ثوب الزمن قامـت تزيـد شقوقـه = ولا لقينـا مـن يخـيـط فتـوقـه

[ذيب النشاما]

ثوب الزمن قامـت تزيـد شقوقـه **** ولا لقينـا مـن يخـيـط فتـوقـه
نجيبـهـا مـنّـا وتقـفـي مـنّـا **** لا هـي بمطـروده ولا ملحـوقـه
علـة وريـد مـا عرفـت دواهـا **** مـن صابتـه بتضيمـه وبتعـوقـه
عشنا وشفنـا فـي الزمـان التالـي **** شـي يتـلّ القلـب مـن معلوقـه
كـل علـى ليـلاه قــام يغـنـي **** ويجر فـي راس الجبـل طاروقـه
شرايحـك يـا مجتمعنـا واجــد **** مشحونـه ومنخولـه ومسحـوقـه
والموت وضعك يالشبـاب الطايـش **** أرقابـكـم بالعولـمـه مشنـوقـه
يجرفكـم التيـار لآخـر صيـحـه **** والغـرب جتْكـم طاقتـه مطبوقـه
تفكيركم في الموضـة المرفوضـه **** والطـرد والترقيـم ماشـيٍ سوقـه
والبنز راعي الجنـز قـام يحوفـه **** مطفـوق يطـرد صيـدةٍ مطفوقـه
والسن الأزرق ميـزةٍ فـي طيـره **** طيـرٍ يهـده مـا يفـك سبـوقـه
يهد فـي ( قـزاز ) وإلا ( زارا ) **** محميتـيـن وعـالـم مـرمـوقـه
والصـدر فاتـح والجفنشـي فايـح **** والمشكله مـن تحتـه ومـن فوقـه
تبرمـدو يــا شـلـة البـرمـودا **** وأشنابـكـم وذقونـكـم محلـوقـه
واللي سواكم يمكـن أشلـى منكـم **** وإلا بْركتهـم مثلـكـم ممحـوقـه
لأن السهر طـول الدهـر مذهبهـم **** وهروجهـم مقصوصـةٍ ملـزوقـه
مركـى وملبـورو ودش وشاهـي **** وإختـر قنـاة وتابـع الممشـوقـه
فتنـة دريــم وفاتـنـة روتـانـا **** إقـرأ الشريـط وغـازل المنتوقـه
وإنقز مـع نقـزات هيفـا وهبـي **** وإرقص مـع الطقاقـه المطقوقـه
ضيعـك يالفاهـي حـلال الساهـي **** قـدام عيـنـه خزنـتـه مبيـوقـه
أقـرب مثـل بولنـد جتـه الدنيـا **** كيف أشغل العالـم بـذا الغرنوقـه
وغيره وغيـره رايـح فـي يدهـا **** قـدم لجمهـور الغنـج معشـوقـه
وراحت علوم أهل السهر في الرحله **** ولا عاشت رجـال تضيـع حقوقـه
ما دام هي من شاشـة فـي شاشـه **** شاشـات الأسهـم سلعـةٍ مفروقـه
بيع وشرى والرزق مـن عنـد الله **** حتـى لـو إن التوصيـه موثوقـه
يالبورصيّـه بورصتكـم بـرْصـا **** وكـم بورصـيٍ جبهتـه مفلـوقـه
نصف الدراهم في اللجيـن وسابـك **** ونصفٍ بقى في الرايـد وصندوقـه
والسوق خضّر والوجيـه تخضّـر **** وإن حمّـر فكـم خـدةٍ مصفوقـه
نـاسٍ يوصيهـا نـديـم الشـاشـه **** وناس تسوق ومـا هـي بمسيوقـه
ونـاس تسيـر بطقهـا وإلحقـهـا **** هز النخـل يمكـن تطيـح عذوقـه
هـذي شرايـح مجتمعنـا الحالـي **** كـلٍ يـدور مـا يناسـب ذوقــه

[فـ تميم ـارس]

ثوب الزمن قامـت تزيـد شقوقـه **** ولا لقينـا مـن يخـيـط فتـوقـه

نجيبـهـا مـنّـا وتقـفـي مـنّـا **** لا هـي بمطـروده ولا ملحـوقـه
علـة وريـد مـا عرفـت دواهـا **** مـن صابتـه بتضيمـه وبتعـوقـه
عشنا وشفنـا فـي الزمـان التالـي **** شـي يتـلّ القلـب مـن معلوقـه

اخوي ذيب النشاما
لاهنت على القصيدة
ابداع وتميز
يعطيك العافية اخوي
ودمت بخير

تقبل مروري
وتحيات اخوك

[ذيب النشاما]

فارس تميم

تسلم عزيزي على مروركــ الجميـــل
ولا هنــــت يالغـــالــي ............

دمــتـَ بخيـــر

[شموخ أنثى .ღ.}]

//
\\
*
تسلم يمينكـ يالنشمي
لاهنت

..,

[مرعب النفوس]

لله درك على هذه المشاركة والله لا يحرمنا من أبداعاتك أسأل الله أن يجزأك عنا بالخير على هذه المشاركة المفيدة ويجعلها في ميزان حسناتك


http://www.up07.com/up7/uploads/2b4ac1271b.gif
http://up101.arabsh.com/my/de6067d.gif
مــرعب النفوس
يقول ليك
http://d888d.com/up/uploads/picture/6cca3a987a.gif (http://d888d.com/up)
و
http://d888d.com/up/uploads/picture/d1a47b5dca.gif (http://d888d.com/up)