يوم نشدوني عن دموعـي وانا امـك >>

[المدرس]

يوم نشدوني عن دموعـي واناامـك
جاوبتهم وابعدتهـم عـن طواريـك

ما ابغى اجرحك في كلمة تزيد همـك
ما ابغى اقول ان السبب من تجافيـك

يومي لمست الصدر في يوم ضمـك
نسيت انا اللي حولي وقمت انا أبكيك

يا مـا سهـرت وزاد غمـي لغمـك
ما ارتاح ليمن تهتنـي فـي لياليـك

وياما الـى طولـت نومـك أشمـك
وأتأكد إنك عايش لي وانـا أرجييـك

وياما زعلوا منـي خوالـك وعمـك
وياما هجرت أقرب قريب ضحك فيك

وياما ذرف دمعي الى سـال دمـك
براءة الأطفـال مـا هيـب تنهيـك

ويا ما انتظرتك عند بابـي وأناأمـك
وأقول فـي يـوم تجينـي وأحييـك

أخـاف مـن يـوم يجينـي يغمـك
ويجيك علمي مـع عزيـز يعزيـك

انـا علـى الله داخلـه ثـم لـمـك
ارحم قليـب تالـي الليـل يشكيـك

فكر بمنهي صابهـا ضيـم ظلمـك
واذكر حشا ضمك وعسر المساليـك

ودي اشوفك قبـل يومـي ويومـك
لـو مـرة بالـعـام يالله يخلـيـك

ما ابيك تقطعنـي إذا أمـري يهمـك
بقعد معك واضحك واسولف وأحاكيك

يا وليدي اذكـر كلمـة قـال فمـك
ليقلـت كلمـة يـوه قلبـي يلبـيـك

واذكر زمـان بـه فراشـي بجنبـك
والى شكيـت تقـول يمـه واسليـك

والى اشتد ما بك فوق كتفـي أزمـكم
ا ارتاح لحظة ليـن ربـي يعافيـك

والختم ليجتك الرسالـة وانـا امـك
يما تجي والا اني ازحف وانااجيـك

من اختياراتي

[هادي]

يووووووووه
بكيتني

مشكووووووووور على الاختيار

سلام

[ولدعنبر]

مو غريبة على شخص مثلك

ان يختار لنا اجمل الحروف

ليعطينا اجمل معني في الشعر

فعلا ابيات تستحق الوقوف عندها. تأمل معانيها.

صح لسانك ... والله يعطيك العافية

[المدرس]

اخوي المراقب العام

هادي

واخوي مشرف الساحة الاسلامية

اشكركم

واقدر مروركم

تحياتي

[أمير الحروف]

أخوي المدرس

أهنيك من كل قلبي على هذا الجمال

فكلمة حق أن ساحة الشعر قد أصبحت اليوم هي واجهة المنتدى الحقيقة بفضل الله اولاً ثم بفضل جهودك ودعمك اللا محدود
فهي أكثر الساحات تفاعلاً ومواضيع جديدة كل يوم وأنضمام اعضاء متميزين لها دائماً فكل الشكر لأبداعك وجميل تواصلك

وشكر أيضاً على هذه القصيدة اللي مو غريبة أنها تجي من اختياراتك اللي عودتنا عليها

فتقبل مني كل الحب والتقدير

[المدرس]

اخوي

الغالي أمير الحروف

طولت الغيبة

وأشكرك على مشاعرك الطيبة

وأقول أنت أحد الأعضاء الذين يقوم عليهم

المنتدى

فلا تحرمنا من ابداعك

والف تحية