المساعد الشخصي الرقمي

مشاهدة النسخة كاملة : انا شااااامخ .. شموخي ما انحجب دون السماء بظلال


شموخ أنثى .ღ.}
08 / 03 / 2008, 23 : 04 PM
على هامش حياتي .. تكبر احزان وتموت آمال
تحت ظل الظروف اللي .. مرابعها .. ورى صدري


كبرت .. وشحت ارضي بالعطا .. والشح فيها طال
وانا ادعي ..يا عسى خيط الامل ما يحرقه جمري!


تموت من العطش غابة ..واردد للشجر لا مال
سقاك الغيث .. يا ظل السباع .. و راحة القمري!


بعد صارت جفاف .. وما لقى قلبي بها مدهال
بعد صارت ..عروش ٍ خاوية .. قلت : اغتنم عمري


نويت ارحل .. مع انسام الهبوب .. ومع سراب اللال
نويت اشطب على سود الظروف .. وحيرتي بأمري


وقفت .. اجمع شتاتي .. والزمن فرقى .. وضيقة بال
وقفت .. ولا قدرت اصمد ..وخفت ابكي وانا ما ادري!!


تقبّلت الظلام .. ووحشة الطرقة بعزم ابطال
تناوشني.. مخاليب الظروف .. و تنتظر كسري


تركت اغلى الاماكن .. تحتظن حلمي .. وراس المال
وانا ادري.. لو قسى حكم الزمن .. تبقى على خبري


رحلت .. اشرب مع انفاسي ضما .. والجوع ما له فال
رحلت .. وقلبي ترفرف عروقه .. تفتقد وكري


رحلت ..اكابد الغربة.. واساير ضحكتي محتال
وحيد .. افرش من احزاني بساطي .. والتحف صبري


بقى لي .. وش بقى لي .. يا ( صدى صوتي ) ولا ينقال
سوى صوت ٍ .. ولو ما له صدى .. ما اتوقعه جهري!


بأجر الصوت في قمة جبل حاطت عليه اجبال
وابي تسمع صدى ٍ يدفع صداك.. ومنبعه نهري


بأجر الصوت .. في جزل الحروف .. وزفرة الموال
قوي ٍ دافعي .. واسكب على صدر الشعر .. شعري


تعيش اظروف .. وتموت الشيوخ .. ويكبرون اطفال
وانا مثل الفضا .. ما نزلّت بأسمي ولا قدري


انا شااااامخ .. شموخي ما انحجب دون السماء بظلال
واذا حاول بشر يكسر شموخي.. قلت له : بدري!!


يا انا جيلي .. بعد جيلي .. ولكني رجعت اجيال
ولكن للأسف .. ما به على كبري .. ومن عصري!


يا انا جيلي .. قبل جيلي .. ولكني مشيت اميال
ولكن للأسف .. ما به بشر فيهم .. على كبري !


فقدت ارجال .. لا والله عقول ٍ .. من وراها ارجال
دفنت اللي يموت بداخلي .. في مقبرة قصري !


ولكني .. رغم ذلك .. ما اقابل واقعي .. باهمال
ابرهن ما حدث .. وارسم تحياتي .. على سطري


واذا طال الرحيل .. ولا كسبت من الفرح مثقال
حسافة يا ( صدى ) .. كان ابتديت اضحك .. ومن عذري!


امانه يا صدى صوتي .. معك حلمي .. وشرح الحال
تزور اغلى الاماكن .. مع نهاية .. عامها الهجري


وامانه يا صدى صوتي .. لا شح اقسى الزمن ..بوصال
ابي .. لو حفنة ٍ من رملها .. ترمى وسط قبري !!

السنافي
08 / 03 / 2008, 22 : 09 PM
بأجر الصوت .. في جزل الحروف .. وزفرة الموال

......... قوي ٍ دافعي .. واسكب على صدر الشعر .. شعري

هذه القصيده تحمل الشموخ رغم الالم

الذي حاول الشاعر أن يخفيه متجها ً بالقصيده

الى الرمزيه ولكن تجده

يتخلل بين ابياته ..

صح لسان شاعرها ولاهان ناقلها ..

كل الشكر ياشموخ ..

شموخ أنثى .ღ.}
08 / 03 / 2008, 56 : 10 PM
//
\\
*
حياكـ يالشاعر
الف شكر لحضوركـ وتواصلكـ
لاخلا ولاعدم
..,

ذيب النشاما
09 / 03 / 2008, 40 : 12 AM
انا شااااامخ .. شموخي ما انحجب دون السماء بظلال
واذا حاول بشر يكسر شموخي.. قلت له : بدري!!




بصـــراحـــه أبيـــات فـــوق الجمـــال

صــح الله لســـان الشــــاعر

ولاهنتـــي يــا شمــــوخ على حســـن الأختيــــار المـــوفق



دمتــــي بخيـــــــــر

شموخ أنثى .ღ.}
09 / 03 / 2008, 08 : 05 AM
//
\\
*
الجمال حضوركـ وتواصلكـ
لاهنت

..,

الشمالي
09 / 03 / 2008, 18 : 04 PM
سلمت يمينك اختي شموخ انثى


وعسى ربي لايحرمنا هالابداع المتواصل

شموخ أنثى .ღ.}
10 / 03 / 2008, 04 : 02 PM
//
\\



الله يسلمك
ولايحرمنا تواصلك
لاهنت
..,

المحبوب
11 / 03 / 2008, 24 : 12 PM
صح لسانك والله لايهينك ويسلم راسك يا اختي شموخ0000000

شموخ أنثى .ღ.}
11 / 03 / 2008, 32 : 08 PM
//
\\
*
ولاهنتـ أخي الكريم
لاتحرمنى تواصلك
لاخلا ولاعدم
..,

الجنوبي 2000
12 / 03 / 2008, 06 : 09 AM
قصيدة جزله ومعاني جميله
صح السانك والسان الشاعر
تقبلوا مروري

شموخ أنثى .ღ.}
12 / 03 / 2008, 58 : 01 PM
//
\\
*

الف شكر لحضوركـ وتواصلكـ
لاهنتـ
..,