تجديد مشاعر

[المحبوب]

أخذت من القصيد اللي يفيد وكلها تفديــــــك..
سبحت ابحرفكري رحلتي في مركب خيالك..
انا مشتاق اشوفك واسمعك مشتاق لك وابيـك..
حبيبي..حبي الولهان والمشتاق لقبــــالك...
اناعايش على ذكرك وأحاسيسك وكل شي فيك..
على بالي تمروكــثر مامــــريت في بـالك...
أحب الحب من حبك وأزيد من الغلا وأغليك..
أحبك موت في حـــلك وأدبلـــها بترحــالك...
حبيبي خذ من أيامي وعمري وحطها بيديك..
هديه قلبي المغرم على شوفاك ووصـالك...
متى يزين ويبتسم لي حظي العاثر وأجيــك..
متى يرتاح قلبي؟راحته لاشك لجـــــالك...


المحبوب

[السنافي]

أحب الحب من حبك وأزيد من الغلا وأغليك..
........أحبك موت في حـــلك وأدبلـــها بترحــالك

صح لسان شاعرها ..

من طول الغيبات جاب الغنايم .. يالمحبوب

لاهنت على هالقصيده ..

وأرجوا في حال ان القصيده لك إبلاغي بذلك لنقلها

لساحة قصائد الاعضاء .. مع الشكر ..

[المحبوب]

مساك الله بالخير
ولاهان راسك
والغنايم كلها عندك ياالسنافي
وطلتك في صفحتي نورتها وحنا ناخذ منك وهو ماهو غريب عليك راعيها
وهذي الابيات لي الله يسلمك ابيات على قد حالنا ونستفيد منك الله يسلمك

[شموخ أنثى .ღ.}]

حبيبي خذ من أيامي وعمري وحطها بيديك..
هديه قلبي المغرم على شوفاك ووصـالك...

صح لسسسسسسسسسسسسسانك أخي الكريم
بيض الله وجهكـ ولاهنت

دمت بخير

[المحبوب]

يالسنافي الابيات لي الله يسلمك0000

وشكرا اختي شموخ على المرور اللي نور الصفحه الف شكر000المحبوب

[خطاي أني وفيت]

أخذت من القصيد اللي يفيد وكلها تفديــــــك..
سبحت ابحرفكري رحلتي في مركب خيالك..
انا مشتاق اشوفك واسمعك مشتاق لك وابيـك..


سلم بووووووووووووووحك اخوي العزيز..

دمت سالم..

[مجنون تمير]

صباح الخير اخوي المحبوب وان شاء الله تكون بخير
تعجبني مشاركتك في انك تكتب قصيد
ولاكن الاجمل ان تكون القصيدة لايوجد بها كسور ولاتكرار في الكلمات
واتمنا مراجعة قصيدك مره اخر هذي ملاحظتي
وشــــــــــــــكراً

[المحبوب]

صباح الخير اخوي المحبوب وان شاء الله تكون بخير
تعجبني مشاركتك في انك تكتب قصيد
ولاكن الاجمل ان تكون القصيدة لايوجد بها كسور ولاتكرار في الكلمات
واتمنا مراجعة قصيدك مره اخر هذي ملاحظتي
وشــــــــــــــكراً

اخوي مجنون تمير مساء الخير 0000
وانا الحمد لله بخير 00
اولا:
مافيه شك النقد الهادف يكون في محله اذا كان نقد صحيح لكن اذا كان العكس يكون مشكله 00
القصيد ياعزيزي موزون وارجع للحن حق احمد الناصر في القصيده حقته اللي يقول فيها
أنا ويّاك مثـل اللـي تهايـق بالقليـب وطـاح = تناوش بصبعه حبل الرشا واخطـاه مـا جابـه
وغن قصيتي على الحن هذا وبعدين احكم !

ثانيا :
تكرار الكلمات اذا كان يعطي جمال للقصيده اعتقد انه يزينها مايعيبها
وكم من الشعار الكبار الاساتذه يكررون الكلمات وتزيد من جمال القصيده00
وتقبل تحياتي 0000المحبوب

[مجنون تمير]

السلام عليكم اخوي المحبوب
تعقيب على قصيدك العجز في البيت الاول الشطر الثاني
أخذت من القصيد اللي يفيد وكلها تفديــــــك..
سبحت ابحرفكري رحلتي في مركب خيالك..