النصب والأحتيال من شركة الاتصالات السعوديه بالعرض الجديد

[كحيلان 2006]

بسم الله الرحمن الرحيم
السلام عليكم ورحمه الله وبركاته
اسعد الله صباحك بالخير والمسرات

ابدأ أخواني بحديثي وكتابتي عن عرض الاتصالات السعوديه الجديد اول خمس دقايق وبعدها مجاني هذا العرض الفاشل وبحد ذاته نصب واحتيال ولوحظ بهذا العرض بأنه لما تتم بعد خمس دقايق من مكالمتك يفصل الخط معك.
مثال:-
الان لم تتصل على واحد وانت مسوي كريم الولد (حاتم الطائي) وتمت مكالمتك عشر دقايق يفصل الخط معك تلقائي عشان ترجع تتصل مره اخرى لاحظ النصب والأحتيال والشركه غنيه عن هالشي لان الشركه الان له اكثر من عشر سنوات وهي تحلب هالناس من المكالمات والاتصالات والان تشتغل بالأرباح طلعت راس المال وزياده ليش هالنصب والأحتيال ونحن بغفله ماصدقنا على الله كل واحد فينا يدق على خويه تحصل خويه مشغول ولا شي يقوله يارجال المكالمه ببلاش>>>>>>مجرب واحد مغثه اقوله يالله مع السلامه يقول انت وش عجل عليه المكالمه ببلاش مصدق عم افندي، أرجو الانتباه وعدم الكلام الواجد و القرقر الزايد بالجوال ماله سنع .
تقبلوا تحياتي،،،،، ودمتم بسلام

*** هل لاحظ أحد الأخوه هالشي لما يكلم اكثر من خمس دقايق؟

[M!ss KSA]

مادري ........انا مايفصل معي يمكن الي يستخدم ......مو مو

[عصي الدمع]

السلام عليكم ,,

اللي سمعته و من كثيرين ,, انه لما توصل مدة المكالمة من 20 - 25 دقيقة

ينقطع الاتصال ,,

العرض مغري لسحب مشتركي موبايلي و زين فقطــ ،، لإن مدته شهر

و بعد ما يحولون يتوهقون ,,

و من هاللي بيكلم اكثر من 5 دقايق ؟؟

انا مع الاتصالات السعودية كعنصرية و لكن كخدمات ,, موبايلي الافضل

حتى الان ,,

[المتميزة 26]

انا جربت العرض لما يوصل عند الدقيقة 17 بالضبط يفصل

سواء دولي او محلي

وتكرر معي هذا الشيء بتكرار الاتصال

[المستشــــار]

اكيد كلها اعلانات وهميه

ومشكورررررررررر

[كحيلان 2006]

مادري ........انا مايفصل معي يمكن الي يستخدم ......مو مو

اشكرك على مرورك ولكن يمكن انك ماكلمتي كثير وماتبين معك واحس انك انتي شغاله على(( فضلاً اتصل بي)) .
شـكــ وبارك الله فيك ـــرا لك ... لك مني أجمل تحية .

[كحيلان 2006]

السلام عليكم ,,

اللي سمعته و من كثيرين ,, انه لما توصل مدة المكالمة من 20 - 25 دقيقة

ينقطع الاتصال ,,

العرض مغري لسحب مشتركي موبايلي و زين فقطــ ،، لإن مدته شهر

و بعد ما يحولون يتوهقون ,,

و من هاللي بيكلم اكثر من 5 دقايق ؟؟

انا مع الاتصالات السعودية كعنصرية و لكن كخدمات ,, موبايلي الافضل

حتى الان ,,

وعليكم السلام

نعم انا كذا مره لما اوصل الدقايق إلى 10 دقايق يفصل معي و ماأتوقع أحد يحول عشان عرض شهر والاتصالات السعوديه الناس مغصوبه عليها والا الود ودهم يكنسلونها اليوم قبل بكره، وانا معك كعروض افضل موبايلي لحد الان وبعدها زين.
واشكرك على مرورك ودمتم بسلام

[كحيلان 2006]

انا جربت العرض لما يوصل عند الدقيقة 17 بالضبط يفصل

سواء دولي او محلي

وتكرر معي هذا الشيء بتكرار الاتصال



نعم هذا الي حاصل الان مع شركة الاتصالات السعوديه وكذا يجبرونك تتصل على خويك الي انت متصل عليه وتقول معليش فصل معي فجأه وتسولف معه وهم شغالين الدقيقه بريال والحسابه بتحسب على قوله اهل مصر الله يذكرهم بالخير.
المتميزه اشكرك على مرورك العذب. تقبلي تحياتي،،،،،

[كحيلان 2006]

اكيد كلها اعلانات وهميه

ومشكورررررررررر



كلامك صحيح اخي المستشار اعلانات وهميه ونصب عيني عينك وحنا الغافل لك الله.

والشكر لك على وجودك معنا ومرورك الرائع موفق بإذن الله ... لك مني أجمل تحية .

[ولد العز]

نعم احد العمال يقول عندما تكلم نصف ساعة ينقطع الخط

والامر الثاني يبون الناس تتعود على كثر المكالمات

[أبونواف11]

الله على النصب والإحتيال في مكان أعوذ بالله من الإتصالات

[إحســاس إنســان]

ايه ياناس فكونا من هيمنة الاتصالات السعوديه علينا واكلها لنا

تحية

إحســاس إنســان

[مرعب النفوس]

لله درك على هذه المشاركة والله لا يحرمنا من أبداعاتك أسأل الله أن يجزأك عنا بالخير على هذه المشاركة المفيدة ويجعلها في ميزان حسناتك

http://www.up07.com/up7/uploads/2b4ac1271b.gif
http://up101.arabsh.com/my/de6067d.gif
مــرعب النفوس
يقول ليك
http://d888d.com/up/uploads/picture/6cca3a987a.gif (http://d888d.com/up)
و
http://d888d.com/up/uploads/picture/d1a47b5dca.gif (http://d888d.com/up)

[نسيم]

http://up.joreyat.org/05Nov2008/6663335d1f4154afdc29bf83e6540038.gif