تسجيل الدخول

مشاهدة النسخة كاملة : قصيده رد للشاكي من الشاعر عبدالله محمد البرغش

قناص
03 / 01 / 2008, 08 : 10 PM
اهداء للشاكي ومجارة لقصيدته
حييت يالشاكـي وانـا جيـت مجبـور
مـن فكـر حاضـر هيضتـه القصيـدة
حيـيـت والسـلـوم مافيـهـم قـصـور
انـعــم بـنــاس ٍ للـشـدايـد شـديــدة
يامرحـبـا ترحيـبـة ٍ مـابـهـا جـــور
يقـولـه الـلـي حبـكـم فـــي وريـــده
جانـي كـلام معطـرٍ مـسـك وزهــور
مـن شـاعـرٍ قــرم ٍ فعـولـه سـديـدة
شاعر الى قال الشعـر نفسـك تثـور
لهـفـة وشــوقٍ للـبـيـوت الـجـديـدة
متمكن بالشعر وغواص فـي بحـور
يقيس قبـل الغـوص خـوف النقيـدة
استاذ في شعره وانـا اقـول دكتـور
تـجـرح تــداوي والقصـايـد فـريـدة
يا شاعـر السلـوم انـا منـك مبهـور
تلـيـن لــك كــل الـبـيـوت العـنـيـدة
ما شابهك شاعر ولو جووك طابور
ذوقـك رفـيـع ودوم نفـسـك زهـيـدة
ياللـي علومـك مابـهـا لــف او دور
واللـي بقلبـك تظهـره فــي صعـيـدة
ابيـك تسمـح لــي بسمـيـك هـامـور
وراس الشعر وسيد من كان سيـده
في جمعنـا ضويـت نـور علـى نـور
وعطر كلامـك مجلـس ٍ انـت عيـده
عهـد ٍ علـي مادامنـي حــي مـابـور
واكـون فـي يمـنـاك مـثـل الجـريـدة
وياجعل مسكن جابيـك جنـة الحـور
وامـك عساهـا عــن جهـنـم بعـيـدة
وياجعـل حالـك دايـم الـدوم ميسـور
ويرزقـك ربــي كــل شــي ٍ تـريـده
الشاعر عبدالله محمد البرغش
الراحل 2000
04 / 01 / 2008, 21 : 01 PM
قصيدة رائعة يستاهل الشاكي

وصح لسان الشاعر عبدالله البرغش

وتسلم اخوي قناص على النقل
قناص
04 / 01 / 2008, 22 : 07 PM
الراحل 2000الف شكر مرورك الكريم

وطيب الله اصلك

والله يجزاك خير
السنافي
05 / 01 / 2008, 17 : 12 AM
صح لسان الشاعر ابو محمد

ورد وافي وقصيده وافيه

ولكنه مقصر معنا في المنتدى على قوة شعره ..

نأمل أن نراه في أقرب فرصه فهو كريم وحنا نستاهل ..

كل الشكر والتقدير للاخ قناص لمتابعته الدائمه وإثراء الساحه ..

وكذلك تنقل هذه القصيده لمنتدى همس القوافي لأنها منقوله ,,
قناص
06 / 01 / 2008, 20 : 08 PM
السنافي الف شكر علي مرورك الجميل

وعلي ردك الغالي


ولك تحياتي
L O R D
06 / 01 / 2008, 26 : 08 PM
صح لسان الشاعر

الطيب عبدالله البرغش


ويستاهل شاعرنا الشاكــي

تحياتي لكم
ابو العنود
08 / 01 / 2008, 49 : 06 AM
صح لسان الشاعر/ عبدالله البرغش

والشاكي شاعر كبير ومعروف ويستاهل الابيات


وتسلم اخوي قناص على النقل الرائع
الجنوبي 2000
09 / 01 / 2008, 59 : 12 AM
عندما ينبع الشعر من شخص قريب الى قلبي


فشعره كأنه كلمات واحاسيس منثورة على قلبي

عبدالله بن محمد البرغش

شاعر متمرس له طبيعته له قصائده الرائعة

ويعجبني فيه شعر الموقف ...

قصيدة اطلقها قبل شهور والان يعود برد على الشاكي

عبدالله البرغش

ابو رشيد


صاحب القلم والفكر الراقي

الاغلبية يقول هذا مدح لابن عمه

لا والله بس من يعرف هذا الشخص جيدا

يصدق ما قلته

تسلم يمينك يا شاعرنا

وفالك التريليون

وشف اخر اربعة احرف من السطر الي قبل هذا الكلام

وافهم يا فهيم

تقبل تحياتي

ابن عمك ابو عبدالعزيز

جنوبي 2000 او 2007 المهم القلب وافي
قناص
10 / 01 / 2008, 10 : 11 PM
نجم تمير ابو العنود عبدالله

الف شكر علي المرور الكريم
100% نصراويه
11 / 01 / 2008, 06 : 12 AM
مشكوووووووووووووووووووووووووووووووووووووور
قناص
11 / 01 / 2008, 47 : 08 PM
نصراويه الف شكر علي مرورك

الله يعطيك العافيه
المستشــــار
11 / 01 / 2008, 20 : 10 PM
صح لسااااااااااااااااااااانك

الله يعافيك ياقناااااااااااص على نقل القصيده
قناص
12 / 01 / 2008, 32 : 06 PM
ا المستشار الف شكر علي مرورك الجميل

وعلي ردك الغالي


ولك تحياتي
زمن
12 / 01 / 2008, 21 : 09 PM
قصيدة رائعة يستاهل الشاكي

وصح لسان الشاعر عبدالله البرغش

وتسلم اخوي قناص على النقل
ابوالامثال
13 / 01 / 2008, 20 : 08 PM
يقول المثل


اللي يقدر الناس يقدروه

ويقول

من حلاوة لسانه وريقه صار الكل صديقه
قناص
17 / 01 / 2008, 38 : 11 PM
ابو الأمثال الله يعطيك العافيه


ومشكور علي المرور

قناص
الجنوبي2007
18 / 01 / 2008, 49 : 08 PM
يستاهل شاعرالسلوم


وصح لسانك
قناص
22 / 01 / 2008, 09 : 03 PM
الجنوبي 2007الله يعطيك العافيه


ومشكور علي المرور

قناص
فتى الديرة
22 / 11 / 2008, 50 : 09 PM
صح لسان الشاعر/عبدالله البرغش
تحياتي لك يا ابو رشيد