نصيحه لصاحبي المراهق

[البحر الهادئ]

ياصاحبي من حين تقرا هالخطـاب=حاول تعرف القصد منـه وتفهمـه
مضطر أخلي بعض كلمات الكتـاب=فيهـا معانـي واضحـه وملثمـه
ياصاحبي أول كلامي لـك عتـاب=وشفيك ماتقرب وتبدي المرحمـه
وشفيك تبعد يوم أقوللك الصـواب=كن الحروف اللـي تجيـك ملغمـه
لحظه أكلم فيك أنـا روح الشبـاب=بس أجمع التفكيـر منـك ولملمـه
وأسمع ترى هذا العمر فيه إكتئاب= فيه الشهـاوي تجتمـع متلملمـه
وتحس في نفسك صراعٍ وإنتشاب=يجـوز كلـه صـح أو متوهمـه
من شان هذا أفهم كلامي ياعقـاب=والله ماأنصح لجـل ذاك ودرهمـه
نصحي لجل خوفي عليك من العذاب=هذا الصحيح اللي ضروري تعلمـه
فكرت وانك تنظر بعيـد السـراب=متوهم إنـه خيـر تبغـى تغنمـه
دنياك دنيّـا كـل مافيـه خـراب=يكـود ذكـر الله وهـذي مغنمـه
حاسب ضميرك قبل ياتيك الحساب=وأحذر تموت النفس ماهي مسلمـه
وأحذر عذاب القبر ذاك أمره مهاب=لا جاك منكر كيـف تبـدأ تكلمـه
حضر جوابك يوم تحتاج الجـواب=يوم التقـي ربـي بقولـه يلهمـه


منقول

[المدرس]

أحسنت أيها الهادىء


قصيدة جميلة

أبياتها رائعة

نصيحة نحتاج لها


استمر نحن معك

[الغلا]

اخي البحر الهادئ

الله يعطيك العافيه على هذه الابيات الرائعه

وتسلم على هالنصائح