المساعد الشخصي الرقمي

مشاهدة النسخة كاملة : يا قلب لا تحزن


ولدعنبر
09 / 08 / 2004, 15 : 03 PM
يا قلب لا تحزن على فقد غاليك
دام الكرامة تاجها رأس مالك


لازم تبيع وعزّة النفس تشريــك
أشرب فناجيل الصبر من دلالك


لا الحب ينزل بك ولا الحسن يغريك
مادام عز النفس عمّك وخالك


يا قلبي أصبر وإن تردّت خطاويك
نفسي على هام الثريا بدالك


وألا أنت يا للي تايهٍ في مساريك
والله ما يرجع زمانٍ مضالك


اللي بقى من باقي الحب يكفيك
تعيش به ما عاش راسك لحالك


وإلا الثقة راحت مع أيام ماضيك
مالك عهد يا خائن الود مالك


بعد الخطأ ضاعت شوامخ مواريك
وعقلك وثقلك والغرور ودلالك


شانت تفاكيرك وضاعت مباديك
وأصبحت أشوفك شي كنه خيالك


الله يخليلك 00 شبابك ويحميـــــك
اللي ببالي شي ماهو00 ببالك


ما نيب من لأخنت عهده يراضـيـــك
اللي على رأسه لو أخطيت شالك


لو كان قلبي ما أنقضت رغبته فيــك
ويفز لإسمك وان حكوا في مجالك


خذيت درسٍ في حياتي وباعطيك
درسٍ تحطه طول وقتك قبالك


ضيّعت لك شيٍ من الكل يغنـيك
ولا ينفعه ذالحين ساحر جمالك


أصبحت مثل التسلية للصعاليك
اللي تبي فخر الغزل من خلالك


أحذر من اللي ضحكتك له تدنيك
لو كان ما طالك له لسان يطولك


وأسلم وسلّم لي على أيام ماضيك
وقت الثقل يوم العقل رأس مالك


منقول

هادي
09 / 08 / 2004, 08 : 05 PM
صح لسانك يا اخوووي

ومشكوور على هذا النقل المتميز

والله القصيده ملياانه وفيها تعاابير زينه

مشكوووووور

سلام

ولدعنبر
09 / 08 / 2004, 13 : 08 PM
صح ابدنك اخوي هادي

ومشكور على طلتك الزينه

التي ملئت القصيده اشعاعاً ونورا

أمير الحروف
11 / 08 / 2004, 56 : 12 AM
تسلم أخوي ولد عنبر

قصيدة تعايش واقع كثييير عايشينه

مشكووور على عذب الكلام

وسر الغرام

وتقبل تحياتي

ولدعنبر
11 / 08 / 2004, 30 : 03 PM
الله يسلمك اخوي

امير الحروف

على تكرمك

بوضع لك بصمه في متصفحي

وذلك بالمرور على القصيده والرد عليها

قناص
11 / 08 / 2004, 28 : 04 PM
لاجديد ولدعنبر دائماً في المقدمه واظنكم توافقوني على كلامي
تحياتي لك ولد عنبر وربي يسلمك من النار

ولدعنبر
13 / 08 / 2004, 21 : 09 PM
حمد

اشكرك على هذا الاطراء

وجعله الله في موازين حسناتك

نقا هشال
14 / 08 / 2004, 03 : 08 PM
يعطيك الف عافيه
اختيار
رائع
تسلم

ولدعنبر
15 / 08 / 2004, 22 : 03 PM
الله يسلمك اخوي

نقا هشال

والاروع هو مرورك الكريم