قصائد لها في القلب معنى ..

[المدرس]

اهدي هذه الأبيات للجميع

ابيات اعجبتني

سوف تكون مجموعة من القصائد بعنوان ( قصائد لها في القلب معنى )


يا عين لا تبكين كان الذي كان .. ليت البكي يا عين يرجع بغايب
والله لبكي لو مشى الدمع وديان .. كوده يرد الزين سيد الحبايب
اللي نساني واشعل القلب نيران .. والقلب من فرقاه يا ناس ذايب
سهران افكر وش بلا الزين زعلان .. والله فلا لي ذنب لكن مصايب
يا ليت لاهل الحب حاكم وسلطان .. واشكي لهم لهم بالحق والحق صايب
حالي نقص واقضّي الليل سهران .. والراس من كثر الغرابيل شايب
فكرت انا بالحب واصبحت خسران .. صحيح قالوها حياتك تجارب
من اولٍ للحب والعشق ولهان .. واليوم انا عن سيره الحب تايب

[هادي]

والله صدقت

وعنوانك جذااااااااااااااب

يالله عطنا من كل زين عندك

ولو ان احساسي ان لا زاااااااال عندك كثير


سلام

[المدرس]

القصيدة الثانية :


يقول الموّلع والموّلع قتله الزين .. ولا هو بأول يوم يقتل ولا التالي
خذوا قلبه اللي خيّلوا له وهم مقفين .. طريح الهوى يغتر في بعض الازوالي
صدفني خشوف الريم عصريّه الاثنين .. ولا صار لي قدره ولا حيله احتالي
وانا عقب شوفه وين انا والسلامه وين .. عليلٍ ثلاث سنين والموت اشوالي
وانا ادري في حبه لا حبيّب وانا المسكين .. بليت بمحبه واحدٍ مالها تالي

[ولدعنبر]

يا ليت لاهل الحب حاكم وسلطان
واشكي لهم لهم بالحق والحق صايب

مشكوووور المدرس

على القصيدتين الرائعتين

[أمير الحروف]

قصائد عذبه يا مشرفنا

ربي يخلي لنا تواصلك الجميل

واسمح لي اشاركك بقصيدة تنطبق على عنوانك

(( قصائد لها في القلب معنى ))

ما أروووع هالعنوان

وهذي القصيدة للشاعر على العجمي


لا تنشديني بكيـف الحـال وشلونـك=حالي طواه الزمـان الشيـن بفعالـه

قصرتي دوني... وحظي قاصـرٍ دونـك=والشوق هيض عليل القلـب مرسالـه

ذنبك ظروفك وذنبي صـرت مفتونـك=ذنبٍ لفى بجرح... وذنـبٍ قـام يشتالـه

ياليتني راسـك اللـى دونـه امتونـك=مثل البحر كيف ؟؟ يقّصون البشر جاله

خطك قريتـه وزاد الشـوق لعيونـك=ليت " السوا " دون صوتك يفقـد ارسالـه

عذرك هلـك والرفاقـه مـا يخلونـك=يادوب ترسـل وقربـي دوم تسعالـه

داخل على الله ترفق بي على هونـك=ارفـق بقلـبٍ عليـل وزاد غربالـه

يـا ام العيـون الكحيلـه لا يردونـك=مسامعـي شفقـةٍ والحـال يرثـالـه

ولامن زهمتي فـوادي قـال ياعونـك=يا غايته... يا امنياتـه... يـا هـوى بالـه

لا تسمعيـن الوشـايـا لا يهمـونـك=لا صرتي للي هواك... اقرب من اظلاله

ابنشدك يـا نظـر لعيـان وشلونـك=الا الغلا يا وليف الروح وش حالـه؟؟

[المدرس]

رائع دائما يا أمير الحروف


ولك اقدم سلمي يااخوي ولد عنبر

واقدر مرورك وكلماتك

[المدرس]

ونكمل المشوار

يا عين لا تبكين هذا مقدّر .. حكم القدر يا عين ما فيه حيله
مهما الدمع ياعين هل وتنثّر ..... كثر الدمع ما رد خل لخليله
كم واحدٍ قبلي من الفرقا بليله تعبّر .. قلبه من الفرقا جروحه عليله
انا اشهد ان راعي الهوى حظه اقشر .. مشقيه ربي في نهاره وليله
مكتوب له طول الحياة يتحيّر .. ما بين هم وغم يا عزتي له
عزي لمن مثلي بحاله تحيّر .. احتار ماله صاحبٍ يشتكي له
قلبي عليل ونوم عيني تكدّر .. كثر الهموم وعاد حالي نحيله
الحال تنقص والعذاب يتطوّر .. والقلب ماله طب بايّه وسيله

[نقا هشال]

الغالي
المدرس
يعطيك الف عافيه
انت والشباب اختيارات
رائعه بالفعل
وتسلم على الفكره الرائعه





حياتي كلها صبر وجلاده=وغيري عايش عيشة سعاده
أنا اللي عاشق بالغي مغرم=غريق في هوى راعي القلاده
بعيد عنه بديار بعيده=ولا احدٍ جاب لي منة الافادة
يجيبنه حلوم الليل عندي=واحط الخد للغالي وساده
والامني صحيت قمت واعي=ولين الليل يفجعني سواده
تصور لي عزيز مانسيته=حبيب ماسلى قلبي وداده
عذولي لاتلمني بالموده=جريح هائم في حب غاده
تهل الدمع عيني من عناها=وسفك الدمع للعشاق عاده
نشدت أهل الموده وارشدوني=يقولون الهوى صعب جهاده
اقوله مصخر من روح روحي=حياتي كلها صبر وجلاده

الأمير محمد الأحمد السديري رحمه الله

[المدرس]

يجيبنه حلـوم الليـل عنـدي واحط الخد للغالـي وسـاده
والامني صحيت وقمت واعـي ولين الليل يفجعنـي سـواده


قصيدة لا توصف

أشكر مشاركتك اخوي نقا هشال

وللقصائد بقية من الجميع

[المدرس]

وللموضوع بقيه زهذه الأبيات


استعد وشد حيلك للتحدي .. دام ذا ودك ترانا جاهزين
طال صبري وانتهى وانباح سدي .. حسبك الله كان بيّحت الكنين
والله اني ما هقيت تصير ضدي .. انت المرتاحٍ وانا قلبي حزين
من سواتك دمعتي من فوق خدي .. يشهد الله وهو خير الشاهدين
كيف ترضى تجرح القلب المودي .. ليمتى تغلط وحنا ساكتين
يا خساره ضاع حبي ضاع ودي .. انتهى اللي بيننا والله يعين
انتهى صبري وانا لك مستعدي .. اقهرك واعطيك من زينٍ متين

[المدرس]

نتابع موضوعنا


اصطنع بين العرب فرحتي كني سعيد ..اخفى جروحي بروحي وكني في نعيم
خايفٍ هرج العواذل على مابي يزيد .. خايفٍ منهم يزيدون جرحٍ بي قديم
ابعدت الايام خلي وخلتني وحيد .. والفراق صعيب يا اهل الهوى والله العظيم
الفراق اكبر مصيبه وذا شيٍ اكيد .. من فقد غاليه يبكي كما الفطيم
ما يطيب النوم للعين والغالي بعيد .. آه وا ويلاه عقبه وانا مثل اليتيم
اظلمت دنياي من عقب مركوز النهيد .. نابي الردفين وصفه مع العالم عديم
من فراق الزين زادت جروحي من جديد .. من عقب ذيك السعاده حياتي في جحيم

[المدرس]

قصيدة اخرى


اكتب تنازل عن هوى العام واليوم ** اكتب تنازل كان عندك شـجاعه
يكفيني اني مـنك يازيـن مـحـروم ** مـده وقـلبي تايهٍ في ضـياعه
ما بالعتاب بين المحبين واللـوم ** يصعب على شط الخواطر شـراعه
خـل الصـفا يا مغيـرٍ كل مـفهـوم ** يهـب وتهـز الغـصون باشـاعه
لي سهم في قـلبي ولعـيونك سهـوم ** واجب طريح عيونك السود راعه
افـزع مـن عـيونـك لتخـليص مظلوم ** يا مستحل القلب وين الوداعه
شـمسك حـجبها عن سماء قلبي غيوم ** نوّر علينا ورّنا النـور ساعه

[نقا هشال]

يالله بنــوٍّ مدلهم الخيـــــالا =طافح ربابه فيه مثل المها الـــزرق
لا جا على البكري بيــن الحلالا =لا عاد تسمع به رعودٍ ولا بـــرق
هتان ودان سحابــه ارســـالا =يومر وسكابه همل وابله غــــرق
يسقــي نعام ثم يملا الهجـــالا =حط الحريق اديار الاجواد له طـرق
يسقــي غروسٍ عقب ما هي همالا =يصبح حمامه ساجعٍ يلعب الـورق
ياشبه صفراً طار عنهــا الجـلالا =طويلة السمحوق تنزع عن الـدرق
له ريق احلى من حليــب الجزالا =واحلى من السكر الى جا من الشرق
مدهال عمهوجٍ له القلــب مــالا =يفداه ما فوق البسيطة بلا فـــرق
يا ونتي ونت هزيــل الجمــالا =ينقص ردي الخيل قد حسه الفـرق
وجريت انا صــوت الهوا باحتمالا =في وسط بستان سقاه اربع فــرق
في قلته في عاليــات الجبـــالا =من عسر مرقاها ايدينه غدن طرق
برقٍ تلالا قلت عــــز الجلالا =واثره جبين اصويحبي واحسبه برق
مبسم "هيا" له بالظلام اشتـعالا =بين البروق وبين مبسم "هيا" فـرق
وروشن "هيا" له فرجةٍ من شمالا =وبابٍ من القبلة وبابٍ من الشـرق
حولت مع فرغٍ جديد الحبــــالا =ورقيت مع فرغٍ تناوح به الـورق
غصبٍ على الكالف وراعي الحلالا =والثالث الملحاق في لحيتــه ذرق
ومزيت من ريقه حلا ما يحــالا =وقطفت رمانٍ ابصدره وهو غرق
النور في غرة جبينــــه تلالا =هلا وحياني وانا والهن شــرق
قلت إزني من مبسمك قـال لا لا =يا نور عيني لا تجي للهوى طرق
قالوا تجوز من الهوى قلت لا لا =الان تجوز رماح علوا عن الزرق
قالوا تجوز من الهوى قلت لا لا =الان يجوزون الحناشل عن السرق
قالوا تجوز من الهوى قلت لا لا =الان تجوز الشمس عن مطلع الشرق




محسن الهزاني

[نقا هشال]

اهلاً عدد ما سال في غــب الامطار =عشبٍ زها ترعاه عجف المفالــي
أو ما زهت أعواد فلفــل بنوار =أو ما سمر بارق حقوق الخيالي
وعد ما ورقٍ سجع فوق الاشجار =وعد الرياح وعد ذاري الرمالي
وعد ما ركبوا على قـب وامهار =او ما تلافا الهجن حلم التوالي
سلام احلــى من لبن در الابكار =والذ من شربـة قراح الزلالي
وأغلى من الياقوت مع حص الابحار =تلا عقــود مثمناتٍ غوالــي
واخن وانوج من عذبات الاقمــار =واصح من ذعذاع نفح الشمالي
يهدا لغطروفٍ تهايـــف الى الدار =شعة جبينه مثـل نور الهلالي
يا بو خدودٍ كنهــن فلــق جمار =عينه وعنقه مثل عنق الغزالي
راعي ثليلٍ فوق الامتـــان نثـار =اسمر الى دنق على القاع مالي
يغذا بغالي الهيـل والمســك وبهار =ومن كل ما يذكر من العطر غالي
ابو ثمانٍ كنهـن فلــق محـــار =ينقاد من بين اشفتيـه العسالي
ملقا النحر يفضح كما البدر وانعار =والا كما الفضـة حضاها صقالي
غدنانةٍ غنجــا من البيض معطار =خصــه إلهي بالبها والجمالي
انوح من وجده وعميــن الابصار =وامشي وأنا قلبي من العقل خالي



الشاعر / تركي بن ماضي

[المدرس]

رائع دائما

نقا هشال


هذا ما نبحث عنه من التفاعل

والمشاركة

[نقا هشال]

ياعل قـلب ما يثور ان نخيته=تصبح ركونه للمواجع كراسي

[نقا هشال]

قالوا حبيبك يسمع الشعر ..؟ قلت ايه=يقراه بعيوني قبل تسمعونـــــــــــه
لولاه حتى طاري الشعــــر ما ابيـــه=بس اكتبه من شان خاطر عيــــــــــونه

[المدرس]

ايه

عطنا بعد عطنا من الشعر بيتين

أنت النقا هشال رسمك ترى بان

[المدرس]

نكمل قصائد القلب


لا وا عذاب اللي تذكّر بعيد الدار .. حبيبه سكن ديره وهو ساكنٍ ديره
صبرت وانتهى صبره ولا جاه رد اخبار .. ما بين الرجاء واليأس في موقع الحيره
ولا فيه مرسولٍ يحافظ على الاسرار .. وسر المحبه لأنكشف خربه السيره
ويصعب عليه الوصل لو راح له مشوار .. ولو طق بابه جاوبه واحدٍ غيره
الا يا عذابك يا السبيعي من اللي صار .. جفاك الزمان وجر شره علي خيره
من الجور اخاف تموت والا تزور شهار .. من حدّته دنياه تكثر مخاسيره

[نقا هشال]

هلابك والله يالمدرس
ويعطيك الف عافيه

[نقا هشال]

روحي وخلّـي طـاري الحـب. iiتكفيـن=وأنـا لـك الله بـس دقايـق iiوبـاروح
خلينا نكـذب. يمكـن أنسـى وتنسيـن=أفضل نغيب أحباب في صمت iiووضـوح
حاولـت أطيـر وذكرياتـك. iiجناحـيـن=بس كيف أطير وداخلي قلب. iiمذبـوح؟!
قولـي عرفتـه خمسـه أثنيـن. ألفيـن=ويومه. عرفت الحب والخـوف iiوالبـوح
وقولي: بكيـت وقـال: فـدوه iiلهالعيـن=وقولي ضحكت وقال: «أشقر ومملـوح»
وقولي: عطيـت مـن الهدايـا كتابيـن=وسبحه وخاتم وأغنيه بصـوت iiمبحـوح
وقولي: عطيتـه ورد وأزهـار iiنوعيـن=نوعٍ طبيعي ونـوعٍ أصفـر بـلا. روح=
وقولي: ذكرت الله ورتلّـت.. ii«ياسيـن»=يومه يجينـي يشكـي الوقـت مجـروح
وقولي: شذاه الوقت وأدري على iiويـن؟=لحزنه و فقره وأسـود الحـظ و iiالبـوح
وأنا عرفت الحب يصـدق مـع. iiأثنيـن=ذكي عديم أحساس قاسـي و iiمفضـوح
يا حب. يا أبن الكلب. يا زفت.. يا طين!!=«يلعن أبووي» أن قلت لك يوم iiمسموح!!
قولي: مجرد شخـص ومثلـه. iiكثيريـن=قولي: غبي جداً وقولـي: بعـد. iiلـوح؟



الشاعر فيصل الرياحى

[المدرس]

امسحي دمع العيون الباكيه .. فوق خدٍ جرحه سيل الدموع
عالجي كل الجروح الخافيه .. وصفة الدكتور ما فيها نفوع
نظرت عيونك تجيب العافيه .. ساعدي المسكين خلوه الربوع
واشعلي كل الشموع الطافيه .. نوري لي بالامل درب الرجوع
اجبر الاقدام تمشي حافيه .. احكمتنا ظروف واعلنت الخضوع
بس اكتب قافيه من قافيه .. من غياب الشمي لي وقت الطلوع

[نقا هشال]

ترفق على قلب تلوع وذاق الويل=جفاه الزمان وصك من دونه ابوابه

[المدرس]

نكمل الموضوع وهذه القصيدة

لأحد الشعراء وقد أعجبتني


عزّي لقلبٍ من عنى الوقت ذايب .. من جور مابه ما يطفي لهيبه
دمعي كما وبلٍ تهل السحايب .. ابكي خفا ما جابت الورق اجيبه
يا قلبي ماهي بالحيل والنهايب .. ماهي بريره من قريب لقريبه
لو تشتكي خطوك وما قيل صايب .. مصيبتك يا قلب ماهي غريبه
الحب مثل السهم مخطي وصايب .. احدٍ عداه السهم واحدٍ يصيبه
شف ذا شباب وراسه اليوم شايب .. وهذا في وقت الشيب ما فيه شيبه
نرجي الذي بامره نهب الهبايب .. جزل العطايا من خلق يعتني به