الفتى الموهوب
28 / 05 / 2004, 35 : 04 PM
السلام عليكم ورحمه الله وبركاته..
اخواني واخواتي الأعضاء .. حبيت اشارك في قصه وبصراحه كنت اسمعها من جدي من زمان اقول كلام شيابين يعني كله نصب .. وفي الفتره هذي سمعتها في الرادو قناه mbc يوم سمعتها ودخلت معها بصراحه قوه والله العظيم في النهايه.. كل شعر جسمي وقف من الغرابه اللي فيها .. تحمست للقصه وبحثت عنها وصارت حقيقيه وهي قبل تقريباً خمسين سنه لرجال يسمى ابن رومي وهو من سكان تقريبا الزلفي او حوالينها ...
وصارت لها هذي الحكمه ..( جاك ما جاء ابن الرومي ) .. للقصه نفسها .. وابي ابداء بالقصه ..لاكن بشرط ابيكم تدخلون مع القصه جوا وتعيشونها اكثر واكثر وتكملونها حتى النهايه ..
كان لأبن رومي ولد يحبه موت موت مره .. ولده يعني كيف يبي يكون حبه له. وزياده على كذا انه ماله غيره من الأولاد.. المهم .. كان لأبن رومي جمال او بعارين .. كان ذيك اللحظه موجود عند البعارين حقاته .. ومعاه ولده ..
المهم الولد بزر صغير مايعرف شئ قرب لذيك الناقه ( انثى الجمل ) وقرب لها اكثر وخافت الناقه منه و رمحته ( يعني رفست ) الولد الصغير .. تخيلو حجم الولد الصغير عند ذيك الناقه .. وكانت الرمحه قويه عليه وأثرت على الولد وتوفي الولد .. المهم حزن ابن الرومي مره مره على وفات ابنه ..تأثر مره بصراحه ....
قال الرومي لازم اخلي الناقه هذي تحزن مثل ما حزنت انا على ولدي ..
وكانت الناقه من احسن النياق عنده لدرجه انه رافض بيعها من زينها .. وهي بكر ( يعني ما قد جابت اولاد) المهم
لما كبرت الناقه واول حوار جابته (حوار يعني ولد الناقه الصغير ) جاب الحوار هذا وخلاه قدام عين امه و ذبحه قدامها .. وهي يكلم الناقه يقول والله لا احزنك .. المهم
راحت السالفه هذي بعد فتره جابت حوار ثاني الناقه .. مسك ابن الرومي بالحوار وجابه قدامها وعرفت الناقه انه يبي يذبحه شوفو قدرت الخالق
.. حاولت الناقه تبعد ابن الرومي عن ولدها حاولت ما قدرت .. ذبح الحوار ..ويقول والله لا احزنك ,,
المهم راح عليها فتره جابت الناقه ولد ثالث .. او حوار .. بعدين جاء ابن الرومي ودخل على الناقه يبي يذبح الولد طبعا كعادته .. مسك الحوار .. واول ما مسكه جت الناقه انجنت وحاولت وتدفدف في ابن الرومي وتحاول تبعده براسها يعني حاولت بجميع الطرق .. لاكن مافيه فايده ..
ذبح ولدها ... واول ما ذبحه طاحت الناقه تحتضر تبي تموت .. والله اني اكتب القصه وخانقتني العبره سبحان الله .. المهم طاحت الناقه خلاص تبي تموت .. وقال الرومي خلاص ابي اذبح الناقه مدامها تحتضر . اول ما ذبحها وسلخها وفتح بطنها وش تتوقعون لقى ...!!!
لقى كبدها متفتته قطعه قطعه .. من غثاها وحزنها على سوات ابن الرومي ... شفتوا كيف قدره الله سبحانه وتعالي ..وهي حيوان حنونه على اولادها وتحاول تدافع عنهم ..
وطلعت هذي الحكمه وهي خاصه له .. ( جاك ما جاء ابن الرومي )
خلونا نقول هذي ام حيوان يعني مالها عقل ولا تفكير شوفوا كيف سوت وكيف حاولت تسوي على شان تحمي ولدها ..
اجل كيف امهات الأنسان اللي لهم العقل والتفكير وشعورهم تجاه اولادهم وخوفهم عليهم .. الله يخلي لنا امهاتنا وجميع المسلمين يارب.
الفتى الموهوب.
اخواني واخواتي الأعضاء .. حبيت اشارك في قصه وبصراحه كنت اسمعها من جدي من زمان اقول كلام شيابين يعني كله نصب .. وفي الفتره هذي سمعتها في الرادو قناه mbc يوم سمعتها ودخلت معها بصراحه قوه والله العظيم في النهايه.. كل شعر جسمي وقف من الغرابه اللي فيها .. تحمست للقصه وبحثت عنها وصارت حقيقيه وهي قبل تقريباً خمسين سنه لرجال يسمى ابن رومي وهو من سكان تقريبا الزلفي او حوالينها ...
وصارت لها هذي الحكمه ..( جاك ما جاء ابن الرومي ) .. للقصه نفسها .. وابي ابداء بالقصه ..لاكن بشرط ابيكم تدخلون مع القصه جوا وتعيشونها اكثر واكثر وتكملونها حتى النهايه ..
كان لأبن رومي ولد يحبه موت موت مره .. ولده يعني كيف يبي يكون حبه له. وزياده على كذا انه ماله غيره من الأولاد.. المهم .. كان لأبن رومي جمال او بعارين .. كان ذيك اللحظه موجود عند البعارين حقاته .. ومعاه ولده ..
المهم الولد بزر صغير مايعرف شئ قرب لذيك الناقه ( انثى الجمل ) وقرب لها اكثر وخافت الناقه منه و رمحته ( يعني رفست ) الولد الصغير .. تخيلو حجم الولد الصغير عند ذيك الناقه .. وكانت الرمحه قويه عليه وأثرت على الولد وتوفي الولد .. المهم حزن ابن الرومي مره مره على وفات ابنه ..تأثر مره بصراحه ....
قال الرومي لازم اخلي الناقه هذي تحزن مثل ما حزنت انا على ولدي ..
وكانت الناقه من احسن النياق عنده لدرجه انه رافض بيعها من زينها .. وهي بكر ( يعني ما قد جابت اولاد) المهم
لما كبرت الناقه واول حوار جابته (حوار يعني ولد الناقه الصغير ) جاب الحوار هذا وخلاه قدام عين امه و ذبحه قدامها .. وهي يكلم الناقه يقول والله لا احزنك .. المهم
راحت السالفه هذي بعد فتره جابت حوار ثاني الناقه .. مسك ابن الرومي بالحوار وجابه قدامها وعرفت الناقه انه يبي يذبحه شوفو قدرت الخالق
.. حاولت الناقه تبعد ابن الرومي عن ولدها حاولت ما قدرت .. ذبح الحوار ..ويقول والله لا احزنك ,,
المهم راح عليها فتره جابت الناقه ولد ثالث .. او حوار .. بعدين جاء ابن الرومي ودخل على الناقه يبي يذبح الولد طبعا كعادته .. مسك الحوار .. واول ما مسكه جت الناقه انجنت وحاولت وتدفدف في ابن الرومي وتحاول تبعده براسها يعني حاولت بجميع الطرق .. لاكن مافيه فايده ..
ذبح ولدها ... واول ما ذبحه طاحت الناقه تحتضر تبي تموت .. والله اني اكتب القصه وخانقتني العبره سبحان الله .. المهم طاحت الناقه خلاص تبي تموت .. وقال الرومي خلاص ابي اذبح الناقه مدامها تحتضر . اول ما ذبحها وسلخها وفتح بطنها وش تتوقعون لقى ...!!!
لقى كبدها متفتته قطعه قطعه .. من غثاها وحزنها على سوات ابن الرومي ... شفتوا كيف قدره الله سبحانه وتعالي ..وهي حيوان حنونه على اولادها وتحاول تدافع عنهم ..
وطلعت هذي الحكمه وهي خاصه له .. ( جاك ما جاء ابن الرومي )
خلونا نقول هذي ام حيوان يعني مالها عقل ولا تفكير شوفوا كيف سوت وكيف حاولت تسوي على شان تحمي ولدها ..
اجل كيف امهات الأنسان اللي لهم العقل والتفكير وشعورهم تجاه اولادهم وخوفهم عليهم .. الله يخلي لنا امهاتنا وجميع المسلمين يارب.
الفتى الموهوب.