قصيدة السنافية للشاعر عزام بن عبدالله الخريف ( السنافي ) ( شيله )

[مخاوي تمير]

بسم الله الرحمن الرحيم

السلام عليكم ورحمة الله وبركاته

قصيدة السنافية

احد روائع الشاعر الكبير عزام بن عبدالله الخريف

( السنافي )

وهي قصيدة غزليه فاضت بها مشاعر شاعرنا... وقد قدمها بشيله

مميزه كعادته على رغم ما يعانيه من تعب وأنفلونزا ولإعطائه وعد

مسبق بالتسجيل مساء اليوم الاثنين 8/12/1428هـ

أصر على الحضور حتى يفي بوعده .. وهذا هو يحضر ويقدم لنا هذه

القصيدة بصوته الشدي وبصوته الأخاذ .. هذا اللحن الجميل الذي

سيطرب الأسماع .. ويسعد القلوب ...

وهي إهداء إلى جميع الأعضاء الكرام بمناسبة عيد الأضحى أعاده

الله علينا وعليكم بالصحة والعافية ... وكل عام وانتم بالف خير ,,,


.....................................

الـسـنـافـيـة


تقول وشلون حالك وانت مشقيها = لاتنشد ان كان مافي القلب ماويه

حالي مثل ما انت شايف وش تبي فيها = الله عليما ً عن أحوالي وما فيه

حالي عليله ويصعب من يداويها = عندك دواها ولكن تبطي الجيه

أرجاك روحي دخليك لا تخليها = لاتودع الروح يالغالي شقاويه

أسهرت عيني وأخاف السهر يعميها = النفس ما هي على الهجران مجزيه

الله من عبرتا ً في الصدر مخفيها = أخاف من واشيا ً هرجه يجي فيه

يازين ما داني الفرقا وطاريها = ماهوب طبعي هذا طبع الهواويه

واقلبي اللي غدى هالحين في يديها = يامن يرده علي من السنافيه

يازين والله ليالينا وما ضيها = يوم أننا يابعد حيي على النيه

........................................

http://m5awitumair.com/upload/uploaded/1_alsnafih.rm


لتحميل قصيدة السنافية تفضل اضغط من هنا (http://m5awitumair.com/upload/uploaded/1_alsnafih.rm)

....................................
...............................
..........................
...................

[شموخ أنثى .ღ.}]

الله من عبرتا ً في الصـدر مخفيهـا
أخاف من واشيا ً هرجه يجـي فيـه
يازين ما دانـي الفرقـا وطاريهـا
ماهوب طبعي هذا طبـع الهواويـه
\
/
\
/
يازيـن والله ليالينـا ومـا ضيهـا
يوم أننا يابعد حيـي علـى النيـه


وآآآآآآآآآآآآآآآآآآآآآآآآآآآآآآآآه
سمعت وسمعت لكن مثل هالقصيدة ولحنك فيها ماسمعت

ماشاء الله الله يحفظكـــــــــــ وعيني عليـــك بــآرده

ياشاعر تمير

صح لسانك واعتلا شانك

ولا هنت

ولاتحرمنا من قصائدكــــــــــــ الصوتية وبالذات مثل هذا اللحن

وتسلم اخوي مخاوي تمير وماقصرت

دمتم بخير

[ذيب النشاما]

بيض الله وجهك وصح الله لسانك ياالسنافي قصيده روعه
وشيله أروع الله يحفضك .

يعطيك العافيه يامخاوي تمير على الجهد الرائع منك
داااام عزك

[مخاوي تمير]

اختي الفاضلة شموخ

الف شكر لمرورك وتعطيرك هذا الموضوع

الذي يعد عيديه بسيطه قدمها لنا الشاعر الكبير

وشاكر لك الاطراء الجميل بحق شاعرنا

فهو يخبي الشي الكثير وان شاء الله سترونه

مع قادم الايام ... مع اجمل وارق الالحان ..

اتمنى الشفاء العاجل للشاعر الكبير فعند الانتهاء

من التسجيل ذهب فوراً للمستشفى ... ولله الحمد

الان بأتم صحة و عافية ... طهور ان شاء الله

[مخاوي تمير]

هلا بالغالي هلا ابو حمد 2000

الف الف شكر لمرورك الكريم

وصح بدنك على المرور الرائع

شاكر ومقدر تواصلك ومتابعتك

[شموخ أنثى .ღ.}]

اتمنى الشفاء العاجل للشاعر الكبير فعند الانتهاء

من التسجيل ذهب فوراً للمستشفى ... ولله الحمد

الان بأتم صحة و عافية ... طهور ان شاء الله


طهورا ان شاء الله
ومايشوف شر
وهذي احسن عيدية قدمها لنا وللمنتدي
وكل عام وشاعرنا بخير

[طيرة شلوى]

صح لسانك

قصيده رائعه وماشاء الله تبارك الله

والله يعطيكم العافيه

[نور عينك]

قصيدة رائعة 00والله يعطيك الف عافية ودمتى بوددد

[النادر]

صح لسان شاعرنا الكبير عزام وبيض الله وجهك اخوي مخاوي تمير على هذا العمل اتمنى المزيد من التعاون من اجل رفع مستوى الساحه . وماتشوف شر ابو عبدالله
النادر

[مخاوي تمير]

الاخت طيرة شلوى والاخت بنت سدير

الف شكر لمروركم وتعطيركم هذا الموضوع

وجزاكم الله الف خير

[مخاوي تمير]

اسعدني مرورك ابو عثمان

وصح بدنك على المرور وعلى الكلام الجميل

وان شاء الله الساحة ستكون في اجمل حللها بوجود

الشاعر الكبير السنافي ,,,,

[محمد بن حمد]

مشكور يامخاوي تمير وصح لسان السنافي

[مخاوي تمير]

الف شكر يا الرومنسي على المرور وعلى الاطراء

الجميل وبيض الله وجهك لتواصلك الرائع

[ناصر الحنو]

الله الله الله عليك يامخاوي تمير

اهداء جميل ومعائدة رائعة بحق

عزام الخريف جميل بكل شئ
وتبقى شهادتي به مجروحه وهو يعلم ذلك جيداَ

صح لسانك ياعزام ولاهنت يامخاوي على هذا الجمال المفرح

كل عام والجميع بخير

كل الحب والتقدير

اخوك ناصر
ظماالعشق

[مخاوي سدير]

صح لسانك يا السنافي وبيض الله وجهك ومافيك حيلة شكر خاص للمبدع الكبير عمدة المنتدى / مخاوي تمير على المجهود الكبير..

اخي السنافي من جمال القصيدة صرت اردها مرات عديدة

أسهرت عيني وأخاف السهر يعميها
النفس ما هي على الهجـران مجزيـه
الله من عبرتا ً فـي الصـدر مخفيهـا
أخاف من واشيا ً هرجه يجـي فيـه
يازين ما دانـي الفرقـا وطاريهـا
ماهوب طبعي هذا طبـع الهواويـه

شاكر لك مرة اخرى وما تشوف شر يالغالي ..

تقبلوا خالص تحياتي وتقديري واحترامي ..

مخـــــــــــــــــاوي ســــــــــدير..