المساعد الشخصي الرقمي

مشاهدة النسخة كاملة : ويــلاه مــن جـمـر الشفـايـف تـفـقـد الـعـقـل الـصــواب


شمااااااالي
28 / 06 / 2004, 29 : 10 PM
لو غابت الشمس بنظـر. مغليـك شمسك ماتغيـب
.................................يبقى ضياك امنـور الدنيـا ولـو... طال الغياب

ياللي خفوقـي فـي بعـادك غـادي ٍ كنـه عطيـب
...............................ارحم رحمك اللـي بيديـه المغفـره يـوم الحسـاب

بعيونك اسرح بالغموض اللي به الموقـف .. رهيـب
................................( رحلت ذهاب) بنظرتك وبغيبتـك ( رحلـة ايـاب)

دايم انادي ! بصرختي واقول : انا ؛ هل ؟ من مجيب
...........................واسمع صداي يقول: امـرك يـا منـادي مستجـاب

بعيد عـن عينـي ولكنـك .. علـى قلبـي قريـب
...........................حلمي حقيقه والمصيبه !! شوفتـك صـارت سـراب

اذا تركتـك ( منتحـر) واذا تمنيتـك ( صـويـب)
..............................واذا تناسيتـك ( كـدر) واذا تحديتـك ( عــذاب )

الله عطـاك بدنيتـك ياملهمـي اوفـى... حبـيـب
..........................والله عطانـي بدنيتـي .. هـم وتعاسـه واكتـئـاب

ياوش : رمابي في دروبك والهوى طبعه .. عجيـب
...........................لاجيت ابفتح باب في دربـي .. يقفـل الـف بـاب

شقا,, ود بلة كبد,, وآهات ,, وجروح ,, وقطع صيب
..............................عايش ولانـي عايـش ٍ مابيـن نـاب وبيـن نـاب

هـم يودينـي هنـا و هـنـاك و هنـيـا يجـيـب
............................ولاجابنـي هنيـا هنـا و هنـاك ودانـي وجــاب

الظن مهمـا خـاب مـن حلـم الامانـي مايخيـب
...........................والدمع مايجدي ابـد .. لا صـار ! ماينفـع عتـاب

ماتـدري ان الـدار تشكـي مـن توٌجـاد الغريـب
......................وان الغريب ينوح يشكـي مـن .. معانـاة الغيـاب

تجمل بوصلك .. ترى الخفاق مـن جـورك عطيـب
..........................وثلج المحبه مـن لهيـب الصـد يالمدعـوج .. ذاب

سيطـرت واستيسـرت بعيونـك وبالثغـر الذويـب
.......................بالعين ( سر السيطـره ) والثغـر( رمزالانسكـاب )

يابـو اشفـاه ٍ كنهـا .. متوهجـه مثـل اللهيــب
.........................ويلاه من جمـر الشفايـف تفقـد العقـل الصـواب

لاهـي خمـر ولا عسـل ولا بتـوت ولا حلـيـب
............................خلقه الاهيـه بديعـه .. ذقـت انـا منها شراب

جدايلـك يالاشقرانـي .. تجعـل المنظـر مـريـب
.............................جدايـل ٍ منهـا سـواد الليـل ونجـومـه تـهـاب

صوتك يغـذ ينـي فديتـك ,, غـن لـي يالعندليـب
.......................ارقص وغن وجر صوتك .. ود ني فـوق السحـاب

ماني بحبك واعشقـك .. يالتـرف يالغـرو اللبيـب
....................منساب فيك ومهتـوي / لأقصـى حدود الانسياب
لو كان لجروح الهوى .. دكتور يعالج او طبيب
....................ما كان نسمع عن حكايـة كـل عاشـق فـي كتـاب

وان افترقنا جعـل جـرح ٍ مـن فرقاك مايطيـب
.......................ما عاد يبقى ذكريـات ان رحـت يـاذرب الجنـاب

ابسال المولى عسى ( في يـوم ) يجمعنـا النصيـب
....................وانت انتظرني او تعـال لصوبـي وسـوق الركـاب

الى متى ؟ هذا السؤال ؟؟ .. الوقت عيـا لا يجيـب
...............الى متى ؟؟؟ اسأل واعيش العمر لاجل اسمع جـواب

هل ؟ القدر ! يصبح لنا الحاجـز ويسقينـا النحيـب؟
..........................او الامل ! يصبـح لنـا نـور ٍ ولا يبقـى ضباب

الشمس لو غابت فلا يمكـن .. ابـد شمسـك تغيب
........................انت الضيا وانت القدر حتـى لـو ان النـور غاب

هادي
28 / 06 / 2004, 39 : 10 PM
لاهـي خمـر ولا عسـل ولا بتـوت ولا حلـيـب
خلقه الاهيـه بديعـه .. ذقـت انـا منها شراب

انشهد انك صادق

صح لسانك

ونيض الله وجهك على اختيارك لهذي القصيده

الف شكر لك

سلام

المدرس
28 / 06 / 2004, 03 : 11 PM
شمااااااالي

شمااااااالي

شمااااااالي


صوتك يغـذ ينـي فديتـك ,, غـن لـي يالعندليـب
.......................ارقص وغن وجر صوتك .. ود ني فـوق السحـاب

اتحفتنا في هذه الساحة

الى الأمام

هبوب الشمال
02 / 07 / 2004, 33 : 02 PM
شماااااااااااا لى



هلافيك


وصح السانك وتسلم



وعساك على القوة

اخوك هبوب الشمال