أمير الحروف
17 / 05 / 2004, 04 : 02 AM
هذي قصة عزوبي يدور على بنت الحلال ... صاغها أحد الشباب شعراً تمثل الكثير من معاناة شبابنا في البحث عن شريك الحياة وما يواجهونه من غلاء للمهور وشروط العروس و تحجج أولياء الأمور قصيدة جميلة وبرغم ما بها من معاناة فأسلوبها خفيف ومسلي ... أتمنى تعجبكم ..
قالوا لي أهلي تزوج=بالفقر لا لا تحجج
ما ضاقت إلا وتفرج=شايب وما أنت بصغير
قلت أبحثوا عن بنيّه=حلوه لطيفه ذكيه
قالوا لقينا رقيه=زينه وأبوها فقير
جيت الأبو قلت خطيب=يومه درى زاد ترحيب
وقدم لي الشاي والطيب=من عقب كاس العصير
وقال أي البنات=ثيب تبي أو فتاة
يتيمه وإلاّ بحماة=كلٍ لها مهر غير
وقلت ودي رقيه=قال المهر ألف وميه
وهذي تراها شويه=مع الذهب والسرير
وقلت يا عم غالي=يا عم أنا شوي حالي
ودي ببنت الحلالي=وانته بحالي خبير
قال أنقلع لا أشوفك=لياك تشرح ظروفك
أذلف وجمع ألوفك=عساك سد المصير
رجعت لامّي حزيني=يوم سألت وش فيني
قلت الأبو ما يبيني=يبي قروشٍ كثير
قالت خبل لا يهمك=حرمتك عندي وأنا أمك
بنتٍ جميلة بتملك=وأبوها تاجر كبير
باكر نسير عليهم=من قبل ما احدٍ يجيهم
هذولا كلٍ يبيهم=حيث إن أبوها شهير
لبست لي أحسن ثياب=ورشيت نفسي بالاطياب
وجيت وقفت بالباب=وأقول يا لله خير
دخلت كلمت أبوها=ونادى أمها مع أخوها
وقالوا رحوا اسألوها=هي ودها بالعشير
يوم أرجعوا قالوا إيه=ترى البنيه تبيه
ولها شروطٍ عليه=وإن طاع كلش يصير
تبي في كل صيف=سفرة لديرة جنيف
وقصرٍ كبير ونظيف=مفروش زل وحرير
وأيضاً تبي خادمة=حيث إنها ناعمة
صرخت يا ظالمة=هي تحسب إني وزير
ورجعت غضبان لأمّي=خافت وصارت تسمّي
شكيت حزني وهمّي=وقلت أخطبي لي عبير
قالت مشينا لأهلها=عساك تصبح بعلها
مهيب خبله بجهلها=تقنع بشيٍ يسير
جيت الأبو قام يضرس=قال آسف البنت تدرس
ما ودها الحين تعرس=وسن البنيّه صغير
جاوبته بنتك كبيرة=العام صارت مديرة
حرام تقعد أسيرة=بأسباب شيٍ حقير
يومٍ فضحته تورط=قال أص ماريد خرط
يا لله موافق بشرط=ما أسحبه لو تطير
شرطي تراه المعاش=في آخر الشهر كاش
ما نيب أربي بلاش=لأمثالكم يالغرير
طلعت من بيتهم=زعلت وخليتهم
يا ليت ما جيتهم=ما عند أبوها ضمير
وقلت زدت دروبي=يايمّه أببقى عزوبي
أكوي شماغي وثوبي=معاد أبي لي عشير
قالت وش اللي تقول=أكيد أنت مهبول
أصبر لعلك تنول=الله وانا أمك قدير
يرزقك بنتٍ هنوف=فيها جمال الوصوف
معها السعادة تشوف=وتعيش معها قرير
عندي بنيّة حلال=عقلٍ ودين وجمال
ما همب راعين مال=وأبوها شيخٍ ضرير
جيت الأبو قلت يا عم=يومه سمعني نطق سمّ
وقلت يا عم تسلم=جيتك ابخطب غدير
قال أنتظر يوم سابع=وأرد لك رد قاطع
إن كان ما فيه مانع=بيجيك مني بشير
وراح يومٍ ويومين=ثم أتصل يوم الاثنين
قلت الخبر قال لي زين=تعال عقب الاخير
وجيت وأدخلني الدار=وقلت يا عم وش صار
قال أمدحوكم لي اخيار=يوم جيتهم مستشير
وقلت هذي الفلوس=وودي أشوف العروس
من أجل تهدا النفوس=رسولنا بذا يشير
قال وش قلت ودك=وقف هنا عند حدك
ما فيه عقلٍ يردك=هي شاة والا بعير
بنتي أبد ما تشاف=من قبل يوم الزفاف
وما دامنا في خلاف=تراي أنا مستخير
رجعت ماشوف دربي=مهموم يوجعني قلبي
وأقول وفق يا ربي=تراي بك مستجير
وأحمد الله لقيت=رجال من خوش بيت
دين وعقل وصيت=وبحال مثلي بصير
يشري قروم الرجال=ما وده بزود مال
وده بولد الحلال=متعلم ومستنير
خطبت منه وعطاني=وحققت كل الأماني
وأصبحت قانع وهاني=وعشت معها أمير
وبحمد ربي خلاص=عندي سكن ملك خاص
وعيال يملون باص=وعايش بصحه وخير
قالوا لي أهلي تزوج=بالفقر لا لا تحجج
ما ضاقت إلا وتفرج=شايب وما أنت بصغير
قلت أبحثوا عن بنيّه=حلوه لطيفه ذكيه
قالوا لقينا رقيه=زينه وأبوها فقير
جيت الأبو قلت خطيب=يومه درى زاد ترحيب
وقدم لي الشاي والطيب=من عقب كاس العصير
وقال أي البنات=ثيب تبي أو فتاة
يتيمه وإلاّ بحماة=كلٍ لها مهر غير
وقلت ودي رقيه=قال المهر ألف وميه
وهذي تراها شويه=مع الذهب والسرير
وقلت يا عم غالي=يا عم أنا شوي حالي
ودي ببنت الحلالي=وانته بحالي خبير
قال أنقلع لا أشوفك=لياك تشرح ظروفك
أذلف وجمع ألوفك=عساك سد المصير
رجعت لامّي حزيني=يوم سألت وش فيني
قلت الأبو ما يبيني=يبي قروشٍ كثير
قالت خبل لا يهمك=حرمتك عندي وأنا أمك
بنتٍ جميلة بتملك=وأبوها تاجر كبير
باكر نسير عليهم=من قبل ما احدٍ يجيهم
هذولا كلٍ يبيهم=حيث إن أبوها شهير
لبست لي أحسن ثياب=ورشيت نفسي بالاطياب
وجيت وقفت بالباب=وأقول يا لله خير
دخلت كلمت أبوها=ونادى أمها مع أخوها
وقالوا رحوا اسألوها=هي ودها بالعشير
يوم أرجعوا قالوا إيه=ترى البنيه تبيه
ولها شروطٍ عليه=وإن طاع كلش يصير
تبي في كل صيف=سفرة لديرة جنيف
وقصرٍ كبير ونظيف=مفروش زل وحرير
وأيضاً تبي خادمة=حيث إنها ناعمة
صرخت يا ظالمة=هي تحسب إني وزير
ورجعت غضبان لأمّي=خافت وصارت تسمّي
شكيت حزني وهمّي=وقلت أخطبي لي عبير
قالت مشينا لأهلها=عساك تصبح بعلها
مهيب خبله بجهلها=تقنع بشيٍ يسير
جيت الأبو قام يضرس=قال آسف البنت تدرس
ما ودها الحين تعرس=وسن البنيّه صغير
جاوبته بنتك كبيرة=العام صارت مديرة
حرام تقعد أسيرة=بأسباب شيٍ حقير
يومٍ فضحته تورط=قال أص ماريد خرط
يا لله موافق بشرط=ما أسحبه لو تطير
شرطي تراه المعاش=في آخر الشهر كاش
ما نيب أربي بلاش=لأمثالكم يالغرير
طلعت من بيتهم=زعلت وخليتهم
يا ليت ما جيتهم=ما عند أبوها ضمير
وقلت زدت دروبي=يايمّه أببقى عزوبي
أكوي شماغي وثوبي=معاد أبي لي عشير
قالت وش اللي تقول=أكيد أنت مهبول
أصبر لعلك تنول=الله وانا أمك قدير
يرزقك بنتٍ هنوف=فيها جمال الوصوف
معها السعادة تشوف=وتعيش معها قرير
عندي بنيّة حلال=عقلٍ ودين وجمال
ما همب راعين مال=وأبوها شيخٍ ضرير
جيت الأبو قلت يا عم=يومه سمعني نطق سمّ
وقلت يا عم تسلم=جيتك ابخطب غدير
قال أنتظر يوم سابع=وأرد لك رد قاطع
إن كان ما فيه مانع=بيجيك مني بشير
وراح يومٍ ويومين=ثم أتصل يوم الاثنين
قلت الخبر قال لي زين=تعال عقب الاخير
وجيت وأدخلني الدار=وقلت يا عم وش صار
قال أمدحوكم لي اخيار=يوم جيتهم مستشير
وقلت هذي الفلوس=وودي أشوف العروس
من أجل تهدا النفوس=رسولنا بذا يشير
قال وش قلت ودك=وقف هنا عند حدك
ما فيه عقلٍ يردك=هي شاة والا بعير
بنتي أبد ما تشاف=من قبل يوم الزفاف
وما دامنا في خلاف=تراي أنا مستخير
رجعت ماشوف دربي=مهموم يوجعني قلبي
وأقول وفق يا ربي=تراي بك مستجير
وأحمد الله لقيت=رجال من خوش بيت
دين وعقل وصيت=وبحال مثلي بصير
يشري قروم الرجال=ما وده بزود مال
وده بولد الحلال=متعلم ومستنير
خطبت منه وعطاني=وحققت كل الأماني
وأصبحت قانع وهاني=وعشت معها أمير
وبحمد ربي خلاص=عندي سكن ملك خاص
وعيال يملون باص=وعايش بصحه وخير