من البسبوسة الي السمبوسة

[UMTUTU]

البسبوسة

المقادير

3 اكواب سميد
2 كوب سكر ناعم
كوب ونصف جوز الهند
2 علبة قشطة
5 بيضات
1 ملعقة كبيرة بيكنج باودر
1 كوب زيت
فستق مبشور للتزين



الطريقة

يخفق الزيت مع السكر جيدا

يخفق البيض جيدا ويضاف للزيت

يوضع البيض والقشطة والسميد والبيكنج باودر وجوز الهند وتخلط جميع المقادير جيدا ثم توضع في صينية مدهونة ويرش الوجه بالفستق وتدخل الفرن حتى تنضج ويحمر الوجه وتسقى بالشيرة

تقطع على شكل مربعات وبالهناء والعافية



السمبوسة

اليكم يابنات والعزابيه طريقة السمبوسه الاعتياديه السهله والسريعه

وعلى حسب اختيارك للحشوه يطلع طعمها ولذتها ونكهتها .. حسب الذوق والوقت ..


المقادير ::

رقاق السمبوسه الجاهز .

زيت للقلي

والحشــــوات ::

::اما حشوة الجبن البيضاء مع الكزبره الخضراء ::

( جبنة بيضاء المالحه ام كيلو او أي نوع من الأجبان البيضاء الجاهزه مقطعه ومضاف اليها كزبره خضراء مفرومه بالفلفل الاسود )

او
:: جبنة كرافت الصفراء ( العلب )

( جبنـــــة كرافت الزرقاء مقطعه )

:: دجاج مع البطاطس ::

( دجاج + بطاطس مقطعه مربعات + ثوم + بصل + كزبره خضراء مفرومه )

:: لحم المفروم التقليدي ::

( لحم مفروم وبصل وثوم وشبت او كزبره وفلفل اسود وكمون على حسب الرغبه )

:: حشوة خضار صيني ::

( جزر + فاصوليا خضراء مقطعه طوليا + بصل + دجاج + كرنب + ملح )

( جبن ابيض + بقدونس مفروم ورشة فلفل احمر )

( بصل فلفل اخضر رومي زيتون اي نوع طماطم )

الطريقه ::

اولا نخرج الرقاق من الثلاجه وبعدها نقوم بعمل الحشوه ..

تحشى الرقاق بالجبنه او بحسب الرغبه بحيث تثنى طرف الرقائق على شكل مثلث او قمع ثم تحشى بمقدار ملعقه من الحشوه وتثنى الى ان يصبح لدينا مثلث ..

http://ayaam.com/upload/2/maki_4.jpg

http://ayaam.com/upload/2/maki_5.jpg

http://ayaam.com/upload/2/ggy6.jpg

ثم تقلى بالزيت الحار وتوضع على ورق نشاف ثم ترص في صحن

http://ayaam.com/upload/2/briwat7.jpg

ويمكنك وضعها في الفرن دون ان تقليها بالزيت واليك الطريقة

سمبوسه بالفرن
الطريقه والمقادير:

1- توضع شرائح بصل وفليفله في صينيه.
2- توضع عليها أصابع السمبوسه محشوه بالدجاج .
3- تخلط 2 جبن+ نصف فنجان ماء + 4 ملاعق جبن سائل + 4 ملاعق كبيره مايونيز + حبة ماجي + ملح + بهار.
4- يخلط الجميع ويصب على السمبوسه ثم يوضع عليها قصدير وتوضع في الفرن حتى تتحمر من تحت ثم ينزع القصدير وتحمر من فوق .




وبالهناء والعافيــــه

قطع ياباني تجميع كوري ......... فهمتوها

ام توتو

[سمسار 15]

اولا احييك وبكل فخر وصدق انت داهية
دقيتي على الوتر الحساس (( البسبوسه ))
انا لا احبها صدقيني ولكن اعشقهههههههها
سويييييييييييييييت البسبوسه كما ذكرتي
خطوه خطوه وحده وحده ,,,,,, الله واكبر
ماشاء الله تبارك الله تمام تمام زي ما قلتي
طلعت احلى بسبوسه اكلتها ,, وذوقت اخواتي
وانهبلوا هبال ,,, يقولون علمنا من وين جبتها,
قلت هذا لغز اللي يحله له 500 ريال ,,
في المشمش اذا عرفوكي , صح اكيييييد صح ,,
تعالي شووووووفي الطامة الكبييييييييييييره ,,
دقني الحماس وشمرت السواعد ومندفع اندفاعه
الله لا يوريك ,,, تدرين وش سوييييييت ,
سويت الهوايل ,, الشييييييييف سمسار 15 يبي
يزييييييييين السنبووووووووسه ممدح ,,,
وياليتني ما سويتها ,,,,
لفيت كل السنبوسه ,, ثلاث اشكال هو لف الله
لا يوريكم الحشوه طالعه من هنا , واللحم قام
يتكبكب مع الجوانب ويا حيلت الله ,,
المهم شبيت على الزيت وياليتني ما شبيت عليه ,
كبيت السنبوسه كلها غي القدر , هو انا كبيتها
ويشب القدر والي في وسطه . من الروعه كبيت
عليها مويه ,,,, يااااااااااااااساااااااااااااتر شب المطبخ
وانحاش من المطبخ ,,, واثري سابح بالباقي,,
انحشت ووطيت الصحن اللي فيه البافي الجبن
وما ادراك ما الجبن ,,, هي ليله ما تنسي ,,
اشكركي جزيل الشكر ,, لك احترامي وتقديري
اخوكم (((( سمسار 15 ))))

[عازف الأحزان]

شكرا ام توتو

على الوصفه

بس انا ما جت معي مثلث

سويتها مربعات

وتسلمين

مع تحيات
عازف الأحزان

[UMTUTU]

سمسااااااار 15

يرحم امك وابووووك ارحمني شووي

والله تمزع بطني من الضحك

والله اشوف شكلك وانت محتاااااااااااااس

تسلمووووووو

ام توتو

[UMTUTU]

عارف الاحزااااان

تسلم على مرورك

بس كيف ما عرفت تلفها مثلثاااات

خذ اللف من زاااويه على شكل مثلث وهي تطلع معك تمام

ام توتو

[سمسار 15]

الاخت ام توووووووووتو
اكيد بتموتين علي من الظحك
ليش ,,, يقول المثل اعط الدقيق
لخبازه ولو اكل نصفه ,,,,, اها مافيه
اجل اكلات قريبه وحولك هذي الايام تكفين
الحقيني بها .... اظاهر اني ما بعد تليعت زيييييين
اشكركي جزيل الشكر والله يحفظك لنا
اخوك (((( سمسار 15 ))))

[UMTUTU]

هلا بسمسااااااار

ابشر باللي تبي

بس غريبه مهتم بالطبخاااات ؟؟

لا تكوون ناوي تتزوج مدرسه ؟؟

تسلمووو


ام توتو

[سمسار 15]

الغالية ام توتو
انا من عشاق المطبخ صدقيني
احب الحوس والدوس فيه , المهم اني
اتعلم كل شيء يخص المطبخ ,
لا اخفيك سرا اعرف اسوي المحاشي بانواعها
واغلب حلى القهوة والشاي ,, كذلك بعض انواع
البسكويت والشابورة , غير الكبسات والمقلوبة والصيادية
الى غير ذلك الكثير ( لا تعلمين احد )
بالنسبة للزوجة مدرسة كانت او غير مدرسه
التعاون زين , وشفيها لو طبخت الخميس والجمعة
مثلا , او في وقت الاجازات ,,
تحمليني ,,
اخوك (((( سمسار 15 ))))

[UMTUTU]

عاااااااادي

انت في بيتك

والساحة ملك للجميع

وخذ راحتك

وبصراحه انت حركت الساحة وصرت القى احد ارد عليه

قبل ايام ادخل واطلع بدون ردود

تسلموووووو

ام توتو

[بنـ الشيوخ ــت]

ربي يسلمك ام توتو على هالاكلات الحلووووووه

تسلم يدينك


;)بنـ الشيوخ ــت;)

[UMTUTU]

لا انتي هاليومين مبسوطه

وش اخر اخباارك

يارب يوفقك في كل طريق



ام توتو

[سمسار 15]

ام توتووووووووووووو
ليش فيه اخبار اكيييييييد
زينه لبنت الشيوخ صح
يا ام توتو احس ان
فيه سر بينكم
بس تدرون
خلونا
جميعا ندعي ونقول الله
يوفق ويسعد اللي في
بالي قولو اميييييين
(( سمسار 15 ))

[هادي]

حلو العنوان من البسبوسه للسمبوسه

الظاهر صرتي شااعره

مشكووووووره على هالطبختين

سلام

[UMTUTU]

سمساااااار 15 اعقل البيوووووت اسرار

وتسلموووو على مرورك مره ثانيه

ام توتو

[UMTUTU]

عاش من شااافك يا هادي

ترى مقلل جيتك للساحة

اتمنى تتواجد معنا على طووول

تسلموووووو

ام توتو