المساعد الشخصي الرقمي

مشاهدة النسخة كاملة : ماكل ما يطري على البـال ينقـال


ولدعنبر
10 / 07 / 2004, 39 : 09 PM
ماكل ما يطري على البـال ينقـال
ولاكل شاعر يكتب البيـت بالصـح

ولاكل من يركب على الخيل خيـال
ولاكـل فـارس للمساطيـر يذبـح

وياما رجال(ن) بالفعل تازن جبـال
ماتوا وخلـوا فعلهـم علـم يطـرح

ودمع الرجل لاتحسبه ضعف لا سال
موقف يهز جبال والجـوف يقـدح

وصمت الرجل هيبه ولا فيه مفصال
وكثر الكلام يقلـل القـدر ويجـرح

والخبل خبل(ن) لو فعل فعل وافعال
لاتامنه سرك ترى الخبـل يفضـح

وناس(ن) خلقها ربنا اطباع واشكال
هذا تعيس وذاك يـا صـاح يفـرح

احد(ن)يشيل احزان وهموم(ن) ثقال
واحد(ن) يشيل افراح والهم ينـزح

وحسك تقول الله لو عنـدي امـوال
لفعل واسوي مـا تمنيـت وانجـح

لاني كريم(ن) يعطي اموال بهبـال
ولاني بخيل القوم فـي لقمتـه شـح

لو الزمن يمشي على مشتهى البـال
محد(ن) شقى بدنيـاه والكـل يفلـح

ولا تشتكي حضك على الناس لا مال
شكواك للي يجعل الحـض يصلـح

ولاترسم الضحكه على كـل مـوال
ضحكك بليا اسبـاب للقلـب يذبـح

وماكل شخص(ن) يكتب البيت ينقال
شاعر يصب القاف في وزنه الصح


منقول

هادي
11 / 07 / 2004, 42 : 09 AM
صح لسااااانك

والله انك نقلت ابيااات جميله ومعبره
تحمل من الحكم الشيء الكثير

وفيها من النصائح القيمه اللي تخلي الواحد يصير رجااال ويحرص على طاعة الله سبحانه وتعالى

الف شكر لك


سلام

الساري tm1
11 / 07 / 2004, 43 : 12 PM
ابيات مايقال عنها الا انها رائعة وقايلها مبدع بسسسسسسسسسسس


















ناقلها اروع والله

ولدعنبر
11 / 07 / 2004, 03 : 07 PM
هادي
الساري tm1

الشكر موصول لكما لمروركما على القصيده والرد عليها

أمير الحروف
12 / 07 / 2004, 57 : 12 AM
ولد عنبر

دائماً تحلق في فضاء ذائقتنا

لتمطرنا بجميل ذوقك

وحسك الشعري العذب

تسلم ياراااااااائع

وتقبل تحياتي

ولدعنبر
12 / 07 / 2004, 46 : 08 PM
امير الحروف

هلا بك وغلا

تسلم على ردك وحضورك الاكثر من روووووووووعه

الله يعطيك العافيه

ولا يحرمنا من تشجيعك الدائم

مع امنياتي لك بالتوفيق الدائم

نقا هشال
23 / 07 / 2004, 49 : 05 PM
اختيار رائع

يعطيك العافيه اخوي

وصح لسان الشاعر

ولدعنبر
08 / 08 / 2004, 43 : 03 PM
نقا هشال

الله يعافيك

وصح ابدنك

العنبري
26 / 08 / 2004, 23 : 03 PM
الله يعطيك العافية يا ولد عنبر

قصيدة أكثر من رائعة

والزين ما يجي منه إلا الزين

العنبري
26 / 08 / 2004, 30 : 03 PM
الله يعطيك العافية يا ولد عنبر

قصيدة أكثر من رائعة

والزين ما يجي منه إلا الزين

ولدعنبر
26 / 08 / 2004, 34 : 03 PM
العنبري

تتشرف العيون قبل متصفحي

بمرورك يالغالي