أمير الحروف
27 / 08 / 2004, 39 : 07 PM
ما استوعبت فكرة غيابه بعد غاب = الطفلة اللي تشبه النور والحور
ولا صدقت حزن الأحبة والاقراب = والموقف اللي بعده الدمع منثور
متى يجي وتطير للفرحه أسراب = اللي حضوره عيد واطلالته نور
في كل لحظة تنتظر فتحة الباب = توّه مواعدها بلعبة وعصفور
ولا كمّل البارح حكايات الأغراب = ولا شاف رسمتها فراشات وطيور
محتاجته حتى تفضفض بالاتعاب = ومن فوق صدره ترمي الضيق والجور
ومحتاجته من دون تبرير وأسباب = لكن ظلام الياس بالدار منثور
معقول صار الحلم من فوقه تراب = معقول يمسي عمرها الغض مقبور
ويوم انغرس للياس في صدرها ناب = وصارت تميد الأرض وتضيق وتدور
تهاوت بلحظة على كومة ثياب = وضمت بقايا ريحته بأصدق شعور
كانت تمايل في وجوده وتنساب = مثل الفراشة والمدى كله زهور
وصارت تمايل في غيابه وترتاب = الكون باهت وأصفر الوجه معذور
تستمطر ( أنشودة أبي ) وبل الأهداب = تكسّر العبرات والقلب مكسور
تسكت ويكتب نازف الدمع باسهاب = على حدود اليتم قوسين وسطور
وسلامتكم ... للشاعر مشعل الفوازي
ولا صدقت حزن الأحبة والاقراب = والموقف اللي بعده الدمع منثور
متى يجي وتطير للفرحه أسراب = اللي حضوره عيد واطلالته نور
في كل لحظة تنتظر فتحة الباب = توّه مواعدها بلعبة وعصفور
ولا كمّل البارح حكايات الأغراب = ولا شاف رسمتها فراشات وطيور
محتاجته حتى تفضفض بالاتعاب = ومن فوق صدره ترمي الضيق والجور
ومحتاجته من دون تبرير وأسباب = لكن ظلام الياس بالدار منثور
معقول صار الحلم من فوقه تراب = معقول يمسي عمرها الغض مقبور
ويوم انغرس للياس في صدرها ناب = وصارت تميد الأرض وتضيق وتدور
تهاوت بلحظة على كومة ثياب = وضمت بقايا ريحته بأصدق شعور
كانت تمايل في وجوده وتنساب = مثل الفراشة والمدى كله زهور
وصارت تمايل في غيابه وترتاب = الكون باهت وأصفر الوجه معذور
تستمطر ( أنشودة أبي ) وبل الأهداب = تكسّر العبرات والقلب مكسور
تسكت ويكتب نازف الدمع باسهاب = على حدود اليتم قوسين وسطور
وسلامتكم ... للشاعر مشعل الفوازي