أيامنا والليالي كم نعاتبها ......

[عاشق مطير الأول]

هذه قصيدة من أروع وأجزل القصائد وهي لأحد عمالقة شعراء الحجاز في القرن

الماضي وهو الشاعر بديوي الوقداني رحمه الله


أيـامـنــا والـلـيـالـي كــــم نعـاتـبـهـا .......شبنـا وشابـت وعفنـا بعـض الأحوالـي

أيــــام فــــي غـلـبـهـا وأيـــــام نـغـلـبـهـا.......وأيـــام فـيـهـا ســـوا والــدهــر مـيـالــي

تــاعــد مـواعـيــد والـجـاهــل مـكـذبـهـا.......واللـي عـرف حدهـا مـن همـهـا سـالـي

إن أقبـلـت يــوم مــا تصـفـي مشاربـهـا.......تقفـي وتقبـل ومــا دامــت عـلـى حـالـي

فـــي كــــل يــــوم تـوريـنــا عجـايـبـهـا.......واليـوم الأول تـراه أحسـن مــن التـالـي

جـربـت الأيــام ومثـلـي مـــن يجـربـهـا.......تجـريـب عـاقـل وذاق الـمــر والـحـالـي

يضحـك مــع الـنـاس والدنـيـا يلاعبـهـا.......يمشـي مـع الفـي طـوع حيـث مـا مالـي

كـــم مـــن عـلــوم وكـــم آداب نكسـبـهـا.......والـشـعـر مــــازون مـثـقــال بمـثـقـالـي

أعرف حروف الهجـا بالرمـز وأكتبهـا.......عاقـل ومجنـون حـاوي كـل الأشكـالـي

لـكــن حـظــي ردي والـــروح متعـبـهـا.......مافـادنـي حـسـن تأديـبـي مـــع أمـثـالـي

إن جيـت أبــي حـاجـة عــزت مطالبـهـا.......والعـفـو مـاواحـد فــي الـنــاس يـاوالــي

قـــوم لـيــا جيـتـهـا رفــــت شـواربـهــا.......بالضحـك وقلوبهـا فيهـا الــردى كـالـي

وقــوم لـيـا جيـتـهـا صـكــت حواجـبـهـا.......وأبدت لـي البعـض فـي مقفـاي وإقبالـي

مـاكـنـي إلا مـســوي حـــال مغضـبـهـا.......والـكـل فــي عشـرتـه مـاكـر ودجـالــي

ياحـيـف تخـفـى أمــور كـنـت حاسبـهـا.......والـلـي عـلـى بالـهـم كـلـه عـلــى بـالــي

الـجــار جـافــي وكـــم قـــوم محـاربـهـا.......والأهــل وأصحابـنـا والــدون والعـالـي

والروح ويش عذرها في تـرك واجبهـا.......راح الحسب والنسب في كثر الأموالـي

نفسـي تبـا الـعـز والحـاجـات تغضبـهـا.......تـرمــي بـهــا بـيــن أجـاويــد وأنــذالــي

الـمــال يـحــي رجـــال لا حـيــاة ابـهــا.......كالسـيـل يـحـي الهشـيـم الـدمـدم البـالـي

عفـت المـنـازل وروحــي يــوم أجنبـهـا.......منـهـا غنيـمـة وعـنـهـا الـبـعـد أولالـــي

لاخيـر فـي ديـرة يشـقـى العـزيـز ابـهـا.......يمـشـي مــع الـنـاس فــي هــم وإذلالــي

دار بــهـــا الــخـــوف دوم مايـغـايـبـهـا.......والجـوع فيهـا ومعهـا بعـض الأحوالـي

جـوعــى سراحيـنـهـا شـبـعـى ثعالـبـهـا.......الـكـلـب والـهــر يـقــدم كــــل ريـبـالــي

عــز الفـتـى راس مـالـه مــع مكاسبـهـا.......يامرتـضـي الـهـون لا عــز ولا مـالــي

دللـت بالـروح لـيـن أرخـصـت جانبـهـا.......وأنــا عتيـبـي عـريـب الـجــد والـخـالـي

قــوم تــدوس الأفـاعـي مـــع عقـاربـهـا.......والـهـا عـزايــم تـهــد الـشـامـخ الـعـالـي

خـــل الـمـنـازل وقـــل للـبـيـن يـنـدبـهـا.......يبـكـي علـيـهـا بـدمــع الـعـيـن هـطـالـي

لا تـعـمـر الـــدار والـقــالات تـخـربـهـا.......بيـع الـردي بالخسـارة واشـتـر الغـالـي

ماضـاقـت الأرض وانـسـدت مذاهبـهـا.......فـيـهـا الـسـعـة والـمـراجــل والتـفـتـالـي

دار بـــــــدار وجـــيــــران نــقــاربــهــا.......وأرض بـــأرض وأطـــلال بـأطـلالـي

والـنـاس أجانـيـب لـيـن انـــك تقـاربـهـا.......وتـكـون منـهـم كـمـا قـالــوا بالأمـثـالـي

الأرض لله نـمــشــي فـــــي مـنـاكـبـهـا.......والله قــــــدر لـــنـــا أرزاق وأجـــالــــي

حـــث الـمـطـايـا وشـرقـهــا وغـربـهــا.......وأقـطـع بـهــا كـــل فـــج دارس خـالــي

واطـعـن نـحـور الفيـافـي فــي ترايـبـهـا.......وابعـد عـن الـهـم تمـسـي خـالـي البـالـي

مـــن كـــل عـمـلـيـة تـقـطــع بـراكـبـهـا.......فــدافـــد الـبــيــد درهـــــام وزرفــالـــي

تـبـعـدك عـــن دار قـــوم ودار تقـربـهـا.......واخـتــر لـنـفـسـك لـلـمـنـزال مـنـزالــي

لـومــت فـــي ديـــرة قــفــرا جـوانـبـهـا.......فيهـا لـوطـي السـبـاع الغـبـس مدهـالـي

أخـيـر مــن ديـــرة يـجـفـاك صاحـبـهـا.......كـــم ذا الـجـفـا والـتـجـافـي والـتـعـلالـي

دوس المخـاطـر ولا تخـشـى عواقـبـهـا.......الـمـوت واحــد وبـعــد الـعــز يـجـلالـي

إن الـمــنــايــا إذا مـــــــدت مـخـالـبــهــا.......تدركك لو كنـت فـي جـو السمـا العالـي

مـاقـرت الأســد فـــي عـالــي مراقـبـهـا.......تسعى على الر.. ماحنت في الأشبالي

والشمـس فـي برجـهـا والغـيـم يحجبـهـا.......تقفـي وتقبـل لهـا فـي الـعـرش مجـدالـي

رب الـسـمـوات يامـحـصـي كـواكـبـهـا.......يامجـري السفـن فـي لـجـات الأهـوالـي

ضاقـت بنـا الأرض واشتبـت شبايبهـا.......والـغـيـث مـحـبـوس يامـعـبـود يـاوالــي

يالله مــــن مــزنـــة هــبـــت هـبـايـبـهـا.......رعادهـا بـات الـه فـي البـحـر زلـزالـي

ريــح العـوالـي مــن المـنـشـا تجـاذبـهـا.......جـذب الدلـي مـن جـبـا مطـويـة الجـالـي

ديـمـومـة سـلـبـت وارخــــت ذوايـبـهــا.......وانـهـل منـهـا غـزيــر الـوبــل هـمـالـي

تسـقـي ديــاراً شـديـد الـوقـت حـاربـهـا.......مـاعـاد فيـهـا لبـعـض الـنـاس مـنـزالـي

يـاجـاهــل اســمــع تـمـاثـيـل مـرتـبـهــا.......فيـهـا مـعـانـي جـمـيـع الـقـيـل والـقـالـي

مـثــل المحـابـيـب زادت فـــي قوالـبـهـا.......في صرفهـا زايـدة عـن قـرش وريالـي

يـــارب تــوبــه وروحــــي لا تـعـذبـهـا.......يـــوم القـيـامـة اذا مـاضـاقـت أعـمـالـي

وأزكـى صـلاة علـى المختـار نوهبـهـا.......شفيعـنـا يـــوم حـشــر فـيــه الأهـوالــي


الشاعر بديوى الوقداني

[سُلاَفْ القَصِيدْ]

مشكور اخوي على هذه المشاركة التي هي اكثر من رائعة
سلمت يالطيب وربي مايحرمنا اختياراتك

[king tumaer]

تسلم يمناك علــــ القصيدة الاكثر من رائعة