الظاهر إني بجيب العيد هالمرّه *** والروح مهما جرى بيدين واليها>>>

[أمير الحروف]

شاعر الثقلين
الشاعر ممدوح بن عبد الله المرزوقي البقمي ( أبو عقاب ) يكتب عن أعظم جرح شهده الإسلام عن مقتل محمد الدره... ورغم كثرة ما كتب عن هذا الموضوع بالذات فأنني أقسم لكم بأنكم عندما تقرؤون هذه القصيدة ستكتشفون بأنها أروع وأجزل واثمن ما قيل في الشهيد محمد الدره وقضية فلسطين بوجه عام ... وأن ما قرأتم قبلها ليس سوى كلمات رنانه بدون أي مضمون...
فشاعرها نظلمة كثيراً أن قلنا عنه شاعر!! فالشعر عند هذا الشاسع كون خاص وسماء لا تحدها حدود ... أبلغ من الكلام... وأوقع من المطارق... وأعمق من الأقاصي... وأدنى من النبض... وأشد من العاصفة ... وأسبق من البرق... وأنفذ من الرمح...
يكتب فتتوقد القلوب بجمر كلماته... تصهل خيول قصائده الأصيلة في مضمار الإبداع فينحاز له الكسب... ويحقق انتصارات جديدة في مجال الكلمة ما يستحق أن نطلق عليه " عاصفة القصيد " حيث البناء... والمفردة الرصينة... والعسف الجميل... هنا الشعر في أبهى تجلياته...



مات الشهيد الصغير محمد الدرّه=وماتت فلسطين والقدس وضواحيها
بمشوكٍ في يد الصهيون مجمرّه=لا وقعت بالعظام الصلب تفريها
وشلون عظمٍ طري وأدنات ما ضرّه=يلوذ عنهم ببوه الله يجازيها
لين أصبح الدم له من مندغه شرّه=حسبي على اللي زمام العلم بيديها
جريمةٍ من سببها النفس منضرّه=لو هو ولد حاكمٍ ما راح جانيها
وكم طفل مثله بري وجوه في غرّه=وخلوا عظامه هشيم الدم غاشيها
وأعراضنا تنتهك بالقدس منجرّه=غصبٍ على المسلمة توخذ برجليها
مهونةٍ للعرب نفاخة الصرّه=اللي من الذل ما تقدر تناديها
خوف وزعامة يهودٍ جالهم زرّه=زر المريكان يهدمها ويبنيها
أحرار مستعمرين وصانع الذرّه=إلى متى الذل نيرانه نصاليها
يثعون بالمسلمين وبمّنا البرّه=وحنا نتفرج على الشاشة ونوحيها
قدام لو الضعيفة يجيلها صرّه=لوا حياة الغبينة ويش تاليها
الظاهر إني بجيب العيد هالمرّه=والروح مهما حصل بيدين واليها
يا واحدٍ بضعف عبادة وضع سرّه=أنا دخيلك من الدنيا ومغويها
كان العرب طول هالأعوام مضطرّه=من عاد يبغى يحررها ويحميها
ياسر يهودي يصب الزيت ويخرّه=لوا حلالات تعطي القوس باريها
يا حاكم المملكة ما بالحكي شرّه=وشراية النفس والموت متقفيها
القلب له عين والعينين له قرّه=قرر عيون العدو الله معميها
لا تامن اللي يحط السم بالجرّه=وأنتا تميز بقاصيها ودانيها
صدام جاء للكويت وجيت مجترّه=والقدس تبكي وتنخى اللي يواليها
اللي وطا القدس منتب سالمٍ شرّه=لو ما تجيله يجي دارك وياليها
جر الجريره على الصهيون هالمرّه=مثلك يجر الجراير ما يخليها
أنتا عميد العرب جر الوغى جرّه=خل العرب تحترك روسه وأذانيها
من كان في قلبه من الدين لو ذرّه=بيحرر القدس بأسم الله وأراضيها
وإن كان مالك عليهم قدرةٍ مرّه=أسمح لنا راية التوحيد نحييها
ترى كبود العرب بالحيل محترّه=أفتح حصون الجهاد اللي تذريّها
صح في رجالٍ لهم بأرض الحرم فرّه=صوتك يهز الرجال اللي تناديها
صح بالجهاد... الجهاد الروس مفترّه=المحشر... المحشر اللي حشر ما فيها
اليوم يوم الرجال الطاهر الدرّه=والنصر وإلا الشهادة بيد باريها
ياهل الوفاء واللقاء والنفع والضرّه=وأهل البيوت الرفيعة في معاليها
يومٍ لكم بالحروب أشناب مغبرّه=خلوا الدعاء للعجايز يوم تدعيها
الحرب تبغى رجال... تعاود الكرّه=ما ترخي الروس للعدوان تاطيها
من أول العرب بالعدوان مغترّه=واليوم تذري علينا من ذواريها
العورة اللي من الركبه إلى السرّه=الله كشف ستر ظلال مضفيها
هبوا هبا الله من لا هب من حرّه=الموت واحد وعز النفس يغنيها
على الوغى دام عين الشمس محمرّه=حتى فلسطين داخلها يغطيها
لا ما غدت روسهم تشدي حفا الحرّه=بكره يهدون خيبر فوق راعيها
لا وا رجال الشرف شرابة المره=اللي نهار اللقا تكثر عزاويها
يا لعنبوا لابةٍ ما تقطع الجرّه=لا خير فيها ولا عزٍ لماضيها
إن كان ما جاء لنا بالقدس مجترّه=عيب لحانا وشواربنا نربيها

هذه هي القصيدة كاملة وأعتذر من الجميع إن كان فيها أي غلط لأن الشريط اللي سمعتها فيه مهوب صافي وفيه كلمات مو واضحة وتمنيت صراحة أن أضيفها بصوته لأن القصيدة بصوته وإلقائه قسم بالله توقف شعر الراس... بس ما عرفت كيف وخبرتي البسيطة ما ساعدتني...
أتمنى تعجبكم وتقبلوا تحياتي واعتذاري...

[أمير الحروف]

مدام موضوعنا سياسي ولشاعرنا ممدوح البقمي قصيدة ثانية أروع وأقسى من الأولى ترددت كثيراً بطرحها بس هي خاربه خاربه خلينا نعميها وهذي القصيدة كاملة بمناسبة قمة قطر عام ألفين صحيح قديمة شوي بس إنها مازالت تنطبق على حكام العرب اللي مثل!!!!!!!



يا للي تحيون انتفاضة فلسطين=حنا بعد معكم نحيي ديانه
أنتم تدينون انتهاك المعادين=يا من درى عن شجبكم والإدانه
رجيتوا الإعلام بخلال يومين=والأور شيمه عودت طرطعانه
وش صار في قمة قطر عام ألفين=يوم أجتمعتوا في قصور الحضانه
خمسين حاكم من ملوك وسلاطين=محدٍ يرده عندنا إلا لسانه
ولا جا كلينتون راحت العشر ثنتين=كلٍ يعود من الولاء والجبانه
يلعبكم لعب العرب بالملايين=وأطيبكم اللي كنه الخيزرانه
متعاهدين وعهدكم بينكم بين=موقعٍ بالبيت الأبيض بيانه
ما كنكم روس الولاة الموامين=تخفون للإسلام خبث ولعانه
عقب الوعود اللي لها سنين ودنين=عقدتوا لباراك حفلة قرانه
وحنا نحسب المشكلة بالموالين=وأثر البلا منا وفينا خيانه
الله يخون حماك يا خاين الدين=من خان بالمقدس يخون الأمانه
الشجب والتنديد ما يقضي الدين=ولا عز في راسٍ كثيرٍ طمانه
ماهوب لله حطه بليس بالطين=وما ينحني لو ما لقابه ليانه
لنتوا وثورتوا علينا البراكين=.......... قامت تطول الخزانه
باغين والعدوان عدوان باغين=بالفور قال وطال وأنتم رهانه
ذلٍ على الأمة من الدين عارين=عارٍ على الإسلام تالي زمانه
ما دام لجل الحكم بالقدس راضين=حنا عليكم بالله الاستعانه
وش عاد باقي فيك يا سور برلين=ما من ورى الأنقاض عز وحصانه
قامت تلوا بك كبار الثعابين=الراس دامر والذنب والبطانه
وبين الدمار وبين سطو المثارين=ضعنا وضاع اللي طويلٍ عنانه
يا لقدس من حكامنا ويش ترجين=عليك بالله ثم كوفي عنانه
يمكن يحل المشكلة للمجلّين=وألا فالأول قصب والجبخانه
شبابنا وأطفالنا والمسنين=ذبحوا وحنا مبتلين الإعانه
نشجب ونستنكر إسرائيل وندين=الاسم مسلم والديانة ديانه
الدم عيّا يحترك بالشرايين=والآدمي ما عاد يوحي باذانه
ذروة سنام المجد ماله عناوين=السرج طاح ولا لقينا حصانه
وألا الفهد حنا نعرف الفهد زين=قلبه على الإسلام واللي بزانه
عند اللقا قايد جموع المصلين=سجل له التاريخ بصمة بنانه
سورٍ كما السور المسور على الصين=ما حركه ضرب العدو من مكانه
هذا جبل قاف المسمى بثنتين=دون العرب والمسلمين بكيانه
وعبد الله......................=معاضده ومعاضدينه إخوانه
تشهد لهم حرب الخليج المسمين=ما منهم اللي راح عنها بشانه
خالقهم المولى رجوم الشياطين=ضلعٍ شمخ بالجو حنا ضمانه
والله لو دقوا على باب حطين=ما عاد يبقى لليهودي مكانه
قم يا فهد وأرفع لنا راية الدين=أنت الزعيم اللي عليه التكانه
لا تنتظر عيسى وباقي له سنين=توّ النبي ما بان شاهد عيانه
الذل كاسينا وحنا عزيزين=والموت عز ولا حياة المهانه
لا تنثني للغرب ضمن المحابين=الحكم تفقده الضغوط اتزانه
القدس والله ما تجي بالقوانين=إلا بحربٍ سابقتها الدخانه
وإن كان راس الخشم تدمع له العين=الحر يذبحه القهر من جنانه
لولا الحدود اللي تحد الملبين=قدنا الجيوش اللي من الله معانه
لين إنها ترجع جميع الموازين=وألا وعدنا الله بعالي جنانه
والصبر زين ولا قساوة ولا لين=بين الجلال وصحوته والرزانه
اليوم الأمة واقعة بين نارين=والمؤمن المولى يحب امتحانه
ومن لا يعرف السبت من يوم الاثنين=رسم الغضب بين الحجاجين عانه

هذه اثنتين من مجموعة كثيرة وكبيرة من القصائد لهذا الشاعر الحماسي والثائر واللي ما نلومه على كل كلمه قالها فأوضاع العرب تنحني الرؤوس خجلاً من ذكرها وذلها وهوانها وأبو عقاب رغم أنه أمي لم يتعلم ولم يتخرج من الجامعات فإنه قال ما عجز أكبر المثقفين والمتعلمين أن يقولوه ولله درك يا أبو عقاب ولله در من قال فيك بعد أن هجرت الشعر مغبوناً بوضع أمة كانت من أشرف الأمم...

يابو عقاب أقفت ضعونك وشديت=وباتت ليالينا علينا كسوفه