البارحه

[نقا هشال]

http://www.khayma.com/almirgab/nqss/moyafaq.jpg


البارحة ما هملج الطرف بنعـــــــاس=ما فاض من نجم عيوني تخيلــــــــه
لا باس يا عيني على السهرلا باس=على وليف ٍ فات ما القى مثيلــــــه
عنا قطع شوف المواصل له ارماس=ولا في يدي من ناب الارداف حيلـــه
فيما مضى ياخذ جوابي من الراس=واليوم لا عاني وأنا ما اعني لــــــــه
العشرة اللي ما توثق على ساس=تطيح لو صارت حصون ٍ طويلـــــــــــة
يا ونتي منها المعاليق يبــــــــاس=صبري قضى ما باقي الا قليلـــــــه
صبرت صبر ٍ صابني منه وسواس=صبر له النفس العزيزة ذليلـــــــــــة
على وليف ٍ حال من دونه الياس=والياس طب ٍ للقلوب العليلــــــــــة
من يتبع المقفي مرده للافلاس=مثل الذي بالقيظ يدفق صميلــــــــه
هذي دروب الحب جِدَّد ودراّس=الله يمضيها بستر وجميلـــــــــــــــه
موفق ٍ للخير ياظبي الأطعاس=لا تحسب الدنيا بأهلها طويلـــــــــه
و صلاة ربي عد ما هب نسناس=على نبي ٍ وضح الله دليلــــــــــــــه


الشاعر
عبدالله اللويحان
رحمة الله عليه

[عازف الأحزان]

شكرا نقا هشال

على القصيده الرائعه الذي نقلتها لنا

والله يرحم قائلها

مع تحيات
عازف الأحزان

[المدرس]

هلا بك ومشاركة متميزة

من عضو رائع

واخراج أروع

[أمير الحروف]

أخوي نقا هشال

الله يعطيك العافية

اختيار أروع من رائع

تسلم أخوي وتقبل تحياتي

[ولدعنبر]

العشرة اللي ما توثق علـى سـاس
تطيـح لــو صــارت حـصـون ٍ طويـلـة

قصيده راااااائعة

تسلم عليها

[نقا هشال]

هلابكم اخواني
مروركم اسعدني

شكرالكم

وتقبلو تحيتي..