تسجيل الدخول

مشاهدة النسخة كاملة : كامري + سكسوكه + N70 + عطر + عشاء = ؟ ؟ ؟


قمر
07 / 03 / 2008, 30 : 12 AM
http://hwaro7i.com/uploader/folder1/g90g_hUJumL5m.gif
الــزمـان : يوم الأربعـاء التـاسـعه مسـاءا ً ....
المكــان : الريـاض ....
تعريـف لمن تـدور حـوله القضـيه
الأســم : بـدر
عمر بـدر : 23
مهنة بدر : طـالب جامعي
كامري بدر :
اللـون اســود
الموديـل 2006
طريقة الدفـع : اقسـاط على (ظهـر) ابو بـدر
عـداد البنزين: تحت الـــ e والجـيب مافـيه الا الرخصـه وريـاليـن
مـوقع السيـاره وصـاحبها: امـام صـراف بنك سـامبـا (الأمريكي سابقـا ً ) ينتـظر وصـول دوره لـكي (يشـفط ) مكـافـأته الجــامعيـة التي تقـدر بـ 834 و 60 هلله .
بدر وكامري بدر وبطاقة صراف بدر امام الصـرافه اللي بتنـشفط منـها 800 ريـال (كـاش منـي)
انشفطـت مكـافأة بدر من بطاقة صراف بدر بـــ يـد بدر .
(غمـض فتـح) واذا بـ بدر امـام محطـه الوقود
بدر : صديق عبي بنزين فـُــل .
صديق : اوكى (مع هزة رأس تقلـيــديـه).
وبعـد مرور دقيقـه و7 ثانيه امتلء خـزان الوقـود والمـقابل 36 ريـال
800 - 36 = 764 ريال
بعـد محـطة الـوقود (فتح غمض) واذا بـ بدر وكامري بدر امـام (التلمـيع السـاطـع)
45 دقيـقه بعد التلمـيع السـاطع
كامري تلمـع بدر يدفـع
764 - 150 = 614 ريال
انتهـينـا من كامري بـدر
سكسوكـة بـدر :
الزمـان : الساعه العاشـره والنصـف مساءا .
المكان : تقـاطع شـارع التحليـه مـع شارع التخصصـي بالتحـديد حلاق (هوليـوود)
بدر للــ حلاق : حبيب ألبي ابيك تـدلعنـي عندي موعد مهم الليله .
الحلاق لـ بدر : تكرم عينك مدام انتا بــ تـدفع احنا نـلمـع .
غمض عين سكر عين
150 ريـال لـ حبيب ألب بـدر .. يعني
614 - 150 = 464 ريال
سكسوكه عجــــــيبه
جهاز بدر ( n70بدر) :
الزمـان : الساعه الحاديه عشر مساءا ً
المكان : محـل همســات للأتصـالات - المرسـلات
بـدر يبي يستـبدل N70 بـدر بجهاز ثاني
N70 بـدر سعـره بـ 1100 ريال
والجـهاز اللي يبـي يستـبدل فيه .. سـعره 1440ريـال
يعني بـدر لازم يـدفع 340 ريـال فرق السعـر .... ودفـــع
يعنـي
464 - 340 = 124 ريال
غريــب هـ البــدر ...
عـطر بــدر :
الزمــان : الساعه الحاديه عشر وخمسه واربعون دقيقه مساءا ً
المكـان : الرواد للمستـلزمـات الرجـاليه - طريق العروبــه
وبعـد محـاولات لشراء العطـر المفضـل تم اختيـار عـطر بـ مبلـغ 120 ريـال .
نرجـع للحـاسبه ونقـول
124 - 120 = 4 ريـال فقط
عجــب عجــــــاب
عشــاء بـدر :
الزمــان : السـاعه الثانيه عشــر منتـصف الليــل .
المكـان : بوفـيـه بجــانـب البيـــت
باقـي المكـافـأة 4 ريـال و ريـالين في جيب بـدر هذي 6 ريال
وعشاء بـدر ثنـين شـاورمـا و واحـد بيبـسي بـ 5 ريال
وريــال حطـه في جيبــه للـيوم الأسـود .
بالعـافـيه يابــدر ولاتنســى تسمــي
- هذه الشخـصـيه الـدرامـيه هـل هـي فـعـلا ً تـوجـد فـي مجتمــعـنـا ؟؟
-هـل تصــرفـه بـهذه الطــريقــه السبــب فيــــه الأتكـــــاليــه وعـدم تحمــل المســؤوليــة ؟؟
ام هــي قــاعــدة ((حـلال عمــك لا يهــمك )) ؟؟ ام لأن المـال المصــروف ليــس من مجهـــوده ؟؟
- اذا وصـــل الــشــاب الـى هـذا العمــر هـل من المعـقــول ان لا يكــون لـديـــه تـفـكــيـر عـقـلانـي نوعــا ً مـاا ؟؟
هل فعلا مصروف الشاب لايكفيه ؟ ويطير من يده بهذه السرعه ؟
هل متطلبات المعيشه (في الحياة العزوبيه) تستلزم صرف الكثير ؟-
ماهـو رأيـك في النــوع الـذي يركـــض وراء اعتـــقــاد (( عيش يومــك وربك يحــلهـا )) ؟؟
النقاش مفتوح للجميع
ننتظر نقاشاتكم
تحياتي لكم

أبـوحـمـد
07 / 03 / 2008, 15 : 03 PM
يعطيك العافيه يا قمر حساس

اول شي عدم تحمل المسؤليه لانه راح يندم على كل فعله سواها في حياته

لان الي يجي بسهل يروح باسهل

واكيد راح يحس بالمسؤليه متى اذا مسح عرقه بيمناه اذا حس بالتعب

اعرف شاب يدرس الرياض من الجامعه الى البيت

طبعاً ساكن عند عمه مكافئته 900ريال ويبقى منها اخر الشهر 200

وتقبلي تحياتي

سحايب صيف
07 / 03 / 2008, 53 : 08 PM
قمـــــــــــر


يسعدلي مساك يالغلااااااااا على الطرح الرائع والمفيد


وانا بنظري ان 800 ريال ماتكفي مصروف حق بنيه عشان توفي مصروف شاب في عمر بدر ...

فــ في وقتنا هـــذا المعيشه غاليه حـــيل يعني انتــــي ذكرتي لنا كيف انصرفت مكافأت بدر بتفصيل واعتقد انها هذي يوميات اي شاب ولو تزودين عليها قيمة الملازم وقيمة البنزين يومين اذا راح للجامعه ورد من الجامعه ولاوازم الكشخه يعني لازم الشاب يكشخ ويلبس وغيرهـــا من المصاريف اليوميه ....

اما بنسبه لنا احنا يالبنات وحنا ماعندنا سيارات زي الشباب تطير فلوسنا زيهم في الماركات ووانتي تعرفين قيمة الماركه من عطورات وملابس واكسسوارات وجزم وشنط وغيرها وبكل صراحه ان 1000 ريال ماتكفي في السوق ... لكن ماقول غير الله يعين ..


وبنسبه لمقولة (( عيش يومــك وربك يحــلهـا ))

بصراحه انا ايدها فــ انا احب اعيش يومي لكن بالمعقول لاني ماضمن اعيش لليوم اللي بعده فــ ليش احرم نفسي من شي انا قادره اني املكه واتمتع فيه ...

واخيراً..


عزيزتي الغاليه نقل رائع ومفيد لموضوع يستحق من الوقوف عليه ومناقشته ...


نقلتي فـــ ابدعتي وادام الله عليك نعمة الابداع والصحه والعافيه


احترامي لك

غلا الكون
08 / 03 / 2008, 27 : 12 AM
يوجد الكثير والكثير بس يختلفون عن بدر فهنالك من يساعد

ألاهل في مصاريف البيت

لنتكلم بصراحة هل المكافئة تكفي المصاريف ؟؟؟؟؟؟؟؟؟

اصبح كل شي بمقابل وكل شي غالي بتقولون على قد فلوسه يعيش

يعيش بس كيف يعيش من معاه خصوصا اذا هم على قد حالهم

مع ارتفاع الأسعار والمتطلبات حتى الرواتب الهزيلة لا تكفي

بس شي أحسن من لا شي ..

وتسلمين ياقمر على موضوعك المهم

دمتي مبدعة ....

أندروميدا
08 / 03 / 2008, 33 : 12 AM
ماضيع الشباب والبنات الا الكماليات ومطارد الموضه
الزبده
مد لحافك على قد رجليك

>>>>>>>>>>> أندروميدا <<<<<<<<<<<

قمر
08 / 03 / 2008, 53 : 12 AM
أبوحمد
لان الي يجي بسهل يروح باسهل


سحايب صيف
بصراحه انا ايدها فــ انا احب اعيش يومي لكن بالمعقول لاني ماضمن اعيش لليوم اللي بعده فــ ليش احرم نفسي من شي انا قادره اني املكه واتمتع فيه ...


غلا الكون
شي أحسن من لا شي


اندروميدا
مد لحافك على قد رجليك

أشكركم من الأعماااااااق على تفااااعلكم الحي


تحية معطرة برائحة الفل والياسمين مني لكم يالغالين