المساعد الشخصي الرقمي

مشاهدة النسخة كاملة : (( بطلنا نصررر وبطلنا كوره من بعد ماجدونا9 ))


oO عـظـيـم الـشـوق Oo
25 / 11 / 2007, 54 : 12 PM
السلام عليكم ورحمة الله وبركاته ياجماعه انا قبل ما اتكلم في الموضوع بقولكم تراني ((نصراوي)) لاكن بسراحه خلونا واقعيين يا جماهير النصر ياخي كم لنا مافرحنا كم لنا واحنا في كل بطوله نجر اذيال الهزيمه ياجماعه كم لنا نرتجي لو مو كاس لو بياله قسم بلاه ملينا ياخوكم اخر مبارات يوم الهلال و النصر كنت متفائل ومتئاكد من فوز النصر زي كل لقاء اضمن الفوز لاني على قولتهم متكي على جبل الي هو النصر العالمي لاكن للاسف طلع الجبل من فشفاش تتكي عليه يتهشم ويطيح والله يئسنا وملينا من الهزايم و كلام الناس علينا انا من جد بعد ابو عبدالله خلااااااااااااااااااااااص تركت التشجيع لاهله لاكن الشكوا لله الدم اصفر غصب عني احب النصر لاكن على قولتهم هاذا خشمك لو انه اعوج ولا احد يزعل علينا من اخواني جماهير النصر لاني معكم شايل العلم الاصفر لاكن متاكد النصر انتها بعد ماجد وماراح يرجع النصر الا اذا رجع شباب ماجد يعني مستحيل لاكن انصح النصراويه عشان مايجيهم الضغط و السكر لاني بسراحه خايف عليهم اتركو التشجيع وطيحو في الكيرم اصرف وانا بقترح على ادارت النادي يغيرون اتجاه النادي من كوره لمصاقيل اصرفلنا <<<<<<<<<<<<<<لاتلمونه منقهر من الهزايم وخصوصن الهزيمه الاخيره من الهلال

L O R D
25 / 11 / 2007, 27 : 01 PM
هلا اخوي

محـــمد المبارك

وش نســوي هذا فريقنا وراح نصبر عليـــة

وان شاء الله يرجع زي اول وأحسن

ولد العز
25 / 11 / 2007, 51 : 01 PM
يا نجم تمير الى متاء00000


مشكور على المصارحه لي جمهير النصر و الحال التي بها هم

L O R D
25 / 11 / 2007, 53 : 02 PM
طيب ماودك تصبر شجع غير النصر
مأظن انك بتغير
.........................

أبوســعدون
25 / 11 / 2007, 52 : 04 PM
شف ياخوي مادام قلوبنا متعلقه بحب النصر لن نتركه تراه يجري في عروقي زي الدم

ومادام ريحت ابا خالد فيه تكفي لكل نصراوي ان يرفع راسه هذا فخر لكل نصراوي

واخيراً نادي النصر هو حبي الأول والأخير

هتلر تميم
25 / 11 / 2007, 26 : 06 PM
ياولد الخال
النصر مهما كان باقي في عروقنا كجماهير نصراويه

لكن الصبر النصر مهما واجهه من الصعوبات والمشاكل



تحياااااااااااااااااااااااااااااااااااااااااتي

L O R D
25 / 11 / 2007, 47 : 08 PM
كلام سليم

انت محبوبي

وهتلر تميم

يعطيكم العافية

نقا الكرم
25 / 11 / 2007, 57 : 08 PM
النصر علته الوحيده هي الإدارة الحالية برئاسة فيصل بن عبدالرحمن ، لو تستقيل ويجي بدالها ممدوح بن عبدالرحمن كان ماهوب هاذا حال النصر ، لان أعضاء الشرف مايبون فيصل ، وطبعا فيصل مطفر ماعنده شيء لذلك هو رزقه على النصر ،،،، رعاية الهلال طبعا الوضع جايز لها ، وإلا المفروض تقوم بإقالة فيصل بن عبدالرحمن لعدم مقدرته على تحمل مصاريف النادي ،،،


النصر عشقي الأول والأخير واللي عنده اعتراض يثبت

المبارك
25 / 11 / 2007, 39 : 09 PM
السلام عليكم
أخوي محمد
مع إن هذه هي أول مشاركة لي
وأنا ما ودي أبداها بتشليخ
ولاكن شائة الأقدار أن ابدأ بنادي عزيز على قلبي
قرئت في جريدة الحياة - 24/11/2007 مقال
تشبيه مشكلة نادي النصر بحال العالم العربي !
و أيضاً ليست مشكلة نادي النصر في الحل بل في تنفيذ الحلول !
يعني مشكلة فلسطين إذا أنحلة النصر بياخذ بطولة ؟!
والسلام

المبارك
25 / 11 / 2007, 11 : 10 PM
السلام عليكم
أخوي محمد
مع إن هذه هي أول مشاركة لي
وأنا ما ودي أبداها بتشليخ
ولاكن شائة الأقدار أن ابدأ بنادي عزيز على قلبي
قرئت في جريدة الحياة - 24/11/2007 مقال
تشبيه مشكلة نادي النصر بحال العالم العربي !
و أيضاً ليست مشكلة نادي النصر في الحل بل في تنفيذ الحلول !
يعني مشكلة فلسطين إذا أنحلة النصر بياخذ بطولة ؟!
والسلام

oO عـظـيـم الـشـوق Oo
25 / 11 / 2007, 15 : 10 PM
اول شي اشكركم يا نجم تمير + ولد العز + انت محبوبي + هتلر تميم + نقا الكرم + واخوي المبارك اشكركم على مروركم لانكم نورتو الصفحه بطلتكم المشرقه لاكن من جد يا جماعه وربي ملينا ياخوكم كل جماهير النصر وربي جاهم برود وتبلد احساس هاذا الشي الوحيد ايل استفادوه من النادي انهم اصابهم تبلد في الاحساس لاكن اتمنا ان النادي يشوفله حل يجيب رونالدو ولا يجيب تايسون ولا يجيب محمد علي كلاي اهم شي نبي نفوز نبي بطوله نبي لو فنجال منكسر مانبي كاس الكئوس خلاص نسيناها مع ابو عبد الله وتقبلو نقدي والله من القهر يا جماعه

نقا الكرم
25 / 11 / 2007, 39 : 10 PM
نبي لو فنجال منكسر

هاذي كايدة على النصر وصعبة جداً جداً في ظل وجود هالإدارة الفاشلة ( إدارة البلوتوث والسنترة والبيانات)

آآآآآآه ياممدوح لو ترجع للإدارة وتاخذ حق النصر من اللي أضاعوا حقوقه

ناس ماعندها إلا الجوع وجالسة في الإدارة ، يبون ياكلون كل الدراهم اللي تجي للنصر ولا عليهم من أحد ، ،،

أخوي محمد المبارك ، مثل ماقلت النصر راح مع ماجد وأبو خالد -الله يرحمه - لكن الأمل موجود بعد الله سبحانه في ممدوح

ومالنا إلا نصرنا ، ومثل مايقولون : مالك إلا خشمك ولوهو أعوج

السهم الملتهب
01 / 12 / 2007, 11 : 01 AM
النصر عشقي الأول والأخير واللي عنده اعتراض يثبت
اموت فيك يا نصر واموت فيك ياماضي ماجد ومحيسن وخميس
اموت في كل شي لونه اصفر وازرق.