لعبه حلوووووووووووووووه

[بنــ الاجواد ـــت]

السلام عليكم
كيف الحال المهم عندي لعبه حلوووووووووووووووووووووه مررررررررررررره
بطرانه

المهم هي انك تكتب احلى بيت قصيده قريتها



ب

س.....


بشرط


انكها ما تكون اطول من 5 ابيات


وش رايكم

[عازف الأحزان]

كل من حولك يحسدوني عليك
ودهم يا شوق ما نبقى سوى

والدليل انك جرحت اللي يبيك
لا ياثر فيك حساد الهوى

أنت محبوب وفي عمري شاريك
نجم حبك في معاليقي ضوى

لمني بالعطف قدرني وأجيك
شفى المجروح ضامي ماروى

نفسى أشعر في زماني بين يديك
هدني شوقي على طول النوى

[الساري tm1]

انتهينا من حيث ابتدينا ما عاد لي في حبك نصيبي
ياعيني الي تذرف حنينا والقلب يشكي جرح عطيبي
ياما عطينا ولاماخذينا ان اشهد فرقاك امر صعيبي

[بنــ الاجواد ـــت]

تسلمون على مروركم اخوانى





أيامنــا والليالــي كــم نعاتبهـا
شبنـا وشابت وعفنـا بعض الأحوالـي
تاعد مواعيــد والجاهـل مكذبهـا
واللي عرف حدهـا من همهـا سالـي
إن أقبلـت يوم ما تصفـى مشاربهـا
تقفـي وتقبـل وما دامـت على حالي
في كــل يوم تورينـا عجايبهـا
واليوم الأول تراه احسـن من التالـي
أيـام فـي غلبهـا وايـام نغلبهـا
وايام فيهـا ســوا والدهـر ميالـي
جربت الأيام مثلـي من يجربهـا
تجريب عاقل وذاق المــر والحالـي
نضحك مع الناس والدنيا نلاعبـها
نمشي مع الفي طوع حيـث ما مالـي
كم من علومٍ وكــم آدب نكسبهــا
والشعر مازون مثقــالٍ بمثقالــي

[هبوب الشمال]

الف شكرلك اختى الغالية المعذبة بحبك

ولى عودة قريبا انشاللة

فكرة رائعة

[أمير الحروف]

موضوع جميل

وبشارك بأقرب ابيات لنفسي مو أحلى لأن الحلوووو كثير


نسيت الناس والدنيا ولكن ما قدرت أنساك=ولامني تذكرتك رجعت وقلت لعيونك
أنا لعيونك الحلوه أحبك واعشقك واهواك=ولا تسأل عن احوالي أنا بسألك وشلونك
حبيبي طاحت الدنيا من عيوني عقب فرقاك=تجمل بي وخاف الله وأرحم قلب مضنونك
أنا وش هي حياتي ياحياتي والعمر لولاك=اموت بغيبتك يافرحتي واحيا على حضورك
تعال وخلني أنسى الجروح اللي بكت لاماك=أنا محتاج اسولف لك واداعب ثورة شجونك
ترى ما همنى غيرك ترى كل البشر تفداك=ترى موتي وميلادي حبيبي داخل عيونك

ولا أدري من شاعر هالابيات

[ولدعنبر]

لو يجي مثل ابوي ملايين وألوف
مايجـي مثلـه ولــو طــال الـنـوى

الطيب الكريم ابو القلب العطوف
والاصابع خلقة الله ماهـي سـوى

[بنــ الاجواد ـــت]

ماشاالله عليكم



ابيات تجنن بصراحه تشكرون

[المدرس]

فكرة ممتازه

ونرحب بالأفكار الجيده

أخوكم

[بنــ الاجواد ـــت]

يالله ياللي تسجد الناس لرضـــــاه=
يا وامرٍ خلقه على حج بيتـــــه
تفرج لمن سدّه على الناس ما ابــداه=
راضي على مقسومك اللي عطيتــه
من شي يسل الحال والجسم يبـــراه =
والناس ما يشفون ان ما شفيتــــه
قلــت آه واجرحاه من خلتــي آه =
وان حملوني حمـل غيٍ قويتـــه
قالوا سفا بالحال ويش اللــي اغـواه=
قلت آه ويش المنكر اللي وطيتــه
قالوا جهلــت وبان علمك لمنهــاه =
قلت آه علمي يا ملا ما كميتــــه
قالوا طلبنـا لك مـن الله معافـــاه=
قلت آه وحدّْته وعفــوه رجيتــه
قالوا هله واحباب عينه نصحنــــاه =
قلت آه هذا واردٍ مـا بغيتــــه
قالوا ندور لك مـن البيـض حليــاه =
قلت آه لو غيره بكفـي رميتــه
قالوا نشاش العــود مالك بلامـــاه =
قلت آه عود الموز بيـدي لويتــه
قالوا تزوج كود تدلـــه وتنســـاه =
قلت آه لو اخذت اربعٍ ما نسيتـــه
قالوا من اقصى الناس وين انت واياه =
قلت آه ما آنسى يوم جاني وجيتــه
قالوا نشوفـه عنـد هذا وهـــذاه =
قلت آه عمره ما عقب حجر بيتـه
قالوا عليــلٍ ناقـــلٍ داه برداه =
قلت آه باقرابي وروحي فديتــه
قالوا نشيــر ولا نفـع ما حكينــاه =
قلت آه هراج النمايم عصيتـــه
قالوا كثــر شيبـك وقلبك بعميــاه =
قلت آه لو قلبي غريرٍ نهيتــــه
مطاوعٍ قلبــي بعجفــاه وقــداه =
والى عطى منهاج دربٍ عطيتــه
ياناس خلوا كل وادي ومجـــــراه =
قلتوا كثيـر وقولكــم ما لقيتــه

[نقا هشال]

فكره رائعه

شكرا اختي قمر

ولي عوده

[بنــ الاجواد ـــت]

إن جاد حظك كل شيءٍ عنالــك
ويباشرك عند الموده ويعطيــك
وإن بار بك ضليت محدٍ بحالــك
ولا بفنجالٍ من البن يسقيــك
وإن جاد حظك قام واطلق اعقالك
ومشا معك في كل دربٍ يباريك
وإن بار بك جود متين الثنا لــك
وعن كل دربٍ لك يعقلك ويثنيك
وإن جاد حظك كل شيءٍ زها لـك
حلياه برواح المجالس تزهيــك
وإن بار بك شين حلايا خيالـــك
إلى اقبلت تغضىكل عينٍ تراعيك
وإن جاد حظك كل شيءٍ أضا لـك
يشبه فم القنديل نوره يقديـــك
وإن بار بك عزيل حالي وحالـك
ارذل رذيلٍ هافي الجد يوذيــك
يالعبد لو كثرت حث ارتحالـك
وعرضتها درب الخطر والتهاليك

[غلا]

صباح الخير قمورة

فكرة حلووة

ومرره يسلمووو ياعسسسل

من ذا يشد عقاله؟!! ياقومي مما بدى له..رأيت ماساء عيني وهز قلبي وهاله
رأيته لم اصدق اني بأرض الرساله

غضضت طرفي أبنت في السوق تغري رجاله..فااذ به ابن أطالت كف النعيم دلاله
أساور في يديه حسبتها أغلاله

وقطعة من حرير بها يزيد خباله..وملبس ماعهدنا في المسلمين مثاله
لايمنع الله عبداً من ان يبين جماله

لكنه الشرع أرسى حرامه وحلاله..سألته في ذهول من اين تلك البذاله؟
ماهكذا زي قومي ماذاك معنى الاصاله!

ام ذاك للغرب حب به بدات الضلاله..ياجاهلا فيه أبصر في المسلمين انفعاله
دمائنا في يديه به عرفنا النذاله

مخرق العهد تبكي مما جناه العداله..أفق من الغي واحذر من العظيم سؤاله
يامسلماً ماعهدنا في المسلمين الجهاله

كنا وانعم بكنا نعدهم كالنخاله..سل ابن خطاب واسمع بكل فخر ماقاله
وقلّب المجد وانظر عماره وبلاله

الدين ياصاح عز ورفعة وجلاله..قد ضل من حاد عنه وسار خلف حثاله
لنا ولاء ينادي من كل حي رجاله

[المدرس]

ولي معكم مشاركة


اصمم على فرقاك واقول عنك اقفيت .. واعوّد وعلى نفسي من اجلك واراجعها
انا اللي عذابي بالهوى كل ما صديت .. وشفتك ونفسي هجرك العام موجعها
يبيم الولع والشوق يا زين لو خفّيت .. عيوني على فرقاك هلت مدامعها
لو كنت اعرف نهايه الحب ما حبيت .. وسلمت نفسي للمقادير تفجعها
كفي من عذاب الحب يا زين ما قديّت .. قلوبٍ فرقها وقتها اللي يجمّعها
على الوصل قبل التاع يا صاحبي مشيّت .. واليوم نفسي عنك كيف اقدر امنعها
اجي واعتذر واقول مخطي وانا ما اخطيت .. نفوس التواضع ترجي الله يرجعها

[غلا]

الله لامدت زوالي مناظيف..ثم صفف الولاع حول الرمادي

صفر الدلال اللي بها ناعم الليف..والتمر قرب تو وقت الجدادي

متى على الله تنطفي جمرة الصيف..ويهب من صوب الشمال البرادي

ونشوف بيض المزن بالجو تصافيف..ويميض برقه مثل قدح الزنادي

لاهل سيله بالحزوم المجافيف..اقعد جمال الارض عقب الرقادي

صار الثرى مابين حبران وطريف..زلين مزخرف مثل صنع الايادي

الى كما والنسر يكملي الكيف..مع وفقتي يمشون غاية مرادي

لامن شكيت الهم قاموا مخافيف..ثم وجهوا صوب الشمال الشدادي

يبون بالقطار على المشاريف..والا ورى الحره بذيك الوهادي

لامن جلسنا بين حمر مقاييف..عقب العصر والليل اقبل يهادي

هبت علينا باردات الهفاهيف..عطره مخلط بين نفل وكادي

صبوا ومدوا ينتقون السواليف..سوالف بالصيد ماهي دوادي

في مجلس ماعذبوه الملاقيف..مغير ربع مصغيين الودادي

وقت الرخا ربع كرام مواليف..وعند العسر يعجبك صبر المهادي

يامرني عصر جميل تقل طيف..شرق على المظهور بااتلى جمادي

عصر مضى واليوم مثل الخذاريف..مازال يحرقنا ذكرته فؤادي

حول على قلبي خفيف كما الضيف..وروح وانا اصوت بثاره وانادي

هذا هوايا يالرجال الغطاريف..لو يكثر القولات اهلن مقادي

ماشاقني والله حسن التواصيف..ريمٍ بعيد مزبنه مايصادي

لكن يكلفني من الشوق تكليف..شمة ذعاذيع الهوى بالبوادي

ولاظن باسلى لو تزود التعانيف..حب الخلا بالقلب قصر مشادي

[هادي]

هذي مشاركه مني

وجهك ظلال

آه من لـيـل التجافي ما طولــه .... ليلة العاشـــــــق ثوانيها ليال

مــن يقول الشمس باكر مقبله .... كل شمس مالها وجهك ظلال

بسالك باللي خذى منك الوله .... وحطف أف صدري وأعطاك الجمال

حاكني لجــل الليالي الأولـــه .... آه أنا بمـــــوت من ذل السؤال

هو صحيح أنك حبيبي اللي دله .... واستوى عنده فراقي والوصال

كل جرح غير جرحك بقبله .... وكل ظلمٍ غير ظلمك لي عدال

[العابر]

خلو بقايا عطرهم في كفوفي = راحوا وأنا لانفاسهم كنت محتاج