مشاهدة النسخة كاملة : الكتابه على الجدران صحائف العشاق والحالمين
شواق
15 / 01 / 2008, 13 : 09 PM
قد ينتقدني كثيرين مدري كثيرون على هالموضوع وقد نحصل من اللطش ( والله من كم واحدن يبي يقول الحمد لله والشكر لكن ترا ياجماعه من نقصدهم ( ليسوا اولئك التافهين عاش الهلال والا عاش النصر من قصدناهم هم من حولوا الجدران للوحات ابداعيه
قد تعتبرون ان صغار العقول والتافهين
هم اصحاب الكتابة على الجدران
يحق لكم ان تقولون عنهم مايحلو لكم
ولكن للأسف انكم لاتفهمون هؤلاء
قال عنهم البعض قديماً المجانين
وجعلتم الجدران صحائف المجانين
ولكن هؤلاء هم العشاق
هم الحالمين
هم الصادقين
هم الذين عبروا عن مافي نفوسهم بلا عنف او خطأ
هم الذين يعطون للجدار معنى آخر
كنتم تنظرون للجدار على انه بلك واسمنت وبويه
ولكن هم ينظرون له على انه ورق من ذهب ورسول الأشواق ..!!
هم الذين يجعلونكم تنظرون للجدار يومياً وكأنه لوحة فنية
هم الذين يجعلونكم تتابعون كل جدار وكل زاوية وكل بلكه
كيف تسمونهم التافهين
وانتم تتابعون كتاباتهم و قصائدهم ولوعاتهم وآهاتهم
آآآآآآآآآآآآآآه يازمن
وآآآآآآآآآآآآه يابخاخات
كم امضينا على تلك الجدران من السنين الجميلة
كم زيناها بمقاطع الحب والغرام
ثم اعدنا صبغها من جديد
لنكتب عليها بيت آخر اقوى وأصدق
كم اسمينا بعض الشوارع بألقاب غريبة
لايفهمها إلا الغزال الذي يسكن في أحد جنباتهhttp://82.96.75.104/Images0/Smily/embaressed.gif
وكم من جدار خليناه ديوان شعري
عشان الزين لاطل من الشباك يلقى شيء يخليه مبسوطhttp://82.96.75.104/Images0/Smily/embaressed.gif ..!!
كنا نخشى ان يطل الزين او يخرج فيشاهد حادث او حفريات فيتكدر خاطره
لذا وضعنا له مجلة فواصل يوميه امام ناظريه ..!!
حقيقة وبدون إطالة الكلام
اللي ماقد كتب على جدار حتى لو كان جدار طين
ولاتوصخت أصابعه من بوية البخاخ
فهذا دليل إنه ماعاش مراهقته كما ينبغى
وانصحه بشراء بخاخ حالاً
والكتابة على سور منزله
بس من الداخل
وفي الجهة الخلفيه للمنزل
عشان مايحوس الدعوه ..!!
شموخ أنثى .ღ.}
15 / 01 / 2008, 40 : 10 PM
هههههههههههههههههههه
مدري والله وش اكتب
مدري اكتب
(م س)
.
.
.
والله الكتابة على الجدران سواء قالوا عاش الهلال وسسسقط النصر
او كتبوا قصائد الحب والهيام
كلها ظاهره سيئه
وان شاء الله تزول هالظاهرة
فبدلاً من الكتابة على الجدران أليس هناك دفاتر ليعبروا بها عن تلك المشاعر
.
.
صح كتبنا على الجدران بيوم من الايام ومازالت تلك
الكتابات موجودة ولها ذكرى خاااصة
وفية كتابات تعجبك وتلزمك بقراءتها
وحتى قريت بيت شعر واعجبني على جدار مدرستنا و يقول
الله من قلب تعذب بدنياة
والله من عين بكت من قهرها
ماينفع المجروح ترديد ويلاة
وماينفع العاشق مساهر قمرها
هههههه
بس مع ذلك
كان شي غير حضاري
مشكور اخوي علي الطرح الجميل
دمت بخير
قلب الاسد
15 / 01 / 2008, 21 : 11 PM
(( م.س ))
مهيب لك .. للي يكتبون على الجدران ..
اللحين اللي بيشخبط عنده المنتديات .. ومايحتاج بخاخ ولا مايحزنون .
على قولتهم .. أكتب بيديك ورجليك .. بس انتبه تغلط على النصر ..
تقبل مروري ..وشكرا ..!!
شواق
15 / 01 / 2008, 41 : 11 PM
جرحتيني ياشموخ انتي وقلب الاسد بردكم وخدشتم قلبي الضعيف وطمستم براءتي وعنفواني
ياجماعه ترا الموضوع حساس وسهل السقوط فيه إلا من رحم ربي ..
ولانصير بكره نشوفكم تبترمون في كل شارع
ترى بعض العشاق مايكفيه يعشق ويجلس في بيتهم يتخيل
حتى الشارع اللي ساكن فيه الزين يعشقه بعد ويعد القراطيس اللي تطيح فيهhttp://82.96.75.104/Images0/Smily/embaressed.gif ...
من قدكم ياعيال النعمة
كل واحد قاعد يسوي نفسه فاهم
ويتشره على هالمبدعين وينعتهم بابشع الصفات ..!!
اتوقع كل واحد منكم شاري له ابوه سبوره بيضاء واقلام مائية من يومه نونو ..!!
الله لايلومكم
ماعشتوا مراهقتهم كما ينبغى ولاعبرتوا عنها تعبير صادق
من البيت للمدرسة ومن المدرسة للبيت
وفي الاجازه على لندن وباريس ..!!
يعني من يومكم صغار وانتم مدلعين وفي احضان المربيات الفلبينيات ..
لكن حنا شقينا وتعبنا وذبحنا الحب والعشق
اللي قطع قلوبنا من يوم كنا في رابع ابتدائي
لذلك مالقينا هالسبورات البيض اللي عندكم فأتجهنا للجدران المجانية
صح اننا ظلمنا اهل البيوت وحسنا جدرانهم
لكن وش نسوي الدولة ماوفرت لنا اندية ووسائل ترفيه
وايضاً خلينا هالبيوت اللي نكتب عليها تصير مشهورة وتصير سهلة التوصيف
وهذي ميزه وفائده من فوائدنا ..!!
ويا كم من بيت كتبنا عليه ومن بكره جبنا بويه جديده وصبغنا له جداره
عشان نكتب عليه بيت شعري جديد بشكل آخر
منها نلفت نظر ام العيون السود اللي ساكنه قبال الجدار وتحس فينا
ومنها نحصل على المصاقيل المائية إذا انتهى البخاخ ..!!
ياناس اللي تشوفونه على الجدران هذا فن
هذي مواهب وحروف
هذي قدرات خارقه
هذي احاسيس ومشاعر داخلية بدري عليكم تفهمونها وتحسون بها ..!!
تقولون هذولي مرضى نفسسين ودشير
ونقول لكم هذولا مبدعين وحالمين وعاشقين
هذا واحد من الاصدقاء من اللي كانوا يكتبون على الجدران
والآن مرشد طلابي ووش حليليه وماجا زينه
حتى الدخان والتتن ماقد شربه ..!!
لكن مشكلته يوم كان صغير يحب بنت الجيران ..!!
لذلك صار خطاط ورسام بسبب الحب والعشق وتوفر البخاخات والجدران الناصعة ..!!
يعني كانت الجدران ذيك الأيام عبارة عن بلك وبويه
ونص هالجدران ممخوش ومعفول من الغشم إذا جو يلبقون سياراتهم
يعني انتم كنتم تنظرون لها جدران
لكن احنا ننظر لها عالم آخر تحلق فيه إلى ابعد مكان ..!!
انتم ياعيال النعمه إذا الواحد منكم عشق وحب
يروح على طول يأخذ وسادته ويغمض عيونه ويقعد يحلم لحاله ..!!
لكن احنا حتى الوسايد ماعندنا ولاندري كيف شكلها <<<<<< ادري هذي مالها مطار ياقلب الاسد
لذلك نروح للجدران ونحلم فيها ونخليكم الصبح تحلمون معنا ..!!
احنا حولنا هالجدران لكم إلى لوحات فنية
إلى ابداعات ومساحات شعرية
طمسنا هوية الاسمنت والبلك واظهرنا هوية الشعر والابداع ..!!
لو كانت غير ملفته للنظر كان مريتو من عندها وتجاهلتوها
لكنكم توقفون امامها احتراماً لها وتتأملونها وتقرأونها حرف حرف
ويمكن تحفظون كل حرف مكتوب وترددونه بعدين في لحظات التأمل
هذه هي الاحاسيس والمشاعر الصادقة
نصيحتي لكل من وصل لهذا العمر ولم يخط بيده على جدار ولم يمسك بخاخ بوية
انه يقوم الآن ليخط بأنامله بيت شعري على جدار بيته
ليشعر باللذه والمتعة
بس ياليت يكون في الجدار الخلفي
لأن بعضكم خطه دمار وإذا كتب كلمة تحس انه يكتب برجله ..!!
هذي بيتين من مشاهداتي :
ياعلي هذا البيت ملزوم أمره **** لو قلت لي كثرة مرورك سماجه
بيت ٍ غلاه بوسط قلبي مقره **** أغليه لو هو مانفعني بحاجه
ZAMAN
15 / 01 / 2008, 57 : 11 PM
السلام عليكم
لقد تم طرح هذا الموضوع للنقاش في ساحة الأهالي للأخ المنهد وتم مناقشته
على هذا الرابط
http://www.tumaer.com/vb/showthread.php?t=30970
وهذا لا يمنع من مناقشته مره أخرى
قلب الاسد
16 / 01 / 2008, 10 : 12 AM
سلامت قلبك ياشواق .. وماعاش من يجرحك .. يامبدع :70:..!!
يعني من يومكم صغار وانتم مدلعين وفي احضان المربيات الفلبينيات
الظاهر انك تحلم .. مربيات فلبينيات مره وحده .. أقول لايسمعك أحد ويصدقك .. :81:
لو كلامك صحيح كان اللحين تلقاني في منتديات فلبينيه أشخبط :91:!!
واضح انك ماخليت جدار في ديرتك الا وحطيت بصماتك السحريه فيها:70: ..
وهذا شئ راجع لك .. يمكن فيك طاقات بس ماعرفت تستغلها ..!!
والحمد لله ماعرفنا لابخاخ ولا سبوره بيضاء .. نعرف شئ واحد ..
وهو ان الكتابه على الجدران سلوك غير حضاري ..!!
المهم جدار بيتنا لاتقربه :90: تونا ضاربينه بويه !!
شواق
16 / 01 / 2008, 21 : 12 AM
اتذكرياقلب الاسد جدار بيتنا صبغه الوالد يجي عشرين مره والمصيبه اني حاط رمز ( يعني اسم حركي ) وك لماشافه ابوي قال يهيييييييييييييييييييييييييب ياوجهه مايدري انه انا .. يقول مايمدي اجدد لون الجدار الا هو جاي ببخاخه
بس انا ماأنكر ان التجربه كان لها اسبابها والوقت اللي كنا فيه ماعندنا لا نت ولا مسجات ماعندنا الا الجدران نعبر فيها عن مشاعرنا ..
والغزال يقرا الخواطر من يطلع من باب بيتهم لين يوصل مدرسته ( يعني يخلف الله على البيوت والعواير اللي بالطريق كلها ) ..
اتذكر ان جدار المدرسه صار صفحة اخبار فلاتستغرب ان قريت عليه ( الف مبروك المولود يابله منيره )
والا ( يابله ساره >>> المرشده الطلابيه وراك على طالبات 3 ث )
طبعا هالكلام مبطي ياقلب الاسد ولو اني مرات تداعبني افكار الماضي ويفز قلبي كل ماشفت لي بخاخ والا جدار يلق جديد .. يدي تحكني ودي اكتب
بس اللي هيضنا للكتابه هو سالفه تذكرتها مع احد الاصدقاء وزملاء البخاخات ايام الطفوله كنت نتذكرها بالتلفون وانا فاتح النت
فقلت نسدح لكم بالموضوع لنضفي جو من النقاش الاخوي الخفيف الظل فقط مو اكثر وللحوار يجب ان يتقمص احد المحاورين ( شخصيه معارضه ) ليثمر النقاش
شموخ أنثى .ღ.}
16 / 01 / 2008, 19 : 05 AM
ههههههههههههههههههههههههههههههههههه
وين والله كلامك موتنى ضحك
الله يوسع صدرك بطاعتة
صح يمكن قبل على قولتك ماعندكم الى الجدار توصلون فية مراسيلكم
طيب بس موجودة دفاتر عندكم والاقلام كان كتبتوا رسائل اسرع لكم وافضل من الشخبطة الغير حضارية
<<<<<<<<<<< ابى اكتب لايمكن العثور على الملقم هنا
بورط نفسى انا
وانا
قلت لكـ والله شخبطت على جدارنا الخلفي بالبيت يومى صغيرة
بس هذا سلوك غير حضارى والله
ودمت بخير
شواق
16 / 01 / 2008, 38 : 09 AM
الكتابه بالدفاتر ماتنفع ياشموخ خاصه وانتي عارفتن مجتمعنا ، يعني تخيلي موقفي قدام الشباب لاعرفوا اني اكتب خواطر بتشوفين الطنازه واصلتن حدها خاصه لاصارت نوعية الشله بالاغلب عرابجه وقمة الرومنسيه عنده ( اذا سمع اغنية بشير ياراعي الباب الحديد انتهينا ) عشان هالاسباب اصبحنا ثوريين حتى في عواطفنا ولكن ورغم الشيطنه كانت البراءه هي ماميزت تلك العواطف .. رغم جموحها ولعبنا في جدران خلق الله وكله بسبب ذلك الرائع التعيس .. الحب ..
آآآآآآآآآآآآه يالحب وش لعب في حسبتنا غيره ..
اول السالفه وحنا بزران وسردادي مردادي على الشارع اللي ساكنه في الغزال وان طلعت ابمشي مع زميل والا صديق سحبته لذاك الشارع كود نشوف ( وليف الروح http://82.96.75.104/Images0/Smily/embaressed.gif )
وهي طالعه مسيره والا تكلم اخوها عند الباب .. وجارهم اللي مقابل بيتهم متوذي مني ومن شري ..
لاني بالعربي فاكن الزين من مشترى المجلات وقاعد امحط لها بأروع القصائد والغزليات والخواطر على جدار جارهم ..
عشان لافتحت دريشتها الا نبض قلبي قدامها ومثل اعداد المجله كل اسبوع نجدد هالخواطر والقصيد ...بعد تجديد لون الجدار بلون ناصع جديد
وكبرت البنت وسحبت علينا ومع اول خاطب وهي طايرتن بالعجه تقول ماصدقت تنخطب
( والدريشه اللي بالعاده مفتوح نصها صارت مسكره دايم وعليها من داخل ) تجليد ( عشان مانعرف هي قاعده ولا نايمه ...
وكبرنا ورحنا وجينا وقلت توبه ياحب لاعاد نعرفك ولا تعرفنا ..
وحطينا همنا بدراستنا الجامعيه وتخرجنا وياربي لك الحمد ولكن الزين مايكمل ...
سلط الله علينا من لارحمتنا والحب الاول احسن مافيه انه من قريب والمواعيد عند العواير والبيبان
وراس مالها بخاخ وددسن وشريط ..
اما الثانيه فخلتنا نعذر في اللي ورانا وقدامنا ونترك ديرة الاهل والاحبه
والاصدقاء بسبب الحب وياليته كان لمن تستحقه وتستاهله ..
وعلموها ياللي تعرفونها وخل تقرا هالرد وخصوصا هالابيات http://82.96.75.104/Images0/Smily/sad.gif:
يكفينـي عرفـت الحـب وهـذا أبسـط هدايـاهـا
ووش يعني ...إلا مني عشقت اللي وطت رجلـه...؟!
أكيد أموتها ان راحت... وأكيـد إن جتنـي أحياهـا
وتسقينـي رحيـق العشـق وردٍ تشربـه نحـلـه
طواريها... ومقالبها... وسوالفها... ونواياهـا...!!
تشيطنها... وتمنعها... تسـوي نفسهـا خبلـه...!!
وانا اعشقها وامـوت بعشقهـا واشـرب خطاياهـا
واهدهدها على جنب الغـلا وترقـد وهـي خجلـه
عسـى ربـي يسامحهـا إذا هـذي سواياهـا...!!
خذتني من جهـة قلبـي و "زفتنـي" علـى غفلـه
عموماً... للهجر لـذة ... وتعجبنـي كوايهـا...!!
وعسـى ربـي يهنيهـا وتعيـش الجـو بالحفلـه
وأنا لي فلسفـة بالعشـق " يكفـي بـس ذكراهـا "
أعرف إن أخذت الأيام إلى جتنا مهـي سهلـه...!!
تعافلنا... ونعافلهـا... وتظهـر مـن خفاياهـا...!!
وإلا قلنـا نجينـا واسترحـنـا صــارت العفـلـه
على كُلٍ... خذينـا قياسهـا ساعـة مشيناهـا...!!
وشبرناها شبر مع شبر ...وقفلة مـن عقـب قفلـه