تسجيل الدخول

مشاهدة النسخة كاملة : (جوال كاميرا ) انتبهوا...!!!!!


ملك روما
13 / 07 / 2004, 25 : 05 PM
كل الي معاهم جوالات بكاميرا ... ومصور فيها اهله او خواته او بناته .... او البنات الي يصورون بعضهم بجوال الكاميرا خاصة في المناسبات العائلية الصغيرة يعني اقارب عيال عم او غيره .. وبعده يمسحون الصور من الجوال .. ترا ما تنمسح نهائيا !!!
وفعـــــــــــــــــــــــــــــــــــــلا هذا الي صار معاي .. انا معي جوال نو كيا 6600 وفجئه اشوف شاشة الجوال والقى كلام بالانجليزي وفيه كلمة ERR يعني بالعربي خربان .. فقلت اروح لمحل زميلي عنده محل جوال في مجمع كبير ... وقلتله يافلان وش السالفة قال جوالك يبغاله اعادة تهيئه يعني سفت وير من جديد يعني بيحملي اصدار الباندا من جديد ... قلتله الله يخليك الا الارقام ما حفضتها لا بذاكره ولا غيره .. فقالي لا يهمك احاول اسحبها لك ...المهم حط جوالي بتوصيلات عنده موصله بجهاز الكمبيوتر .. وبعد نصف ساعه حملي اصدار الباندا الجديد وقالي خذ رجعت لك الارقام ما خليتها تروح مع التهيئة .. وحمدت ربي .. لكن تفاجأت لمن رحت للقائمة ورحت للاستديو .... حصلت الصور الي انا مصور به عيال اختي في البر العيد الماضي والله صور كثيرة فوق الاربعين صورة .. وانا كنت ما سحها من زمان ولا بقيت ولا صورة بالجهاز .... اندهشت وقلت له هذي الصور انا ما سحها قال ايه مو قلت لك ما ني مخلي ارقامك تروح قلت له .. الحمدلله ارقامي رجعت بس معقولة الصور ترجع ... قال لي ايه ترجع .. وقالي ياعمي شوف هالمحلات كلهم يحترون بس بنت تجي ومعها جوال الباندا او اي جوال بكاميرا وتبغى له صيانة ينبسطون يقولي والله فلان الي بعد المحل الي جنبنا لاقي صور بجوال وحده له ولخواتها اظهار كلهم حلوين ويشبهون بعض .. ويقول ومصوره نفسه وهي لابسة كذا لبس ..... قلت والله المسكينه الحين بتنتشر صورتها وصورة خواتها بالنت لو نشرها صاحب المحل ....... وقالي غيرهم كثير...........

-------------------------------------------
فانـــــــــــــــــا اقول نصيحة لكل واحدعنده جوال بكاميرا لا تصور احد من اهلك بالكاميرا نهائي ولو على سبيل الضحك او اختك تبي تشوف وشلون بيطلع شكلها بالصورة وتروح تصورها تــــــــــــــــــــرا فيه ناس ما تخاف الله ........ فنصيحتي اذا بتصور لا تصور الا اطفال اطفـــــــــــــــــــــــــــــــــــــــــا ل وبس ................



وهنا طريقة مسح الصور الخاصة بجهاز نوكيا 6600:

يوجد ملف اسمه PAlb NT تحفظ فيه جميع الصور حتى بعد حذفها ... يعني لازم تدخل على هالملف وتسوي حذف لكل الصور المخزنة فيه ..... وتقدر توصل لهالملف بواسطة اي برنامج لادارة الملفات مثل برنامج Seleq أو غيره من البرامج وراح تلاقي الملف بهالامتداد C:\Nokia\Images\PALB nt



منقوووووووول..بتصرف

ولدعنبر
13 / 07 / 2004, 47 : 07 PM
مشكوووووووور

على هذه النصائح والتنويه

اسيرة الزمن
13 / 07 / 2004, 39 : 11 PM
اللة يوفقك لكل خير

عندي سؤال هل الامر متعلق بجوال الباندا بس

وجوال المملكة مطور ينطبق الشيء هذا علية

لك خالص التحايا

ملك روما
15 / 07 / 2004, 59 : 11 AM
ولد عنبر ...اسيرة الزمن ...شاكر حرصكما ومروركم الكريم .

علما ان احدهم ذكر ان طريقة الحذف المذكورة اعلاة قد لا تفيد ...:10:

-------------------------------
احد البائعين في محلات اجهزة الاتصالات يقول لتمسح المحفوظات عليك ان تستخرج شريحة الاتصالات وكذلك شريحة الذاكرة وتغلق الجهاز وتعمل الآتي :

اضغط في وقت واحد على الازرار التالية :

نجمة *

رقم 3

المفتاح الأخضر

واستمر على ذلك

قم بعد ذلك بضغط زر تشغيل الجهاز ولاترفع اصابعك عن الازرار الثلاثة السابقة حتى تشاهد على الشاشة كلمة :

فورمات

بعدها سوف تشاهد شريط المسح يستمر حتى يتم مسح كامل معلومات الجهاز من صور وبرامج

واذا اردت ان تبيع الجهاز عليك ان تكون اكثر حذر وتشتري شريحة ذاكرة جديدة بقيمة 90 ريال تقريبا وقم باتلاف الذاكرة السابقة

----------------------------------

اما بالنسبه لباقي الجوالات فينطبق عليها نفس الشي ...الا ان طريقة الحذف

قد تختلف من جهاز الى جهاز اخر ...


تحذير لاصحاب الجوالات بنظام السمبيان وبكاميرا

( 3660 و 3650 و 7650 و 6600 )

حبيت أحذركم من هذي الجوالات

أكيد الواحد يبغى يستخدم كاميره الجوال

يصور أهله وقرايبه على سبيل المزح أو على أساس ينقله على CD أو مكان أمين

لكن حتى لو حذفتوها تبقى في الجوال

في ملف لكن بصوره أصغر وحجمها صغير

وتكون في ملف إسمه palbtn_ فلازم إنكم تحذفونها من هذا الملف

والي يبي يشوف الملف ينزل برنامج SeleQ وبيبين عنده

----------------------------

((((منقول بتصرف)))

هادي
16 / 07 / 2004, 11 : 09 AM
لله درك يا ملك رووما

والله بعد انا اعرف وااحد بغى يروح فيها لولا لطف الله

كان رايح بجهاز له وفيه صووور خاصه مع زوجته ولكن لقى واحد في المحل ونصحه ورجع وراح لواحد ثقه ومدري وش سوى له لكن مسح الصور نهائيا

وانا احذر كل بنت من هالاشرار

الله يجزاك خير اخوي

سلام

سمسار 15
26 / 07 / 2004, 50 : 03 AM
ملك روما وما جاورها الله يحفظك من كل
مكروه ,, واشكرك على هذه المعلومات
ولو اني ما اعرفها ,, لاني انا من معارضين
الجوال ابو كمرا حتى التسجيل لا احبه ,,,
صارت اعراض الناس من البنات والزوجات
والامهات سلعة يتناقلها الشباب مع بعض
الله يستر علينا بستره يا كريم ,,,,,,,,,,,,
الله يوفقك يااااااااااااا ملك روما ,,,,,,,,,,,,,
اخوك (((( سمسار 15 ))))

ملك روما
27 / 07 / 2004, 26 : 11 AM
الاخ هادي ..اسعدني مرورك الكريم ..واستشاهدك بالقصة التي ذكرتها
فجزاك الله عنا كل خير..

سمسار 15 ... صدقت عزيزي والله لقد اصبحت اعراض الناس سلعة يتفاخر الشباب ..بتبادلها ..لانهم لا يشعرون ماذا لو كانت اللقطة او الصورة من اهلهم وذويهم ...هل سيفرحون بها ام لا ؟؟


نسأل الله السلامة ...والستر في الدنيا والاخرة...