شاعرة ترثي نفسها قبل الموت ( مؤثرة جدا )

[الدامياء]

هذه قصيده كتبتها الشاعرة عابرة سبيل رحمة الله عليها اثر مرض الم
بها وهذه القصيدة من اروع ماقيل في رثاء النفس

ترى الذبايح واهلها ماتسليني
انا ادري ان المرض لايمكن علاجه
ادري تبي راحتي لايابعد عيني
حرام ماقصرت ايديك في حاجه
اخذ وصاتي وامانه لاتبكيني
لو كان لك خاطرن ماودي ازعاجه
ابيك بيديك تشهدني وتسقيني
امانتك لايجي جسمي بثلاجه
لف الكفن في يديك وصف رجليني
ماغيرك احدن كشف حسناه واحراجه
سامح على اللي جرى مابينك وبيني
ايام تمشي عدل وايام منعاجه
عيالي همي وانا اللي في يكفيني
علمهم الدين تفسيره ومنهاجه


نسال الله العلي العظيم ان يرحمها وان يتغمدها برحمته وان يلهم ذويها الصبر والسلوان انه على ذلك قدير وبالاجابة جدير

[سحايب صيف]

/
\
/

اللهـ يرحمها

كـانت شاعرهـ متمكنهـ

عزيزتي الدامياء

عافاكـ ربي على هـ هالقصيده الجزله

وتسلم يمناك على نقلها وامتاعنا بها

احترامي وتقديري لكـ يالغلااااااااااا


.
.

[وافي الخير]

رحمها الله ،،،،،،،،،،،،،،،،،،،،

[الدامياء]

أختي سحايب

حضوركـِ الدائم شرف لي

لكـِ التقدير والاحترام أخيتي .

[الدامياء]

رحمها الله ،،،،،،،،،،،،،،،،،،،،

آمين يا وافي الخير .

ولاعدمنا حضوركـَ المتواصل .

[عاشق مطير الأول]

الأخت الدمياء

لا خلا ولا عدم من الطيبين أمثالك

دمت موفقة ومسددة

ورزقنا الله وإياك حسن الخاتمة

وتقبلي مروري

[الدامياء]

الأخت الدمياء
لا خلا ولا عدم من الطيبين أمثالك
دمت موفقة ومسددة
ورزقنا الله وإياك حسن الخاتمة
وتقبلي مروري

تشرفت بمروركـ أخي الكريم

وعسانا ما نعدم حضوركـ الطيب .