أهل الدسايس /جديدة ...

[المدرس]

قصيدة خاصة اصور فيها حال بعض الناس هذه الأيام


اخص بها منتدى تمير










بسم الاله اللي خلـــــق كل ما كان الواحد المعـبـــود رب الـبــــــــرية
أبدى كلامي وأرفع الصوت بالحان

وأصوغ شعري واظهـــر المقدريه
أنا ولـــــد عثمـــان والحــــق تبـيان
حاضر وعــنــدي للنشاما هــــديه
هـــدية ما هيـــــب تشرى بالأثمـان
من فــــكر راسي نقـد ما هي حذيه
بعض العرب غذوا على الشر منشان
يمشون بين الناس لأجـــــل الأذيـه
أقلوبهم يسكــــــن بها اليوم شيطـان
توجيـــــههم واضح وهم له مطيـه
ناس ٍ سعــــت بالشر في كل ميـدان
أهل النمايم والنــفـــوس الــرديــــة
انفــــوسهم لا شافت الطيب بركـان
من حقــــــــدها تكذب وتعلن قضية
أهل الدسايـس كشفــــهم لازم يبـان
أهل الحســــــد بالاسم تكشف سوية
يا ديــــرتي هو يجهلك مر الأزمان
عـــدوك اللي كاتب ٍ لك وصيـــــه
يقول فيها وأصــدق الحــــق ما بان
والله لأخلـــي الدار نار ٍ لظــيـــــــه
أيــولع الفتــنـة ويضــرس بنيبان
وينغـــز العـــالم وهي له ضحــيـــه
بس افطنوا وادعوا على إبليس ينهان
وصيـــروا يــــدا ٍ وحده وكف ٍ نديه
وأخـــتـامها صلوا على خير عدنان
رسولنا المبعـــــــــوث لأجل البرية








الشاعر / حمد إبراهيم العثمان / تمير

[الضامي]

قصيدة جزلة يالشاعر

وصح لســــانك

بس افطنوا وادعوا على إبليس ينهان
وصيـــروا يــــدا ٍ وحده وكف ٍ نديه

صدقت يالغالي والشيطان حريص علي التفرقة ولابد من التفطن منه

تسلم يمينك

[ذيب النشاما]

صح لسانك وأعتلى شانك يالمدرس
قصيدهـ رائعه من رجال شقردي ، يعطيك العافيه
ولاهنت على الأبيات ...

/

دمتَ بخير

[ابونواف السلوم]

صـــــــــــــــــــح لســـــــــــانــــــــــك قصيــــــده تحمـــــــل الكثيـــــر من المعانــي بين أبياتهـــــــا

[أبو مهند]

أنا ولـــــد عثمـــان والحــــق تبـيان
حاضر وعــنــدي للنشا ما هــــديه

كفو والله أبو عاصم والله انك قدها وقدوود وعلمك غانم وبيض الله وجهك

وانا أقول( بيض الله وجه أهل تمير كلهم ماعدا شخص واحد يمثل نفسه فقط ولا يمثل اهل الكرم والجيرة والخوه والطيب والعلم الغانم أهل تمير)

[المدرس]

الف شكر اخي الشاعر الضامي على هذه الكلمات وننتظر جديدك

[المدرس]

ذيب النشاما اسم على مسمى
يعطيك العافية على مرورك وكلماتك

[المدرس]

اخي العزيز ابو نواف تشرفت بمعرفتك وقراءة قصائدك
شرفني مرورك

[المدرس]

اخي الغالي ابو مهند الف شكر على مرورك
وقد اتضح مضموون كلامك

[ابونواف السلوم]

اخي العزيز ابو نواف تشرفت بمعرفتك وقراءة قصائدك
شرفني مرورك
أبــــو أبــراهيــــم كسبتــــك أخ ومعرفتـــك وسامٍ على الصــدر

[المارد]

كفو اخوي ابو عاصم ولاتبخل علينا بالقصايد

[المدرس]

تستاهل وأبشر بالجديد قريبا
مشكوررررررررررررررررر

[الموادع]

صح لسانك وأعتلى شانك يالمدرس
قصيدهـ رائعه فالكـ البيرق

[المدرس]

اخي العزيز الموادع
الف شكر على مرورك وكلماتك الجميلة

[راعي تمير]

قصيدة رائعه اعجبتني كثيرااااااااااااااااااااااااا
مليون شكررررررررررررررررر

[النجدي]

مشكور المدرس على هذه القصيدة الجزلة

والمعنى في بطن الشاعر

بانتظار جديدك

[المارد]

شـكــ وبارك الله فيك ـــرا لك ... لك مني أجمل تحية .

[طير شلوى]

صح لسانك يابو عاصم

وجزل ماترضى الا بالجزل

لاهنت وبيض الله وجهك

بس كان ودنا ان تكون صوتيه بعد

[الأنيق]

الله لايهينك وصح لسانك
تسلم على هالكلامات
ودمت بالف صحه وعافيه

[تركي الفيصل]

بيض الله وجهك واهل الدسايس ماسلمنا منهم والله يجيرك

[المدرس]

اخوي تركي الف شكرررررررررررر على مرورك وكلماتك ووحشتنا

[الطوقي]

قصيدة خاصة اصور فيها حال بعض الناس هذه الأيام
اخص بها منتدى تمير
بسم الاله اللي خلـــــق كل ما كان الواحد المعـبـــود رب الـبــــــــرية
أبدى كلامي وأرفع الصوت بالحان
وأصوغ شعري واظهـــر المقدريه
أنا ولـــــد عثمـــان والحــــق تبـيان
حاضر وعــنــدي للنشاما هــــديه
هـــدية ما هيـــــب تشرى بالأثمـان
من فــــكر راسي نقـد ما هي حذيه
بعض العرب غذوا على الشر منشان
يمشون بين الناس لأجـــــل الأذيـه
أقلوبهم يسكــــــن بها اليوم شيطـان
توجيـــــههم واضح وهم له مطيـه
ناس ٍ سعــــت بالشر في كل ميـدان
أهل النمايم والنــفـــوس الــرديــــة
انفــــوسهم لا شافت الطيب بركـان
من حقــــــــدها تكذب وتعلن قضية
أهل الدسايـس كشفــــهم لازم يبـان
أهل الحســــــد بالاسم تكشف سوية
يا ديــــرتي هو يجهلك مر الأزمان
عـــدوك اللي كاتب ٍ لك وصيـــــه
يقول فيها وأصــدق الحــــق ما بان
والله لأخلـــي الدار نار ٍ لظــيـــــــه
أيــولع الفتــنـة ويضــرس بالأنياب
وينغـــز العـــالم وهي له ضحــيـــه
بس افطنوا وادعوا على إبليس ينهان
وصيـــروا يــــدا ٍ وحده وكف ٍ نديه
وأخـــتـامها صلوا على خير عدنان
رسولنا المبعـــــــــوث لأجل البرية
الشاعر / حمد إبراهيم العثمان / تمير

صـــــــــــــــــــــح لسانك
وقصيدة جزلة وماقصرت
وبيض الله وجهك
وعزالله انك اظهرت المقدرية

[محمد الفيصل]

الشاعر / حمد إبراهيم العثمان احيانا بعض القصائد تجبرك على التمعن فيها ومنها هذه القصيدة الواضحة معانيها
حفظنا الله واياكم من :

ناس ٍ سعــــت بالشر في كل ميـدان
أهل النمايم والنــفـــوس الــرديــــة
انفــــوسهم لا شافت الطيب بركـان
من حقــــــــدها تكذب وتعلن قضية
أهل الدسايـس كشفــــهم لازم يبـان
أهل الحســــــد بالاسم تكشف سوية

الله يكشف سترهم ليحذر الناس منهم

[سويد السويدي]

صح لسانك