لوي يتيمه يايبه؟؟

[قوت القلوب]

ياضيقة بالنفس عيت بي تروف
وياقصة الأحزان روحي وولي
هو ما كفاك إني حزينه ولاأشوف
غير السواد اللي مثل لون ظلي
عقب الأبو يادنيتي وشو الخوف
ويادنيتي عقب الأبو وش يسلي؟؟
كان الفرح وأضحى على قلبي طيوف
وكان الأمل وامسى سواد مغلي
وش حيلتي لاصارت القوة ظروف
وياوالدي وش حيلتي هاه..قلي!!؟
ماينفع العميان لاقال ما أشوف
ولاتنفع البسمه وانا حزن كلي
لوي يتيمه يايبه مامن خلوف
المشكله ""حي"" وقلبك مولي
كانك لقيت اللي يسليك بحروف
بختك لقيت ضيم عذابه يذلي
صارت دموعي بالمحاجر لي وقوف
ويضيق صدري لاذكرتك تهلي
الكل متحريك ومركز الشوف
نرجي متى زولك علينا يحلي
ولاشفت دمعات الحزن في وجه"نوف"
ودي يشيلني خالقي من محلي
ليتك بعثت بغيبتك كم مظروف
يمكن تهون في جروح مضن لي
إبعث تكلم جاوب "الفوز" بحروف
ترى كلامك لو غلط جايز لي
ياضحكتك أجراسها داخل الجوف
وياريحتك دخانها باقي لي
يابوي ماهمني ملابس ونفنوف
ولاني من اللي قال يازين خلي
كتبت انا الابيات والقلب مطروف
ولاني بشاعره بس هذا حصلي
ادعيك ياللي ترحم الكبار والضعوف
ترحم حزين صار دمعه يهلي

قصيده أعجبتني فنقلتها

[الشمالي]

الله عليك قوت القلوب قصيدة رائعه واختيار موفق بانتظار جديد

[شموخ أنثى .ღ.}]

//
\\
*


لو الدمع يا بوي لو سـال يبقيـك
لإذرف غزير الدمع طول السبوعي
الله يبيحك كـل ماحـل طاريـك
ويرحمك ربي في نهارٍ يروعـي

يبقى الاب الحضن الدافي بروحهـ
رغم رحيله عن عالمنا

قوت



لاهنتيـ

/
\


شموخ
..,

[السنافي]

لوي يتيمه يايبه مامن خلوف

........ المشكله ""حي"" وقلبك مولي

قصيده من الوهله الاولى تعتقد أنها مرثيه

ولكن بعد البيت السابق تجد انها مرثية مشاعر

وجود الاب بعيدا ً عن العين مؤثر جدا ً

قصيده رائعه رغم إعترافها بأنها ليست شاعره

ولكن المعنى جميل جدا ً ..

يعطيك العافيه يا قوت القلوب ولاهنتي ..

[سحايب صيف]

قوتـــ

ابداااااااااع بلا حدود

قصيده رائعه رغم ماتحمله من أحساس مؤلم

لله درك يالغاليه على حسن اختيارك وجمال نقلك

دمتِ لنا ودام تذوقك بهذا الجمال

احترامي