ناصر الحنو
08 / 12 / 2007, 17 : 10 PM
عذراً عن المقدمات
فالحدث اعمق حزناً من كل مقدمة // والألم اعظم وجعاً عن كل تقديم
هي عــنــي و لــــي
ولكم التعايش مع الحدث إن اردتم
وإلا فارتحلوا لمعالمكم ودعــــونــــي
فالمبيت يروقني برغم غصات الوجع المؤلم
..
..
..
(( توأم الحدث ))
خمسة وعشرون بيتاً من الألـــم
تحكي معاناة
خمسة وعشرون عام من الوجع
..
..
..
طفلٍ لمحته يبكي الحال مذعور=عمره ثلاث اسنين وازود شويّـه
لحظة لمحني طارلي مثل عصفور=وقع بحضني ودمعته في يديّـه
بعده لفى رجال ضايق ومقهور=يقول يبكي من فقد روح حيّـه
امه توفت وانهدم حصن مع سور=واصبح يتيم وحالته حيل سيّـه
هديت من روعه وانا بجد مجبور=وشلون اخلي طفل محروم فيّـه
وهو في حضني طاربي الفكر لعصور=واعوام راحت تطوي العمر طيّـه
ذكرت يوم اني بعمره ومجرور=حزن البشر واوجاع بالهم ليّـه
يوم انِ قالوا ماتت امك وطابور=من ناس واجد جات تعطف عليّـه
ماانساها والله لحظةٍ ذبلت زهور=فيها بعمري وريح وقتي عتيّـه
من وقتها والحزن بانٍ له اقصور=في كل كلي والسعاده عصيّـه
واكبر دليلٍ داخلي قلب مكسور=والكاس لامنه كسر ساح ميّـه
عشرين عام فوقها خمس وشهور=راحت وانا عجزت لاكتب رثيـّـه
وشلون ابرثي امي في جملة سطور=والا الحزن ياكيف اوصّـف دويّـه
مهما كتبت بدمعتي حزن مقبور=في داخلي يحرق خفوقي بكيّـه
لايمكن اوصف داخلي احساس وشعور=ولايمكن اوفي حزن مسكون فيّـه
يمه بعد هالعمر قلت الذي يدور=في كل فكري من سنينٍ خليّـه
ذكر وحنينٍ داخل العقل محفور=والا رثائي فيكِ يصعب مجيّـه
يمه رحلتي وارتحل كل مسرور=في دنيتي واضحت جروحي نديّـه
لني فقدتك طفل محتاج للنور=النور عطفك بالحنان وضويّـه
يالله يامنزل تبارك مع الطور=ياواحدٍ ندعيه صبح وعشيّـه
يامن جعلت اسلامنا دوم منصور=من رحمتك تعطي جزيل العطيّـه
يالله تجعل امي ابعالي الدور=في جنتك تنعم بروحٍ هنيّـه
وتجمعني وياها بعد غيبة ادهور=نسعد بلقيا في جنانٍ سخيّـه
وياسائلي عن سبة الحزن والجور=في نبض شعري والمعان الخفيّـه
هذا السبـب قلته في شعري ومذكور=بابياتي هذي اتضح حزن بيّـه
القصيدة بإلقائي
http://www.freewebtow3n.com/ghala_khozama/yma_nas.ra
وسلامتكم
ناصر الحنو
ظماالعشق
فالحدث اعمق حزناً من كل مقدمة // والألم اعظم وجعاً عن كل تقديم
هي عــنــي و لــــي
ولكم التعايش مع الحدث إن اردتم
وإلا فارتحلوا لمعالمكم ودعــــونــــي
فالمبيت يروقني برغم غصات الوجع المؤلم
..
..
..
(( توأم الحدث ))
خمسة وعشرون بيتاً من الألـــم
تحكي معاناة
خمسة وعشرون عام من الوجع
..
..
..
طفلٍ لمحته يبكي الحال مذعور=عمره ثلاث اسنين وازود شويّـه
لحظة لمحني طارلي مثل عصفور=وقع بحضني ودمعته في يديّـه
بعده لفى رجال ضايق ومقهور=يقول يبكي من فقد روح حيّـه
امه توفت وانهدم حصن مع سور=واصبح يتيم وحالته حيل سيّـه
هديت من روعه وانا بجد مجبور=وشلون اخلي طفل محروم فيّـه
وهو في حضني طاربي الفكر لعصور=واعوام راحت تطوي العمر طيّـه
ذكرت يوم اني بعمره ومجرور=حزن البشر واوجاع بالهم ليّـه
يوم انِ قالوا ماتت امك وطابور=من ناس واجد جات تعطف عليّـه
ماانساها والله لحظةٍ ذبلت زهور=فيها بعمري وريح وقتي عتيّـه
من وقتها والحزن بانٍ له اقصور=في كل كلي والسعاده عصيّـه
واكبر دليلٍ داخلي قلب مكسور=والكاس لامنه كسر ساح ميّـه
عشرين عام فوقها خمس وشهور=راحت وانا عجزت لاكتب رثيـّـه
وشلون ابرثي امي في جملة سطور=والا الحزن ياكيف اوصّـف دويّـه
مهما كتبت بدمعتي حزن مقبور=في داخلي يحرق خفوقي بكيّـه
لايمكن اوصف داخلي احساس وشعور=ولايمكن اوفي حزن مسكون فيّـه
يمه بعد هالعمر قلت الذي يدور=في كل فكري من سنينٍ خليّـه
ذكر وحنينٍ داخل العقل محفور=والا رثائي فيكِ يصعب مجيّـه
يمه رحلتي وارتحل كل مسرور=في دنيتي واضحت جروحي نديّـه
لني فقدتك طفل محتاج للنور=النور عطفك بالحنان وضويّـه
يالله يامنزل تبارك مع الطور=ياواحدٍ ندعيه صبح وعشيّـه
يامن جعلت اسلامنا دوم منصور=من رحمتك تعطي جزيل العطيّـه
يالله تجعل امي ابعالي الدور=في جنتك تنعم بروحٍ هنيّـه
وتجمعني وياها بعد غيبة ادهور=نسعد بلقيا في جنانٍ سخيّـه
وياسائلي عن سبة الحزن والجور=في نبض شعري والمعان الخفيّـه
هذا السبـب قلته في شعري ومذكور=بابياتي هذي اتضح حزن بيّـه
القصيدة بإلقائي
http://www.freewebtow3n.com/ghala_khozama/yma_nas.ra
وسلامتكم
ناصر الحنو
ظماالعشق