القطه ,,, بين مؤيد ومعارض شارك برأيك .

[Bluetooth]

اول شي خلونا نعرف وش معنى القطه ؟
القطة هي مساهمة اكثر من شخص في جمع مبلغ محدد ويقسم بالتساوي بينهم .
والقطة دايم تكون في الكشتات والرحلات والسفريات وفي المدارس بين الطلاب والطالبات .
وفي مجتمعنا ناس تكره شي اسمه قطه !!!! ليه وش السبب ؟
السبب انها تدل على البخل وتعود على حب المال ودايما الي يطالبون بالقطه تلقاهم بخلاء ويحبون الريال .
وانا شخصيا اعرف واحد لو تطلع معه كشته قال ترى الدعوه قطه !
لا تكد علي ولا اكد عليك .
فيه ناس تقدر القطه ويشترطونها في كشتاتهم وطلعاتهم وش السبب ؟
لانها تريحهم وتخليهم مبسوطين في طلعتهم ويشترون الي يبونه ومريحين روسهم عند الحساب من الحلوف والنفاق الاجتماعي .
قبل اكتب الموضوع اتصلت على واحد ما يحب شي اسمه قطه !
وقلت له معنا يا ابو فلان نبي نطلع رحله يومين وراجعين وترى الدعوه قطه وش رايك ؟ قال : فكنا يا رجال مطفرررين .
قلت قطتنا كلها 200 ريال قال 200 تسدد فواتير التلفون والكهرب قلت اجل نطلع بدون قطه قال : ايه ازين تبين معادن الرجال !
وش رايكم في كلامه ؟
هل تتفقون معه ؟ ام لا ؟
هل تؤيدون القطه دائما ؟
انتظر ارائكم ومشاركاتكم حول الموضوع لكم فائق الاحترام والتقدير

==================

الموضوع القادم ( المخبز ,,,, مواقف وقصص ))

[المهند]

يا سلام عليك أخوي بلوتوث موضوع حلو وممتاز وفي وقته ...

رأيي في القطه إن كانكم ربع ومثلاً كل اسبوع طلعة فتكون دورية أفضل من كونها قطه ..

أما إن كانكم كل ما صنفت طلعتوا وكشتوا وتبون تفلونها وتوسعون الصدر فعز الله إن القطه مالها مثيل تفك أزمة وتشترون اللي تبون ولا تصير على ظهر واحد ...

أعرف أناس نظامهم في الروحات والجيات حلو ... وهو راعي السيارة مايقط ولا يدفع ولا ريال إكراماُ له على كرمه بسيارته ...

وأعرف مدرسين لو تبيهم يقطون ولو عشرة ريال على عشان شاهيهم وقهوتهم في المدرسة ما فيه أمل يدفعون ريال مما يوتر العلاقات بين المعلمين .... وفي اتجاه آخر مدرسين يقطون في الشهر مائتين ريال لكنهم فالين أبوها كشتات وتيوس وفطور سنع غير التربيصه ...

لكن أفضل نظام في نظري :
تكون القطه للموظفين كاملة أما راعي السيارة والطلاب فنصف القطه ...

موضوع أتوقع يلقى رواجاً أخوي بلتوث وقط واكشت ووسع صدرك ولا يمن عليك أحد ...

بانتظار موضوع الخباز والله يستر من مواقفه وقصصه !!

أخوي بلتوث أتمنى أن تكون قلماً واعداً في هذا المنتدى فسر للأمام ولاتلتفت للورى ...

[المتحـ2007ـد]

موضووووع رااائع يا بلتوث

وانا من الموئيدن للقطه ولكن ليس دائما لانها تختلف

يعني كلام المهند في الكشتات والرحلات اللي بطول وتكون

مكلفه مبلغ كبير هذي تحتاج قطه فيها

اما رفيزك هذي مهوب رجال لانه ياكل على حساب غيره

واشكرك على هذا الموضوع وبانتظار الخباز

[الكاتب]

تبي الصدق هالوقت ما يصلح فيه الا القطه
الاسعار نار والمواد طايرة

ما غير القطه وبس

شكرا لك

[الجنوبي 2000]

بلتوث حبيبي حياك الله يا الغالي

موضوع رائع وجميل بصراحة

القطه نعم وهي مطلوبة في الحياة بس في حدود المعقول

مثل

جمعة عائلة او مخيم او رحلة بعيدة

هذا تستاهل قطه

اما كشتة يوم هذي عاد مو زينه بصراحة

يعني

يدق عليه وش جبتوا

يقول ذاك اللحم والبصل وكذا

الثاني جاب الببسي وغيره

بس كتشه وتحسب قطه في يوم هذي عاد سخافة من وجه نظري طبعا

انا عندي كل شي حدود

حتى الموظفين يفرقون عن الطلاب بصراحة لان الطلاب غير

بس تدري يا بلتوث فيه جمعة وعائلية ان الطالب يقط معهم وفيها ناس كبار وتجار وما عليهم زوود يعني هذي تبي الصراحة سخافة وبخل ......؟؟
مسالة خويك والله يمكن طفران ومافيها شي الواحد يساعد خويه

ويمكن تبين معادن الرجال بس انه معه دراهم ويعي هذا مشكله وقله

يقول الجنوبي رح وقطك علي ؟؟
المهم ما اطول ولا يقولون الجنوبي يفتح بابيان

هذى ردي وتقبل تحياتي

[ابو العنود]

بلوتوث

حياك والقلب وياك

فعلاً موضوعك جميله ويستحق الرد عليه من جميع الاعضاء والمشرفين

انا من وجهه نظري موضوع القطه

لأبد ان تكون فى السفريات والمخيمات والمساعدات

اما القطه لاجل كشته فأنا غير مؤيد لها

حيث يوجد لها بديل يتم عمل دوريه بينهم ويرتاحون

وتقبل ردي

ابو العنود

[HLHLFAHAD]

الأخ / بلوتوث
السلام عليكم
مهما قل الكلام او كثر في وقتنا الحاضر لاابد من القطة مهاما كان عدد المجموعة
ويستثنا من القطة إن كان المخاوي ضيف أول مرة ييطلع معهم
وأما للعائلات تكون أيضا قطة لاجميع افراد العائلة ولاكن تحسب بالنسبة المؤوية حسب عدد العائلة . وهذا مجرد رأي بالنسبة لي.
ولتقبلو تحياتي
:92: Hlhlfahad

[سفير الجزيرة]

موضوع حلو

حنا جربنا الطلعات بدون قطة وجربناها بقطة .

ولقيت الآتي

الحريص واللي ياكله قلبه دايم هو اللي ياكلها ، بينما تجد الآخر إذا دخل البقالة راح للجرايد واقم يطالعها لين تخلص الحساب .

كذلك الهوشات والمضايقات والمجامل الفاضي عند راعي البقالة ، حتى إن العمال صاروا يضحكون علينا ويوقلون شف سعودي كثير فلوس .

وما في جعبتي الكثير

[Bluetooth]

يا سلام عليك أخوي بلوتوث موضوع حلو وممتاز وفي وقته ...
رأيي في القطه إن كانكم ربع ومثلاً كل اسبوع طلعة فتكون دورية أفضل من كونها قطه ..
أما إن كانكم كل ما صنفت طلعتوا وكشتوا وتبون تفلونها وتوسعون الصدر فعز الله إن القطه مالها مثيل تفك أزمة وتشترون اللي تبون ولا تصير على ظهر واحد ...
أعرف أناس نظامهم في الروحات والجيات حلو ... وهو راعي السيارة مايقط ولا يدفع ولا ريال إكراماُ له على كرمه بسيارته ...
وأعرف مدرسين لو تبيهم يقطون ولو عشرة ريال على عشان شاهيهم وقهوتهم في المدرسة ما فيه أمل يدفعون ريال مما يوتر العلاقات بين المعلمين .... وفي اتجاه آخر مدرسين يقطون في الشهر مائتين ريال لكنهم فالين أبوها كشتات وتيوس وفطور سنع غير التربيصه ...
لكن أفضل نظام في نظري :
تكون القطه للموظفين كاملة أما راعي السيارة والطلاب فنصف القطه ...
موضوع أتوقع يلقى رواجاً أخوي بلتوث وقط واكشت ووسع صدرك ولا يمن عليك أحد ...
بانتظار موضوع الخباز والله يستر من مواقفه وقصصه !!
أخوي بلتوث أتمنى أن تكون قلماً واعداً في هذا المنتدى فسر للأمام ولاتلتفت للورى ...


هلا اخي المهند مشاركه مميزه وتستحق ان تكون موضوع مستقل ماشاءلله عليك
يبدو لي انك معلم وتعاني من مشاكل القطه بين المعلمين لكن الصراحة انك رجل منصف وحقاني الي اعفيت السائق والطلاب من نصف القطه .
نظره موفقه واتفق معك اخي الكريم واتوقع والله اعلم كثره الرحلات اعطتك خبره في هالامور فلا تحرمنا مما تمتلكه شاكر مرورك القيم والمفيد بس حلوه ( حق التربيصه ):81:

[Bluetooth]

موضووووع رااائع يا بلتوث
وانا من الموئيدن للقطه ولكن ليس دائما لانها تختلف
يعني كلام المهند في الكشتات والرحلات اللي بطول وتكون
مكلفه مبلغ كبير هذي تحتاج قطه فيها
اما رفيزك هذي مهوب رجال لانه ياكل على حساب غيره
واشكرك على هذا الموضوع وبانتظار الخباز


اشكرك اخي المتحد على مرورك الكريم واتفق معك في ان طول ايام الرحله يستحسن فيها القطه لتكلفتها العاليه .
مشكور على مرورك الجميل المفيد ولا تحرمنا تواجدك يالغلا

[Bluetooth]

تبي الصدق هالوقت ما يصلح فيه الا القطه
الاسعار نار والمواد طايرة
ما غير القطه وبس
شكرا لك


اشكرك على مرورك الكريم اخي الكاتب وبالفعل ارتفاع لاسعار هالوقت تخلي الواحد يسوي قطه في بيته مع عياله !

كل الشكر لك على مشاركتك القيمه ولا تحرمنا تواجدك مستقبلا

[شموخ أنثى .ღ.}]

//
\\
*
Bluetooth

مواضيعك رائعهـ
حتى اسلوبكـ بالطرح جميل
بلا تكلف تخرج هكذا
احييك على هالقلم الرائع
بخصوص القطهـ
انا من المعارضين لها جدآآآ
ياتكون على حسابي كلها او على حساب احد ثاني
على حسب اللي يبيـ
اهم شئ مافيهـ قطهـ
هههههههههههه
ولاتسالني ليش معارضتها

لان السبب مو فى البخل او مااحد يبي يدفع
فيهـ سبب ثانيـ
انت ماذكرتهـ
ماراح اقولهـ لك
هههههههه
احترامي لك
..,

[أندروميدا]

المشكله مهيب في القطه المشكله اذا قط أحدهم شال يده من كل شئ
لايعين ولايعاون تلقاه ماغير يحلل قطته بطريقته الخاصه .
مثلا ان قط في مخيم تلقاه يتبطح ويتسدح ويجيه الفطور والغدا والعشاء لايحط يده
واذا كلموه الربع أفزع قال أنا قاط وبعض الناس من زين الطبايع يعزم ربع له مالهم دخل في المخيم والاتلقاه مسحب عيال اخته والا عيال أخوه معه وش بعد
القطه لازم تكون في كل شئ تدفع وتفزع وسلا متك

>>>>>>>>> أندروميدا<<<<<<<<<

[Bluetooth]

بلتوث حبيبي حياك الله يا الغالي
موضوع رائع وجميل بصراحة
القطه نعم وهي مطلوبة في الحياة بس في حدود المعقول
مثل
جمعة عائلة او مخيم او رحلة بعيدة
هذا تستاهل قطه
اما كشتة يوم هذي عاد مو زينه بصراحة
يعني
يدق عليه وش جبتوا
يقول ذاك اللحم والبصل وكذا
الثاني جاب الببسي وغيره
بس كتشه وتحسب قطه في يوم هذي عاد سخافة من وجه نظري طبعا
انا عندي كل شي حدود
حتى الموظفين يفرقون عن الطلاب بصراحة لان الطلاب غير
بس تدري يا بلتوث فيه جمعة وعائلية ان الطالب يقط معهم وفيها ناس كبار وتجار وما عليهم زوود يعني هذي تبي الصراحة سخافة وبخل ......؟؟
مسالة خويك والله يمكن طفران ومافيها شي الواحد يساعد خويه
ويمكن تبين معادن الرجال بس انه معه دراهم ويعي هذا مشكله وقله
يقول الجنوبي رح وقطك علي ؟؟
المهم ما اطول ولا يقولون الجنوبي يفتح بابيان
هذى ردي وتقبل تحياتي

هلا اخوي عبدالله بن عبدالعزيز مشاركه قيمه اضفتها لنا و صحيح ما قلت كشته يوم ما تسوى قطه وصجه ولجه بس خل في بالك ان فيه ناس يقطون لوه يوم .
ومشكله القطه يا اخوي تحرج الواحد اذا صار مطفرررر ولا وده يعلم احد !
الف شكر على مرورك الكريم ولا تحرمنا تواجدك مستقبلا

[Bluetooth]

بلوتوث
حياك والقلب وياك
فعلاً موضوعك جميله ويستحق الرد عليه من جميع الاعضاء والمشرفين
انا من وجهه نظري موضوع القطه
لأبد ان تكون فى السفريات والمخيمات والمساعدات
اما القطه لاجل كشته فأنا غير مؤيد لها
حيث يوجد لها بديل يتم عمل دوريه بينهم ويرتاحون
وتقبل ردي
ابو العنود


هلا وسهلا ابو العنود شرفنا مرورك الكريم ومشاركتك في الموضوع شرف لكل عضو
كثير من الاخوة الاعضاء متفقين على القطه في الرحلات والمخيمات الي تطول اما الدوريه انا معك اذا كانو الربع ما يتغيرون يعني ثابتين .
مشكور على مرورك الرائع ولا تحرمنا مشاركتك مستقبلا

[Bluetooth]

الأخ / بلوتوث
السلام عليكم
مهما قل الكلام او كثر في وقتنا الحاضر لاابد من القطة مهاما كان عدد المجموعة
ويستثنا من القطة إن كان المخاوي ضيف أول مرة ييطلع معهم
وأما للعائلات تكون أيضا قطة لاجميع افراد العائلة ولاكن تحسب بالنسبة المؤوية حسب عدد العائلة . وهذا مجرد رأي بالنسبة لي.
ولتقبلو تحياتي
:92: Hlhlfahad


رأيك في محله اخوي Hlhlfahad وصحيح الي قلته الضيف مالها داعي يقط .
اشكرك على مشاركتك ومرورك
لك مني اغلى تحيه

[Bluetooth]

موضوع حلو
حنا جربنا الطلعات بدون قطة وجربناها بقطة .
ولقيت الآتي
الحريص واللي ياكله قلبه دايم هو اللي ياكلها ، بينما تجد الآخر إذا دخل البقالة راح للجرايد واقم يطالعها لين تخلص الحساب .
كذلك الهوشات والمضايقات والمجامل الفاضي عند راعي البقالة ، حتى إن العمال صاروا يضحكون علينا ويوقلون شف سعودي كثير فلوس .
وما في جعبتي الكثير


اشكرك اخوي سفير الجزيرة على هذه المشاركه وهذا المرور مع اني لم اعرف هل انت معها ام ضدها ؟ لكن جميل ما ذكرته وفعلا هذا الحاصل عند الحساب .
اشكرك يالغالي على مرورك العطررر ولا تحرمنا مشاركاتك مستقبلا

[Bluetooth]

//
\\
*
Bluetooth

مواضيعك رائعهـ
حتى اسلوبكـ بالطرح جميل
بلا تكلف تخرج هكذا
احييك على هالقلم الرائع
بخصوص القطهـ
انا من المعارضين لها جدآآآ
ياتكون على حسابي كلها او على حساب احد ثاني
على حسب اللي يبيـ
اهم شئ مافيهـ قطهـ
هههههههههههه
ولاتسالني ليش معارضتها
لان السبب مو فى البخل او مااحد يبي يدفع
فيهـ سبب ثانيـ
انت ماذكرتهـ
ماراح اقولهـ لك
هههههههه
احترامي لك
..,



هلا بك اختي شموخ انثى , لم تذكري السبب ! ولم تسمحي لي بالسؤال ؟!
بماذا أرد على مشاركتك ؟
مرورك يثري أي موضوع ويشرف اي قلم فلا تحرمينا تواجدك مستقبلا
لك اعطر التحايا

[Bluetooth]

المشكله مهيب في القطه المشكله اذا قط أحدهم شال يده من كل شئ
لايعين ولايعاون تلقاه ماغير يحلل قطته بطريقته الخاصه .
مثلا ان قط في مخيم تلقاه يتبطح ويتسدح ويجيه الفطور والغدا والعشاء لايحط يده
واذا كلموه الربع أفزع قال أنا قاط وبعض الناس من زين الطبايع يعزم ربع له مالهم دخل في المخيم والاتلقاه مسحب عيال اخته والا عيال أخوه معه وش بعد
القطه لازم تكون في كل شئ تدفع وتفزع وسلا متك
>>>>>>>>> أندروميدا<<<<<<<<<


اشكرك اخوي اندروميد على مشاركتك القيمه , وما ذكرته اتوقع انه من سلبيات القطه تخلي الواحد ضيف شرف !

اشكرك على مرورك العطررر والرااائع ولا تحرمنا مشاركاتك في المستقبل
تحياتي لك

وبعض الناس من زين الطبايع يعزم ربع له مالهم دخل في المخيم والاتلقاه مسحب عيال اخته والا عيال أخوه معه وش بعد


يا كثرهم والله عز الله صدقت

[من الامراء]

اخي البلوتوث

موضوع رائع


من ناحيتي ان هذه امور ثانوية والدعوة طفايس والحمدلله عمري ما طلعت مع ناس يحسسونا بهذه الامور


اذكر لكم قصة منذ سنين استأجرنا استراحه ودفع واحد منا القسط الاول لستة شهور برحابة صدر دون ان ينتظر بقية الزملاء ليكملوا المبلغ له حتى اتوه بالباقي بعد ايام

قصة اخرى
قررت السفر مع شخص للامارات وحددنا يوم حتى نذهب للحجز وقطع التذاكر فلما اتى ذلك اليوم وجدته احضر التذاكر دون ان اذهب معه وعند وصولنا للامارات تفاجأت انه قد سدد تكاليف الاقامه بالفندق ( خمس نجوم) لمدة اقامتنا عشرة ايام


الدعوه هي على الصحبة
:104:

[رمزالطيب]

مثلا ان قط في مخيم تلقاه يتبطح ويتسدح ويجيه الفطور والغدا والعشاء لايحط يده

والاتلقاه مسحب عيال اخته

والا عيال أخوه معه وش بعد

>>>>>>>>> أندروميدا<<<<<<<<<

الذي باللون الأحمر قط وإلا ماقط متسدح متسدح وخاصة إن العزبة ليست له!!

وأما ماكتب باللون الأزرق :

فليس معك حق ؟! هذا واجبهم تقديرا لخالهم أو عمهم وليست المسألة هنا

مسألة فزعة بل واجب ...

دمت بعافية

[أبونواف11]

القطة هي مشجعة للرحلات الجماعية وخاصة في الرحلات الطويلة

أما الكشتات اليومية فأفضلها على أن تكون تدفع من شخص واحد

ومعاونته في بعض الأغراض مثل هو يجيب الدجاج والثاني معه العزبه

والثالث يجيب البيبسي ويتعاونون فيما بينهم بغسيل المواعيين

[قلم أزرق]

(( الي مامعوش مايلزموش ))

وثاني مرة لاتتصل عليه الا اذا كنتم بتطلعون لحديقة او تجلسون على رصيف ههههههه


وفيه حل ثاني اذا الرجال مطفر خلو عليه السيارة او العدة وريحو بالكم وباله





قلم أزرق

[قلم أصفر]

ربعي في الدوام مسوين قطه من ريال واحــــــــــــــــــــــد عشان يعبون خزان البراده مويه حلوه .
كلهم قطوا الا واحد .
يقول خلوها على الراتب وش فيكم مستعجلين .
في القطات تبين معادن الرجال .

قلم أصفر

[غريب 2005]

موضوع رائع اخوي.....



والقطه ماعنها غننا خصوصا في وقتنا الحالي,,,,ومع بعض الناس لكن فيه ناس ايضا عندهم القطه شي مو كويس لانهم اهل كرم وانا جربت طلعت مع ناس كرماء ومع غيرهم.....
بس مع هذا كله تظل القطه مطلب مهم جدا .......ز