قصيدة البرتقاله

[الضابط]

[font=Comic Sans MS]
البرتقاله



غركم مظهر جمال البرتقالة = ماعرفتوا وش حسبها من نسبها
لو بها حشمة وتخضع للعدالة = كان بين الناس ما هزت ذنبها
هافي أصله وعمه وخواله = همها ترقص وتلهى في طربها
الجهالة من يناظر هالجهاله = ما يميز وش محرم من رجبها
واحسايف كيف يخدعكم جماله = والبضاعة كل شراي قلبها
البنات الحور في نجد الاصالة = الحيا والستر من ربي وهبها
الفخر بالدين ماهو بالخمالة = والنحاس نحاس يفرق عن ذهبها
شف بالي واحد مبغا بداله = عرضها مصيون ماز ول سلبها
ما مشت عريا وداجت بالبقاله = العقل والدين هو غاية طلبها
والله اني كلما شفت الرذاله = كن جوفي يصهره حامي لهبها
حالة صرنا بها ما هيب حاله = العقايب لا تجينا من سببها
النمل لا طار ينذر في زواله = كم ديار منعمه ربي نكبها
مثل جنة عاد يوم الريح جاله = صب ربك فوقهم حامي غضبها
العرب غنت على يالال لاله = والقدس تبكي وتنخي في عربها
صارت إسرائيل تقتل بالعمالة = الشجاع من العرب منهو شجبها
والعراق اليوم وضعه يرثا له = سلط الله بوش دمرها ونهبها
يا لله احفظ دارنا مهد الرسالة = من أمور تشعل النار بحطبها[size=5]
ناصر بن عبد الله السعيد

سدير

[هادي]

ذا البرتقاله هبلت بالعاالم

والله انها ما تسوى هذا كله

مشكووور على نقلك القصيده

سلام

[أمير الحروف]

تسلم أخوي الظابط على النقل الجميل

معارضة أكثر من متميزة
صح لسان شاعرها

تسلم أخوي وطلتك علينا بألف طله

مشكوووور وتقبل تحياتي

[ولدعنبر]

الجهالة من يناظـر هالجهالـه
ما يميز وش محرم من رجبهـا
واحسايف كيف يخدعكم جمالـه
والبضاعة كـل شـراي قلبهـا


صح لسان ناقلها

وسلم بنان كاتبها

[المدرس]

رائعة من روائع
الشاعر
ناصر بن عبد الله السعيد

شكرا اخوي الضابط

اتحفتنا

لو بها حشمة وتخضع للعدالـة
كان بين الناس ما هزت ذنبهـا

[الضابط]

اشكركم على المرور والتعليق على القصيدة الرائعه في معناها

وصح لسان الشاعر المبدع ناصر السعيد ونتمنى له مزيد من التوفيق

[بنت الفلوجه]

قصيده تحكي واقع العرب وماهم فيه من ضياع وراء الملهيات التي ينشرها اليهود بين مجتمعاتنا لكي يبعدوهم عن مايفعلونه من ارهاب في فلسطين والعراق

شكرا للشاعر ومن نقلها

بنت الفلو جـــــــــــــــــه

[hamad15]

قصيدة رائعة من ناصر السعيد ونقل أروع منك يالضابط والصراحة أن أغنية البرتقالة أخذت أكثر من حجمها وألهت الناس عن كثير من المشاكل اللي تصير في المجتمع ووأسفاه على مجتمع همه في هالأشياء التافهة وشكراً للجميع

[ام جمعان]

صح السان الي نضم هالقصيده الشاعر ناصر السعيد ويسلم اخينا الضابط على نقل القصيده

والله اني ازين من البرتقاله لو تشيل كيلو هالمكاييج الي مزينتها الخايبه<الغيره > من زينها
كنها بقرة تولد

[نقا هشال]

قصيده رائعه
تسلم ولاهنت
اختيار موفق

[الضابط]

مشكورين على المرور وابداء شعوركم نحو هذا الغزو الفكري الموجه الى شباب المسلمين.


ام جمعان: انت مرشحه لاغنية البيدجانه اخخخخخخخخ اسف تراي امزح

[ام جمعان]

الله يسامحك يالضابط على كلامك اجل انا بيدجانه مقبوله على الاقل تزين بادية القرصان
وخلك راكد لايجيك صاروخ ارض جو ........................


خدمه 35 سنه في المارينز