قصيدة شاعر ((..... بالبرتقالة .... )) اللي حيرت كل الناس

[مخـ تمير ـاوي]

كل ماواجهت واحد واسأله وشلون حاله
............ قال لي ياخوك تكفا لاتقول شلون حالي

قلت قولوا شاللي صاير قالوا شوف ( البرتقاله )
............ أم الأصفر وأم الأزرق والحلا بالبرتقالي

من كثر ماقالوا عنها ومدحوا زين الغزاله
........ رحت أشوف اللي مدحوها ورفعوها بالعلالي

شفتها واللي لقيته شي مانقوى احتماله
............ شفت غزلان تراكض من يمين ومن شمالي

استثارتني وزادت في سما شعري خياله
............ ذكرتني بالهوى واللي حصل في مامضالي

هيضتني (البرتقاله) قلبي مدري وش جراله
.............. الأكيد اللي حصليّ شي ماهو باحتمالي

يازماني لو تعود وتفتح لقلبي مجاله
....... وترجع احلى ايام عمري واللي راحت من ليالي

كان صححت الخطايا والهوى مالي وماله
........... كان ماخليت قلبي يفتح لهمي مجالي

والا ماخليت خلي يزعل ويقطع وصاله
........... لكني اني من غروري كنت سبّة ماجرالي

لو نظرتوا زين خلي لو هي لمحة من جماله
.......... تعذروني يوم اقول ان غير حبه ماهنا لي

لابغيت اوصف وصوفه صعب اوصفها خصاله
......... يعجز لساني ويقصر لابغيت اوصف خيالي


لاذكرت اني خسرته زاد في قلبي اشتعاله
............ ضاقت الدنيا علي وضاق من فرقاه بالي

صدقوني انه احلى من بنات ( البرتقاله )
............ ولاذكرت اني خسرته تصفق اليمنا شمالي


.

[ولدعنبر]

صدقوني انه احلى من بنات ( البرتقاله )
............ ولاذكرت اني خسرته تصفق اليمنا شمالي

تسلم اخي على القصيده

[نقا هشال]

صح لسانك

ولاهنت
-------------

[المدرس]

هيضتني (البرتقاله) قلبي مدري وش جراله
.............. الأكيد اللي حصليّ شي ماهو باحتمالي


الهرم نرحب بك

ومشاركة رائعة

جدا

[قناص]

تسلم على القصيده الرائعه والله يحفظك انشاء الله
تحياتي للجميع