اســـاليـــب الـ خ ــيانه

[قناص]

ياللـي بأساليـب الخيانـه تفننـت
وش رجعك عقب الجفا والقطاعـه؟؟
فارق عيوني وابعد ارجوك لاهنت
دامك تصنعـت المشاعـر صناعـه
لعبـت لعباتـك بتمثيـل واتقنـت
وألفـت كذباتـك بفـن وبـراعـه
وخليتنـي بالنـار يومـك تمكنـت
وقعدت ادوّر فـي هـواك الشفاعـه
لآن الحجر من حالتي وانت مالنت
لأني اعطيتـك غـلا عـن قناعـه
وزرعت حبك في ضميري زراعـه
غدرت بي واخلفت ضني بك وخنت
وخذيت حبي لـك مجـرد اشاعـه
لاتقول ابرجع بالهوى مثل ماكنت
ضاع الهوى وانت السبب في ضياعه
يوم اني اسهر الليل وين انـت
يـوم اتحـرى جيتـك كـل ساعـه
ياللي مع الأيـام ضـدي تلونـت
يامن تفنـن فـي وسايـل خداعـه
بك من تواصيف الغدر لاتمسكنـت
كنه اخوك من الصـدر والرضاعـه
يالمعدن اللي حكك الوقـت بيّنـت
بيّن صداك اللـي خذيتـه بضاعـه
ربتني الدنيا على يديـك وايقنـت
ان ماكل من يطمح طموح استطاعه
اليوم عقب اللـي جرالـي تمعنّـت
والحـر بعيونـه يبيـن انطبـاعـه
كانك مع العاذل وهمـي تعاونـت
عندي شهـاده بالصبـر والشجاعـه
وان كانك اسلوب التحدي لي اعلنت
ابشـر برجـالٍ يشمٌـر ذراعــه
انا طبعـي وبأطباعـي آمنـت
من عافنـا يحـرم علينـا اتباعـه
واللي معي صادق بعيني له اسكنت
عندي عن اسلوب الخيانـه مناعـه
تدري؟؟ مدامك للهوى اليوم ماصنت
اقولهـا بوجهـك وكـلّـي قنـاعـه
يلعن ابو رجلٍ يذلـه هـوى بنـت
إذا تخلـى لأجلهـا عـن طبـاعـه

[أسير المشاعر]

غدرت بي واخلفت ضني بك وخنت

وخذيت حبي لـك مجـرد اشاعـه

لاتقول ابرجع بالهوى مثل ماكنت

ضاع الهوى وانت السبب في ضياعه



صح لسانك يـ/قناص ولا اروع

تسلم لنا ايها الكنق

[السنافي]

وان كانك اسلوب التحدي لي اعلنت

.............. ابشـر برجـالٍ يشمٌـر ذراعــه

صح لسان شاعرها

ولاهنت يا قناص أختيار رائع

وقصيده رغم قساوتها إلا إنها إبداع ..

ما قصرت يا قناص وعساك على القوه ..

[شموخ أنثى .ღ.}]

انا طبعـي وبأطباعـي آمنـت
من عافنـا يحـرم علينـا اتباعـه
واللي معي صادق بعيني له اسكنت
عندي عن اسلوب الخيانـه مناعـه
الله الله
روعهـــــ وقويهـــ
تسلم ياقنااااصـ
ولاهنتـ

[قناص]

اسير المشاعر

اشكر علي مشاعر ك الطيبه ومرورك

لك الف تحيه

قناص