المساعد الشخصي الرقمي

مشاهدة النسخة كاملة : يا نجد براق المخاييل يسقيك

شواق
11 / 12 / 2007, 26 : 01 PM
الشوق لنجد واهل نجد دايم مايهز من قلبه متعلق بنجد . . اتذكر يوم كنت بمبايض نتمازح من زملانا وربعنا اهل تمير كلن يمدح ديرته وشيل وحط بعضها مزوح وبعضها جديه .. ولما بعدنا عن ترابها صار طاريها كلها يهز القلب سواء كانت مبايض او تمير او سدير كله ونجد بكبرها .. وقرأت بالامس هذه الابيات باحد كتب الشعر اللي احتفظ فيها لدي واخذت حقها مني واحببت اشاركم فيها


يا نجد براق المخاييل يسقيك

من مدلهم مقدم الوسم نوه

جعله على شعبك وضلعك وواديك

وعلى السهل والنفد ما فيه فوه

بالعين اخيله مقبل من علاويك

يبرق ويرعد مستهل حموه

يملى القلات وما طمن من خباريك

ليله نهاره مستمر سروه

من البحر الى البحر من مشافيك

جاب العلوم اللي تبشر سلوه

ويا نجد حنا من كيانك ونغليك

الاصل واحد والتقارب صلوه

نطرب ليا منا رقينا مباديك

ونرسم طواريق القوافي بقوه

ويا ماحلى شوفك تدارك حباريك

في خايع عشبه جديد وتوه

قفر جنابك والسحايب تغذيك

ويسمع لراعي الذود قدمه يدوه

ويا نجد معروفك علينا وحسانيك

من بيننا رفقه قديمة وخوه

والله يعادي كل واحد يعاديك

ليا جحد فضلك قليل المروه

واللي نوى فرقاك ويقول ما ابغيك

لا فارقك يشبه غريب الجلوه

ودي اشارك هاجسي يوم اطريك

لاجل المحبة للوطن والربوه

من فوق جيب جرته مع مساريك

جرة هريف الذيب شرف علوه

وياللي تسوق الجيب والي يباريك

من الربعة الاقصين والا الدنوه

رجالهم عند الملازيم يشفيك

في هرجته وليا قحص شب ضوه
شموخ أنثى .ღ.}
11 / 12 / 2007, 51 : 01 PM
قصيدة جميلة اخوي
تسسسسسسسسسسسسسسسسسسسسسسسسسسلم يمينك
دمت بخير
شواق
11 / 12 / 2007, 59 : 01 PM
اشكر لك مرورك العطر شموخ
دمتي بود
المتحـ2007ـد
11 / 12 / 2007, 01 : 02 PM
ويا ماحلى شوفك تدارك حباريك

في خايع عشبه جديد وتوه

قفر جنابك والسحايب تغذيك

ويسمع لراعي الذود قدمه يدوه


تسلم يا شواق على القصيد الراااائعه واختيار موفق منك

والله يعطيك العافيه
شواق
11 / 12 / 2007, 06 : 02 PM
المتحد الله يحييك ويبقيك شرفني حضورك وليتك والله تعطينا علوم المكاشيت والفياض

>>>>> جاي بكره ان شاء الله ومتشوق للبر
زمن
14 / 12 / 2007, 13 : 12 AM
تسلم يا شواق على القصيد الراااائعه واختيار موفق منك

والله يعطيك العافيه