حـــــــلا تمير
10 / 04 / 2008, 13 : 09 PM
صباح ومساء الخير جميعا
قصيده أعجبتني لكن للأسف لا يحظرني اسم كاتبها
شاركوني متعة قرأتها
علمتني المترفة : وشلون أحس أني ثري !!
نصبّتني عرشها ،، ونصبّتها عرش الحصير
بس أنا .. علمّتها بصدقي وأصالة جوهري :
كيف يحتاج الغنّي .. لخبزة إحساس الفقير !!
أشعلي يا نجمة العشاق - ليلك – واسهري
امشي بنفس الطريق .. وجرّبي نفس المصير
وبلّغي صادق تحياتي / لحزني ، وقهري
يوم كان الشوق لا يرحم .. ولا عندّه ضمير
وان تعبتي من دروب العشق وأضناك سفري
اذكريني .. تستريح : الريح / ويطيب : المسير
واذكري .. تاريخي الموءود بأنقاض دهري
شهقة : الخطوة ( الأخيرة ) .. طيحة : ][ الحلم الكبير ][
رحلة آمالي .. فتات أوراقي .. أطلال صوري
سكرة أشعاري .. رماد ضلوعي .. إحساسي الوفير
وغدرك اللي .. ما احترم صدري ، ولا صان ظهري
وطعنة ٍ من يومها ما مرّت أيامي بخير
طيري بسرب أمنياتك .. وأوصلي للمُشتري
وانثري خواطرك في واحة الليل الضرير
اذبلي .. وتساقطي .. وتكسّري .. وتبخّتري
وأمطري على جدار الذاكرة / كحل وعبير
سولفيني للبنات أليا تقصّوك خْبري
لا صدح ضحك العذارى وجلسن حول الغدير :
كان .. يا ما كان ../ وتغصّ الحروف ، وتنقري :
(سالفة حزني ) بصفحة خدك : الدمع الغزير !!
كان شاعر – غير – لا أبو الطيّب ولا البحتري
كل ما قال : آآه .. جمهوره من الفرحة يطير !!
كانت أفكاره : كنوز ٍ توهب وما تنشري
يجتمع على موائدها المشرّد ، والأمير
أصبعه لا من كتب على الـ/ ثَّرَى .. يُصبح / ثََرِِي !!
كيف اجل لو ينظم أبياته من خيوط الحرير ؟!
كان .. يا ما كان ..... / ويسافر سرابك لنهري
وتشهق بصدرك طيوفي من وراء ضلع ٍ كسير
فارس ٍ باسه شديد ، ويسكنه قلب ٍ جري
ولا رزَقه الله حصان ابيض ، ولا سيف ٍ شطير !!
سولفيني وان تغشّتْك الدموع ، اتذكّري
يوم كان الحلم نهر .. وكانت عيونك هدير
ويوم كنت أخاف ما يعجب عيونك مظهري
وانحني منشان ما يفضحني الثوب القصير !!
اسألي كل الشوارع ، والحدايق ، واظفري !!
كيف كنت بكل يوم أهديك ( باقة ورد ) غير ؟؟
كنت أوقف بآخر الشارع .. وأراقب .. وأحتري ..
لين يهدا الجو .. وانتقّى لك الورد النظير
كل ما أمر بْرصيف يقول : خلّصت زهري !!
وكل ما اقطف ورده .. اللي جنبها / منها : تغير !!
( اسألي شباكك الوردي .. وش اردى بنظري ؟؟
لا قعدت ألف قبلة بيتكم كني غفير !!
كنت أحاصر غرفتك بجيوش عيني وبصري
كن لي عش ٍ بشباكك وكن العين طير!! )
آآخ .. لو عشتي إنتظاراتي ، وشفتي منظري
لا سألني جاركم : وش بك هنيّا تستدير ؟؟
و- المصيبة – دائماً عذري : مضيّع دفتري !!
يبتسم ، ويروح – وأنا مصدّق أن عذري خطير !!
و ، بس يدخل .. اسمعه يضحك بصوت ٍ مُزدري !!
( حنّا بالعطلة ، وصاحبنا على الدفتر سهير !! )
اسألي الجدران .. عن خط ٍ عجز لا ينقري !!
علّم الجدران ( مالم تعلم ) في بوح الضمير
اسألي أمي .. عن كدر بالي وضيقة خاطري
لا سألتني: يا وليدي وشبك ؟؟ .. ورد الزفير
السواد اللي على جفوني من آثار سهري
لو عرفتي كيف كحّلني به .. الليل المرير
كنت لا جاء الليل .. قلّطته على الجفن الطري
لين نصّبني السهر لعيون خلق الله سفير !!
وان نفاني للسهر - يا مترفة – حكم قدري
هالسهر يا ما نفى لي من ضحاياه الكثير
والبياض اللي تشوفينه تنامى بشْعري
من مظاليمه : هلال أعرج / ونجم ٍ مستجير !!
يا رُفات الطيش في تابوت الأحلام البري
من خذلني بالبداية .. كيف أصونه بالأخير ؟!
ما بقى لك غير بعضي .. وأستميحك بأكثري
ضاع .. مثل النور لما ضاع عن عين الضرير
مثل ما ضاعت عصافيرك عن أغصان شجري
مثل ما ضاع الأمل عن صبح شباكي الصغير
وما بقى لك غير سالفتي .. وشعري .. وصوري
سولفيهن للشموع الحمر .. والفرش الوثير
للستاير .. للأساور .. للحاف السكّري
للهدايا .. للتحف .. للمزهرية .. للسرير
وأوعدك .. وقت الحصاد .. أتجاهل الجوع / العُري
بس لأجل اكتب حروف اسمك بحبات الشعير !!
ولأجل اعلّم هالزمان المستبد العنصري
كيف يحتاج الغني لخبزة إحساس الفقير !!
قصيده أعجبتني لكن للأسف لا يحظرني اسم كاتبها
شاركوني متعة قرأتها
علمتني المترفة : وشلون أحس أني ثري !!
نصبّتني عرشها ،، ونصبّتها عرش الحصير
بس أنا .. علمّتها بصدقي وأصالة جوهري :
كيف يحتاج الغنّي .. لخبزة إحساس الفقير !!
أشعلي يا نجمة العشاق - ليلك – واسهري
امشي بنفس الطريق .. وجرّبي نفس المصير
وبلّغي صادق تحياتي / لحزني ، وقهري
يوم كان الشوق لا يرحم .. ولا عندّه ضمير
وان تعبتي من دروب العشق وأضناك سفري
اذكريني .. تستريح : الريح / ويطيب : المسير
واذكري .. تاريخي الموءود بأنقاض دهري
شهقة : الخطوة ( الأخيرة ) .. طيحة : ][ الحلم الكبير ][
رحلة آمالي .. فتات أوراقي .. أطلال صوري
سكرة أشعاري .. رماد ضلوعي .. إحساسي الوفير
وغدرك اللي .. ما احترم صدري ، ولا صان ظهري
وطعنة ٍ من يومها ما مرّت أيامي بخير
طيري بسرب أمنياتك .. وأوصلي للمُشتري
وانثري خواطرك في واحة الليل الضرير
اذبلي .. وتساقطي .. وتكسّري .. وتبخّتري
وأمطري على جدار الذاكرة / كحل وعبير
سولفيني للبنات أليا تقصّوك خْبري
لا صدح ضحك العذارى وجلسن حول الغدير :
كان .. يا ما كان ../ وتغصّ الحروف ، وتنقري :
(سالفة حزني ) بصفحة خدك : الدمع الغزير !!
كان شاعر – غير – لا أبو الطيّب ولا البحتري
كل ما قال : آآه .. جمهوره من الفرحة يطير !!
كانت أفكاره : كنوز ٍ توهب وما تنشري
يجتمع على موائدها المشرّد ، والأمير
أصبعه لا من كتب على الـ/ ثَّرَى .. يُصبح / ثََرِِي !!
كيف اجل لو ينظم أبياته من خيوط الحرير ؟!
كان .. يا ما كان ..... / ويسافر سرابك لنهري
وتشهق بصدرك طيوفي من وراء ضلع ٍ كسير
فارس ٍ باسه شديد ، ويسكنه قلب ٍ جري
ولا رزَقه الله حصان ابيض ، ولا سيف ٍ شطير !!
سولفيني وان تغشّتْك الدموع ، اتذكّري
يوم كان الحلم نهر .. وكانت عيونك هدير
ويوم كنت أخاف ما يعجب عيونك مظهري
وانحني منشان ما يفضحني الثوب القصير !!
اسألي كل الشوارع ، والحدايق ، واظفري !!
كيف كنت بكل يوم أهديك ( باقة ورد ) غير ؟؟
كنت أوقف بآخر الشارع .. وأراقب .. وأحتري ..
لين يهدا الجو .. وانتقّى لك الورد النظير
كل ما أمر بْرصيف يقول : خلّصت زهري !!
وكل ما اقطف ورده .. اللي جنبها / منها : تغير !!
( اسألي شباكك الوردي .. وش اردى بنظري ؟؟
لا قعدت ألف قبلة بيتكم كني غفير !!
كنت أحاصر غرفتك بجيوش عيني وبصري
كن لي عش ٍ بشباكك وكن العين طير!! )
آآخ .. لو عشتي إنتظاراتي ، وشفتي منظري
لا سألني جاركم : وش بك هنيّا تستدير ؟؟
و- المصيبة – دائماً عذري : مضيّع دفتري !!
يبتسم ، ويروح – وأنا مصدّق أن عذري خطير !!
و ، بس يدخل .. اسمعه يضحك بصوت ٍ مُزدري !!
( حنّا بالعطلة ، وصاحبنا على الدفتر سهير !! )
اسألي الجدران .. عن خط ٍ عجز لا ينقري !!
علّم الجدران ( مالم تعلم ) في بوح الضمير
اسألي أمي .. عن كدر بالي وضيقة خاطري
لا سألتني: يا وليدي وشبك ؟؟ .. ورد الزفير
السواد اللي على جفوني من آثار سهري
لو عرفتي كيف كحّلني به .. الليل المرير
كنت لا جاء الليل .. قلّطته على الجفن الطري
لين نصّبني السهر لعيون خلق الله سفير !!
وان نفاني للسهر - يا مترفة – حكم قدري
هالسهر يا ما نفى لي من ضحاياه الكثير
والبياض اللي تشوفينه تنامى بشْعري
من مظاليمه : هلال أعرج / ونجم ٍ مستجير !!
يا رُفات الطيش في تابوت الأحلام البري
من خذلني بالبداية .. كيف أصونه بالأخير ؟!
ما بقى لك غير بعضي .. وأستميحك بأكثري
ضاع .. مثل النور لما ضاع عن عين الضرير
مثل ما ضاعت عصافيرك عن أغصان شجري
مثل ما ضاع الأمل عن صبح شباكي الصغير
وما بقى لك غير سالفتي .. وشعري .. وصوري
سولفيهن للشموع الحمر .. والفرش الوثير
للستاير .. للأساور .. للحاف السكّري
للهدايا .. للتحف .. للمزهرية .. للسرير
وأوعدك .. وقت الحصاد .. أتجاهل الجوع / العُري
بس لأجل اكتب حروف اسمك بحبات الشعير !!
ولأجل اعلّم هالزمان المستبد العنصري
كيف يحتاج الغني لخبزة إحساس الفقير !!