مهزلة سوق الغنم !!!!

[ديرتي]

بسم الله الرحمن الرحيم

السلام عليكم ورحمة الله وبركاته
ابارك لاهل مدينتي العزيزة ( تمير ) هالامطار والربيع ولله الحمد ... لكن :

أنا:55:.

سوق الغنم وماأدراك ماسوق الغنم !!!!! قضيته الى أي مدى وصلت :67:؟
فالعيب والله اننا اذا أردنا ان نشتري لنا طرف دققنا الابواب .. والله صارت شحاذة:81: ,لا وبعد تشتري الطرف بدون تخير وانت ساكت وتدفع القيمة اللي ذكرها لك البائع قصدي (المضيف) وانت ساكت لانك انت من طرقت الباب فأسمع الجواب .:106:
. هذه المشكلة نعاني منها نحن اهل تمير فمبالك بالمصطاف :61:!!!
مدينة لايوجد بها سوق غنم والله مهزلة ياجماعتي الأعزاء ..........

[عزوبي تمير]

نعم مشكلة كبيرة فمدينة تمير لايوجدبها غير سوق الجمعة
وبعض الناس يذهب الى المجمعة اذا اراد انيشتري ذبيحة من اجل ان يتخير على كيفة ولوجود الشبوك المليئة بالاغنام على مدار السنة

[المهند]

صحيح نحن السكان عرفنا أين نجد الذبائح في الاستراحات وفي المزارع القريبة من الديرة ... ولكن من الصعوبة أن يجلس أحد وسط الأسبوع ليعرض بضاعته من أغنام ... لأن الزوار لا يأتون إلا في أيام الاجازات ... والتي يحضر فيها أهل الحلال إلى السوق ... والحمدلله من يوم تطلع من تمير إلى أن تصل لأم رجوم والعالم باسطة تبيع ذبائح ..

بهذه المناسبة أترك رسالة في هذا الموضوع لمن يهمه الأمر ونحن على أبواب عيد الأضحى المبارك ... والعشوائية في أحواش الأغنام بجانب جامع الديرة والذي يكتض هذه الأيام بجالبي الأضاحي ... مما يؤدي إلى عشوائية في البيع وإغلاق للطريق العام .. ولعل التنظيم هذه السنة يفرض حضوره ...

[عاشق ديرتي]

كلام المهند صحيح وفي محله
الذبائح لاتعرض الا في وقت
الاجازات ورحلات البر فقط
اما في وسط الاسبوع فمن سيشتري
واهل الديرهـ السكان لهم بخص باهل
الغنم اللي يبيعونها

[ديرتي]

ولكن من الصعوبة أن يجلس أحد وسط الأسبوع ليعرض بضاعته من أغنام ... لأن الزوار لا يأتون إلا في أيام الاجازات

من قال لاهل الاستراحات ابسطوا في وقت الاسبوع ؟
نحن نريد سوق ثابت تديرة العمالة كالأسواق الأخرى ؟


عدد الزوار 55 والردود 3 فقط ... شكل الوضع الحالي عاجبكم !!!!!!!!!!!!!!!!

[ديرتي]

كلام المهند صحيح وفي محله
الذبائح لاتعرض الا في وقت
الاجازات ورحلات البر فقط
اما في وسط الاسبوع فمن سيشتري
واهل الديرهـ السكان لهم بخص باهل
الغنم اللي يبيعونها

تكلم عن نفسك فقط.... فنحن نجالس أهل الديرة وهم من أشتكوا من الوضع الحالي .
هل انت من اهل الاستراحات الذين لايريدون السوق ؟ ويريدون التحكم بالاسعار ؟
مالهدف من كلامك اذاً ؟

[المهند]

حيااك الله أخوي ديرتي مرة أخرى .. بالفعل يفترض إيجاد سوق دائم للمواشي .. وتنظيم ذلك أكثر وأكثر ..

تابع هذا الموضوع والذي طرح قبل سنة ..

فوضى سوق الغنم .. ومن المسؤول؟؟؟ (http://67.228.231.232/~tumaer/vb/showthread.php?t=32856)

[ديرتي]

مشكور يالغالي وتم التوجة الى الموضوع ........

[المستشــــار]

موضوع مهم في محله

ونتمنى ان ينشأ سوق خاص للاغنام

مشكور على موضوعك الرااائع

[ساكن المجبب]

السلام عليكم ورحمة الله وبركاته

اتفق تماما على اهمية ان تقوم البلدية بتحديد منطقة وتوزعها على اصحاب الحلال علشان يسوون احواش للغنم فيها ... لو ما يحطون الا بعض الحلال وعامل يبيع اذا جاه زبون

بكذا صاحب الحلال ربحان لان الحوش طالع ببلاش
والزبون ربحان لانه عارف السوق وين
وبلا زحمة صبح الخميس والجمعه اللي مالها داعي
هو اللي يدخل الجامع لازم يتعطر برحة البهم

[قلب الاسد]

صدقت ياديرتي ..
لاصار عندك ضيف وسط الاسبوع تزمل من وين تشتري الذبيحه ..
ويروح وقتك وانت مطامرمن حوش لحوش ومن استراحه لاستراحه ..!!

[al-badr]

لقد اسمعت لو ناديت حيا ولكن لا حياة لمن تنادي

عذرا اخوي المهند ابقتبس من كلامك
عذرا يا زوار مدينتي اذا اردت ذبيحه فطق بيبان الناس والا جب ذبيحتك معك من ديرتك

اخوي ديرتي لك مني كل احترام وود

[ديرتي]

شاكر لكم الردود .............لكن لم نجيب على السؤال ؟

قضية سوق الغنم الى أي مدى وصلت ؟
حيث اننا سمعنا بمكان المسلخ الجديد (طريق عشيرة) حيث ان الطريق سيئ جداُ وقد يتعرض الكثير من اهل ديرتنا الأحباء الى المخاطر..

[سلمى الرياض]

هههههههههههههههههههههههههههههههههههههههههههههههههه ههههههههههههههههههههههه
مو لازم غنم اصلا ماناكلها

[المدرس]

اتفق معكم بوجوب وجود سوق للماشية يجد الشخص مايريد من الذبائح اي يوم والسعر المناسب
يعني ( يطب ويتخير )

اما الطريقة اللي ماشيه الحين
الله يعين المحتاج ؟؟؟؟؟؟؟؟؟
عن تجربه

[ديرتي]

شاكر لكم يا أهل ديرتي الاعزاء .... لكن لم نجد الجواب الى الان !!!!!!!!!!!!!!!!!!!!!!!!!!!

[قلم أصفر]

الخميس والجمعه بس ؟؟ وباقي الايام كلها دجه .

[ساكن المجبب]

السلام عليكم ورحمة الله وبركاته

توجد حلول :
الاول انك تبني لك حوش جنب بيتك للبهم
الثاني تستأجر حوش انت وربع لك وتحطون بهم فيه وعامل
الثالث ان واحد يرفع مقترح للبلدية بتخصيص اراض كاحواش للغنم وتؤجر على اللي يبي لمدة 5 سنوات او عشر بسعر رمزي وتخصص كسوق غنم

وش رايكم

[النجدي]

ة


موضوعك يا ديرتي هذا في محله

وكما ذكرت يفترض أن تكون هناك أحواش تعرض فيها الأغنام للبيع حتى لا يتحكم فينا أهل المزارع والإستراحات ويفرضون علينا القيمة مستغلين ظرفك وحاجتك لأنهم يعرفون أنك إذا دخلت الحوش فلن تخرج إلا بذبيحتك

بينما لو كانت هناك أحواش فبإمكانك التنقل بينها واختيار ما يناسبك دون مشقة ولا عناء

يقول واحد من الربع جاني ضيف فجأة وطمرت قبل صلاة العشاء يم واحد من اللي يبيعون الغنم ومعطت لي هاك الخروف اللي مهوب من زينة قلت كم قال هو يقضي لزومك قلت معليه إن شاء الله قال أجل لا تسأل بكم يقول وخذته بـ 800 ريال وقيمة اللي مثله ما تتعدى 650 ( يوم الغنم رخيصة )

تحياتي للجميع




http://saaid.net/twage3/136.gif