وقفات في طابور الخباز

[Bluetooth]

السلام عليكم ,,, حي الله الاعضاء كلا بمعرفه .

الساعه 9:30 صباحا
المكان : المخبز

كل واحد منا اكيد وقف في يوم من الايام في المخبز ينتظر دوره يعني ماسك سرا بالعاميه .
زبدة الموضوع في هالوقت الي انت جالس تنتظر تبي تشوف فيه تصرفات غريبه تعالوا نعيش معكم هذه اللحظات ..

في المخبز بتشوف ( المتطفلين ) ويا كثرهم وابرز صفاتهم عدم احترام السرا وتجاوز الاخرين بشكل مخجل .

في المخبز بتشوف الملقف والمشافيح وشغلهم الشاغل معرفه هذا من هو ولده ؟
وين يشتغل ؟
ومن وين شرى السياره ؟
وكم راتبه ؟ ومنهم خواله ؟ الخ من الشفاحه..

في المخبز بتشوف ثقال الدم والطينه بتصرفاتهم واشكالهم الواحد منهم يجي من المرقد للمخبز سيده ويالله تشوف عيونه من التجحيم الي فيها ومن صفاتهم مايسلمون ولا يتكلمون وخبزهم يصفونه ويعدونه كل ماحط خبزه والي فيه اسم حرق يرجعونها والله يعين من يكون بعده بسبب المصاقه .

في المخبز بتشوف الطفل الصغير يلذعه الخبز من حرارته وابوه في السياره ما يحول عشان ما يكلم احد ولا يشوف احد !

في المخبز بتشوف الفوضويين والمهملين وصفاتهم ان الواحد ما يقتنع ان الخبز بفلوس يسحب ويمشي وعلى هالتسجيل الى قيام الساعه , لا بعد السياره ما يوقفها الا معاكس ومسكر على اثنين !

في المخبز ناس طيبه واخلاقها عاليه ومرحه وجه بشوش مبتسم صفاتهم الكرم والطيب مع الغرباء والضحك والمرح مع الجماعه دائما سواليفهم عن حركه الرياح في أي اتجاه اليوم ؟ واحوال الطقس برد او حر والسحاب والغيوم والدعوات بهطول المطر والخير . كبير السن له الاولوية عندهم وصغير السن يجد منهم المساعده ..والخ من علوم الطيب والحمد لله هم الاغلبيه في مدينتنا تمير . فهل أنت منهم ؟؟؟؟؟؟


في الديرة يقولون اذا شفت واحد من اهل النخيل في المخبز فانحش لانهم ما ياخذون الا بخمسه وفوق !
هذه مززززحه خفيفه اختم بها موضوعي :81:
والى اللقاء في موضوع اخر لكم مني اطيب تحيه


------------------------------------------------------
الموضوع القادم : العياره ..وموقف المجتمع منها

[المهند]

وعليكم السلام أخوي بلوتوث

دائماً مواضعيك المطروحة تحكي واقعاً نعيشه ونلمسه ... ومنها هذا الموضوع والذي تحكي فيه عن معاناة الناس عند المخبز ...

قبل أكثر من يومين كنت في حوطة سدير الصباح فتذكرت الخباز "راعي الخبز اليمني " أربع حبات بريال فاشتهيته وقلت خل أمره ...

ما أعجبني أكثر هو تنظيم السرا ووجود كراسي ودكة للجلوس للانتظار ... فياليت يكون فيه أكثر تنظيم لدينا ...

طرحت ما في خاطري لأسجل مروري فتقبل مروري

وبانتظار موضوعك : العيارة ......"لاتلومني إذا قلت إنك تحاكي ما نعاصره"

[شموخ أنثى .ღ.}]

//
\\
*
أخي الكريم


بصراحهـ اعجبنيـ طرحكـ

فحبيت اشاركـ واسجل اعجابي بموضوعكـ


في الديرة يقولون اذا شفت واحد من اهل النخيل في المخبز فانحش لانهم ما ياخذون الا بخمسه وفوق !



وفيـ نفس الوقت
اضحكتني هذهـ المزحهـ

تذكرت اشياء واشياء بمزحتكـ هذهـ

ههههههههههه
احتراميـ لكـ ولقلمكـ
لاهنت


..,

[بسمة]

تسلم اخوي بلوتوث
موضوع في الصميم

في المخبز بتشوف الملقف والمشافيح وشغلهم الشاغل معرفه هذا من هو ولده ؟
وين يشتغل ؟
ومن وين شرى السياره ؟
وكم راتبه ؟ ومنهم خواله ؟ الخ من الشفاحه..

اكرررره هالاشخاص

وللأسف كثار عندنا لدرجه ان الواحد وهو يمشي في سيارته شوي ويصدم من كثر ما يشوف ويدقق عشان يعرف مين الجديد ع الديرة !!


في المخبز ناس طيبه واخلاقها عاليه ومرحه وجه بشوش مبتسم صفاتهم الكرم والطيب مع الغرباء والضحك والمرح مع الجماعه دائما سواليفهم عن حركه الرياح في أي اتجاه اليوم ؟ واحوال الطقس برد او حر والسحاب والغيوم والدعوات بهطول المطر والخير . كبير السن له الاولوية عندهم وصغير السن يجد منهم المساعده ..والخ من علوم الطيب والحمد لله هم الاغلبيه في مدينتنا تمير . فهل أنت منهم ؟؟؟؟؟؟

أتمنى ان يكون الجميع كذلك



في الديرة يقولون اذا شفت واحد من اهل النخيل في المخبز فانحش لانهم ما ياخذون الا بخمسه وفوق !
هذه مززززحه خفيفه اختم بها موضوعي :81:

عجبتني المزحة لكن ما فهمتها ^_^


الموضوع القادم : العياره ..وموقف المجتمع منها
بانتظار موضوعك الجديد القووووي

[واحد من تمير]

ياسلام عليك عز الله انك جبتها وهذا اللي صاير في المخابز .
ولاتنسى اخونا الباكستاني اذا شفته تراه بيشتري لأخوياه اللي في العزبه
اذا شفت ناس من النخل ومن حقين هالعزب العمال فخلص شغلك ثم ميل يم الخباز .
سلامي لك ولوصفك .

[المتحـ2007ـد]

موضوع راااائع يا Bluetooth

وهو واقعنا الحالي وقد صورته في احلى صوره الحقيقيه

فكثير من الناس يائتون الى الخباز وباشكال والوان


في المخبز ناس طيبه واخلاقها عاليه ومرحه وجه بشوش مبتسم صفاتهم الكرم والطيب مع الغرباء والضحك والمرح مع الجماعه دائما سواليفهم عن حركه الرياح في أي اتجاه اليوم ؟ واحوال الطقس برد او حر والسحاب والغيوم والدعوات بهطول المطر والخير . كبير السن له الاولوية عندهم وصغير السن يجد منهم المساعده ..والخ من علوم الطيب والحمد لله هم الاغلبيه في مدينتنا تمير .

فهل أنت منهم ؟؟؟؟؟؟

انا تجوزلي هذي الفقره لانها تحصل معي دايم في المخبز

واشكرك اخوي Bluetooth على هذا الطرح ونحن في انتظار جديدك القدم

العياااااره

وتقبل مرورى العطر

[نصراوي عالمي]

في الديرة يقولون اذا شفت واحد من اهل النخيل في المخبز فانحش لانهم ما ياخذون الا بخمسه وفوق !
هذه مززززحه خفيفه اختم بها موضوعي :81:


حلوووووه ههههههه هذي يابلوتوث عز الله انك صادق اذا شفتهم اقول في نفسي يمدحون المفرووود

[السنافي]

موضوع جميل ويلامس واقع نعيشه يوميا ً ..

ولكنك نسيت تقول فيه ناس يلزمون عليك على الفطور ...

انا مره صار لي موقف وهو اني ما شي بالنظام وكنت في اخر السرا

وإذا جاء واحد كبير في السن حلفت عليه ياخذ قبلي وعلى هالطريقه

ويوم جاء دوري خلص الخبز ..

فقزرتها بالمفرود ..

شكرا على هذا الموضوع البسيط في اسلوبه الكبير في معناه ..

ولاهنت يابلوتوث ..

[توأم الجود]

اخي بلوتوث

طرح جميل باسلوب مشوق ؛

الخباز فيه مواقف جدا مزعجه و بعضها محرج و اخرها قبل كم يوم يوم جيت الخباز لقيت فيه ( شايب + هندي + بزر + بزر ثاني + ولد شباب ) و مع جيتي كان فيه ( ولد شباب بعد جاي )

المهم >>> ورى ماتخلص

خلص الولد الشباب و راح و من يوم حط الخباز الخبز والا ( البزر يلقط الخبزة و يحطها عنده ) طبعا انا الوضع عندي عادي جدا ( ما ادري وش السالفه الا الخباز يقول : مافيه انتا هلحين فيه شيبه اول ) و كملها الهندي بعد و قال للبزر : مافيه انت هذا نفر شيبة اول

طبعا الشايب مستحي ياخذ من البزر قدامنا و منقهر في نفس الوقت من الطريقة اللي صارت ( سكت المسكين )

في الجانب الاخر ( البزر ) مسكين ارتاع و جته الصيحه ( تهدلت خشيشته )

الجميع سكت ( نخاف البزر يصيح ) و الشايب ( خلاص قفلت معه )

طلع البزر يبي بـ ( اربعة )

والله ان الشايب قام يتلفت من زود القهر ( يحسبه يبي بريال مادرى انها 4 )

ايضا يصير مواقف طريفة احيانا ( مثل موقف السنافي )

نسيت و قمت اسولف

مشكور اخوي بلوتوث على الطرح الجميل و الاسلوب الاجمل ؛ ننتظر ابداعاتك دائما فلا تحرمنا منها

تحياتي

[أبـوحـمـد]

في المخبز بتشوف الملقف والمشافيح وشغلهم الشاغل معرفه هذا من هو ولده ؟
وين يشتغل ؟

تسسسسسسسسسسسسلم اخوي بلتوث على الموضوع

والله انك صدقت السراحه قلي اطيح في المشافيح

مشكووووووووووووور اخوي

[أندروميدا]

صدقت في كل حرف كتبته وهذا هو الحاصل في كل مخبز اتجه إليه
والله يصبر الخباز على مقابل الفرن
هو صحيح جانا برد هالسنه بس عمري ماتمنيت أكون خباز الا هالسنه
حسيت انه ماجاب خبر البرد حتى لو تكلم الزباين عن الجو وبرودته
شكر ي لك على طرحك الجميل
>>>>>>>> أندروميدا <<<<<<<<<

[الجنوبي 2000]

اسمع يا بلتوث موضوع والله رائع يا الغالي

الخبازين وما حولهم بس يكفي اني اشوف توام الجود هناك هههه مره وحده خخخ

المهم

الشيبان الله من الشي كل ما شافني انت من ولده ؟؟؟ مدري بيحط عندي

وحدث ولا حرج

انواع الاسئلة ( تحقيق )


تسلم على موضوعك ولي رجعة اخرى

تقبل تحياتي

[العود الأزرق]

تسلم يديك يابلوتوث
نفس المشاهد والمواقف تصير معي في المخبز

[Bluetooth]

وعليكم السلام أخوي بلوتوث
دائماً مواضعيك المطروحة تحكي واقعاً نعيشه ونلمسه ... ومنها هذا الموضوع والذي تحكي فيه عن معاناة الناس عند المخبز ...
قبل أكثر من يومين كنت في حوطة سدير الصباح فتذكرت الخباز "راعي الخبز اليمني " أربع حبات بريال فاشتهيته وقلت خل أمره ...
ما أعجبني أكثر هو تنظيم السرا ووجود كراسي ودكة للجلوس للانتظار ... فياليت يكون فيه أكثر تنظيم لدينا ...
طرحت ما في خاطري لأسجل مروري فتقبل مروري
وبانتظار موضوعك : العيارة ......"لاتلومني إذا قلت إنك تحاكي ما نعاصره"


هلا بك اخوي المهند , المواضيع ما تحلى الا بمرور امثالك يالغالي .
والله ذكرتني ايام الخبز اربع بريال يا حلو هاك الخبز فيه بركه ماشاءالله عكس الموجد الحين نصفه عجين !
ملاحظتك في محلها وفعلا اهم شي في الخباز كراسي الانتظار والجلوس بس كاني بلسان حال الخباز يقول (ما بزيناهم واقفين نبزاهم جالسين ) .:81:
اشكر لك هذا المرور العطررر والمشاركه القيمه
ولا تحرمنا تواجدك مستقبلا
تحياتي لك

[Bluetooth]

//
\\
*
أخي الكريم
بصراحهـ اعجبنيـ طرحكـ
فحبيت اشاركـ واسجل اعجابي بموضوعكـ
وفيـ نفس الوقت
اضحكتني هذهـ المزحهـ
تذكرت اشياء واشياء بمزحتكـ هذهـ
ههههههههههه
احتراميـ لكـ ولقلمكـ
لاهنت
..,



هلا بك شموخ انثى سعيد بمرورك اللطيف ورسم الابتسامه على محيا الاعضاء شي جميل ويسعدنا ادام الله عليك الافراح والليالي الملاح
اشكر لك هذا المرور العطررررررر ولا تحرمينا مشاركاتك ومداخلاتك مستقبلا
لك تحياتي

[Bluetooth]

تسلم اخوي بلوتوث
موضوع في الصميم
اكرررره هالاشخاص
وللأسف كثار عندنا لدرجه ان الواحد وهو يمشي في سيارته شوي ويصدم من كثر ما يشوف ويدقق عشان يعرف مين الجديد ع الديرة !!
أتمنى ان يكون الجميع كذلك
عجبتني المزحة لكن ما فهمتها ^_^
بانتظار موضوعك الجديد القووووي


اشكرك اختي بسمه على مشاركتك , وما ذكرتيه هو واقعنا للاسف عندنا فضول مهوب طبيعي ! مره واحد راكب معي يقول ودي ادخل هالبيوت اشوف وش فيها ؟؟؟؟؟؟؟؟
تخيلي درجه اللقافه وين وصلت ؟ الله لا يبلانا وبس .

مشكورة على مرورك العطر اللطيف وبخصوص المزحه وشلون تعجبك وانت ما فهمتيها ؟ اتمنى تشرحها لك شموخ بطريقتها .
لك اعطررر التحايا ولا تحرمينا تواجدك وحضورك المميز مستقبلا

[Bluetooth]

ياسلام عليك عز الله انك جبتها وهذا اللي صاير في المخابز .
ولاتنسى اخونا الباكستاني اذا شفته تراه بيشتري لأخوياه اللي في العزبه
اذا شفت ناس من النخل ومن حقين هالعزب العمال فخلص شغلك ثم ميل يم الخباز .
سلامي لك ولوصفك .

اشكرك جزيل الشكر اخوي واحد من تمير ( معرفك حلو ) :81:
مرورك خفيف ومحبب للنفس فلا تحرمنا تكراره مستقبلا
تحياتي لك

[Bluetooth]

موضوع راااائع يا Bluetooth
وهو واقعنا الحالي وقد صورته في احلى صوره الحقيقيه
فكثير من الناس يائتون الى الخباز وباشكال والوان
انا تجوزلي هذي الفقره لانها تحصل معي دايم في المخبز
واشكرك اخوي Bluetooth على هذا الطرح ونحن في انتظار جديدك القدم
العياااااره
وتقبل مرورى العطر


مرورك شرف لي مراقبنا المتحد و انت من الناس المعروفين بحبهم للمطر والربيع والعلوم الطيبه والوقفه معك في المخبز تنشرى .
اشكرك على هذه المشاركه والمداخله الجميله ولا تحرمنا تواجدك يالغالي

[Bluetooth]

حلوووووه ههههههه هذي يابلوتوث عز الله انك صادق اذا شفتهم اقول في نفسي يمدحون المفرووود

اشكرك اخوي نصراوي على مرورك اللطيف والخفيف
لك مني اعطررر التحايااا

[Bluetooth]

موضوع جميل ويلامس واقع نعيشه يوميا ً ..
ولكنك نسيت تقول فيه ناس يلزمون عليك على الفطور ...
انا مره صار لي موقف وهو اني ما شي بالنظام وكنت في اخر السرا
وإذا جاء واحد كبير في السن حلفت عليه ياخذ قبلي وعلى هالطريقه
ويوم جاء دوري خلص الخبز ..
فقزرتها بالمفرود ..
شكرا على هذا الموضوع البسيط في اسلوبه الكبير في معناه ..
ولاهنت يابلوتوث ..


كل الشكر لك مراقبنا السنافي على هذه المشاركه القيمه , وانا ذكرت ان فيه ناس صفاتهم الكرم ومن ضمنهم ما ذكرته بس ترى 80 % الدعوة مجاملات .
اشكر لك هذا المرور العطررر عدد قطرااات المطررررر
والمره الثانيه خلك ذكي وذيب اذكر واحد يقول مره انتظر دوري وقدامي عمال وعرب وتخبر الي ياخذ خبز بسمن والا صغار و درابي وفول وووالخ يوم جا شايب وهو يتلقاه ويقوله اركب اركب موترك الحين اجيب خبزك قام وقال للي قبله معليش هذا شيبه مسكين ابخذ قبلكم ما اعترض احد شايب .
اخونا في الله يقول خذت له ولي جميع :81:

[Bluetooth]

اخي بلوتوث
طرح جميل باسلوب مشوق ؛
الخباز فيه مواقف جدا مزعجه و بعضها محرج و اخرها قبل كم يوم يوم جيت الخباز لقيت فيه ( شايب + هندي + بزر + بزر ثاني + ولد شباب ) و مع جيتي كان فيه ( ولد شباب بعد جاي )
المهم >>> ورى ماتخلص
خلص الولد الشباب و راح و من يوم حط الخباز الخبز والا ( البزر يلقط الخبزة و يحطها عنده ) طبعا انا الوضع عندي عادي جدا ( ما ادري وش السالفه الا الخباز يقول : مافيه انتا هلحين فيه شيبه اول ) و كملها الهندي بعد و قال للبزر : مافيه انت هذا نفر شيبة اول
طبعا الشايب مستحي ياخذ من البزر قدامنا و منقهر في نفس الوقت من الطريقة اللي صارت ( سكت المسكين )
في الجانب الاخر ( البزر ) مسكين ارتاع و جته الصيحه ( تهدلت خشيشته )
الجميع سكت ( نخاف البزر يصيح ) و الشايب ( خلاص قفلت معه )
طلع البزر يبي بـ ( اربعة )
والله ان الشايب قام يتلفت من زود القهر ( يحسبه يبي بريال مادرى انها 4 )
ايضا يصير مواقف طريفة احيانا ( مثل موقف السنافي )
نسيت و قمت اسولف
مشكور اخوي بلوتوث على الطرح الجميل و الاسلوب الاجمل ؛ ننتظر ابداعاتك دائما فلا تحرمنا منها
تحياتي


مرورك شرف كبير لي اخوي توام الجود , وتو ما نور المخبز قصدي المتصفح :81:
ترى الشايب اذا حقد وخر عنه تخبر حقد الاولين يروع .
وانا لوني مكانه كان خبزت البزر وحطيته في التنور
اسعدتنا بهذه المشاركه فلا تحرمنا تواجدك يالغالي
لك تحياتي