههههههه ..!!

[قلب الاسد]

وانتي الصادقه شكلهم قروا الموضوع اللي انكتب عن موقع الصرافه وشافوا النار شابه قالوا هذا وحنا ماشغلناها شلون لو تشتغل .. قالوا نشيلها احسن


مايصح الا الصحيح .. أجل تسمي هذا موقع .. !!!
يافرحه :87: ماتمت للي كانوا معارضين موقفنا منها .. !!!

[الطيف الأزرق]

أخوي قلب الأسد
طبيت في الرجال هالمسيكين
إلا ما تقول لي يوم الراجحي يحط له ثلاث صرافات في مكان واحد ثلثينهن خربان

[قلب الاسد]

والله ياقلب الأسد مشكله هالصرافات وخصوصا بعضهم يجلس يمخمخ على الصرافة تقول جالس على اللابتوب حقه
مهيب مشكله يمخمخ في أوقات ثانيه ..
بس تدري وش اللي يوسع الصدر وخاصه في تمير ان فيه ناس ماعندها يعني تتكلم تقول خلصنا او عجل علينا
يعجبونك والله بس فيه ناس وسيعة وجه لو تقول لها هالحكي قال رح دور لك صرافه غيرها .. وهذي قد صارت قدامي ..!!
وبيني وبينك المفروض البنك يخزن معلومات صاحب الصرافه في صرافته يعني اذا دخلت صرافتي اشوف كل شي مخزن رقم جوالي اوجوال الاهل وكل الفواتير المتعلقه فيني عشان يسهل العمليه اكثر
اقتراحك حلو بس ما أعتقد ان المشكله راح تنحل حنا عتبنا عليهم في مسألة إختيار الوقت للتسديد .. ومشكور ياقلب الاسد


العفوأخوي ابو الوليد ماسوينا شئ يسوى ..سررت كثيرا بمشاركتك وتعليقك ..
تحياتي لك..!!

[قلب الاسد]

مشكلة بعض الناس أنه لا يستخدم الوسائل الآخرى المتاحة للتسديد أو التحويل

مثل الهاتف المصرفي أو عن طريق الانترنت
بعض الناس يموتون في شئ اسمه إيصال ... الود ودهم لو في كل خطوه إيصال ماعندهم مانع ...وعشان كذا مايعترفون بالهاتف المصرفي مع انه سهل ومريح ...

ومشلكة الصرفات في تمير مشكلة !!
وخاصة إذا وحده ( بنت ) ماسكة سرا وتبغى تدخل فجأة يجي

واحد ملقوف لايحترم النظام وعشانها بنت وما راح تقوله شيء

يدخل وهي واقفة تتفرج >> صار معي هالموقف في تمير <<

من بعدها إذا فيه رجال داخل الصرافة اسكر الباب عليه وامسكه

من برى >> وابن أمه يدخل قبلي << إذا الدعوى مافيها احترام ..
كان الله في عونكن يالحريم ... وزين ماسويتي وهذا من أبسط حقوقك .. !!


أشكرك على حضورك وإثراء الموضوع بهذا الموقف .. !!

[قلب الاسد]

اسمحي لي يالمتميزة وليعذرني صاحب الموضوع


خذ راحتك وأنا أخوك وأنا ماكتبت الموضوع الا للإستفاده من المداخلات سواء معي أومع أي عضو ..وهذا الموضوع للجميع وليس حكرا علي ..!!!

[قلب الاسد]

الا واحد من هالملاقيف اللي ماسكين سرا يقول
تأكد منها .
هههههههههههههههههههههههههههههههههههه

هذا نموذج المواطن المعطل لحركة النمو والتقدم في البلد.
مادام فيه ناس ماتبغى تتطور يحق لحركة النمو تتعطل ..
اكيد عمره من 55سنة لذا نصبر خمسة عشر عام حتى يتم القضاء عليها وتبداء حركة النمو ان شاء الله.
ههههههههههههه الله يقطع بليسك ..
ابدري وشلون تأكد منها يبي ياكلونك يامتخلف .
وسع صدرك وياما حتشوف عجايب .. المفروض السعوديه يسمونها بلاد العجايب والغرايب ..
تصدق عاد انا إذا رحت للصرافات أنبسط أحط يد على يد وأقعد أتفرج .. وإذا شفت الدعوه مطوله
دقيت سلف وخليتهم في زحمتهم .. والله يعين اللي بعدي ..!!
تصدق ان راسي شيب من الاشكال هذي في الدوام تشوف عبر وكلام مال امها داعي .اجل واحد من هاللي اعمارهم 55سنة مايسدد الا والفاتورة مختوم عليها من البنك مثل النظام الاول يخاف ياكلونه وحاط ملف من عام الفيل يجمع الفواتير فيه !
المشكلة اللي عندنا من المواطنين هم سبب المشاكل في كل شىء ياناس مايقبلون شىء اسمه تقنيه .ياخي سدد في بيتك وانت مرتاح انترنت. ولاتعطل غيرك .
لاتلومهم هالتطور بالنسبه لهم سحر فجأه عقب أربعين
سنه فواتير وأختام يسدد عن طريق التلفون مادخلت عقولهم ..وزين انهم رضوا بالايصال ..!!
مشكور اخوي قلب الاسد على الموضوع الجميل
تحياتي نسسسسسسسسيم


وأنا أشكرك على مرورك الجميل والغير مستغرب منك .. دمت بهذا الجمال ..!!

[قلب الاسد]

أخوي قلب الأسد
طبيت في الرجال هالمسيكين
إلا ما تقول لي يوم الراجحي يحط له ثلاث صرافات في مكان واحد ثلثينهن خربان


هلا بالطيف الأزرق بالعكس حنا نناقش ظاهره لأناس ماتبي تتعلم أوتتطور أو تحترم النظام وهذا عينه من عينات كثيره تصدافنا عند هالصرافات ... !!!
وبالنسبه للصرافات الخربانه يحق لها تخرب من المواقف اللي تشيب لها الرأس ..
وزين انها تكد الى اللحين ...!!!
وأشكر لك مداخلتك ... !!

[باقادر]

السلام عليكم ورحمة الله وبركاته يقولون فتحو صرفات نساء صحيح

[قلب الاسد]

السلام عليكم ورحمة الله وبركاته يقولون فتحو صرفات نساء صحيح
وعليكم السلام ورحمة الله وبركاته ..
صحيح فتحوا صرافات نساء يعني لو تبي تصرف والا تسدد تراه مافيه زحمه http://smileys.smileycentral.com/cat/36/36_7_4.gif (http://www.smileycentral.com/?partner=ZSzeb001_ZU)..!!