غـــــــــــارة الــوجـــــدان

[ابونواف السلوم]

سألــت الليــل عــن رجـــف الضلـــوع وغــارة الوجــدان
عســى ماشــر يالليـــل الشقــى وش صــار بغيابــــي
أشــــوف أطــلال قلبـــي مابقــــى حصـــنٍ ولاجـــدران
تهبـــه مـــن سوافـــي الصيف عجــــــاجٍ يدفن أطنابي
دمــارٍ ينــزف جــــروح الزمـــان بداخـــــل الشــــــريان
ضحايـــاه الخــــلايا والكــــــرات الحمـــر بأحدابــــــــي
نشف باقي الوريــد اللي يسيل ويسقــــي العربـــان
عليه الفيــــن جثـــــه والعزاء في آخــــر أحبابــــــــي
أشــوف البرق من فوق الصـــــــدر فيه الرعد طفشان
يشـــق جيــــوب ثوبــــه من الحـــــــــــزن ثم يتلوابي
هبــط فوق الخفوق بغيمــــةٍ ســــــــــوداء كما الدخان
كست وجـــه النهــــار وفسرت عن ســـــــرها الغابي
تقول بغيبتـــــك غاب الضميــر وفجـــــــــــــــر البركان
هـــــواء بيــــرق شموخـــــــــك ونكسر ثم أنفتح بابي
صحيح أن غيبتـــك خمسـّة عشر لحظه مع الشيطان
وتتبــــع خطــــوة اللي عينهـــــــــا مدعوجــــــة إحرابي
تهوجس بالنظــــر للــــي سميــــه قايــــــــد الغزلان
تهــــز الـــراس مع هــــزة ردوفه وأهــــــب ياهابـــــي
أعرف انه جميـــــــــــــل يدوخ عنده أشجع الشجعان
على نبـــــت الفيافي والخزامـــى والنفــــل رابـــــــي
أذا شافـــه يهــــــودي قـــال يا بســــم الله الرحمن
نطق بســـــــــــم الله أكبر تم سجد مع عكف لشنابي
أخوكم/ أبونواف ال صليع

[كووGIRLوول]

ابو نواف تسلم يمناك
وشكوووووووور

[ابونواف السلوم]

شكـــراً لمروررك ويسعدك ربــــــي

[سُلاَفْ القَصِيدْ]

صح لسانك اخوي ابو نواف قصيدة رائعة
ودمت بووووووووود

[ابونواف السلوم]

تسلمـــــــي عالمرور ودامت حياتــــك بالسعاده

[المدرس]

أعرف انه جميـــــــــــــل يدوخ عنده أشجع الشجعان
على نبـــــت الفيافي والخزامـــى والنفــــل رابـــــــي
أذا شافـــه يهــــــودي قـــال يا بســــم الله الرحمن
نطق بســـــــــــم الله أكبر تم سجد مع عكف لشنابي


مقدر اقول شيء

رائعة لا تكفي