شكوا للي عنده العلم

[مطلق]

كل عام وانتم بخير
انا بلاني الله بخط كل يوم لازم اروح واجي معه وصارت الحاله كل يوم اردي من الي قبله
اجل خط مضلم بين تمير ومبايض ينطلون فيه الحصى والدركتل يقض ولا فيه قلابي يشل
والمسول ماندري منهو وكل ما قلنا شي قالو دونك ريس البلديه وانا رجالن اطلع من فجر الله ولا ارجع الا مسيان انا الي اطلبه من المسول انه يحرص علينا في الخط وترنا شوفنا شجر وذمت الاوادم في رقبت المسول خف الله فينا
وهذي صرو للمكن الخطير القطهن الولد
http://www.m5zn.com/uploads/d550c16fd8.jpg (http://www.afra7.net/vb/)
الحصى طاب وسط الخط ( لا رايح رايح ولا جاي جاي )
http://www.m5zn.com/uploads/10287fa879.jpg (http://www.afra7.net/vb/)
الصورة من شنق مختلفة
http://www.m5zn.com/uploads/c6fa60c179.jpg (http://www.afra7.net/vb/)
بالله عليكم حصى مثل هذي وفي خط اضلم وين يشفونها معه
http://www.m5zn.com/uploads/319c9aabe0.jpg (http://www.afra7.net/vb/)
ما حطو لا عكوسه تعكس ولا انوار ولا كتبه تعلم ان فيه حصى كبار

[المتحـ2007ـد]

الله يرحم الحال اخوي مطلق وبيض الله وجهك على هذا الموضوع

المهم لحياة الناس والحفاظ على ممتلكاتهم من التلف

اتوقع ان البلديه هي المسئوله عن هذه الاشياء ولابد من ان

هناك مراقب على المشروع لكن اين هو من هذا

واظن لا احد سيجيبك الا اذا وقع حادث اليم وذهبت ضحيته اروح

شاكر لك طرحك والله يعطيك العافيه

[عميد النوادي]

اعوذ بالله
ايش الدعوه يا شباب

انتو متاكدين انه حجر هذا والا اسفنج
قسم بالله انا جاد يا شباب

معقوله هالشيء عندنا
وياليت اعرف هو الخط رئيسي ؟؟؟

اللهم سلمهم

[مطلق]

تقول فيه مراقب علي المشرع اجل انت وش مراقب عليه
انسانك تعرف ريس البلديه شور عليه وقله يقول مطلق ترا
الاوادم في ذمتهم عليك

[المتحـ2007ـد]

تقول فيه مراقب علي المشرع اجل انت وش مراقب عليه
انسانك تعرف ريس البلديه شور عليه وقله يقول مطلق ترا
الاوادم في ذمتهم عليك

الله يجزاك خير

انا مراقب على المنتدى والبلديه حاطه مراقب على المشروع تبعهم

ورئيس البلديه المفروض يشيك على المشروع بنفسه

قبل لا يروح لبيته في الرياض

[L O R D]

لاحــول والاقــوة إلا بالله

ياناس ياعالم شوفوا حل للناس النايــمة في مكاتبها

الله يكوون في عوونكـ اخووي مطلــق وانتبــة على نفسكـ من هالجفار تراكـ عزيز وغالي علينـا

وان شاء الله شباب الديــرة مايقصرووون معك في توصيل العــلم للبــلديــة


................

[شواق]

والله الطرق بين تميرومبايض والشعب قصيره ومراقبتها ماظنها متعبه او تتطلب جهد جبار خاصتن ان الشباب اللي بالبلديه سردادي مردادي مع ذاك الطريق .. يعني ليست بتلك الطرق اللي مسافاتها طويله جدا وتتطلب فرق ميدانيه كثيره لرقابتها ..

معليش اخوي مطلق منفعل شويواظنه من حقه هالشي .. وانتبه لحالك اخوي مطلق والله يحفظك ويحفظ اخواننا مرتادي الطريق ..

[أبـوحـمـد]

مشكور يااخ مطلق على طرحك لها المو ضوع

انا يا مكلمكم بغيت اروح في الحصى كم من مره

من المسئول؟

المسئووووووول نايم نايم نايم

اصحي يابلديه اصحي يا الشرطه

ما عندك احد

الين يطيح الفاس في الراس

[المتحـ2007ـد]

نقطه نسيت اقولها

اتوقع بعد ان وزاره المواصلات لها دور اكبر من البلديه

كل يوم نشوف سيارتهم الصفراء رايح جاي مدري وش شغلتها

[ابوفارس]

وين الصحفيين هذا دورهم تعبو الناس وهم ينادن على هالبلدية وماعندك احد لاكن لو تحط هالص ور وغيرها في الجرايد شفتهم يراكضون مايجون الا بالعين الحمرا والله ان حنا ندعي عليهم وهم اللي حدونا

[المهند]

هلا بك أخوي مطلق ومرحباً بك في هذا المنتدى ....

وأشكرك على نقل هالصور وهالتقرير اللي طالع من قلبك ... مافيه شك أن هذا الطريق يعتبر شريان رئيس بين تمير والمزارع والمدن الواقعة شمال المدينة ... ويجب على البلدية متابعة أعمالها وشغلاتها ... يعني أكيد فيه عقد بين البلدية والمقاول بإزلة كل الآثار على الطريق والآكد إن فيه مراقبين يتابعون ذلك ... وهو ما نشاهده عندما يبني أحد بيت ويؤمر بخطابات رسمية بإزلة المخلفات في الشارع فإذا كان ذلك في الحواري والشوارع العادية فيجب أن يكون هذا الحط الرئيسي أشمل ويجب أن يخصص له أكثر من مراقب أيضاً...

أشكرك أخوي مطلق والله يعينكم ويحفظكم ويستر عليكم ,,, وما عليك من حفر حفرة لأخيه وقع فيها ...

[النجدي]

يبدو أنكم تجهلون النظام عندنا في السعودية وتمير بالخصوص

الخطر عندنا ما يزال ألين يجي فيه موت ( حادث )

بعيد الشر عنكم