يا لعالمي مبروك

[المدرس]

قصيدة مهداة للعالمي والعالميين فقط من محبي الأصفر
وهي كما وعدت أخي العزيز الجنوبي
يا لعالمي مبروك
يا لعــــالمي مبروك محدن يـباريك %%%% في قلوب عشاقك خـــذيت الزعامة
غصب ٍ على من قال هـرج ٍ يعاديك %%%% اسمك نصر وأنت النصر في دوامه
إن غبت يوم ٍ قام كــلــن ينــاديــــك %%%% مثل النهار إن غاب يقشع ظـــلامه
واليوم بان الصبح كلن يهـــنــيــــك %%%% بكـــاس الأمير اللي صنع له علامه
فيصل أبو نــــــــــواف حر ٍ يعشيك %%%% ما مات في قلـــــــــوب ٍ تردد كلامه
يا نصر أحبك حب بالحيل وأغليـــك %%%% ومن حب غيرك بــشـــــره بالندامه
العالمي في اللعب بالفــن يشجيك %%%% ويبدل هموم الشـقـاء بابتــســـــامه
أنـــــشهد إني بالشعر ما قدر أوفيك %%%% وشلون أنا أوصف كاملن في تمامه
الشاعر / حمد بن إبراهيم العثمان
تمير

[al-badr]

أنـــــشهد إني بالشعر ما قدر أوفيك %%%% وشلون أنا أوصف كاملن في تمامه

وصح لسانك وبيضاء الله وجهك

والى الامام ان شاء الله ودائما مبدع


والنصر مهما قلنا عنه ما راح نوفيه ويكفي انه العالمي


وتقبل مني مروري

[السنافي]

صح لسانك يابو عاصم

والف مبروك للنصر ويستاهل ما حصله

وإذا فاز الهلال مني قصيده لمشجعينه

يستاهلون ..

لاهنت يابو عاصم على هالرائعه

وعدت ووفيت ..

[المدرس]

البدر

منك تعلمنا كيف يكون الحب

فأهلا بك دائما

[المدرس]

السنافي
اسعدتني كلماتك والعالمي يستحق الكثير
والفوز للإتحاد لا تتعب ؟؟؟؟؟؟؟؟؟؟؟؟؟؟؟؟؟؟؟؟؟؟؟

وتراي ودي الهلال علشانك

[شموخ أنثى .ღ.}]

//
\\
*
إن غبت يوم ٍ قام كــلــن ينــاديــــك
مثل النهار إن غاب يقشع ظـــلامه



مع اني مااحب النصر
بس يالله

يستاهلون جماهيرهـ



صح لسانك يالمدرس
ولاهنت






وإذا فاز الهلال مني قصيده لمشجعينه

يستاهلون ..

ماتقصر يالشاعر
ويارب يفوز



والفوز للشباب لا تتعب ؟؟؟؟؟؟؟؟؟؟؟؟؟؟؟؟؟؟؟؟؟؟؟

ان شاء الله للهلال
..,

[الجنوبي 2000]

يا نصر أحبك حب بالحيل وأغليـــك %%%% ومن حب غيرك بــشـــــره بالندامه

العالمي في اللعب بالفــن يشجيك %%%% ويبدل هموم الشـقـاء بابتــســـــامه

أنـــــشهد إني بالشعر ما قدر أوفيك %%%% وشلون أنا أوصف كاملن في تمامه


صح لسانك يا ابو عاصم قصيدة رائعة ويستاهلها العالمي يا الغالي


وما احلى القصيدة اذ جت من شاعر مشهور ومعروف على الساحة الشعرية

ابو عاصم اشهر من راس على علم ..

ووفيت وكفيت يا الغالي

والنصر يستاهل ويكفي انك كاتب فيه انت وبما على شعرك المميز دائما

واقول لك

لو تكتب الابيات وتنثرها بيت بيت & مالها طعم الا بذكر راعي العالمية


ما اقول الا جزاك الله خير يا ملك الشعر ولو تسمح لي بنقلها يا الغالي في بعض المنتديات النصراوية ؟؟

انتظر ردك ووتقبل تحياتي

[النادر]

يا نصر أحبك حب بالحيل وأغليـــك %%%% ومن حب غيرك بــشـــــره بالندامه
العالمي في اللعب بالفــن يشجيك %%%% ويبدل هموم الشـقـاء بابتــســـــامه
أنـــــشهد إني بالشعر ما قدر أوفيك %%%% وشلون أنا أوصف كاملن في تمامه
مشكور اخوي ابو عاصم والنصر يستاهل اكثر وماقصرت
ومن بطوله الى بطوله ومازلت اردد بان النصر هو المنافس الحقيقي للهلال حتى اذا غاب يرجع بطل
شاكر ومقدر لك
النادر

[مخاوي تمير]

الشامخ ما يجيب الا الشي الشامخ
قصيدة جميلة تحاكي الفرحة التي يعيشها

جمهور العالمي بمناسبة البطولة التي حصل عليها مؤخراً

بعد غيبة عن البطولات .. ولكن جمهور العالمي اثبت انه

مخلص محب لهذا الكيان الكبير فهو البطولة الحقيقة والاهم

بتواجدة الدائم والمستمر والذي انعكس داخل الملعب على اللاعبين ..

دائما متميز ايها " المدرس " ايها " الشامخ " بقصائدك وروائعك

سلمت لنا ايها الغالي من كل مكروة .. ودمت ودام عطائك لنا ايها المخلص

واحب ان اقدم خالص التبريكات للاخوة النصراويين بمناسبة تحقيق البطولة

[المدرس]

اختي الغالية شموخ الف مبروك من كل قلبي لكم في حال فاز الهلال

وأنا سعيد بمرورك على موضوعي وكلماتك الجميلة

[المدرس]

الجنوبي العزيز الغالي جمعنا الحب في كل شيئ
ومنها الحب في النصر

لك مني كل التقدير ومسموح القصيدة ملك يديك

غالي وتستاهل

[المدرس]

النادر تعرف كم لك في قلبي من حب وتقدير ومرورك وكلماتك الجميلة تثبت أخلاقك العالية وحبك للجميع

مشكوررررررررررررررررررررررررررررررررر

[المدرس]

اخوي مخاوي رغم هلاليتك فأنت مثال للمشجع النادر في هذا الزمن فحبك للجميع أثبتته الأيام

تمنياتي لك بالخير وأن ترى ما يسعدك

[تميراوي الرياض]

يا نصر أحبك حب بالحيل وأغليـــك %%%% ومن حب غيرك بــشـــــره بالندامه

من اجمل ما قرأت من القصائد النصراويه صح لسانك اخوي النصراوي المدرس

[أبـوحـمـد]

مبروك فوز العالمي
وصح لسان شاعرنا المتألق
أبوعاصم

http://www.gulflobby.com/upload/get-4-2008-gulflobby_com_jf1jwxoe.jpg (http://www.gulflobby.com/upload)

اهداء لجمهور النصر
1 مبروك يانصر الفخـر والبطـولات
بالعزم والاخلاص جـاب البطولـه.
2 مالمعوه اهل الصحـف والمجـلات
بالغش والتحكيـم مانخولـو لـه.
3 ياما تجرعنـا مـن المـر مـرات
كلـه سبايـب ماخذيـن العمولـه
4 نصر طلع فوق السحب والمجـرات
بالكـذب والتزيـف ماطبلـو لـه.

[المدرس]

تميراوي الرياض

وينك ابيك بدري أنت النصراوي المشهور تتأخر في الرد ؟؟؟؟؟؟؟؟؟؟

لكن اسعتني بردك الجميل

اخوي الغالي أبو حمد صح لسانك ونحن معك دائما

[100%هلالية]

يا لعــــالمي مبروك محدن يـباريك %%%% في قلوب عشاقك خـــذيت الزعامة

معروف الزعيم منهو

إن غبت يوم ٍ قام كــلــن ينــاديــــك %%%% مثل النهار إن غاب يقشع ظـــلامه

صح النوم ... عشر سنين مهيب يوم

على العموم حنا حبايب وما راح نحسدكم وتستاهلون التهاني

فألف مبروك لك يالمدرس الفوز

وألف مبروك لكل نصراوي

وبدون النصر ما يظهر الهلال

[راعي تمير]

قصيدة أكثر من رائعة

اسعدنا حضوركككككككككككككككككككككككككككككككك


ونبي في الهلال

[أبونواف11]

قصيدة أكثر من رائعة تسلم أخوي ابو عاصم على هالأبيات

[ابونواف السلوم]

صـــــــــــــــح اللســــــانك يالمدرس والسبت موعدنا معكم
أنا مشجـــــع لليث الأبيض (عدد مشجعين الليث 2بالخرج 1 بالمزاحميه وأنا ونواف بالرياض) بس بصراحـــــه أتمنــــــى النصر يفوز لأنه يستاهل كل خير نادي وجماهير

[المدرس]

الف شكر على الردود الرائعة والنصر قادم ان شاء الله

[لاشـيء]

ع البركه فوز العالمي
والوعد يوم الاثنين ياهلال ..

[الأنيق]

الف الف مبروك والوعد قدام والجاي انشاء الله افضل من الي راح
وهذي بدايت البوطولات
والهمه الهمه الهمه والموعد القمه القمه يانصراوي يانصراوي