عهود
01 / 07 / 2004, 42 : 01 AM
أنا ماجيت ابي منك السموحه وأبدي الأعذار=
ولاجيت ألتمس لأصغر ذنوبي التوبه
أعرف ان الضلوع العوج عوج والضلوع قصار=
وأعرف ان الخفوق اللي كفر ما تغفر ذنوبه
واعرف ان القضيه والسوالف سوالف ثار=
وأعرف اللي تعرف وتنكره لو تستر عيوبه
أنا ماني مثل ذاك السفيه الخاين البوار =
أميز خاين الذمه وأعرف اقلده ثوبه
أنا بنت تعرف الشعر وتكره فتنة الشعار=
لها بالشعر باع وتكره النماق وأسلوبه
طعون الحقد جتني يالبرايا وألخطايا عار=
وأنا ودي بفزعتكم مدام النار مشبوبه
أنا ودي بفزعة واحد ماتخلفه ألاشوار=
صمايل هقوته تاصل شمال الجرح وجنوبه
عليه من المواري خصلتين الباس وألاصرار=
من أفعاله غدى حلم ينومس كل رعبوبه
ألا وين المراجل وينها هي عودت للدار=
ألا وين النشامى والسنع والحق ودروبه
أبقصر عنوة الدنيا وأبقصر عنوة المشوار=
واريح خافق صدقه مع أهل الكذب عذروبه
توكل مابقى الا هي أدور للذنوب أعذار=
توكل مايعرف العذر قلب يرفض التوبه
ولاجيت ألتمس لأصغر ذنوبي التوبه
أعرف ان الضلوع العوج عوج والضلوع قصار=
وأعرف ان الخفوق اللي كفر ما تغفر ذنوبه
واعرف ان القضيه والسوالف سوالف ثار=
وأعرف اللي تعرف وتنكره لو تستر عيوبه
أنا ماني مثل ذاك السفيه الخاين البوار =
أميز خاين الذمه وأعرف اقلده ثوبه
أنا بنت تعرف الشعر وتكره فتنة الشعار=
لها بالشعر باع وتكره النماق وأسلوبه
طعون الحقد جتني يالبرايا وألخطايا عار=
وأنا ودي بفزعتكم مدام النار مشبوبه
أنا ودي بفزعة واحد ماتخلفه ألاشوار=
صمايل هقوته تاصل شمال الجرح وجنوبه
عليه من المواري خصلتين الباس وألاصرار=
من أفعاله غدى حلم ينومس كل رعبوبه
ألا وين المراجل وينها هي عودت للدار=
ألا وين النشامى والسنع والحق ودروبه
أبقصر عنوة الدنيا وأبقصر عنوة المشوار=
واريح خافق صدقه مع أهل الكذب عذروبه
توكل مابقى الا هي أدور للذنوب أعذار=
توكل مايعرف العذر قلب يرفض التوبه