ياشين التميدح

[الغيور]

السلام عليكم هالسالفة طراها سالفة قمر تمير حقت المملكة
ادري اني داخل عرض بس وش اسوي جزتو لي


السالفة حقيقية وواقعة !! مر على ليلة من الليلي هبوب الشمال وقال وش رأيك نروح نتمشى قلت وين قال ما عليك عندي لك مكان يحبه قلبك قلت والله ما ينهقى بك لكن بروح معك وأمري لله .

المهم ركبت معه بسيارته الله ما زين السيارة (ونيت ايسوزو وما يكفي انه ونيت ديزل أنواع الحنه والرنه لا ومركب له جنوط ومسحب السست شغل عرابجة منول )

مشينا وكل الطريق وانا احاول اعرف وين بنروح قال ما عليك اصبر وتشوف ...
ما دريت الا ناصي العليا ولا يرده الا الفيصلية يوم وصلنا !!! قلت انت صاحي وش يدخلنا بالفيصلية يالخبل ...

المهم ما رد علي حاقرني تقل من علم ... وابعد شوي عن الفيصلية ويالله بالحسر لقى موقف ولفز الونيت فيه ونزل متلطم يخاف يشوفه احد هو ينزل من الونيت بعدين يفشله بالفيصلية ... ( الله من الذكاء ).

والولد واثق بيدخل الفيصلية قال انزل وادبرك وانزل واسحب وراه لين جينا البوابه قبل لا ناصل قال خلك وراي ولا تحاتسي احد خلك واثق من عمرك لا ترتبك رز عمرك قلت ابشر... الله ما زين التخطيط ..
والله ويحط رجله الرجال ( هو الله يصلحه فيه عجله تقل عاصوف ) .
ويدرعم الرجال من بين هالعالم ما عنده في اطلق شنب .... ما دريت ألا السكيورتي اللي اجسامهم الواحد تقل بتره ... يتله مع علباه ويعلقه مع رقبته تقل واحد ماسك له قطو ويرفعه فوق ما تشوف ألا رجيلاته تدودل ويشوته من قلب يوم تكرفس ولا تشوف الا كراعينه فوق والشخصية منحاسه .. والسكيورتي يهوش ويزبد عليه يا .... يا .... كله مشفر بس برد قلبي ....
المهم تقعد الضعيف عقب الكرفسه وجلس يلقط شماغه وجواله وبلاويه اللي تنثرت .. ورجع للسكيورتي وهو يتنافض قال بدخل اهلي من داخل الله يخليك ينتظروني ... قال له انقلع هناك ما عاد الا الدشير يستلكعون علينا ضف وجهك الا اكسره لك الحين .

انا ما ادري اضحك او اضفضف معه اغراض يوم شاتوه او اجحده ما اعرفه..... والله اني مره ورحمته على طيحة الوجه .

جيت يقالك اني اعقل منه بتدخل عند السكيورتي.. قلت يا ابو الشباب يمكن الرجال صادق واهله من داخل قال اقول انت وياه حركات هالدشير ما تطوف علينا اقلبو وجيهكم ( قلت في نفسي والله انك صادق انا من يوم ماشيت وطاوعت هالعربجي وانا غاسل يديني من نفسي )
وهالخبل هبوب ما يتوب رد للسكيورتي يبي يتميلح مره ثانية !! مصر الرجال قال طيب اللى ما معه عائلة وين يروح ورد عليه السكيورتي بلطف طبعاً... قال في بليس اللي ما يحفظك بتفارق او اشوف شغلي معك ........ قال ابشر طال عمرك ويتبسم هذيك الابتسامة اللي ما تطلع الا من واحد قاب وجهه من قلب يقالك يلقط وجهه ويزر عني ما اشوف الا غبرته اثر متعود على طيحات هالوجه طبيعي كل يوم تصير له .

المهم سحبنا لسيارتنا ما اخس منا خسيس وركبنا عقب هالحوسه ههههههههه قال ابي ماء باللي هو به نشف ريقي ...
ركبنا السيارة ومشينا شوي والتفت ألا زحمة وعالم عند الفندق اللي بعد الفيصلية قال بس ضاعت ولقيناها هذا غرض روق أكيد فيه عرس خل ندخل عندهم نشرب ماء وان حصل عشاء ما يمنع ... قلت لاحول الله انت ما تتوب .
المهم حسر ثانية لين لقى موقف عند الفندق طبعاً بعيد عن البوابه مثل اول مره لا يشوفه احد ولفز الونيت وينزل قال انزل قلت لا رح اشرب وتعال المهم عقب جدال معه اتفقنا يروح قدامي وانا بلحقه .
وينزل ويجيك ناصي هالعالم يمسمس الشماغ ويزين الشخصية الا اللي يقابله ويسلم عليه بتحفي ويدعي له جزاك الله خير سعيكم مشكور؟؟ انا قلت هذا اكيد مطوع وذكر الخير دايم على لسانه خل نشوف خبلنا وش بيسوي ويدرعم للصالة الا العالم معبسه ومحزنه ونصفهم واقفين واللي يصيح واللى يمسح دموعه انالله وانا اليه راجعون والله الدبور وين الله جابنا ووش هالعالم مجتمعين عليه .... أثره اجتماع عزاء .

المهم ما عاقت معه دخل وسلم عليهم وقلبها مناحه وخمس دقايق الا هو برا عندي.. بابتسامته المعهودة ... ماش ما طلع عرس طلع عزاء ..
ويلحقنا اللي استقبله يودعه التفت عليه هبوب قال ما فيه بوفيه هنا ( الله من الصحاوه بوفيه في فندق لاااا يجي خير ).

قال الا من داخل الفندق فيه مقهى ويلتفت على قال بس دبرناك وهو يتبسم قال تدري ان جيبي مليان معي عشرين ريال كنت ناوي ادلع نفسي بالفيصلية بس اكيد فلوسي من حظ هذولا اللي يسمعه يقول معه الفين ريال....
يوم ما حصلت الفيصلية نبي نفلها هنا مهوب نرجع للبيت وتمسكها على .... ويجي ورانا اللي استقبله بالعزاء ويوصي علينا مدير المقهى اثر اللي استقبلنا يشتغل بالفندق .

المهم دخلنا المقهى والا دخنه وكتمه ريحت الدخان والمعسل تزلب التسبد وازعاج التلفزيونات تقل داخلين دسكو !! الازعاج اللي على اصوله.
ويجينا الجرسون ويجلسنا تحت اكبر تلفزيون بالمقهى ويالله اسمع صوت هبوب من الصجه قال هبوب للجرسون وش عندكم بدا الجرسون يعدد انواع المعسل فخفخينا وبحريني وفراوله هبوب سمع فراوله قال بس هات اثنين عصير فراوله بسررعة ........ اخص يالاقشر ناوي يفلها مضبوط.

شوى الا جايب لنا شيشة !؟ شيشة !؟ هبوب ما عمره شيشة ولا يداني الشيشه اعرفه تسبده مهيب صريه ( صريه يعني على جريف يقالك ترجمتها ) والاحظ الخبل ما عارض كانه موافق اثره عشان وضعنا بالمقهى رسمي داخلين عليهم بتوصيه؟؟ ما تجي انه يرجع الشيشه فشيله.

حط الجرسون الشيشة وبدى يضبط بالجمر قال له هبوب يقالك يبي يصرفه خل الشيشه ورح جب لنا العصير و ماء من العطش اللي فيه ... قال الجرسون جايه المويه تبي اوصي لك على عصير قال ايه بس سريع سريع عجل علينا...
حط جمرتين وراح يوصي لنا على عصير ... ويرجع وياقف على راس هبوب من زود التوصية وأنا ملاحظ ان هبوب توهق ومنحرج ويخاف من طيحت الوجه مرة ثانيه !؟ قويه بليله وحده طيحتين وجه هو المعدل عنده طيحت وجه مره كل يوم بس ...
وزاد على الموقف العالم عنده كلهم يطالعون فيه ؟؟ ما درا أنهم يطالعون التلفزيون اللي فوق راسه .
المهم تشجع وتميدح ولقط لي الشيشه يبي يشيش لو مجامله ....
وأنا طارت عيوني وأراقب وش يبي يسوي والله شكلها الليلة خاربه خاربه الله يستر بس .
هو لقط اللي انا قلت الولد تغير ماعاد هوب على خبري... شوي عقب قررررررر وعينك ما تشوف إلا النور شفط ذيك الشفطه اللي من قلب ... الخبل يحسب أنه يشفط ماء أو بنزين من تانكي السيارة ........ ويطلع من اثمه واذانه وعيونه وخشمه هالدخان اللي مدري وين جمعه منه تقل جاي من أسفل بطنه وما اشوف الا يوم انصفط وجهه وعيونه حمرت وخضرت و ينكتم نفسه ويدلي يشاهق وشواريق وكحه اللي يسمعها يقول زلزال... أحس أنها تطلع من اسفل بطنه مو من الصدر مثل العادة من قوتها ويدلي يتصدد بوجهه عن العالم وعن هالجرسون اللي طارت عيونه فيه ...
ومع الكحكحه وزلبت التسبد من الشيشة ما بغى شي ... شوي وااااااااااااااااع ويجي اللي في بطنه كله كااااااااع وااااااااااع ... وانا وجهي قام يتصفط ويتعفط ....
والله الفشيله انا بلشت بعمري أن قلت فشيله شويه وان قلت طيحت وجه شويتين ما ادري وش أسوي والقط عمري وما يردني الا باب الفندق من الفشيلة ما عاد اعرفه ..
بدى يشتغل قل الخاتمة عندي والله لأجحده خل تميدحه ينفعه ...
ما دريت ألا الجراسين مجتمعين على الرجال وشايلينه ومودينه للحمامات...
يوم دخل بالحمامات جاني الجرسون بالفاتورة قلت أنا معزوم ويزعل على لو أحاسب !!! نعنبوهم حتى بهالمواقف ما ينسون حقهم ....

المهم هو وش غسل وش خلي لمصق عمره وطلع ألا الجرسون بوجهه مولم الفاتورة له...
أعطاه الجرسون الفاتورة ويبدأ أنواع الإحراج وطيحة الوجه اللي ما لامها داعي .. يوم شاف الفاتورة 75 ريال ويكمش وجهه من جد .... والجيب عمران ما فيه ألا عشرين ريال وشلون يرقعها.... و يلتفت على وأنا جاحده و أوقف على باب الفندق أن شفت فيها أو ما فيها اقرب ليموزين خله يبزا بعمره ...
ويتصل علي بالجوال يقالك ما يبي الجرسون يسمعه قال تعال ما معي ألا عشرين أنت كم معك قلت ما معي ولا ريال وتراني ينتظرك عند السيارة واقفل جوالي وأخليه لهم واطلع .....

أخذت نصف ساعة ألا هبوب جاي وأنواع السب والتهزيء والتعصيب علي ...

بعد ما هدءا قلت وشلون تصرفت معهم ... قال بشين نفس أنت وش تصير ميت قلبك خويك مزنوق وتروح وتخليه يلعن أم الجحده يا قليل الخاتمة الخ... من السب اللي ما ينقال ....
تدري أني رهنت الجوال لين أجيب فلوس لهم ..

وللحين الجوال عندهم وتراه مستحي يعلمكم يبي فزعتكم قطو معه في قيمة الفاتورة نبي نرجع جواله .... اجحدها يا هبوب الشمال فزعت معك الحين

ما يستفاد منه
العرابجه ما ودك يروحون أماكن راقية
ما ودك توهق عمرك وتماشي واحد متعود على طيحات الوجه
إذا ماشيت هبوب الشمال توقع أي شي ممكن يصير لك

[هادي]

افا يالهبوووووووووب

وانا اقوول وراااك لك كم يووم ما دااومت

انا مني عشرت اريل قطه مني للهبوب

وكل ماجيت اسير عليه هالسبوع متلطم واقوول وش فيك يقول مزكوووووم

الحين عرفت السبب

تكفى يا مطشر طلبتك لا تعلم على الرجاال خلاص يتوووووب

سلام

[سمسار 15]

مطشر
والله تستاهل ذبيحه
من الضحك ابي اكمل
ما عرفت ,,,,,,,,

يالله قسم كني اشوفه
وهو يطلع الدخان مع
جميييييييييع الجهات

النظارات الشمسيه
ما جاها شيء ,,,,
معليش يالهبوب
تعيش وتاكل احسن
واطعم منها ,,,,,

عزائي لك علا هالحوسه
والدنيا دروس وانا اخيك

تحياتي

سمسار 15

[الغيور]

هلاااااااااااا بالمراقب العام

يالله ان تحييه وتبدزيه

الله مير يشرف مقدارك اللي اول رد لي من المراقب العام

من قدي الحين

ابشر يا مراقبنا طلباتك اوامر انت تامر ونجي وراك نطامر

تم ماني معلم احد

طحياطي

[الغيور]

هلاااااااا بسمسار 15

نور موضوعي بوجود مشرفنا الغالي

بس يا مشرفنا ما قطيت معنا تراا للحين الجوال مرهون

ذكرتنا طال عمرك بالنظارات الشمسيه تصدق للحين ما انتبهنا لها مع الحوسه

بس كني شايف واحد يحرج عليها في حراج ابن قاسم عصرية الجمعة اللي رحنا بليلتها للفيصلية


طحياطي

[بقاياا الشوق]

مشاء الله تبارك الله ..

اخي الكريم مطشر .. صدقني لفت انتباهي قصتك بغض النظر عن الشخصيات ..


اقرب شي للنقاش والي القلب يصل هو الادب الساخر العامي

وانت اخي ابدعت في نقاط طرحتها متميزه ومحور للنقاش

كتبتها من خيال خصب غرس جذوره في قاع الارض واستمد من جداول المفرات اروع المعاني الساخره والمتميزه ..


مطشر قصه تستاهل خمس نجوم لروعتها ولي عوده ان شاء الله

لكي نرى الفلس من الدينار ونتميلح شوي ..

لكن بدون زعل فأسم الساحة ساحة الصرقعة والسواليف

ونبي نستأذنك في الصرقعه في ورافة ظلال القصص

لاني مسكت اشراف على الصرقعه فتره واستفدت الكثير منها وايدني تحكني شوي والكيبورد يغري في حروف معينه ..
تحياتي اليكم جميعاً ..


اختكم : بقاياا الشوق

[هبوب الشمال]

مطشر

هالحين انت اللى تاخذ المقالب والسطارات

والركب والبقوس من السكرتى على شان

ثيابك وصخة وقال انت وش اللى جايبك هنا

وقالت جاى مع هبوب وانا قلت لاباللة ماعرفة

ولاعمرى شفتة وعلى هالاساس كلتها علقة

وتسبقنى على المنتدى وتحط هالكلام فى

اقول اللة يصلحك وهالحين بطنى موب جارب لحد

اسمعو مرة من المرات دخلت انا وياة ليومارشية كنت اناوى

اشري لى خاتم وانا عند راعى الخواتم فقدتة ودورت علية

مالقيتة تدرون وين راح راح ركن الملابس وهناك شاف سروايل

رجالية طوال وقام وفصخ صروالة ولبس واحد جديد ويوم جاء

الفلبينى لقاة طايح بالارض رفعة وعلقة

الغريبة الكميرة ما صورتة تدرون لية من وصاخت ثايبة هههه

مطبل ( يوم رجعنا بعدكم يوم لقينا مكتوب على السروال 10 ريال

ههههههههههههههههههههههههههههههههههههههههه

[الغيور]

هلااااااااااا بسديقي هبوب الشمال


نور الموزوع بوجودك تسدق عاد

من نزلت الموضوع ورجلي على قلبي قلت اخاف يزعل

لا تستغرب اللهجه ترا هذي لهجتك يوم تستهبل على سكيورتي الفيصلية يقالك متمدن



اييييييه الله يذكرك الشهادة تصدق لقيت سروالي معروض بالجنادريه

وفيه روايات ما ندري من نصدق يقولون انهم يبي يعرضون في موسوعه جنس للارقام القياسيه من الوساخه اللي فيه

احسن ما فيك انك ما علمت ان الفلبيني لبس السروال واكتشفو انه ؟؟؟؟؟؟؟ الله يرجك يالخبل بغيت اخور وانا توني جديد بقراطيسي

ما تنقرب انت اللي يعرفك مرده لشهار

واحلى تعظيم سلام لهبوب الشمال

[هبوب الشمال]

شهار؟؟؟؟؟؟؟؟؟؟؟؟؟؟

عرفتك زين يدب



علينا لكن مانيب معلم لين بعدين

يسمعك فى اذنك على شان مايسمعنا احد

[الغيور]

يالله سكنهم مساكنهم

بقايا الشوق هلا بك واسف طمرتك من فرحتي بصديقي هبوب

ما اعرف ارد عليك ياختي ردك وكلامك اذكر اني سامعه يوم يدرسونا محو الامية بالليل


بس الشاهد انك تمدحين موضوعي تنثرت من الفشيله وين اودي وجهي من الماااصلين

تدرين عاد اني تنثرت ... من قدي رد على المراقب العام ومشفنا الله يطول بعمر وصديقي المشرف هبوب وانتي تقولين مشرفه اول بس ليش طردوك من الاشرف << خربها


خذي راحت ياختي صرقعي ولا يردك الا شهار وما جاك في ذمت صديقي هاب الريح

ونشكركم علي تهانيكم كذا يقول اهل المدارس او انا غلطان

طحياطي

[هبوب الشمال]

مطشر

اذا ماعرفت تدخل المملكة ترى ماعندى مانع

اخذك معى بالددسن ووديك وحطك بالصندوق

وخلى جنبك برميل غاز 25 هههههههههههه

وكيس شعير على شان لو صار منك اى خطاء يعذرونك

ويعطونك مميزات مثلا يخلون معاك مرشد سياحى

على شان ماتفشلنا ويدخلونك مساج ويحكون جلدك

بليفة خشنة وينظفونك على شان ياخذون اجرك بس

لاتفرح على حسابك تبيع وحدة من المعزا

ياخى اسكت بس انت وجة مملكة انت حدك حراج ابن قاسم

ويخب عليك بعد شكلك استانست وطاحت سعابيلك قم قم

لاتفشلنا رح نم تراك تحلم على شان تروح معى خخخخخ

[بقاياا الشوق]

اقول تعرف ليه انطرت من الاشراف


اقولك .. انا مانطرد ابد ..


لكن ربما ابي ارتاح لاني حسيت بخفه مع زيادة هرمون الخبال والصرقعه

ونصحني الاطباب في الامتناع عن الصرقة لين اكتفي من كورس العلاج ..


بس تصدق مطشر انك ابدعت في القصة .. برجع بأذن الله وبنقلبها شاتنق

[الغيور]

مشرفنا هبوب

من قال اني بعطيك اذني تسمعني

العمر مش بعزأه ههههههههههههههههههه

[الغيور]

هبوب عقب الفيصلية توبه

يكفي زيارة اختنا قمر تمير لها

ما نقدر نتعداها بالخيال

وانت توبه ان خاويتك الظاهر انك انت المطشر مو انا ههههههههههههه

بقايا الشوق

ترا التشاتنج بفلوس ولي العموله هههههههه

[هبوب الشمال]

مطشر

هالحين بان انك مضيع دربك

وخويك هادى موانا بس طلع عندك

عمى اللون قم بس قم

ثانى مرة فتح عيونك زين

وبقايا الشوق شكلها بتربيك عدل

باين انة يطلع من عيونها شرار

انتبه انا طيب وارحم هى شكلها معصبة

متعرف اللى قدامها مطشر ولا منسم خخخخخخخخخخ

[سمسار 15]

الله اكبر الله اكبر الله اكبر

حمي الوطيس واشتد
النزال نزال الشجعان
الشرفاء ,, الله اكبر

اختي بقايا الشوق
راقبي المعركه من
بعيد لبعيد واوفينا
بالتقرير اليومي ,,

لا تستسلم يا مطشر
يالهبوب شد المئزر وتوكل

تحياتي للجميع ورجاء دون
التشابك بالايادي ,,

سمسار 15

[هبوب الشمال]

سمسار

الظاهر تبى شوشتك تمعط

ترى مايدخل بين القشرووالبصلة

الا السكين ياسكينة خخخخخخ

خلك بعيد تراقب ولاتنطق المهم

خل انعالك عليك اسرع لنحشة

بس سو مسح لطريق الى تبى تروح معة

وخل احد من ربعك معة ددسن حوض يحتريك

على شان ينقذ الموقف ولابتروح فيها على خشتك

وتصير 15 فى 15 وتصير مثل حلمة مرضاع بزر طايح فى

برميل قاز وصارت مثل اذان الخنزير خخخخخخخ

[بقاياا الشوق]

خيل الخيل شقراء يابعد حي

انا بفزع مع مطشر يبدو الكل ضده وبشجعه ..


مطشر اشعب مطيك وصبح القوم لاتصير مثل الحنشل بالليول


لكن تصدق مطشر ترى شكل الهبوب راح فيها ..


وانا اقول منو اللي تيكفخ بس قلي وش لابس ..

[سمسار 15]

الهبوب
وانا اقراء ما كتبه الزميل
الفاضل ,, وكتاباته صدق
وهذا احساس ,,

الا تكف يالهبوب ايش
شعورك والسيكيورتي
شايلك بعلباك ويشوت فيك

صف لي الموقف قبل وبعد
سدحتك على البلاط وتناثر
قشك ,, مسكين كنه قش
صلبه ) اغليك والله

تحياااااااااااااااااااتي

سمسار 15

[بقاياا الشوق]

سمسار كيف تبي الهبوب يوصف لك الموقف


اعتقد صعبة جداً .. لانه لايزال يتالم من اللي صار له ..



لكن شكله حتى مطشر برضو مكفخ ويمكن الي الحين يكفخزن وينهم تقل تباطيتهم ..


شف وينهم سمسار ولا عليك امر وانتبه من بعيد لبعيد

[هبوب الشمال]

بقايا

هبوب اذا هب واللة ان يذبحكم البرد

وتعرفون برد الشمال شلون يكسر الضلوع

وانا اذا هبيت عليكم ياوليكم ياسواد ليلكم

طلعت قصيدة خخخخخخخخخخخخخخخخخخ

سمسار ترانى بنقصك وخليك 14 ونصف ههههه

ترى فية فرق بين مشرف الساحة ومشرف الصرقعة

والفرق مثل الشمس عن الارض وترى بقاياومطشر

ماهمب نافعينك العمر ياشمان نفسى نفسى

لاتلعب بالنار سمسار تحرق صبيعك خخخخخخ

[بقاياا الشوق]

دردشة منتديات تمير

:)

ههههههههههههه

هب يابعدي هب .. الحكومه مو مقصره شركات الكهرباء مشاء الله تشغل العالم كله .. والبرد مفيد .. لكن فيه شي مهم

هبوب هبوب ارجو تفهمها هبوب (( الهم اجعلها رياحاً ولا تجعلها ريحاً ))


متخاف قوية تراها ولا يهمها شي والبرد دواه النار والعرقات ..



والا الصوف الكشميري والسبيلت والا الاي سي سنتر ..



شكله اثر عليك تكفيخ السكيروتي .. سلامات تكفير ذنوب واجر ..

[هبوب الشمال]

بقايا

انا بسوى لكم مثل سجن ابو غريب

بخليكم بدون ملابس على شان تصيرون قوالب ثلج

وجيب سكروب واكسر الثلاج من علا ظهوركم وابيعة

على العمال الهنود خخخخخخخخخخخخخخخخخخخخخخ

وبخلى عندك عنز على شان تحلبونها وتشربون لايطقكم الجوع

واستاثم فيكم

والكهرب نطفية عنكم ونخليكم تطلعون مثل الخفافيش اذا ذبحها

الحر ههههههههههههه واحدكم مايدري وين يروح يصقع فى الجدران

من الخوف وبصير شرس فى تعاملى معاكم يلا

معاد فية رحمة والاسواق الحلوة بعدكم خلوكم من حراج الرخوم

ههههههههههههه فى السبالة هههههههههه

[سمسار 15]

بقايا الشوق

تخيلي وذاك دافه وجاي
على خشته يسحب عشره
متر ,, وغريضاته متنثره

لا هو وجهه ما بعد استادب
يبي تكفيخ ثانيه

المهم المراقبه من بعيد لبعيد

ووافونا بما يستجد لديكم
كان الله في العون بقايا الشوق

تحياتي

سمسار 15

[هبوب الشمال]

سمسار انت منتاب عاقل يالبرتقالة ههههههههه

ترى بقايا بتروح لبيتهم بعد شوى ماتلقى احد يفكك منى

يالدلخ هههههههههههههه هم بمصع اذا انك لين تطقطق

وبحوسك على بلاط الفيصيلة وخلى لبنات يتفرجون عليك

ونا امرمرط فيك

خخخخخخخخخخخخخخ

[الغيور]

والله ما تستحون اشوفكم حاطين موضوعي ملعب لكم


يلا هبوب انت وبقايا قدامي تراني للحين كفيل هبوب عن حقين الفندق


وانتي يا بقايا الشوك ترا يبي يجيك موضوع الركب السود لا تحرثين عن مذبحك

ما تحسون اني صرت قوي شوي ما دام انتي على ضمانة سمسار ما علي من احد

سمسار اخوي وين تبيه يوصف شعوره وهو وقتها فاقد وعيه

لا تلومه ياخوي اللي جاه مو شوي والله اني ساعتها رحمته من قلب


يلا عاد يكفي مطامر في موضوعي اشوف اني سكت لكم واستانستو <<< شديد الولد

بعدين لا تستانسون واجد تراني قد صرت مشرف بس كانو حاطيني على نادي المحذوفات ما لي شغل الا اجمع في مواضيع الخبول اذا زودو العيار شوي

[سمسار 15]

الهبوب
اظاهر الى هالحين ما
بعد استادبت ,, يبيلك
من يحطك في الشمس
الين يضرب مخك ,
وتصير غرير

اعقل احسن لك
وانت وجهك المورم
تهددني على شانك
مشرف عام تستاهل
بس لسينك يبي ربط

تحياتي

سمسار 15

[بقاياا الشوق]

اقول هبوب

انا الحمدلله مو زيك كفخك سكيورتي عماره وحطوك في قونتنامو ..

وثلجوكم وباعو الثلج اللي متجمد عليكم .. لكن مو غش يكون الثلج كله صنان من عرقكم انت ومطشر ..


ولا عمري صرت خفاش عشان اجرب الحر .. :) اكيد مر عليك الحر :)



بس طرت في النهار ماصبرت لليل ..




===============


اخوي سمسار ولا يهمك نوافيك بكل جديد من قناة هب هب شم العتش .. :)

[هبوب الشمال]

مطشر

موضوعك


هذاك منول

هالحين هية


هين هين يالضبان

بقايا هذى عندك

مالى شغل فيها

بس انا بعدك تتعب

وتتعب وتتعب سبنى اذا

كان صحيح بتحبنى

عتبى عليك كلة عتب

مطشر خليك حلو

والمطامر وراى مايفيدك

وحط موضوعك علىهبوب

على شان تشتهر على حسابي

لا بعدك خخخخخخخخخ

[بقاياا الشوق]

اقول مطشر شكلك تبي اجيب موضوع مايخر الميه واخليك مسخره في الصرقعه يلحقك هبوب ويشوتك ويرمك بالحصى ..


ترى مايرده شي من اثر التكفيخ اما اركب السود .. هذا اعتقد انه من اثر السجود والعباده ..


وتبي اقولك شي
يالله خذ راحتك وانا بخذ راحتي والميدان ..


بس هاه لاتخلينا نزلق بدموعك من الصياح مافي احد بيفكك ..

[هبوب الشمال]

خفاش بقايا

= صقر هههههههههه

ومطشر من شلة سمسار

مالى شغل فية

صار لة هالتكفيخ ويحط الحرحة فى انا

لا يماما انا مو فوطة كل من بغى مسح فى

يوم تفشل مطشر بالفيصلية قلب على على شان

انا طيب حمل وديع = خروف نعميمى هههههههههههه

[هبوب الشمال]

سمسار

مانتب عاقل يا الدخلة خخخخخخخخخخ

خلك فى شعيب الارطاوى بكرة يجيك هادى

ويصيدك وياكلك ونرتاح منك يالفشقة ههههههههه

سمسار نوم الظالم عبادة رح نوم ومن اصبح افلح

ولاترانى بقضبك الباب مع الاخوين بقايا ومطشر

وتصيرون ثلاثى الكوكبانى هههههههههههههه

[الغيور]

سيداتي سادتي ايوها السيدون

نحييكم في استاد روما في الغاله

في مبارت الكنوندو بين العملاقين

مهبول وطق بعصا

و

وين عاقلكم يا اهل مره

و مع الحكمة المعنفصه شقايا البوق

في بطولة فق اثمك يرزقك الله

ونترككم مع احداث المبارات

نتمني ان تستمتعو بقضاء اجمل الاوقات

[سمسار 15]

هبوب
صدقني اعرف
شعورك الداخلي
مسكين لا حول لك ولا
قوه ,, في ذمتك تقدر تمشي
او ركيباتك توجعك ,,
اجل دلخ ,, الله ابخص منهوا
الدلخ ,, اجل راز نفسك وتبي
تدخل كذا من الباب للطاقه ,,

وبعدين اخونا الفاضل مطشر
يقول ان ثيابك وسخه وتبي
تدخل ,,, المهم علمني شعورك
قبل وبعد التكفيخ والركب وغيرها

يا حبيلك هبوب

سمسار 15

[سمسار 15]

مطشر

والله انك مطشر

ما ادري وش اقول

الله يرحم والديك عليك
بالهبوب الى هالحين
يفاوق ,, ارى ما تغوله

تحياتي

سمسار 15

[هبوب الشمال]

وين عاقلكم يا اهل مره

و مع الحكمة المعنفصه شقايا البوق

في بطولة فق اثمك يرزقك الله

ونترككم مع احداث المبارات

نتمني ان تستمتعو بقضاء اجمل الاوقات


تسلم مطشر عليك شخصية قوية

وبقايا مايسر فيها الا العين الحمراء <<<< ودة يسبب مشكلة

بس الاتهمك لاتناظر المضراب تبى مساعدة انا تحت امرك

<<< فاضى ماعندى شغل هههههههههههه

[هبوب الشمال]

سمسار

مانتاب عاقل يالورر ههههه

لكن هين يابوكشة الوعد

اذا طلعنا من المدرسة

بنحوسك حوس ونشقق هدومك

ونكسر مرسمتك لين تعهد معاد

تخربط معنا خخخخخخخخخخ

[الغيور]

سمسار بعد قلبي وش اغول وش اخلي فيه

ما لك على يمين لو شفت شخصيته قبل يقبل على الفيصلية كان شي قمة التشخيص والغالوقة طولها شبر زانطته والساعة والخواتم ابد وخر عن دربه

وعقب ما علقوه بعلباه ومسحو بلاط الفيصلية تشوفه تقول بقايا انسان أبد وانت تطالع فيه يطري على بالك اللي يبيعون ماء عن الاشارات

بس ولو الضرب بالميت حرام مهما كان تراه صديقي وانا ما بعد جبت شي ما شفتوه محليها بعدين

تصدق يا سمسار اني بديت اصير قوي يوم صرت بحماك

[هبوب الشمال]

مطشر

لو شفت شخصيتى

تغيرت علومك وصابك سباة المعزاء هخخخ


وجاك جرب ياللة يالحق عليك سمسار

لسوق يجيب جرة على شان يرشون جلدك

على شان ماينتشر مرض جنون البقر فى الناس هههه

[سمسار 15]

مطشر
ما تلاحظ انه يتهزا بك
لا وله وجه يقوده ينفخ
الى هالحين ,,,
طراقين تكف وانت ماشي

تحياتي واحترامي لكم

سمسار 15

[بقاياا الشوق]

وين عاقلكم يا اهل مره

و مع الحكمة المعنفصه شقايا البوق

في بطولة فق اثمك يرزقك الله

ونترككم مع احداث المبارات

نتمني ان تستمتعو بقضاء اجمل الاوقات


تسلم مطشر عليك شخصية قوية

وبقايا مايسر فيها الا العين الحمراء <<<< ودة يسبب مشكلة

بس الاتهمك لاتناظر المضراب تبى مساعدة انا تحت امرك

<<< فاضى ماعندى شغل هههههههههههه

=============

اعلنت الاستسلام يالهبوب تبي تفزع معه

وانا بنت ابووووي خيل الخيل


اقول مشروب فنجالكم انت يالهبوب ومطشر



واعلنها اتحداكم واكتبو زي ماتبون وانا بوريكم كيف الشغل .. :)


بعد اذنك يامشرفنا سمسار بضرب بالسيف لين ينحني ولن ارحم ..


يكفخهم هنود وين هل العوجاء خخخخخخخخخخ


برجع اذا مانمت ان شاء الله

[هبوب الشمال]

سمسار

منب عاقل يا دكتور قشطة

ههههههههههههههههههههه

اقول اقول لبس نعالك جاك

الموت ياتارك الصلاة

كل يوم اقول الرجل بيصير عاقل

والعشرة صاير بيننا لكن الظاهر

انة مايفيد فيك لازم تصير الاخلاق

معاكم تجارية واعطيكم دروس فى الاخلاق

يا همل الفصيلية ههههههههههههههههه

[هبوب الشمال]

اعلنت الاستسلام يالهبوب تبي تفزع معه

وانا بنت ابووووي خيل الخيل


اقول مشروب فنجالكم انت يالهبوب ومطشر

بقايا

نفسى طويل واللة لاخليك تغنين ماطولك يالليل

وانتى فى فراشك من زود الهم والسيف راح وقتة هالحين

طايرة ودبابة خخخخخخخخخخخ قديمة ومغبرة

اللة لابارك فى مطشر اللى خلاك انتى وسمسار يطلع الكم ريش

يالبرتقالة هههههههههههه

[سمسار 15]

كفوا والله

وانت بنت ابوك

الهبوب استح على وجهك

ترى مطشر باقي عنده
الكثير والكثير ,,

معليش يالهبوب خذ الامور
بروح رياضية هو انت اول واحد
يكفخونه حراس الامن ,,
او انك ماخذ على الموضوع عندهم
وعارفينك ,, من يوم دخلت تفوك

عزتي لك حبيبي

سمسار 15

[هبوب الشمال]

الهبوب استح على وجهك

ترى مطشر باقي عنده
الكثير والكثير ,,

معليش يالهبوب خذ الامور
بروح رياضية هو انت اول واحد
يكفخونه حراس الامن ,,
او انك ماخذ على الموضوع عندهم
وعارفينك ,, من يوم دخلت تفوك

عزتي لك حبيبي
سمسار شكلك تشرب ببسي كثير

انا لايمكن اعطى احد فرصة يهزمنى

وتدرى انا انسان راسى يابس اذا حلت الضرورة

ومطشر وبقايا خلهم وقل لهم يدخلون لبيت عن السيارات

هههههههههههههههههههههههه

[سمسار 15]

ببسي او عصير مشكل

انتبه يالهبوب
وخذ حذرك ترى البطل
الهمام ذو الهامة الكبيره
قاااااااااااااااااااااااااااااااادم
مطشر .. مرحبا الف

تشكراتي

سمسار 15

[بقاياا الشوق]

راسك يابس يالهبوب ..

باين انه مافي مخ انت قلت راسك يابس .. يعني مليان رمل ..

لكن تعرف انتظر موضع فيك بس اروق لك ..


اعصابك خليك ريلكس او كونسونتغي مسيو .. داكور


انا على فكره مانسحب لاني اهلي كلهم فرسان ولهم رايتهم .. ومعروفه

ان بغيتها بالقلم فالقلم ان شاء الله انه ينزف حبر غال حار ..

وكان هي بالسيوف ان شاء الله سأرديك قتيلاً ..

اما عصر البندق والدبابه .. تعرف انه مافيها فروسيه الفروسيه اخذ باليد والسيف الاملح مو ورى حصاة يترس ويذبح فارس متعوب عليه ..



اشكرك على التشاتنق ..



ولكن لازلت عند كلمتي واتحداكم مطشر والهبوب ..

وفنجالكم مكبوب على ناركم .. :)

[هبوب الشمال]

ببسي او عصير مشكل

انتبه يالهبوب
وخذ حذرك ترى البطل
الهمام ذو الهامة الكبيره
قاااااااااااااااااااااااااااااااادم
مطشر .. مرحبا الف

تشكراتي

سمسار 15

فيك عيب انك دايم منسم

ياخى اتفخ كفراتك هههههههههههه

ترى بقايا عندها ورشة على خط الصمان

هى ومطشر لذى شغلتهم من سنين

وحايين للمنتدى على شان يشترون شعير ههه

تدر ى صيف ودهر بس انتبة لريحة لايحوشك ههههههه

[هبوب الشمال]

راسك يابس يالهبوب ..

باين انه مافي مخ انت قلت راسك يابس .. يعني مليان رمل ..

لكن تعرف انتظر موضع فيك بس اروق لك

صديق بقايا انا راس يابس

مثل شجرة قديم ميت بس فرع قوى مايموت

انت اشفية سيف كثير كلام

خيل كثير كلام

وين طايرة وين دبابة ودى سمسار

ومطشر وخلى وسط بيت على شان بزور يلعب فيها

مجنون هذا بقايا لازم دكتور هادى فية علاج كويس

بعدين فى خسارة وشهار مليان نفر هههههه

[الغيور]

كفو والله يا سمسار

ابشر نبي نجيب لك مويضيع يحبه قلبك

بس انت امر وانا اجيك اطامر اذا تبي شي عن هبوب عندي مجلدات

وشقايا البوق مويضيع الركب السود ما عنه الله لا يعوق بشر

تصدق اول مره اشوف سحليه تحب تعقيد الشوش


لكن هين يالسحليه كذا تشيشين صديقي منول

[سمسار 15]

الهبوب

ودي اشوف مطشر

وابي يوريني وشلون
شالوك حراس الامن
برجيلاتك او تشويت
او بعلباك او خنق
,,,,,,,,,,,,,,,,,,,,,,,,,,,,,,,,
وبعدين تعال نسينا
القهوه ,, يوم المعسل
يطلع مع اذانك ويقولون
مع كل جهه ,, تصدق اني رحمتك
,,,,,,,,,,,,,,,,,,,,,,,,,,,,,,,,,,,,,,,,,,
وبعد يوم تطرش عليهم
اقول مره ثانيه
تعيش وتاكل مثلها
بس علمنا لا تستحي

احتراماتي

سمسار 15

[هبوب الشمال]

هبوب = نجيب محفوظ

مجلدات كل فخر

لها الدرجة صرت مهم ياحلووووة

هالحين ادخل المواضيع وانا راسى فوق

شفت سمسار فى النهاية مايصح الا الصيحيح

معلمك خلك معاى الكتاب باين من عنوانة مطشر

يعنى رايح يوصخ ثيابك بس اللة يعينك

[هبوب الشمال]

الهبوب

ودي اشوف مطشر

وابي يوريني وشلون
شالوك حراس الامن
برجيلاتك او تشويت
او بعلباك او خنق

شفت مطشر قلب سمسار

وجهه على الصفحة 15 ههههههههه

قلت الخاتمة وجاى يحتك فى هبوب

على شان يشتهر على حسابي يلا

روحى العب بعيد ترانى مالى خلق لاعلى

بقايا ولا مطشر ولا سمسار

انا متعلم وحرم ارجع خطوة للوراء

[هبوب الشمال]

لعنبو حيكم

مطشر وبقايا وسمسار

وهبوب لحالة ولعب فيكم

لوكم تحلون قضية فلسطين

ساعة على شان تردون

انا متاكد انى ماخليت لكم كلام

بس اسرقو ترى اخر الليل عادى هههههههههه

[سمسار 15]

لحظة تايم اوت

عزيزي مطشر

عسى مهوب انا المقصود
بتعقيد الشوش ,,

اصبر يالهبوب لا تروح

تحيــــ.......

سمسار 15

[هبوب الشمال]

عسى مهوب انا المقصود
بتعقيد الشوش ,,

اصبر يالهبوب لا تروح

تحيــــ.......


اجل منو جدتى انت سمسار

هم حطوك بين المسمار والمطرقة

وضحكو عليك لكن تبي رايي العمر ياشمان

خل امواج الهبوب تصفق هم على وجيهم

خخخخخخخخخخخخخخخخخخخخ

[الغيور]

يووووووه والله يا انتم حقتو موضوعي حوووق

امرحو تكفون خلو الموضوع يركد طلعت الزبده من رجتكم

تذكرت رج هبوب لي يوم اركب معه بالونيت

وانت يالهبوب تراك صديقي وما ودي اعلم عن السوالف والعنتريات اللي قلت لي عليها بالسيارة قبل ناصل الفيصلة

يوم تقول اطلقها اطلقها ما تعوق معي لانك ما تعرفني يسموني ابو غمزه جنان

تكفون ربطوني لا اطلع اللي عندي كله خلوه لموضوع ثاني

وفي الختام ارجو الا يزعل احد ترا الدعوا كلها

مزوحي تجي وتروحي

[سمسار 15]

يالله ورينا مشيك
على الرخام
ابي اتفرج

وين اللواء بقايا الشوق

تحيـــــا....

سمسار 15

[الغيور]

سمسار وش اللي انت المقصود


ليه انت سحليه المقصود شقايا البوق


والا انت مشرفنا وشادين بك الظهر على هالمهبل

[هبوب الشمال]

توك ماشف حووووق

نبى ندوس فى بطنة

ليين يتادب ويقول التوبة

عمى هبوب

والزعل عند غير نا ؟

[هبوب الشمال]

وين اللواء بقايا الشوق

تحيـــــا....

يحرم انة يدخل فى مناظرة

مع المبدع هبوب خخخخخخخخخخ

شفت شلون الفرس الاصيل يسبق بالاخر

[سمسار 15]

بالعكس اخوي مطشر

لا زعل ولا شيء

اخونا هبوبتي يا حليلك
كغ كغ كغ
يا بعد قلبي يالهبوب

وابجي اليوم انشاء
الله مسير بترحبون بي
او ارجع ,,,

الهبوب فعلا صدرك وسيع
وماشاء الله عليك وعيني عليك بارده

بقايا الشووووق لا تكونين زعلانه
اعتذر بالنيابة عن اخوي هبوب الشمال
واخي مطشر ,,

وتصبحون على خير

سمسار 15

[هبوب الشمال]

سمسار وش اللي انت المقصود


ليه انت سحليه المقصود شقايا البوق


والا انت مشرفنا وشادين بك الظهر على هالمهبل

هههههههههههههههههههههههه
خخخخخخخخخخخخخخخخخخخ

قلت الخاتمة يارالربع

السحلية هههههههههههههههه

[هبوب الشمال]

اخونا هبوبتي يا حليلك
كغ كغ كغ
يا بعد قلبي يالهبوب

وابجي اليوم انشاء
الله مسير بترحبون بي
او ارجع ,,,


الزعل مو عذر

انا وياكم والزمن طويل خخخخخخخخخخخخخخ

يالمهبل

[سمسار 15]

لعنبوا بليسك
الى هالحين فيك
عرق ينبض

المهبل وفرحان يالطبل

اعزك

سمسار 15

[هبوب الشمال]

لعنبوا بليسك
الى هالحين فيك
عرق ينبض

المهبل وفرحان يالطبل

اعزك

توك بدري

شكلك جاك النوم

طس ولا تعودها تتحدى الرجال

ومطشرك وبقايا ههههههههههههههههههههه

[سمسار 15]

حلـــــوه ي

روحــــــــــــك ا

الرياضـــــــــــــــــية هـ

اغليك والـــــــــــــــــــــــله ب

سمــــــــــــــــــــــــــــســــــــار و

15 ب

[هبوب الشمال]

وجع تحول الموضوع الى غزل


ترانا محب مزح المسامير خخخ

خلك من الوح وجاى

مطشر جاة النوم هههههههههههههه

[الغيور]

ودي اقول شي بس اخاف تجيني الزبيريه من هبوب خخخخخخخخخخخخخخخخ

عندي مفاجأة قويييييييييييييييييييييييه


انا تشرفت بالانضمام لهذا المنتدى الرائع بأدارييه ومشرفيه واعضائة


بدعوة كريمه من اختي و زميلتي بقايا الشوق

واتفقنا على الكتمان الامر لعيون اخوي الغالي هبوب الشمال

واخترت اول موضوع معكم يكون هو البطل فيه لانه يستاهل


وانا زميل لكم من

منتدي النوادي العربية

واتشرف بالانضمام لهذا الركب الطيب

وأأيد التعاون ما بين المنتديات لما فيه الخير للجميع

وارجو قبول اعتذاري وخصوصاً اخي الغالي هبوب الشمال

وياليت يفزع لي وتغيرون اسمي من مطشر الى








الغيور

واذا امكن يكتب تحت الاسم عبارة مطشر هكذا

الغيور
مطشر

بدل تميراوي جديد

ولكم خالص الشكر والتقدير

[سمسار 15]

تصبحوووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووون

عل اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااااى

خييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييير

سمسار 15

[اسيرة الزمن]

اقصرو الشر ياجماعة الخير

شفيكم كل واحد شاد شوشة الثاني

[هبوب الشمال]

هلا بصدقى الغيور

سلم على هالوناسة

والف شكر وتحية اللات بقايا

على هالابداع


والزعل مرفوع

وياهلا وغلا فيكم كلكم

[هبوب الشمال]

سمسار

تصبح على خير

هههههههههههههههه

ياهلا بمشرفنا اتحفتنا

[سمسار 15]

اولا اشكر الاخت الكريمة

بقايا الشوق التي عرفتنا

على احد فحول الكتابه

اسلوبك شيق ,, مفرداتك

منتقاه , سجالك فيه لذة

لها طعم اخر ,, انا كذلك

يا معلمي اقدم اعتذاري

لك وتقبيل جبين ,,

ارجوا منك التواصل معنا

لكي نستفيد من ما لديك

فجعبتك مليئه بالمواضيع ,,

اخوك ,,,,,,,,,,

سمسار 15

[هبوب الشمال]

اقصرو الشر ياجماعة الخير

شفيكم كل واحد شاد شوشة الثاني



خلاص اسيرة كل واحد يصلح سيارتة

[هبوب الشمال]

اولا اشكر الاخت الكريمة

بقايا الشوق التي عرفتنا

على احد فحول الكتابه

اسلوبك شيق ,, مفرداتك

منتقاه , سجالك فيه لذة

لها طعم اخر ,, انا كذلك


ماصار الا الخير

وشفيك تصيح هذا حال الدنيا هههههههههههههه

ووسع صدرك وراك مستلج هههههههههههههههه

ياسمسار

[الغيور]

المهلي ما يولي يا صديقي هبوب الشمال


حبة خشم ما تنعطى كل رجال
خذها وفا مني لحضرة جنابك


والسموحه على التقصير

من جد انتم رائعوووووون


تصبحون على خير

الغيور

[هبوب الشمال]

المهلي ما يولي يا صديقي هبوب الشمال


حبة خشم ما تنعطى كل رجال
خذها وفا مني لحضرة جنابك


والسموحه على التقصير

من جد انتم رائعوووووون


تصبحون على خير

انت الرائع والاخت بقايا

وهلا وغلا فيكم

[هبوب الشمال]

شكرا سمسار لك على التواصل

شكر لك على الابداع

شكر لك على السهرة الحلوة

[هبوب الشمال]

شكرا لك اختى بقايا الشوق

على هالسهرة الحلوة وتسلمين

لاعدمناك ولك تقديرى

[هبوب الشمال]

مشرفتنا الغالية

اسيرة الزمن

الف شكرللمتابعة

والتشجيع وانت الغلا


مع تحياتى لك الصادقة

[هادي]

الا ما ودكم تقههووون عندي عقب صلاة الفجر نكمل السواليف

والله الظاهر ننحط عسه لحقين تالي الليل

ابشر اخووي مطشر الاسم سيتم تغييره علشان عيونك

بس انتظر رساله خاصه منك تتضمن الطلب

ولك خالص التحايا

سلام

[هبوب الشمال]

قهووووة


واللةياراعى تمير وانك نشمى


ومعروفين ياهل تمير بالكرم

مشاللة عليكم هذا ضنى فيكم

هادى الف شكر على مشاعرك الطيبة

ولك تقدير يامراقبنا الغالى

[بقاياا الشوق]

يالله صباح خير .. اصبحنا واصبح الملك لله ..


اقول انا ماني قاصره الشر وينكم تعالو خفتو .. طيب


غيور الحين فضحة نفسك ورطتني .. لعنبو بليسك ارخخخخت الرجال ارخت ابوي ماصبرت شوي .. لين يدخن هبوب مع رمشوشة ..


طيب البادي اظلم ترى .. زمان عاقله بس شكلها خربت ..

اقول خبوب تعيش وتاكل غيرها ..



والحين صارت الاصايل تلحق تالي .. نمت طيب

وا لا لو استمريت معك البارح ودوك شهار ..





لكن تقولكم بقاياا فنجالكم مشروب .. واذا موعاجبكم منثور على جمركم ..


تحدي .. ظهر الحق وزهق الباطل




مافي احد يشوف تعرفون اخاف يقولون ارهابيه



الله اكبر

الله اكبر






لاتقولون لحد يقولون ارهابية ..



اشكركم من الاعماق كلٌ بأسمة على الارواح الطاهرة الطيبة المرحه ..






ولا ازال اتحداكم ..




:) بقاياا الشوق :)

[هادي]

اقووول تراكي ضيفه عندنا ولا بعد قضت مدة ضيافتك


والواجب يخلينا نسكت ونقدم لكم حق الضيافه
لكن اصبري الين تنتهي المده ونعلمكم كلام الرجاجيل

اجل نعنبو بليسكم في ليله طقيتو ثمانين رد ما تخافون رسيفراتنا تنفجر

سلام

[بقاياا الشوق]

هلا فيك المشرف العام

هذا تصريح لي اخذ راحتي قبل تخلص الضيافة ..



ايه رايك شكلها ورديتنا الحين المهبل ضفو ولا بقي غير العقال ..



واليوم سوي توسعة للسيرفر بيطق 500 رد ان شاء الله ..



اشكركم على كرمكم ولا قصرتو ..


اما الغيور اخ كريم ومشرف له قيمتة ومتعودين على الهبال
وانا عالجت الحمدلله وطبي وهو مافيه اي فايده .. يعني مانقول الا الله يشفيه ..

باللنسبة لعيالكم لايزعلون مننا .. ترى متعودين على المزح الثقيل في حدود الادب .. ونعتبر المنتدى جزء من حيتنا اليومه ..


والف شكر للجميع ..

[UMTUTU]

اقووووووووول

ما عليكم من هااادي

والله انه اهبل منكم بس مربطينه بالاشراف العام والمراقبه وصاااااير فيها عنتر

اصبروا بس كم يوم والله ان تحمدون الله

هلا بكم والله نورتوا الساحه

وانا اقووووول وينكم وانتم طابخينها في الصرقعه

ممكن طلب نبي نظم ساحاتنا لساحتكم نوع من الترابط الاسري

ايش تقولون



محبتكم
ام توتو

[هبوب الشمال]

هادى

خلة ينفجر

على شان تغيرونة هالقديم


وبعدين تعال وش تنتهى حنا تونا نبداء خخخخخ

[هبوب الشمال]

بقايا

خوش

هالحين منهو الى دخنت ارموشة

ومنهو اللى طلع وهج هجيب جيش مهزوم

بقايا انا اخر واحد طلع

سمسار

مطشر

بقايا

كلكم هجيتو من قوة الرصاص من هبوب

يلا بلاهم ترانى ماقصرت والشر براسى

[هبوب الشمال]

UMTUTU
مشرفة ساحة الأسرة

هلا بك واللة وحنا عارفين هادى

لا اشراف ولا مراقبة الا واللة صاك

علية ابوووووووه من تسع بالليل لين الفجر

تفرك سبدة ودة يفرفش بس صعبة

عموما هلابك وساحتك صار فى خبر كان

اللة يرحمها

[هبوب الشمال]

بقايا

لاشكر على واجب

لكن برضوة حنا فيك فيك

خخخخخخخخخخ

[بقاياا الشوق]

خبوب اقول شكله مأثر عليك الحام حيم .. لايكون طحت على راسك من البغل ..

واللي يذبحنا انك تبارز غبار بغلك مايجي مع الاصايل ..


تذكرت فلم عنتر وشيبوب خخخخخخخخخخخخخ

تصلح شيبوب (( هبوب شيبوب ))


اقول يابعد حي ركز زين معنا ترنا بوادي وانت بوادي مشاء الله 10 ردود في الدقيقه ..


مو تكتب اي شي خلك ساسي ولاتأثر بغبار الحبر ..


اما السيرفر الله لايغيره خل عينك بعيده عنه ترى مايحسد المال الا اصحابه ..


وخله يتفجر عندي سيرفر جديد هديه ..

لين نطق الف رد ..

متى تبدون مجمعه حتسي تسثير ..



غسل فناجيلك عن الغبار ..



ام توتو يابعدي انتي ليه بعيده شاركي وتعالو ترى الرسميات مانفعتنا ماعرفنا طعم الدنياء الا من الصرقعه ..




الليله عندي العشاء بعشي الفرسان وياليت هبوب يلحق على العشاء سمعت ان بغله يعرج .. لكن اعزلو له في قسم المطبخ وحطوله في حفظات خلوه حار .. كل نفس رطبة فيها اجر ..



اختكم : بقاياا الشوق

[هبوب الشمال]

بقايا

المثل يقول خالف تذكر

وانا احب هالمقولة واموووت فيها

والبغل يوم بتركبينة غصب عنك

وبصير فيقرا

جدانى وجدانك مايستغنون عنة خخخخخخ

[بقاياا الشوق]

جدانك انت ركبوها مالي شغل ابن الوز عوام

اما انا ماركوب الا الاصايل .. ولا احد شهد على جداني انهم ركبو بغول ..

صقلاويات وعبيات .. هذي خيولهم ..



ماخبرت بغل يقلب فيقراء لانه مايتزواج نقول اختلاف جينات وراثيه ..



طيب خبوب الزعل ممنوع .. والليلة فاضيه لك .. بس تحملني ..




اختك : بقاياا

ولا يزال فنجالك مشروب ..


خخخخخخخخخخخخخخخخخخخخخخخ

[هبوب الشمال]

اللى محلى الدعوى انك توك داد

وماتدرين اهلك وش يركبون

والا مالهم غناة عنها

انا من طلعت على الدنيا مركب الا ددسن

ولى الفخر ولا اكابر خخخخخخخخخخخخخ

[سمسار 15]

الهبووووووووب

ما كنك زدت على ابو لمعه

وبعدين تعال منهو اللي قال

حنا انحشنا وتقول انت وجهك من الرصاص

اي رصاص يا بابا لحظه يمكن

رصاص بعد اكل الدخل

تحياتي

سمسار 15

[هبوب الشمال]

سمسار

اركد يامل الدقم

ههههههههههههههههههههههههههه

وشفيك مستلج

انا الى قاطع قلبي بقايا ومطشر يهددون

ومن الخوف ماجو للحين اكيد امسكتهم الشرطة

ارهابين خخخخخخخخخخخ

هذولى كفو الفيصلية ولا حتى حراج الشفاء

[سمسار 15]

الهبوب اظاهر انت المستلج

الاخ مطشر

واللواء بقايا الشوق

هذولي ناس بزنس

عندهم اعمال تبيهم

يقابلون وجهك ,,,,,

استح على وجهك

انا وياك صح ننفع لبعض

اعقل والا ترى اجي..... ما

ودي افشلك استح عييييب

ودي اخنقك ,, تحياااااااااااتي

سمسار 15

[بقاياا الشوق]

رايحين ندور عليك في كل الاقسام والا امثالك يطلقون في الشوارع ..

خبل وطق بعصاء ..

بس ابي اعرف كيف انطلقة من الشرطه وهم مركبينك الاسعاف لشهار ..

اكيد زعقة عليهم من الهبال لانك مافي مخ على شهادة الجماعه وسويت حركات وانحشت بس الحين بيحطونك بالددسن .. ويودونك مره ثانيه ..



اتمنى لك الشفاء العاجل

[سمسار 15]

بقايا الشوق

صحيح يبون يودونه
لشهار بالددسن وفي
الصندوق ومربط بعد
يالله يفيد فيه ,,

تحيااااتي

سمسار 15

[هبوب الشمال]

الهبوب اظاهر انت المستلج

الاخ مطشر

واللواء بقايا الشوق

هذولي ناس بزنس

عندهم اعمال تبيهم

يقابلون وجهك ,,,,,

انطق وخلك بحالك

ترانى متعشى مكرونة

تدري المكرونة راعيها يعصبب خخخخخخخخخخ

اى اعمال اى خرطى خخخخخخخخخخخخخخخ

[هبوب الشمال]

بيحطونك بالددسن .. ويودونك مره ثانيه ..


بقايا انا بركبك بالددسن فى الصندوق

وخلى شوشتك تطاير وركب معاك عز

وبرميل غاز وكيس شعير مثل العادة

يلا طسى ترانى مالى خلق على اشكالك

سمسار من شلتك انا وع

[سمسار 15]

هبيباتي الشماااااااليه

يقولون مادري هم يقولون
الشبكه تعير المنخل

ياااااال الوسيم ,,
لعنبوا بليسك ما تستحي
على وجهك ,, من البارح
الى هالحين قاعد تناضر
الشاشه ,,,,, تدري ليش

من الحره على خويك اللي
طلع فضايحك والطيبه اللي
لدمك معاد تعرف حتى تكتب
كاتب لي (( تدري راعي المكرونه يعصبب ))

وشهوا معنى (( يعصبب ))

تحياااااااااااااااااااااااااااااتي يا بعدي

سمسار 15

[الغيور]

يووووووووووه ما لقيت مكان اكتب فيه


ما خليتو ولا جدار ما كتبو فيه ذكرياتكم

[هبوب الشمال]

يعصب سمسار يعنى شارب فليت هههههههه

وانت دئما تشرب فليت انت بلدية خخخخخخخخخخ

اقول خلك مع بقبق لين يجيك النوم ثم اجى اشيلك

ووديك فراشك خخخخخخخخخخخخخخخخخخخ

[هبوب الشمال]

الغيور

الجداران واجد

وبيت بقايا اطول ماطول اللة سورة

خذ البخاخ وكتب محد رادك واذا خايف اخرا لليل

خخخخخخخخخخ

[سيف العشق]

مطشر

ماظن هبوب الشمال

مشرف وراوى ومايعرف يتمشى بالفصيلية

بس اللى فية ريح مايستريح يامطشر افندى

[مشاعر]

والله صدقت ياسيف العشق اللي في بطنه ريح ابداً مايستريح والهبوب اكبر من كذا يا مطشر ويابقايا الشوق وياسمسار 15 هذا رمز من رموز المملكه الهبوب وانا ماتوقع يكون الهبوب بهذا الشكل وحامضه يامطشر ويابقايا الشوق ويا سمسار 15 واللي مايطول العنب حامض عنه يقول ولا موكذا يالهبوب واصلا المملكه مابنتيت الامن اجل الهبوب .....

وسر يالهبوب وحنا معك ولايهمك هذولي ....

مشـــــــــــاااعر

[هبوب الشمال]

مشاعر ياسنايد

هلا وغلا

شفت شلون مايستحون على وجييهم

اكيييييييييييييد دائما المميز محارب

وترى ماعمرهم شافو المملكة ولا الفيصيلة

غير فى الرادو ههههههههههههههههه

هالحين قاعدين يتميلحون على اخوك هبوب لكن

لايهمونك علمهم عندى وانا ابوهندى هم حدهم

مواقف شلقا فى الديرة ههههه

[بنـ الشيوخ ــت]

ايش حكاية اهلكم معايا

انا ما ادري ايش السالفه


بس مريت شفت الناس متجمعه قلت يمكن احد متوفي او فيه عزاء

تقبل التعازي بمسكننا بحي الحمراء شارع 20 بلوك رقم 25

للاتصال والتعزيه هاتف 622 ؟؟؟؟؟؟ رقم مميز لاعلى سعر


حجازي ما ينزل اعلان كدا عل فاضي

ههههههههههه
;)بنـ الشيوخ ــت;)

[الشقراااوي]

وين الاخواان ناوين ياصلووووون صطح القمر

ما تبون سلالم او ونوووش


==== الاخ مقاول في لبنان وبده يبيع كم اميص وكم بنطلووون اذا بتريدوا


وينك

اخس ياللبنااني

[سمسار 15]

اخوي الهبوب

انت والله عزيز وغالي
والظاهر لو ترجع الى
كل الردود من عندي
ما غلطة عليك وانت
الكبير فينا وان كنت
غلطان ارجوا السموحه ,,

تحيااااااااااااااتي

سمسار 15

[سمسار 15]

الاخ مشاعر

اشكرك على ردك
وصدقني الهبوب
عزيز وغالي وفوق
ما تتصور بالنسبه
لي انا شخصيا ,,
من كثر ما اسمع عنه
احترامي له كبير ,,
ومنك بعد اعتذر يالغالي

تحياااااااااااااتي

سمسار 15

[سمسار 15]

يالهبووووووووووووووووب

فليت مره وحده
الله وكبر ,,,,,

بس بيني وبينك
لي يومين تعيبان مره
تتوقع انه من الفليت
اشوني ما مت ,,,
من يبي يناقرك ,,

تحياااااااااااااااااتي

سمسار 15

[هبوب الشمال]

بنت الشيوخ

ساكنة بحى الكرنتينة

انت كفوحمراء حافظى على بوزك

هذا بعدك وبعدين انت ريسة الطقاقات

فى الباص رايخات حق زواج بدو

قالت عزاء ..... يلا بس خليك مع

ربعك لاتضيعين ترى عندنا وحوش

قالت حجازية اصلا انت من الغالة فى الرياض

من السود الى يبيعون بليلا خخخخخخخخخخخ

[هبوب الشمال]

بسم اللة عليك

سمسار هذولى حريم

واللة يجيبون لك الوهم

والمرض

قرب النساء خسارة وقرب الرجال تجارة


وانت فيك النوم تعال معنا خلك عنك

هالطقاقات

لايصير تفكيرك بعد هبوب اكبر من هالامور

[سمسار 15]

يالهبوووووووووووووووب

في ذمتك وش حنا بليا
الحريم هن الخير والبركه
هاااااااااااااادي من زمان
اقوله دورلي حرمه ويقول
ابشر ,,,,,,,,,,,,,,,,,,,
اجل اهون من هالحيييييييين

تحيااااااااااااااااااااااتي

سمسار 15

[الغيور]

وتف على عينك حامضه يامطشر ويابقايا الشوق ويا سمسار 15

هذولي الصعاليق اللى لاتهش ولا تنش ..

لااااااااا تعليق !!!!


اللي ودي اقوله

اعتذر واكرر اسفي واعتذاري من اي شخص زلينا او غلطنا عليه من غير قصد

انما للمزح حدود على قولت ام كلثوم

وترا ما بنفسي شي ولن اترك هذا الصرح لمعزة هذا البلد بقلبي

بس والله قويه تجي من مشرف

واي مشرف , مشرف الساحة العامة

اللي هي واجهة منتديات تمير

تحياتي

[هبوب الشمال]

لا لصبر حدود ولاشى

خذر حتك ولايهمونك <<< معقد الشوش خخ


وهذولى ناس اللة اعلم بهم مايكلون الا بسكويت الشاهى

وام كلثوم حرام تشغل عندهم

خلهم من بطى البذالى وجاىعد تتعذر على ايش

الغيور انت هالحين قاعد تدلعهم علينا قم بس قم

[هادي]

هلا اخووووووووووووي الغيوووور

انا اعتذر لك عن هذا الكلام وتم تعديله من قبلنا نحن

ويمكن بعض المزح زااد شوي

لكن حقك على العين والراااس

وهذي حبة خشم

اموووووووووووووووووووووواااااااااه

عاد كل شي الا زعلك



سلام

[هبوب الشمال]

الغيور

نعتذر لك كمشرفين

هادى هبوب ام توتو ينت الشيوخ امير الحروف اسيرة الزمن

المدرس الوابل ولد عنبر اتيكاء نقا هشال غلا الدكتور الجازى
الدكتور ادمن وحمد وجميع الاعضاء عن الخطاء الغير مقصود

والمنتدى منتداكم ياهلا وغلا


اخوك هبوب الشمال

اخوى غيور شرايك فى الحب من جانب واحد هذى صرقعة

[سيف العشق]

اليوم المعادلة اثبتت انة مافية لاقراوى

ولا مدنيين كل الدعوة سوا

تدرون لية ( لانة افتتاح مركزين بجدة والرياض

والى مات 3 والمصابين بالعشرات

وين التطور تدرون مع السلامة

[هبوب الشمال]

اى واللة

سمعنا هالخبر ية

وعلى العموم الاسواق هالحين

مب هبوب بس حتى العمال يدخلونة

<< مسكين هبوب ماتبونة يتطور اف

عنده ددسن وش حلوها ماهى ملية عينكم