(((ضرووووووووووري وسريع بليييييييييييير)))

[oO عـظـيـم الـشـوق Oo]

يا جماعه طلبتكم قولو عطيتك ابي قصيدة ناصر الفراعنه في الجمس بس ابيها مسموعه مو كتابيه وتقبلو تحياتي يا حلوين

[صادق المشاعر]

اهل الخبرة عندهم كل شي اما حنى الله بالخير ما لنا ومال القصيد


وانشاء الله الاخوان مارح يقصرون معك


تحيتي للجميع

[سحايب صيف]

هلابك اخوي محمد

وهذي القصيده اللي طلبتها


قصيدة الجمس (http://www.alqsed.com/qsed/hala-fabruary/5-3-2007/algms.3gp)


تحياتي

اختك سحاااااااااايب

[oO عـظـيـم الـشـوق Oo]

تسسسسسسسسسلمين اختي سحايب وماقصرتي ربي يخليك لاكن مو هاذي الي ابيها الي ابيها يقول في بدايتها
حييت ياجمس جداد ماشاريه عبارتين بمية الف شريناه
اربع ميه وخمسين من عند اهاليه اخر موديل بعالم الشرق عزاه

[سحايب صيف]

هلاااااابك اخوي محمد


بحاول اني ادور عليها ان حصلتها ابشر بعزك


تحياتي

[شموخ أنثى .ღ.}]

هاذي القصيدة اخوي صوتيه
..
http://www.alsh3r.com/voice.2021.html
..
وكتابيه

حييت ياجمس جديد مشاريه &&& عبارتين(ن) بمية وألف(ن) شريناه
أربع مية وخمسين عند اهاليه &&& آخر مديل بعالم الشرق عزاه
حالف يمين إني لاسوقه واعديه &&& سوم إن ولد امه قصر ما تقهواه
جمس(ن) اليا شفته اعز لك تقهويه &&& ياطيب طيب القهوجي كان قهواه
سواه لطوال الشوارب مسويه &&& مايركبه ياكود حامي حماياه
حر(ن) كفخ من فوق عالي مباديه &&& قرم(ن) تلطم وأقشر الكنت طفاه
ياليت راعي الجمي يوم انه يسميه &&& على اسم عنتر ولا ابو زيد سماه
حيث اشنبه يستاهل المدح زاهييه &&& ملعون ابو من لاقمز له وحياه
الجمس احبه حب غال(ن) لغاليه &&& حب(ن) عطيم(ن) حب نمر (ن) لوضحاه
وهو ميت(ن) في وانا ميت(ن) فيه &&& ولو هو جديد أحب شوفه وطرياه
حالف يمين إني لا ابيعه ولا أهفيه &&& لو ربحوني بألف وألف(ن) مدلاه
يوم الردي يبيع صاحبه بجنيه &&& والله ما ابيعه دام ام الطلي شاه
حتى وأنا بالمسجد الفرض اصليه &&& ادعي لجمسي ياعسى الخلد مثواه
ياويلي وين ابلقى حريص أوصيه &&& لا غبت عن جمسي يزوره ويرعاه
في ذمتي بغالي الروح لا افديه &&& وما ملك عمر المعنا ومخباه
ومن جلدي البالي لا وقى سماريه &&& ومن هو سعى للجمس ماخاب مسعاه
يا لايمي في الجمس غادي وسفيه &&& بلاك ماشفته ولا شفت لحياه
لي جمس مابه جمس مثله يباهيه &&& ولا في جموس الشرق تلقى سجاياه
مخروط والمخروط صعب(ن) تحديه &&& ويصعب على متن البسيط مجاراه
ومكينته على أربعين وحاليه &&& وعموده على الالعشرين حنا خرطناه
وعلى المكينه والبساتم وتوذيه &&& وحمر التوانك جمرها ما ذخرناه
ولله فلا يلحق مديله سفافيه &&& البهبهاني من حفيزه خطفناه
مفضل عن نوع لكزز وكوبيه &&& ومحشمه عن مافي حفيزه وجدناه
جمس(ن) شهر بين الامه اسم راعيه &&& تباشرو في البيت الابيض خباراه
يوم اكتمل نموذجه عند واليه &&&وتكمل الهيكل بكامل مزاياه
وكل(ن) هتف لثاني OK Ok &&& ثم صمموا سبعين مليون شرواه
جمس(ن) يقرب مبعدات المناويه &&& دام الفتى ما حرفوا سر دنياه
جمس(ن)مشى من كان قافيه يعميه &&& غباره يضيع دليلك ويبلاه
ولولا البريك والفرمله ما يخليه &&& مع مسترقي السمع جاه ماجاه
لا علق البوري وصاحه يهديه &&& مافيه موتر ماسجد له ولباه
ومن سرعت الرادار ماعاد يمديه &&& يشوفه ولاجنى سليمان جاراه
هم ما دروا ان الجمس صعبه مراميه &&& ويصعب على الرادار كشفه وخفاياه
صحيح من لا يعرف الصقر يشويه &&& والجمس صقر(ن) وكرم الله محلاه
ارقام طبلونه خديعه وتمويه &&& من شان مايمنع ولا يخسر وكالاه
والا ترى عداده ياجاهل(ن) فيه &&& ألفين كيلو بالدقيقه حسبناه
يالعنبو جده وجد(ن) مثنيه &&& اليا ركبته والتوانك معباه
متوجه(ن) ماهوب يحتاج توجيه &&& بيني وبينه كلمة سر ويلاه
وكل المواتر له عبيد وهو بيه &&& هذا ولد عنز(ن) وهذا ولد شاه
مصنوع لولاد البشاوت ترفيه &&& وكم واحد(ن) شاف الملا تنصاه
هذي خلاصة علم من فكرو فيه &&&تسعين عام(ن) لين زجوا مطاياه
ومن ذي وصوفه لو اقوصد واغنيه &&& والله فلا الحق له نصيف مجازاه
واعداد ما يذعذع من الشرق ذاريه &&& صلو على من زعزع الشرك وانهاه

[شموخ أنثى .ღ.}]

معليش الكتابية هاذي
اللي فوق ناقصة وفيها اغلاط
اعذرني
حييّـت يـا جمـسٍ جـدادٍ مشاريـه **** عبّارتيـنٍ بميـة ألــفٍ شريـنـاه
أربع ميا وخمسين مـن عنـد أهاليـه **** آخر موديـل بعالـم الشـرق عـزّاه
حالف حـرام إنـي لاسوقـه واعدّيـه**** يوم إن ولْد أمّـه قصـر مـا تهقـواه
جمسٍ ليـا شفتـه عزالـك تقهويـه ***** يا ِطيْب طِيْب القهوجـي كـان قهـواه
تقـول معـزومٍ لحفلـة (سـواريـه) **** جاك امتشيّك وامتعطّـر ومـا احـلاه
سـوّاه لطـوال الشـوارب مسـوّيـه **** ما يركبـه يـا كـود حامـي حمايـاه
حرٍّ كفـخ مـن روس عالـي مباديـه **** قـرمٍ تلطّّـم وأشقـر الكنـت طفّـاه
يا ليت راعي الجمس يومـه يسمّيـه**** على اسم عنتر والا بـو زيـد سمّـاه
حيثه شنب يستاهـل المـدح زاهيـه **** ملعون أبو مـن لا قمـز لـه وحيّـاه
من عزته ما ركبو أهـل الدلـع فيـه**** ولا سـوّقـوه أولاد دادا ودادة
ولا ساقه الخكري ولا احمـر عتاريـه**** وبنـات العليا مـا تعلّـن زوايـاه
الجمـس أحبّـه حـبّ غـالٍ لغاليـه **** حـبٍّ عظيـمٍ حـبّ نمـرٍ لوضـحـاه
ومن حشمته لا جيـت اسافـر اماليـه**** ولا خلّص المشـوار جيـت آترضّـاه
يا شيب عيني يوم آجي لـه والاقيـه**** مثل الذي وسـط الخـلا شـاف لامـاه
خطـرٍ ليـا ناديتـه يقـول: لبّـيـه **** ومن دون سايق يشتغـل مـن ورا ذاه
هـو ميّـتٍ فيّـه وانـا ميّـتٍ فـيـه **** ولو هو حديد أحـب شوفـه وطريـاه
لا قمت المّـس فـوق بديـه واداريـه **** بـلا شعـورٍ قـمـت ادوّر شفـايـاه
ليته هنوف لأجـل اضمّـه واحتويـه**** اشرب وامزز من حلاو ثنايـاه
حالف يمين انـي لاابيعـه ولا أهْفيـه**** لوربّحونـي بألـف ألــفٍ مــدلاّه
يوم الجبـان يبيـع صاحبْـه بجْنيـه **** والله ما ابيعه دامهـا أمّ الطلـي شـاه
حتى وأنا في المسجد الفرض اصلّيْـه**** أدعي لجمسي يا عسى الخلـد مثـواه
وان كان عنّـي راح مانـي بناسيـه**** كـود البـدو حـب المقاطيـن تنسـاه
وتحـرم علـي نـوره حـرامٍ مقفّيـه **** وتحرم علي البيض مـن كـل منحـاه
يا وين أبلقى لـي حريـص ٍ أوصّيـه **** لا غبت عن جمسي يـزوره ويرعـاه
فـي ذمّتـي بغالـي الـروح لاافديـه **** ولأملّكـه عمـر المعـنّـى ومخـبـاه
ومن جلدي البالـي لاوقّـي سماريـه **** ومن هو سعى للجمس ما خاب مسعـاه
يا لايمي في الجمـس غـادي وسفّيـه **** بـلاك مـا شفتـه ولا شفـت حليـاه
لي جمس مابه جمـس مثلـه يباهيـه **** ولا في جموس الشرق تلقـى سجايـاه
من شـاف فوقيّـه وطالـع بحدريـه **** والله ان يمـوت بساعتـه داه بـرداه
رمـز الفخامـه والاناقـه مـع التيـه **** الحسـن والابـداع والعقـل والجـاه
ذي اس از انترناشيونال عنـد قانيـه **** مـا يكسـح اللـي للمهمـات يقـنـاه
مخـروط والمخـروط صعـبٍ تحدّيـه**** ويصعب على متن البسيطـه مجـاراه
ومكينتـه علـى أربعيـن وحوالـيـه **** وعموده على العشرين حنـا خرطنـاه
لاقـام بنزينـه تشخـتـر سِواقـيـه **** الكلبليـتـر أزمــع أمـــره وودّاه
وعلـى المكينـه والبساتـم يـودّيـه **** وحمر التوانـك جمّهـا مـا ذخرنـاه
يـا دوب تحتـرّ البساتـم وتـوذيـه**** طشّ الرديتـر غترتـه وألحقـه مـاه
كـن لـون بنزينـه بصفّايـةٍ فـيـه **** أحمر شفايف عضّـه الزيـن بشْفـاه
وكن لون زيته يوم تكشـف معاريـه **** ذهب جواهرجي علـى الكـف راعـاه
وقـزوز بالشكمـان رجليـه وايديـه **** بمكينـة(ٍ بالخـام الاسـود) مغـطّـاه
ونـوع الكرونـه رقـم 7 بطـاريْـه **** ورقــم 3 احتيـاطـي حفـظـنـاه
وتروسهـا حجـم 4 يــا مقـدّيْـه **** مثل القـلاده فـوق صـدر الخونـداه
مثـل المسـدّس يبرمـه مـن يعبّيـه **** أبو محالـه لا وطـا التـرس ماطـاه
يفتـرّ سيـر المروحـه مـن تواليـه **** وسيرٍ بـراس الدينمـو قـام يشعـاه
المروحـه هفّـت وضفّـت سوافـيـه **** ذعـذاع غربـيٍّ تقـافـت عشـأيـاه
وسرنـدلٍ حمـر البسـاتـم تلالـيـه **** وعمود تيمن غرهـدن فـي حجأيـاه
صـمّـام بوجـيّـه بـنـارٍ يغـذّيـه **** وتولّـدت شرارتـه وأكمـل اغــذاه
واليـا لـذع فيـه البليتيـن نـاريـه **** كنّـه شـرَر لحّـام فـي بـابٍ اوزاه
ومفتول دفرنسه عـن القـاع حاميـه**** عـن صكّـة القيعـان يدفـع منايـاه
الجمـس كنّـه متّهـم جـاء محاميـه **** دفرنس والقاضـي غـرازٍ بصحـراه
وكبـر المطبّـه مـا يغيّـر هقاويـه **** ومساعداتـه عـن يمينـه ويـسـراه
والاذرعـه عـن ميلـةٍ بـه تواسيـه**** كنْها عضـود مْلاكـمٍ شـرب غرشـاه
وان شال حمـلٍ مـا يكثّـر شكاويـه**** يا وش يهمّه والسسـت كلهـا افـداه
كن رفرفيـن حـول حوضـه مداويـه**** شيهانتـيـنٍ دوّمــنْ بالخضـيـراه
وكن لـون كبّوتـه ولمعـة عراويـه **** خدود (أصاله) بأحمـر اللـون تطـلاه
وكنّه (كلوديـا شيفـرٍ) فـي تمْدريـه **** تعرض لنـا آخـر موديـلات الازيـاه
وكن زول بدْيه يـوم يغريـك صافيـه**** (مارلين منـرو) وسـط فلـمٍ لفتنـاه
وكن الكفر لا جيـت بالوصـف ابدّيـه **** حبْ خالٍ ب (سندي كروفـرد) شفنـاه
ولا لـه شبيـهٍ فـي نعومـة تمثنيـةالا **** (نعومـي كامبـل) لْمـن تمثـنـاه
وكن نقشة جنوط الكفر فـي محانيـه **** سجّـاد شيـرازيّـةٍ فــي مـصـلاّه
وصقلة قزازه يـوم أردّ النظـر فيـه**** من وجنة (كلـودا الشمالـي) حلايـاه
ولون المرايـه مـن يراعيـه يلهيـه **** من خلقته كن أطـرق العـود يجـلاه
ولو هي بهـا للعيـن فتنـه وتمويـه **** بها تشوف اخريـم الابـره ومنشـاه
أصفى مـن اللولـو بمحّـار شاطيـه **** مـعْ واحـدٍ فـي مبـرم السلـك دلاّه
وبغمزة (سميره بنت توفيـق) أحلّيـه **** لا أعطـى الاشـاره والمواتـر تقفّـاه

[oO عـظـيـم الـشـوق Oo]

اشكررررررررررررررررررررررررررررررررررررررك والله من جد ماقصرتي شموخ وربي تعبت ادورها ما لقيتها الله يعطيك العافيه واشكرك على مرورك العطري واشكرك على يا سحايب ماقصرتو يخليكم ربي لي <<<< ناوي يشغلهم تراه ماينعطا وجه هههههههههههههههههههههههههههههههههههههههههههههههههه ههههههه

[شموخ أنثى .ღ.}]

الله يعافيكـــــــــــــــــــ اخوي

ولايهمكـــــــــــــــــــ اي شئ بالشعر ابشر فية

[أبونمر]

والله الأخوات ماقصروا كفوا ووفوا

الله يعطيهن العافية