أشعار حميدان الشويعر .......

[المدرس]

النـعـمـه خــمــره جـيـاشــه
مــا يملـكـهـا كـــود الـوثـقـه
والـجــوع خـديـديـم اجــــواد
ودك يـــا طـــا كــــل زنــقــه
لـيـت ان الفـقـر يشـاورنـي
كـان ادهـك بـه كـل فسقـه
نصـحـت شـويـخ بالمـاضـي
يـومـه يـبـرق مـثـل الـدرقـه
ولا مـقـصــودي يــــا مــانــع
الا نــصــحـــان وشــفــقـــه
ونصحي فـي هـذا وامثالـه
ضـيــعــة غـــديـــر بـبـلــقــه
يحسب الحـرب الـى شبـت
اكـل لحـيـم وشــرب مـرقـه
ونـومــه وايـــا خـــود نـاعــم
زمــة نـهـده مـثـل الحـقـقـه
ردف وافـي ووسـط هافـي
ولـهـا شــي مـثـل الـدرقــه
الــحـــرب يــوقـــد بــرجـــال
وسـوق اعمـار وحـط نفقـه
يــشــب الـفـتـنـة مــقـــرود
نـزغــة شـيـطــان وحـلـقــه
والـــى اشـتــدت معالـمـهـا
قـفـا نـايــر مـثــل السـلـقـه
كسروا عظامه واخذوا ماله
خـلـوا عـيـالـه لـهــم لـعـقـه
خـلـي مقـضـاة ابــن درمــه
دمـــــه مـخـتـلــط بــعــرقــه
هـــذا جـــزا مــــن لا يـتـبــع
شـرع الله فـي كـل طـرقـه
والـخـايــن لا بــــده خــايـــن
تـذهــب عـيـدانــه وورقــــه
غـــروه بـنـقـش الـســروال
وطق الدمام وسط السوقه
لا تطلـب صلـح مـن جـاهـل
لـيـن الـحــرب تـثــور تـفـقـه
ثـــــم تـــــرش مـقـابــرهــم
وينعـى الناعـي ممـا طرقـه
ثـم اعـذل فيـهـم يــا عــاذل
تخلـي لـك الارقـاب صـدقـه
مـا عـاد تـحـاذر مــن ضــدك
كـنـك عـــود ســـاق ورق

[UMTUTU]

حميدااان الشويعر

شاااعر معروووف

وشعره منتشر

ربي يسلمك على اختيارك لهذه القصيده

ام توتو

[المدرس]

اشكرك ام توتو على مرورك


ونأمل من الجميع المشاركة


في توثيق أشعار


حميدان الشويعر

[أمير الحروف]

أخوي المدرس شكراً لموضوعك الجميل عن هذا الشاعر الكبير...
أخوي أسمح لي أن أشارك معك في الموضوع بنبذه عن هذا الشاعر لمن لا يعرفه...
ومن منا لايعرف حميدان الشويعر ولا يتمثل بشعره وحكمة وأمثاله ونصائحه ونكته وطرائفه وأنتقاداته لأفراد مجتمعه على أختلاف طبقاتهم .
فهو شاعر من شعراء نجد المشهورين الذين كتب لهم الخلود في الشعر وهو من السيايره من قبيلة بني خالد ومن اهل قرية القصب إحدى قرى الوشم في نجد.
توفي في منتصف القرن الثاني عشر الهجري ولا تزال أشعاره سائرة على الألسن لأنها من النوع الخفيف المحتوي على السهل الممتنع وأشعاره كلها جد في هزل في السياسة والاجتماع والأخلاق وفي أشعاره فوق ذلك مجون قد يصل إلى درجة الإسفاف لولا الأسلوب الذي يصوغه فيه وهذا الأسلوب هو سر عظمة حميدان.
وشعره غطى على شخصيته فلا نعرف عن مولده ولا عن وفاته شيئاً سوى أنه عاصر أمير العيينه ومدحه والمذكور توفي عام 1139 هـ وممن ذكرهم في أشعاره محمد بن ماضي وأبن نحيط وكلهم متقاربون في ذلك القرن.
وهو على مايظهر من أشعاره قميء نحيف القوى ولكنه ذو لسان حاد مهيج حماسي وقد عاش حتى هرم.
وسفره إلى العراق ليكون حارس في البساتين وخروجه من الزبير ومروره ببلدان سدير في طريقة للقصب أوحى إليه بتلك الملحمة الخالدة التي وصف بها بلدان سدير فمدح من مدح وهجا من هجا فصارت سجلاً للمجد يفتخر بها الممدوح ويتوارى عنه المهجو.
ومن أشهر القصص التي تتداول عن حميدان قصة المغرفة...
وملخصها أن شخصاً ( قيل أن أسمه هلال وقيل أنه أمير القصب) أعتدى على ولد حميدان – مانع – بالضرب حتى عابت يده وأصبحت كالمغرفة ( إناء صغير من خشب له يد يغرف به الطعام بأنواعه ) وقد طلب حميدان من أبنه بأخذ الثار إلا أنه تباطأ ولأن حميدان لا يصبر على الظلم والظيم والإهانة فقد عمد إلى أخراج أبنه وإرغامه على الأخذ بثأره وذلك أن أمرأة كانت تبحث عن مغرفة فدلّها حميدان على أبنه الذي فهم قصد والده وأنه يعيّره بيده فعزم على الأخذ بثأره ممن ضربه مهما كانت النتائج وحيث أن ذلك الشخص قد أخذ حذره فقد أضطر أبن حميدان للبس جلد شاة والدخول مع الغنم لبيت خصمه بعد أن ذبح أو أخفى إحدى الغنم ، وقد أحست زوجته بوحشة وذكرت أنها لا تستطيع حلب الغنم لأنها خائفة وكان زوجها في سطح المنزل فأمرها بأن تعد الغنم فعدتها ولم تجد زيادة ومع ذلك ضلت على خوفها وأقسمت على زوجها أن ينزل ليؤنسها فلما نزل عاجله مانع بضربه أردته قتيلاً وقبل أن يلفظ أنفاسه قال هذين البيتين:
قد أمّتني عقب مانيب خـايــف ** حوّلت من روس العلا في سهلها
ويا زوجتي لا تكثرين الحسايف ** ذي منوةٍ والنفس داني أجلها

[أمير الحروف]

قال عود رمنّه سنين مضن=زل عصر الصبا والمشيب حضره
إن حضر بالمجالس يتالي العصا=زهد فيه الولد والوغد والمره
من بقى معه مال فهو غالي=يكنسون الحصا بالعصا عن ثره
وإن ما بقى معه مال فهو خايب=قيل عود كبير وفيه الشره
يا مجلي تسمّع نبا والد=قاصرٍ بالعضا طايلٍ باصغره
كل من لا بعد ساد جده وابوه=لا ترد الثنا فيه يالمسخره
وكل من يبذل الجود في جلعد=مثل من برقع الباشق وصقّره
برقعه يحسبنه فرخ شيهانه=والخنا باطل عاطل ماكره
مثل باني بيت فوق تل الرمل=ماله أصل سلوب الهوا تقعره
(والذي يرتجي الفضل عند اللئام=مثل مستفزعٍ صاح في مقبره)*
بارةٍ في ضحى اليوم عن باكر=عند راعي العقل خيرٍ من جوهره
وكل من زار ضده ولا زاره=ما تململ حريبه ولا ذيّره
لو يجي عابد لاجي له بغار=مايحب القِشَر جاه من نخشره
وإن بغى ينتشر وأنت ما تنتشر=فاصحبه لا يبرقعك يالدوكره
لا تولي البطيني على غرتك=والصديق أعرفه للمضيق أذخره
وآخر قال أحبك وهو كاذب=طهر الهرج والقلب ما طهره
وآخر من صباخ الثرى منبته=لو بذرت الثرى في يدينه انكره
وآخر عند قوم وأنا خابره=لو يراهن على قصرهم سوجره
ياحكايا جرت يا عيال الحلال=امرها مشتبه والأديب نشره
من حصان بلود جذت به يديه=ادبرٍ غاربه خارب السكره
ياشيخ نشا مع طيور العشا=ضاري بالحساسات والقرقره
فارس بالقهاوي وأنا خابره=بالخلا تاخذه طيرة الحمّره
تاجر فاجر ما يزكي الحلال=لو يجي صايم العشر مافطّره
عاطل باطل فيه من كل عيب=لو تبي منه بول الخلا ما اظهره
لو تجي خالته تطلبه ك ملح=مخطر ضلعها بالعصا يكسره
ماتت أمه وهي ضلعها عايب=كل ماجت تزيد العشا كسره
ما عطا جارته لو مدّ ملح=كل ذا خايف من جور المره
خايف تصطره صطرتين حساب=أو تجوّر عليه مايجي المجحره
فيه رُبع ذليل ورُبع بخيل=وفيه رّبع ......وفيه رُبع مره
يا ضبيب الصفا ما تجي إلا قفا=ما تجي إلا مع النخش والنخجره
مثل راعي جلاجل مع أبن نحيط=ادركه من زمانٍ وهو يسحره
يسحره مثل ضبّ هوى صلّته=والملا لو تجي الجحر ما تقدره
قال ياضبيب هذا جراد ضفا=والسبايا ثقالٍ تبي جرجره
فاظهره للفضا من كنين الذرا=ثم جوّدوا عنه ساكف المجحره
ثم قال أحملوا ياعياله عليه=واحد بلّمه وآخر عقّره
ما يفك الحذر من سهوم القدر=والشويعر حميدان ياما أنذره
يتحفظ عن الباب والطالعي=واثر القوم مكتنّة بالذّره
ياعيال الندم يا ربايا الخدم=ياغذايا الغلاوين والبربره
قلت هذا وأنا في زماني بصير=كل مازان صرف الدهر كدّره

ماكره = منشؤه ++++++ سلوب الهوى تقعره = تزيل ماتحته من الرمال فيسقط
* وضع عبدالله الحاتم مؤلف كتاب - خيار مايلتقط من شعر النبط- هذا البيت بين قوسين وعلق عليه ( لو لم يكن لحميدان غير هذا البيت لكفاه)
القشر = الشر +++++نخشره = حركه ++++++ البطيني = القريب الذي يفشي السر
صلته = ماخوذه من الصلّه وهي جحر الضب بين الصخور
بلّمه = يسد فمه +++++ الطالعي = ما هو خارج الباب
الغلاوين = جمع غليون فهل كان مجود ذلك الوقت ؟؟
البربره = يقصد بها الشيشه

[أمير الحروف]

نشا من غرام القيل بالقلب هاجس=وبدولاب فكري للقوافي معايس
غرايب بيوت مضمنات نفيسه=من أنواع در غاليات نفايس
فيا يكاتبي قم هات مصقولة بها=ترقص لفكري زاهيات العرايس
قرايض أنغام جياد لكنّها=فوازير موجات البحور الخرامس
فانا الماهر البيطار والشاعر الذي=تطيع القوافي له بليا تلامس
أصفّي حليات القوافي من النبا=بشبر طويل للتفانين لامس
(صفا لي بها عرف كما إني بنطقها=مهذب المقول فاصح غير خارس)*
وفكر بمعناها بعيد مرامها=وعصر بها لي من جديد ودارس
ولا نيب أرد الراس إلا لمن عدا=يجيبه على ماهوب للفهم طامس
فما كل من ينفخ على الكير صانع=ولا كل من يركب على الخيل فارس
وحلو النبا يسقي ظما القلب مثلما=بالامواه يسقي نابت الزرع رايس
إلى عاد ما للقلب يوم منادم=فله في غريب القيل خلّ موانس
إن كان قبل اليوم لي راحة بها=احاد بسفر ناهيات الأنافس
حريص على مرقى صعيبات العلا=بهمة شجاع للملاقا معايس
ترى ما بعيني عن مرام العلا عما=إلى قلّ عنها شوف من لا يمارس
لها منزل فوق السماكين نايف=وثانٍ لها في ثاير الفكر حابس
وأنا لما توكدت الجفا من رفاقتي=ودبت علينا من الدنيا النوامس
تخيرت لي عنهم بالاوطان منزل=وارخصت غاليهم ببيع الدنافس
وسليت نفسي عن هواهم وقربهم=بقربي كرام ماتعرف الدسايس
جفوني وعافوني ونسيوا جمايلي=من القل واوروني وجيه عوابس
وياما وثقت النفس بحبال ودهم=واقنعتها من زادها بالبسابس
امضي بهم سهل ولا بي جفاسه=باللين مالي من أخواني مجانس
إلى الله ما جور الليالي ومكرها=ومن لا يجنّه مدهشات الغوامس
أحسب إني درع حصين لحبهم=وزين لهم من سود من ضيم سود النوامس
فلا اظن من يصبر على الهون والردى=ذهين ولو زوله للاباس تارس
ومن للغبن يرضى فهو صار كالذي=لسم الأفاعي بالتجارب لاحس
ومن لايصون النفس عما يدنس=ويازي لثوب مشرف العز لابس
تهاون بقدر كل هيس من الملا=جهار وكلٍ له بالأقدام دايس
إلى عاد طير الحر في منزل الحدا=وفيه العقاب أمسى له الرخم فارس
وصار الردي يازي على كل طيب=وجارت على صفر السموم الخنافس
أجل عنك ذي دنيا غرور بحلبها=على حالها ذي كل نبه ورايس
فلا يرتجي فيها المشقى مرونه=إلى عاد كفه من ثرى المال يابس
وعز الفتى فيما حوى من حطامها=يمينه ولو هو من قطام حساحس
دنياك هذي لو لحيّ تزخرفت=ولو فرشت ديباجها والسنادس
صيّور ما تزي ويازي نعيمها=إلى حفها حكم الولي طيف ناعس
لي همة من فضل ربي تصدني=عن الزيغ فيها وارتكاب المدانس
وقلبي على الهجران أقسى من الصفا=إلى أوحيت قول الضيق مع كل حافس
هذا نبى منهو من الله يرتجي=جميله وهو من رحمته غير آيس
وصلوا على خير البرايا محمد=عدد مالعى القمري بحدب الغرايس

* البيت غير مستقيم الوزن ولكني هكذا وجدته !!
الرايس = هو اللذي يوزع الماء بين أحواض الزرع وأشرابه
زوله للالباس تارس = مالئ ثيابه لضخامته
الهيس = السفيه ، الفاسق ، العيار . ويقولون ( هيس أربد )
يازي = يدخل بلهجة البدو.

[أمير الحروف]

ياصبي أستمع من عويد فهيم=وفي كل غبّمن الفكر عايم
اعسف القوافي بسبك المعاني=وأصخ صعبها بليا شكايم
واعرف الدروس وكل الرموس=وادل الموارد بليّا علايم
واعرف الهوى والغوى من زمان=قطفنا زهرها ليالي قدايم
سبحنا ببحر به الغي مترع=سهرنا بليل به الواش نايم
ضربنا تلاع وفيهن ضباع=وضربنا حزوم وفيهن وهايم
جمعنا دنانير ناسٍ بناس=ولقينا خير الدروس الدراهم
لا تحسب الغنى ردن طويل=ونكس المعاصب وكسع العمايم
ترى الغنى في راسيات الجذوع=إلى ما ادبحن السنين الحطايم
ترى بالعذارى سواة المهارى=جنان تجارى على الشوق دايم
وفيهن ملامح وفيهن كنايح=نسمهن بوجهك يشادي السمايم
وأنا حرت يا ابوك بين العذارى=وغديت بينهن مثل بايع وسايم
هذي ما تبيني وذي ما أبيها=وذي ما توافق وذي ما تلايم
إلى صار ذي حالتي يامجلّي=فخذ علم عود لما قال عالم
أيا عاشق كل عذرا مليحه=هنوف غنوج بخده رقايم
نظرها كحيل وقرن طويل=وخصر نحيل له الردف قايم
ومزيت ريقه عسى ما تفيد=واغضبت ربك بهتك المحارم
( تفوت اللذاذة وتبقى الندامة=سريعٍ تكشّف أمور عظايم)*
لا تحسب إن الخير درب الفساد=وولف البواغي وركب الجرايم
ترى الخير في راسيات الجذوع=إلى دلبحن السنين الحطايم
عين ظليلة ويطرب مقيله=وسمعك يمتّع بصزت الحمايم
توفر حلالك وتفرح عيالك=ويكثر نوالك بيوم الصرايم
وجنّاي الارطى يقلب يدينه=إلى شاف ورد على الجو حايم
بهذا الزمان يبين الصديق=إلى جار فيها ردي العزايم
وانا أذخر رفيقي لهذا ومثله=إلى جا نهار يشيب اللمايم
صديقي عرفته إلى ما لحظته=وأميز عدوي وفيهم وسايم
حجاجه وعينه لمثلي دليل=وغبي المعرفة فلا هوب فاهم
ومن لا يميز صديقه وضده=فهو ثورٍ هورٍ يبي له ردايم
ولا فاتني كل أمر بغيته=ما احلى تعلّي متون النعايم
لقيت الأصول وجبر الكسور=وجود المراهم تراها الدراهم
وأصلي وأسلم على اشرف رسول=عدد ما تهلهل حقوق الغمايم

يامجلي = يخاطب أبنه مجلي
* نصيحة دينية غالية

[أمير الحروف]

وله في أبنه مانع قصيده هجاء خفيفة الظل

مانع خيال في الدكه=وظفر في راس المقصوره
وإن صاح صيّاح من برّا=وايق هو والغندوره
اليمنى فيها الفنجال=واليسرى فيها البربوره
وإلى ظهر يم السكه=تاخذ جوخته السنّوره
تلقاه من الخوف يرهبن=كنه حداة ممطوره
لو تفتّش ثوبه تلقاه=نجّس ثوبه من هرهوره
وينخى بلسانه ويثافي=والذلّه سدت حنجوره
وعنده عذرا مثل الحورا=نوره يقادي البنوره
كتف وردف ونهد زامي=وشاخت في ثبر مشبوره
تلقاها من طيب المعلف=مثل الحمنانه مزكوره
في البيت تعيزل وتبيزل=لا قال الجصه ممخوره
تعبا المثلوث من الجهمه=من ليل يرعد تنوره
وتبجّ الكحله من بكره=تبي به حك الحتوره
والزبده تجرعها عدله=تبي به ضوق وحروره
وعندها رجل ثور جيد=أجمٍ يرعى في هوره
أقصى ما يبعد للطايه=والمطبخ ورده وصدوره
لا قالت عجّل جاها يركض=دايم ما يظهر من شوره
تزيده.......... مافيها=لا حل القارص............
حناها وأدعى رجليها=ما بين الكتف وصرصوره
قامت تنخر وهو يشخر=إذا أدخل فيها.........
فإلى شبك هذا مع هذا=حالتهم ماهي مستوره
تسمع بالسوق مكالخهم=إلى دلى يكرب ......
ما هيب حريمة قراّش=يجيها يقطر نخروره
بالليل يلقيها صرمه=ويدلّي يذرا صنبوره


يثاثي = يهذي
الحمنانه = دويبة تعلق بجلود الأبل ( كالقراد) وتكون ممتلئة الجسم منفوخه
تعيزل وتبيزل = تدبر وتخرب
الجصه = غرفه صغيره مخصصه للتمر تبنى بالحجاره الخالصة والجس لمنع السوس وغيره
ممخوره = مأخوذ منها++++ حروره = حرارة ++++القراش = الفلاح
صرمه = ظهره

[أمير الحروف]

إلى جا ثورٍ يخطب بنتك=فاضرب رجله وقل له قف
والله مايسوى ملكتها=ولا يسوى قرع الدف
وما يسوى والله ضيفتها=ولا يسوى ضلف وخف
يظهّر بنتك من بيتك=ويذوّقها جوع وحف
إن سلمت من ضربه بيده=ماسلمت من بف وتف
يروحن حيل وملاط=ويجن لقح ومردف

أستاذي المدرس هذه مشاركتي بموضوعك وأتمنى أن تكون كما أملت مني وآسف لتأخري لأنني بحثت عن أشعاره حتى وجدت ما تراه في الأعلى شكراً لك وأعذرنا على القصور

[المدرس]

أمير الحروف


نشكر لك تفاعلك

ولك

بعترف لك بس اخر اعتراف
انت وحدك بس منهو همني
دامني مغليك ماعندي خلاف
وان تشتت من غلاك فلمني

[عصي الدمع]

مشكورين

المدرس


امير الحروف



على هالقصائد والمعلومات عن حميدان الشويعر


وتحية

[المدرس]

هيمان


وجودك له قيمة كبيرة للساحة

أشكر لك مرورك